گتلج اني ..
عذاب جريح وانتي الي بيدج تشفيه وتنسيه منار وسوايتها ..

فرح .. شلون ينساها وهو مالي المخزن الفوگ بغراضها
تماضر .. وداعتج بس يعرفج زين ويتعلق بيج ويحبج ..
راح وحدة ينزلهن ويحرگهن ..

بقيت افكر بكلام تماضر .. واحجي بداخلي ..
سامحيني منار .. لاتعتبريها انانية او خيانه ..
انتي الي تركتيه وبحياتج ماحبتيه .. ومثل مادفعت ثمن اخطائج .. لازم احيي الرماد الي تركتيه وراج بعذاب ..

اجة عذاب متعجب بجمعتنا ..
-ها ياساتر شنو هاللمة ..
تماضر .. هاي شنو عذيب هيج لمتنا تخوف .. فروحة عزمتنا عندها مناسبه ..
عذاب بأستغراب .. شلون عزمتكم وشنو المناسبه ..
خالتي .. مو تدري من تريد شي تدگ الحايط عليه ..
واجيتها وگالتلي وخابرت تماضر وگلتلها تعاي ..
تماضر .. هاي بدل متشكر فرح .. جمعتنا ومسويه احتفاليه صغيرة بمناسبة شفائك ..

باوعلي وصفن . مسويه عشا لو اجيب ..
فرح .. سويت بيتزا ..
عذاب .. اروح اجيب كباب وياه واجي لان ابوي مياكل بيتزا ..
خالتي .. ابوك مايجي ..
عذاب .. اني رايح اگله ..
من سمعت زوج خالتي يجي ضجت خفت يسمعني شي ويغثني ..

حضرنا السفرة ..
سوينا العشا وبقينا منتضرين الى ان اجة عذاب وابوه وتمارة تعوج بحلگها ..

اشرلي ع العلاگة ..
رحت رتبتها بمواعين وجبتهم ..
تعشوا وكملوا ..
شلت المواعين .. گرصتني تماضر ..
روحي بدلي دشداشتج هاي ..
وانزعي الشال موتيني بي ..

-شلون استحي ..
-وج بطلي مستحة ع سوالفج هاي لاروضتي الاسد وشفتيه ..
ضحكتني ..
رحت لبست ثوب الي جابته خالتي اله .. لان ماعندي ملابس هواي ..
وسرحت شعري وتركته مفتوح ولبست طوق ع راسي ..
بدلت الشهودة بدلة والجو حلو ..
وعدلت شعراتها وخلتيلها وردات .
تخبل بنيتي امواااح وهي تضحك ..

طلعت اني وياه ..
عذاب منصي راسه ومااعرف المن يراسل ومشغول ..
خالتي صلت ع النبي من شافتنا ..
حتى زوج خالتي صفن ههههه ..

رفع راسه عذاب وعقد حاجبه بأستغراب ..
كان ممتوقع يشوفني هيج ..
لان من عرفني وعرفته الشال ع راسي مابيوم نزعته .
بقى صافن بس سوى روحة يتصل وگام ..

اني من الخجل والتوتر حسيت ووحي عريانه وامشي ..
رحت للمطبخ ..
تماضر تضحك وتگلي تخبلين طالعه ..
اگول فلت للطارمة ..

تمارة كالعادة ماعاجبها العجب ..
بين ماخلصت تماضر غسل المواعين ..
طلعت الكيكة من المجمدة ..
ودااحضرها ..
دخل عذاب ..
التفت اريد اطلع الكولا والعصير من الثلاجة ..
صارت عيني بعينه ..
دار وجهة وگال ..
عاشت ايدج ام تمام ع الكيكة تشهي ..
تماضر .. اني شعليه هاي مرتك سوتها الك ..

