وهسه رح انزلكم اللي صار عن قصة المراهقة والأربعيني

هالحوار اللي صار👇🏻 بين الكاتبة وبين صراع اللي هو زوج ام القصة..والكاتبة دتسولف لمتابعين

طبعا من قريته ساعه اصفن😕😂 وساعه اضحك..لان عبالك فيلم هندي

اقرو وانصدمو بيها..
بعد خليت 😂💔تعليق عليكم

#ملوكه

السلام عليكم

أني الكاتبة..تعالو اسولف الكم شوية بموضوع كلش مهم لازم اوضحه الكم ... بس اول شي شلونكم شخباركم .. مشتاقون كلش هوايه 🙈

يمكن اغلبكم عرف ان واخيرا راح اختم قصة المراهقة و الاربعيني .. بس راح انطيكم الاسباب .. و الظروف

جنت كاعدة دا اشتغل ...اكو حساب ماسنجر اتصل اكثر من مرة .. اني ضايفته بس ما اعرفه .. اخر شي كلت خل ارد  اشوف شكو

رديت .. اجاني صوت رجال
السلام عليكم اختي اني فلان الفلاني المسميتني صراع بالقصة الكاتبتها انت مو تمام .. عرفتيني

تفاجئت الصراحة ، بس جاوبته (نعم تفضل )

كال اني عرفت بالقصة و (.......) ليليان اخذت المقسوم ، و صديقتها الحرضتها على نشر القصة تعنيت لاهلها و كعدت ويا اخوتها و حجيت وياهم وريتهم ، و انت اخذت اسم زوجج و مكانه كالولي بالشعب بس رحت طلع الرجال مو هو نفس الإسم بس بياع دجاج ورجال كردي حلف ان ما عنده زوجة بهالإسم

كلت اله : اخي اني مو فد شخصية مبهمة حتى تبحث عني صورتي موجودة على مواقع التواصل و اهلي موجودين ومعروفين

كال :- على راسي اني عرفت الاهل و اخذت معلومات عنهم .. تريدين نحلها بعقل لو اوصلها للعمام

كلت اله :- كول اللي عندك

كال اللي عندي صور عائلتي و اسرارهم و قصتهم يمج  والصراحة اني ما احقج بشي لإن القصة وصلتج من طرفنا .. تريدين تشرفونا للأنبار هلا بيكم نتشرف ، تريدون تجون للحبانية نستقبلكم .. تكولين لا .. دلوني بيتكم اشرب يمكم استكان جاي حتى بعد يومين لو صار شي نعرف ويامن نتعاتب

.... المهم .. كلام طويل و حجي هواي بسبب القصة
ختامها كال اطلب منج تحذفين القصة

اني القصة صراحة كاتبة بيها عقد كتاب .. ومقررة بعد ما انزلها واكملها الكم انطيها للدار يحولوها كتاب
.. رمضان السابق
مو الفات قبله ..
جنت ناويه اختم القصة .. واكتبها ليوين موصلو ونزلت مشهد من الجزء الثالث .. بس بعدها عرفت ان صاحب القصة عارف بالقصة و خابص الدنيا و هارجها
الصراحة وكتها مجنت كلش ويا ليليان لإن هي ساندت صديقتها و سقطت بيه و طلعو عليه كومة كلام محلو بس اني  طبعي اتجاهل كل انسان يأذيني  وابتعد عنه ،فوقتها ابتعدت كلش ..
بس بنفس الوقت ردة بنفسي
اوك انزل القصة و اختمها و اخلص من الملحة و الامور طيبة، بس وبعدين ؟ .. احتمال هي صدك متأذيه و احتمال فعلا صاير وياها شي مو زين ..
هنا ترددت صراحة شكد ما المتابعين يضغطون عليه يكولون نزلي و دار النشر يطالبني بالقصة .. بس توقفت بسببهم .. قصة على احساب اذية ناس ما اريدها
وجنت انتظر فقط امورهم تصفى و اخذ اذن منهم بس مصفوا .. الى ان دخل صراع
لما دخل ..

يريد احذف القصة
كلت اله القصة بيها عقد ما اكدر احذف
كال هذه مشكلتج
كلت اله شنو مشكلتي اني لا اعرفكم و لا تعرفوني و القصة وصلتني منكم لا متعدية على حقوقكم ولا بايكتها منكم.. ولما وصلتني هي جانت دا تنفصل عنك فيما بعد لما نزلت القصة يلا رجعتوا . فبعد شنو مشكلتي

كال نقطة راس سطر القصة تنمسح و ما تنشر
الصراحة بعدها صار الكلام تنافر هو يحجي و اني احجي

اخر شي صار يقدملي صورة ابوية و اخواني ..
اترك الصور تتكلم

... المهم بعد  كلام طويل
استقرينا انو هو يدفع العقد الجزائي و يسحب الرواية و اني احذفها من الواتباد

الصراحة .. العقد الجزائي ١٣ مليون يندفع لدار النشر التعاقدت وياها في حال اتراجعت عن القصة ما انشرها، و هو كال عسى ما ٢٠ مليون ادفع بس خل اخلص