من گالت هيج تماضر .. اثنينا جمدنا بمكانة ..
هو بسرعة طلع من المطبخ واني صرت طماطة ..
تماضر .. وج شوفي وجهج شصار ..
شگتله قابل وهيج خجلتي ..
خلي هاي الفكرة ببالج ..
انتي مرته وع ذمته واحق وحدة بي ..
وخليه يتعود يشوفج دائما گدامة مو تتختلين ..
-اوووف .. الله يعينا ..
- دمشي گدامي الي يشوفج يگول داخله جبهة ..

اخذت الكيك وتماضر جابت الگلاصات والعصير وراي ..
خليتهم وجبت مواعين ..
خالتي ضحكت ..
گالتله واحتفلوا وياكم بعيد ميلاد شهودة النص سنه ..
عذاب .. بضحك هاي وين لگيتيها يمة ..
خالتي .. اني شني غير فرح اليوم تگلي خاله شهودة صار عمرها نص سنه ..

ضحك وهز راسه ..
باوعتله وابتسمت .. شگد حلوة الضحكة عليه ..
قطعنا الكيك طبعا عمو عذاب ماقبل يبقى گال اروح ارتاح تعبان ..
واعرف مايطيق يبقى لان اني موجودة ..

عجبتهم الكيكة طيبه ..بس عذاب طول الگعد مشغول وي شهد ويحاول مايحط عينه بعيني مااعرف ليش ..

بعد ماطلعوا رتبت البيت ..
واخذ شهودة تنام ..
من دااشيلها منه طخت ايدي بأيدة .. ارتبك وسحبها ..
رغم انه لمسة ايده حركت مشاعر بداخلي ..
رحت للغرفه مستغربه نفسي ..
معقوله هاي اني ..
فرح الي حقدت وكرهت عذاب طول هذي الاشهر ..
رغم اذيته الي وتعامله الجاف وشكه وحبسه ..
شنو الي خله مشاعري تتحرك بأتجاهة وتحاول تلفت انتباهة بأي شكل ..

بدلت ونومت شهد وطلعت ..
مريت من يم الاستقبال شفته غافي والسبلت مفتوح وبلا غطا ..
اخذت بطانيه ورحت اغطيه ..
بقيت اباوعله ..
للحظة نسيت انه كان زوج اختي .. ونسيت كرهي وحقدي .
احس گلبي فتح عيونه ع حبه ووفائه الها رغم هي متستاهلة ..
عذاب يستحق انسانه تحبة وتخاف عليه وتسعدة ..
غطيته بهدوء وطلعت ..
بقلمي_الكاتبة_شمس
-------------------------------
رجعت للغرفه واباوع النفسي بالمرايا ..
معقوله راح يحبني ..
راح يگدر ينساها ..
بس اني مو بجمالها ..
انسان ماشاف بحياته بس هي ..
راح يگدر يحبني لو راح يعتبرني مثلها ويصدني ومايحاول ينطيني فرصه ..

طردت كل الافكار من راسي ورجعت نمت ..
غفيت واحس شي بدأ يخنگني ..
اريد اتحرك مااگدر ..
مشلوله والساني معقود مااگدر انطق بحرف ..
اريد اعيط واحجي مااگدر ..
حاولت مااستسلم واقاوم ..
شهگت حيل واخذت نفس طفرت من مكاني ..

گما اشهگ وابجي ..
كافي كافي .. خليني بحالي ..
ليش تركضين وراي ..
بشنو اذيتج ..
اشو ماقصرت وياج لابقرآن ولابدعاء .

.
ارحميني عاد ..
اعيط بلا وعي ..
وكأنه منار گدامي واتعارك وياها ..

انفتحت الباب .
شبيج فرح ليش تعيطين ..

صفنت بوجهة مستغربه حالي ..
-شنو الي يصير بيج وهيج تگعدين مختنگة ..
دمعت عيني لااراديا ..
گتله من وفاة بابا لسا ..
احلم احلام موزينه واختنگ واحس احد يخنگني ..

اتقرب يمي ..
گال هذا الجيثوم يجيج ..
-شنو جيثوم ؟؟
-تحسين واحد يخنگج وماتگدرين تتنفسين واعضاء جسمج مشلوله .. وعبالك واحد جاي ياخذ روحج ..
-اي صحيح بس ليش هيج ..
-يمكن ارق او تعب او تفكير .. او احتمااال .. واخذ صفنه وگال حاله نفسيه ..
وحسيته ضاج .. يمكن حس هو السبب بالي يصيرلي ..

فرح .. من بعد مامات بابا نفسيتي تعبت والي صار ويانا اكيد يأثر عليه ..
بس اني دايما اقرأ قرآن واصلي ..
عذاب .. حاولي ماتعبين .. وقبل متنامين اقراي اية الكرسي والمعوذتين ونامي ..
والاهم لاتخلين الخوف يسيطر عليج ..
قاومي وكانه تحاربين المقابل ..
ضحكت ..
عذاب .. ههههه شبيج احجي صدگ جان واحد ويانا ولد من كنت بالعسكريه .
هم هيج يصير بي .. وتشوفيه يحاول بكل شكل يقاوم ويحرك رجله وايده عبالك يضرب بوكسات ..
لان الخوف يخلي الجيثوم يسيطر ع الشخص ..
اذا قاومتي مايطاول ويروح بسرعه ..

فعلا ارتاحيت من كلامة ..
گال نامي يله وارتاحي واني راح اخذ شهد يمي ..
اول مرة تدور بينا محاورة وتناقش هيج ..
نمت مرتاحة ..

عذاب .. بآخر فترة لاحضت اهتمام فرح بيه . بس كنت اتغاضى عنها ..
لان مااريد اظلمها اوظلم نفسي ..
تفكيري انه هي اخت منار كافي يبعدني عنها ..
شگد قسيت عليها بس ماحاولت يوم تشكي او تعصي كلامي ..
هالشي خلاني احترمها ..
واغير معاملتي منها ..
الي ثبتلي اهتمامها اكثر ..
من سوت كيكة الي واحتفلت رغم هي حزينه ومحرمة ع نفسها الفرح .
بس حاولت تغير الاجواء وعزمت اهلي ع العشا ..
وجمعتهم .. بعكس منار الي كانت ماتحب الهوسة ومبتعدة عن اهلي ..
هواي اشياء خلتني احس بأختلافها عن منار ..
ومرة سمعتها تحجي وي اختها وماضلمتني بكلامها رغم هي كانت تعتقد انه اني السبب بموت منار وتعاستها ..
شنو الي غير نضرتها من ناحيتي مااعرف ؟؟

حسيت عليها من اجت غطتتي .. حسيت بدفو ايدها ..
ومابينت نفسي گاعد ..
بقيت اتگلب وسمعت صوتها ..
فزيت ..
ترددت ادخل ..
بس من عاطت حيل ..
وگعدت شهد ع صوتها اضطريت ادخل واشوفها ..
من عرفت الجيثوم يأذيها ..
لمت روحي ع القسوة والالم الي سببته الها ..
هدأتها وخليتها تنام واخذت شهد يمي ..

فرح .. گعدت الصبح باوعت للاستقبال شفت عذاب نايم وبحضنه شهد .. ابتسمت ..
سويت ريوگ وحضرته ..
الجو حلو ..
شگد تمنيت نگعد بالحديقه ونتريگ ..

دخلت للاستقبال ع كيفي ..
سحبت شهد حتى ابدللها وارضعها اكيد جوعانه ..
فز من مكانه ..

بقيت مرتبكة .. ها اجيت اخذ شهد ..

عذاب .. بيش الساعه هسا ..
فرح .. راح تصير التسعه ..
عذاب .. اووووه مواعد فراس ..
گام بوجها للحمام ..
اني اخذت شهد وبدلتلها ..

وخليتها بالكرسي مالتها مقابيلنا ..
سوتيلها بسكت وحليب وداا اكلها ..
اجة هو مبدل وعطرة قبله ..
صبيلي جاي بسرعه مااتريگ ..

باوع الشهد .. ها ولج ملعونه .. ماخلتني انام بس تبجي امه وامه ..