رجعت عليه كلت اله .. اخي نتفاهم بالعقل لو نتراشق بالكلام .. كال اسمعج
كلت اله احسب دفعت و حذفت القصة و اني تأمرني احذفها من يمي .. بس والله ما تنتهي
القصة على غير موقع واصلة ٧ مليون و غيره ٥ مليون و غيرها ٢ مليون ومواقع مصرية و جزائرية و مغربية و اماراتية شاركوها و نزلوها بي دي اف ..
غير ان صارو يألفو و ينزلون ويطلعون كلام و قصص على هالقصة كارثة
لو ما انختمت هاي القصة ما راح تخلص لإن الاف من المتابعين ينتظروها و ينبشون وراها و ما دامها ما مختومة ما راح ينسوها .. مرت سنتين ع الرواية وهم ما مر يوم ما طالبوني بيها
اسمحلي بس اختمها و انزلها حتى لو بس كتاب عليمن دافع ١٣ مليون ... و الكتاب مو مثل مواقع التواصل تاك على تاك على صورة تصير مشكلة .. تقرا الكتاب و تسده و ابوك الله يرحمه، وقتها تصيرلي بيها حقوق ملكية قانونية اتعهدلك بيها اسوي حملة و احذف هذه القصة من كل المواقع حتى من حسابي .. و اطوي هاي القصة واخلص

بالموت بالموووووووووووووووووت يلا اقتنع
و على هالاساس حتنزل كتاب فقط و اتمنى تساعدوني بالمواقع اللي ناشرتها حتى نسوي حملة و نحذفها من كل مكان

بعدها حجينا بليليان .. كال جاهلة و ورطوها بنشر هالقصة و اندفعت و عقل ما براسها و يتيمة  و ما كدامي غير خيارين يا اذبحها يا اتحملها وطفل بيناتنا اتبهذل .. لا بنصيحة تنصح ولا من افهمها تفتهم و احتاريت وياها حيرة .. اني ما عندي مانع تصادقيها علميها فهميها ..
وانهي هاي القصة رحمة الوالديج
كلت اله ان شاءالله تأمر

وشغلة لخ .. كال هواي بنات يدخلون عليه انت صراع و الصراحة ارزلهن برزالة ناشفة و اطردههن حتى ما يعيدنها نبهيهن مو اي واحد يشبه الشخصية يدخلوله يمكن كدامج يكول لا اني مو صراع و بالخاص يخدعوهن .. فخل يعرفون اني ما استقبل اي بنية و التدخل ارزلها و اطردها فلا ينخدعن ..

.. هذا كل اللي صار والله العظيم
الحمد لله ان طلع خوش رجال وشهم الا اني والله ما اتقارش ويا العشاير و سوالفها ما اتورط بيها .. عندي عائلة .. بس طلع خوش زلمة .. حي الله اهل الغربية

ليون تواصلت وياي و انطتني الاحداث الاخيرة و ان شاءالله حتنزل كتاب وتنطوي صفحة هذه القصة لإن صدقا بالله ما اتعذبت بقصة على كثر ما تعذبت بهاي القصة .. اصلا ناذرة اوزع جكليت بحضرة الامام الكاظم لو خلصت 😁

وهاي صور
وحده من البنات..محصلة حسابه لزوج ام القصة..وهو عود ديرزلها ومسكرنهن

المختصر المفيد انو ام القصة سولفت قصتها ونشرته بدون علم زوجها🤦‍♀
والكاتبة مو بس نشرته سوت منه كتاب ..عود الجزء الثالث ينزل بالكتاب وورة كم شهر عود ..يسوون حملة ويحذوفها القصة لان الزوج ماراضي


طبعا اهواي اكو استفهامات عندي..اول شي اشون الكاتبة تسووي كتاب وعقد ..بدون علم كل اهل القصة...

وشغلة ثانية البنية اللي مراسلة الزوج..منين جايبة حسابه اذا الاسماء بالقصة وهميه..فمنين محصله حسابه

وبعدين هو يكول رجال اشكبره..عليمن يكعد يتجادل وي بنيه ويرزلها..خو خل يحضرها ويفضها

مندري بعد صدك.جذب..لان داشوفها دراما كلشش بهالمقتطف😂🌚 ..ولو نادر نلكى ابن عشاير يقبل بقصته وخصوصايتهم انو تنشر

#ملوكه

واللي عندها استفهامات😂💔 وتعليقات
فعادي استقبل كل الاراء

@maloka97_bot

#ملوكه

مااتوقع تنزل القصة بالنت
هسه تكملها بالكتاب حته نشتري😂💔ونقراه

وبعدين منو يشتري..وهو مابقى غير اخر ورقتين
والاحداث دتنعاد..ماكو غير ليليان مكضيته بالجفصات وخليصان اتطلكت..ومناكر بين ليليان ورجلها..وكله دينعاد عل نفس المنوال🤦‍♀😂😂

#ملوكه

يي خية..اكو عوائل متقبل وفوكاها ام القصة وحده مراهقة وكضت عمرها بالجفصات🤦‍♀ ومصايب..غير بالاول تسأل رجلها اذا يقبل لو لا. يله تنشره

وهي القصة نشرتها من العام..بس القديمين يتذكروها
جنت معذبتهم يمكن بالاسبوع فد يومين انشر بس بارتين😂💔.ومرات يوميا بس بارتين

فزين انتو هالوجبة مدللتكم بالبارتات الاهواي😻🌚

#ملوكه