ابتسمت الطريقه كلامة وتغيرة السريع ..
صبيتله جاي ..

شرب وكمل راد يطلع ..
گتله شأسوي غدا ..
صفن بوجهي ..
-قصدي شتحب اسوي .. اذا مشتهي شي .
-بكيفج .. كلشي نعمة من الله واكلج طيب انتي ..

لا اكيد اني بحلم .. هذا عذاب لو غيرة ..
اول مرة يمدح طبخي ..

كلامة شجعني وبديت اتفنن ..
شويت سمك وتمن مطبگ ومقبلات ..
وسويت حلاوة ..
اوووف بس الخبز مااعرفة ..
جان هسا خبزت خبز حار ..

اجت خالتي ..
دگت الباب ..
استغربت منو يجي لهنا ..
خالتي او عذاب عندهم مفتاح ..
گلت منو من باب االمطبخ ..
خالتي .. اني خاله افتحي ..

يا يمكن عذاب راح ومانطاها المفتاح ..
باوعت ع باب المطبخ المفتاح بيها ..
معقوله نساه ..

فتحت الباب ورحت فتحت الباب الخارجي الخالتي ..
گلتلها عذاب ماهو وعبالي قافل الباب ..
خالتي .. لا هو گلي روحي يمها خاف تحتاج شي ..
والباب تركته مفتوح ..

ابتسمت .. گلتلها خاله تدرين عذاب متغير ..
رفعت ايدها لفوگ وگالت الله يهدي سركم ويحنن كلوبگم ويجمعكم ..
هالولد شگد تعب وصبر بس الله عوضه بيج ..

شافت الطبخ وتعجبت ..
گالت ريحته لبرة اشمها ..
گلتلها ابقي يمنا تغدي ماقبلت ..
انطتني علاگة وگالت هاي عذاب انطاني فلوس وگال اشتريلها ملابس للبيت ..
وشفت ذني وعجبني ..

اخذت العلاگة خالتي ممقصرة كلها تراكات ودشاديش حصر ع الجسم ..
اووووف من سوالفها تحاول تقربنا ..
اذا مايتقرب من نفسه معقوله الملابس تقربه ..

دخلت سبحت من زفرة السمك ..
ولبست وحدة من الاتراكات ..
عزااا غير مقسمات جسمي تقسم ..
بس طلعت حلوة بي ..

رفعت شعري ذيل حصان ..
رغم اني لاحافه ولامكياج بس طلعت حلوة ..
اول مرة احس هيج احساس ..
ردت اعالجة من جرحة ..
تمرضت اني بي ..

خايفة بحياته مايحبني ويصدني وابقى اعاني عمري كله
تمنيت صد

يقاتي زهراء وسهير يمي واسولفلهن .
ياربي شگد مشتاقتلهن..
ابد ماقطعن .
ودايما يخابرن ع ماما ويسألن عليه ..
واجن مرة البيت خالتي ..
وزوج خالتي گالهن سافروا مموجودين ..
ضجت حيل بيومها ..

رجع عذاب ضايج واسمعة يسولف بالطارمة ..
وين يروح لو للمريخ هم يلزم ..
عليه القاء قبض قابل راح يختل العمر كله ..

لزمت گلبي وخفت . معقوله عرف الي صوب عليه ..
دخل ووجهة معصب ومايتفسر ..
شفاني غير ملامحة ..

گال وين شهد ..
-نامت ..
-ها ويفرك بلحيته .. زين ابدل بين ماتصبين غدا ..

حضرت الغدا بالمطبخ ع الطاوله ..
اجة وشافه گام يصلي ع النبي ..

-تدرين ميت من الجوع واجة بوكته السمج ..
-بالعافية ..

كنا ناكل بصمت ..حاولت اكسر الهدوء ..
گتله .. شكرا ..
رفع راسه ..
على شنو ..
-ع ثقتك بية والملابس ..
-هااا اي حلوات بالعافيه ..بس ذني ماتلبسيهن اذا اجة احد ..
-طبعا لا ..

شگد حاولت اخليه يحجي بس هو ع گد السؤال والجواب اوووف جامد ..
وماعندي احد استشيرة واعرف شلون اتصرف ..

هو تغدا وطلع ..
وبقى كم يوم هيج مااشوفه ابد ..
يطلع الصبح ويجي ضايج وهلكان بالليل ..
ومن يداوم مايخابر الخالتي ولايسأل علينا ..
يعني طريقي وياه صعب ..

بيوم تصرفت بغباء ..
وردت اتخلص من كلشي يخص منار ..
مادام ذكرياتها موجودة ..
عذاب بحياته ماراح يتغير ..
دخلت الغرفتهم ..
الي بيها الكومدي ..
طلعتة وغسلت الغرفه ..
وهويتها ..
اجة هو ..
شافني عصب ..
گال شتسوين ..
-هذي الغرفه فارغة وانت اصلا ماتنام بيها .. فگلت نستغلها بغير شي ..
يعني اسويها غرفة العاب الشهودة وارتبها ..

-اني موگتلج هاي الغرفه ماتدخليها ..ليش دخلتيها بعياط ..
-يعني تبقى عمرها كله فارغة ..
-وانتي شدخلج .. يعني نطيتج وجه تستغلين الوضع وتتدخلين بخصوصياتي ..
سبق وان گتلج انتي هنا عمود شهد ..
فلا تطمحين الشي ثاني ..

ضجت حيل من كلامة ..
ححيت بلاوعي .. الى متى تبقى دافن نفسك .. منار خلص ماتت .. شوكت تنستها وتحس ..
تعبت واني ابرر واتحمل واصبر ..
تعبت واني احس روحي ع الهامش بأي لحظة انشمر برة صار كم شهر ابد ماعاملتني بأحترام الا الفترة الاخيرة
گلت خلص انتهى كلشي وراح نبدي حياة جديدة .

عذاب .. يعني شتردين .. شلون ابدي وياج حياة واختج كرهتني بالنسوان ..
هم اتقرب منج وتغدرين بيه ..
-لاتقارن مااسمحلك ..
-لاتحلمين احسن الج .. ابقي مثل ماانتي ولاتحاولين الغير شي ترى ماافيدج ..
-شگد اناني .. حطمتني وضيعت مستقبلي وحملتني مسؤوليه وبعدني مشايفه شي من حياتي ..
وتگلي ماافيدج ..
اني فتحت عيني عليك وتگلي هيح ..

عذاب .. انت شتردين مني .. تردين اخليج بفراشي وماعندي مشاعر اتجاهج .. هيج مستعجلة تصيرين مرتي
شمأزيت من كلامة ..
بلاوعي گتله .. مع الاسف هيج تفكيرك تافه وسطحي ..
ردت اطلع من الغرفه ..
دفعني لجوة…
تافه مو ..
مو هذي الغرفه الي قتلتي نفسج ترديها ..
راح اعيشج احلى لحظة بيها حتى تحبيها ..

انت شبيك تخبلت وخر عني ..
اي تخبلت من يوم الي اختج فضلت واحد نذل وزعطوط عليه ..
انتن كلجن نفس الشي ..
لو شما يشبعجن الرجال من حب ودلال ماتكتفن وتدورن عند غيرة الاكثر ..

بشنو قصرت اني گولي ..
اشو حب حبيتج ..
دلال دللتج ..
بعلاقتي وياج رومانسي الاخر درجة ..
بس انتي الي كنتي باردة وياي ..
ومااحس بمشاعرج لان ببالج واحد ثاني ..

اتقرب حيل مني .. وقرب انفاسة الرگبتي ..
اني كنت قصيرة وهو ضخم ضعت بحضنه ..
عرفته كان بلاوعي ..
حاولت ادفعه واعيط بس هو مايسمع ..
ماردت يعاملني هيج ..
ردت حبه واهتمامة لااكثر ..
ردت الوفى الي بعيونه من ينذكر اسمها ..
ردت كلشي حلو بي بس ماردت وحشيته ..
سحبني بإيدة نزلني للگاع واني اقاوم وابعد ماكو فايدة
كان يشم بية ويگول ااااااه شگد اشتاقيتلج..
بس طلعتي ماتستاهلين حبي ..

كنت اتوسل بي واضرب حتى يصحى وماكو ..
اگله عذاب اني مو منار افهم ..
اني فرح ..

بس هو كان وحش او اسد ويزأر ..
كان يعاملني بشغف وبقسوة بنفس الوقت ..
كنت احاول استر روحي بأي شي ..
بعد ماجردني من ملابسي ..
بذيج اللحظة كرهتة وتندمت لان صحيت الجروح الي بداخله ..
لان ساعتها محد يدفع الثمن الا اني ..
بين الالم والغضب صوتي راح من العياط ..
اختنگت ..
اباوع للغرفه وابجي ..
وهذا ثمن ثاني دفعته بدل عنج ..
بقت بس روحي اخذيها وريحيني ولاتحومين حولي ..
احس جسمي نمل ومن الالم ماحسيت بشي ..
واغمى علية ..

يتبع ..

//// البارت الثالث عشر ////
من_سيدفع_الثمن ؟؟
بقلم_الكاتبة_شمس

"..يؤسفني ان يكون قربي منك وسيلة لانتقامك من جرح قديم كان ولايزال يؤلم قلبك….

كنت اصارع جواه .. هو بالنسبة الي ضخم ومااگدر اقاومة ..
بعد مافقدت من الالم ..
صحيت ع صوت خالتي تصحي بيه وترزل بي ..
-لك انت حيوان .. شلون تعاملها هيج .. مارف گلبك ع هذي الطفله شوفها شلون سابحة بدمها ..
شأگول شأحجي وياك مايفيد ..

-يمة بدل هالحجي خلي نبدللها وناخذها للمستشفى..
-ووين جان عقلك من سويت بيها هالشكل ..

باوعتله يفرك بوجهة ويفتر بالغرفه بتوتر ..
وصوت شهد بأذني تبجي ..

اون من الالم واحجي ..
-خاله !!
-هايمة شتحسين .. سودة عليه ..
باوعت النفسي مغطاية بشرشف ..
لميت روحي وقرفصت ..
-خاله خليه يطلع ..

اشرتله طلع ..
-خاله شهد تبجي ..
-وج يمة شهد ابوها راحلها .. بس انتي گومي راح ينشف دمج ..
خلي ناخذج للمستشفى ..

استحيت من خالتي .. اني بموقف لااحسد عليه ..
الالم فضيع واحس نزيف جواي ومااگدر اگوم من المستحة ..
اتمنيت امي يمي هسا ..
محتاجتها حيل ..
بحياتي ماعرفت عن الزواج والعلاقه الزوجيه ..
كنت اسمع صحيح ..
بس مااتوقعت راح تكون بهذي البشاعه ..
كرهت عذاب وكرهت نفسي وگمت الوم نفسي لان اني الي تقربت منه وخليته يستغل ضعفي ..
ضغطت عليه صحيح ✔ بس احتاجيت اهتمامة وحبه ..
مو يعاملني مثل وحدة….. ومايهتم المشاعري ..

-خاله شلون اگوم استحي ..
-اني مثل امج .. لاتستحين ..
لمي روحج وادخلي للحمام ..
بين ماتجي تماضر خابرتها ..

سندتني وگومتني .. احس بطني تتگطع ..
لفتني بالشرشف ..
وطلعت گدامي ..
سدت باب غرفتنا اني وشهد لان عذاب بيها ..

وطلعتني للحمام ..
دخلت وسديت الباب ..
وخرت الشرشف عني وابجي ..
اباوع الجسمي ازرگ ..
عبالك كان يعذبني بوحشية ..

گمت اسبح وابجي .. شسويت بروحي اني .. ليش هيج سويت ..
يمكن كلامي خلاه يحس اني وحدة رخيصه ..
اااااه يابة وينك .. ليش مااخذتني وياك ..
تركتني اعاني وحدي ليش ؟؟

سبحت وكملت .. دگت الباب تماضر ..
-فروحة بيج شي .. ادخل اساعدج ..
-لامابيه بس اريد ملابس ..
-هاي جبتلج ومنشفه ..
فتحت الباب شويه نطتهم الي . وعلاگة صغيرة .
گالت هذا احتياط للنزيف خليه ..

لبست وكملت وطلعت لگيتها منتضرتني بالباب..
او ماطلعت وشافت عيوني ..
سحبتني الها وحضنتني ..
ماگدرت ابجي لو احجي اكو شي خانگني ..

گالت يله تعالي امشطلج والبسي حجابج خلي اخذج للدكتورة ..

دخلت للغرفه صارت عيني بعينه دنگ وطلع كان شايل شهد ..
حتى مانطق كلمة وحدة ..

مشطت وبدلت واخذتني تماضر وهو بسيارته ..
بقت خالتي يم شهد ..

هو يسوق بأرتباك وسرعه .. وتماضر توصفله الطريق ..
خليت راسي ع الشباك واباوع ..
اول مرة اطلع واشوف الشارع من اشهر ..
وتالي طلعتي تكون للدكتورة ..

وصلنا ..
كان وضع غريب بالنسبه الي ..
ومن شرحت تماضر الوضعيه للدكتورة وگالتلها زوجة اخويه وكذا صار بيها .. خجلت ..
گالتلي اصعدي نامي ع السديه ..

عيني ع تماضر ومستحيه ..
اشرتلي مااخاف ..

تكشف عليه الدكتورة واني ميته خجل ودموعي لااراديا تنزل ..
لعنت الساعه الي كبرت بيها وتحملت هيج ذنب ..
لعنت اليوم الي صرت بي اخت منار واتحمل طيشها ..

الدكتورة .. منو سوة بيج هيج ..
مااعرفت شأگلها ..
جاوبت تماضر .. زوجها .
الدكتورة .. ماما تضحكون عليه زوجها شنو هذي مملخة
رجعت باوعتلي .. احد اعتدى عليج ..
تماضر .. دكتورة گالج زوجها شنو هالحجي ..
الدكتورة .. وشنو الي يثبت .. شكلها بنت بيت وصغير مو مال وحدة متزوجة حتى حلقه ماكو بيدها وماحافه ..
اكو شي يثبت عقد محكمة او شي ثبوتي ..

تماضر صارت حمرة من التوتر .. گالتلها عاقدين سيد بس ضحكت الدكتورة بأستهزاء ..
تقشمرين عليه انتي .. هذا الشي خارج نطاق مهنتي المفروض افتح تحقيق هسا ..
بس لان انتي مراجعتي واعرفج ..
الصراحة ممقتنعة بالموضوع ..

شفت الوضع اتأزم وتماضر انحرجت .. وخفت انفضح ..
گلتلها دكتورة اذا اسولفلج قصتي تصدگيني ..

باوعتلي بنضرة طمنتني ..
اني تزوجت زوج اختي بعد ماماتت عندها طفله واخذوني حتى اربي بنتها ..
وعقد عليه سيد بس ..
وصارلي ست اشهر متزوجة .. واليوم صار الي صار وبجيت مااتحملت ..

غمضت عيونها .. وگالت الله لينطيهم الاهلج ..ماعندهم لگمة وينطوج .. والله لينطي الحيوان الي اخذج ..جان تزوج وحدة تليق بي وتربي بنته ..

تماضر .. دكتورة ترى ميجوز ..
الدكتورة .. لعد يجوز تسون هيج بطفله صغيرة وميجوز اذا حجيت ع اخوج ..
البنيه لازمها خياط ..
بين مااسويلها .. هاج هذا العلاج خلي يجيبه من برة وقنينه فلاجين وياها ..
انطت الباص لتماضر ..
وگلتلي استرخي ولتخافين راح اضربج ابرة مخدر موضعي ..
خدرتني بعد ماحسيت بألم . بس الم گلبي اذاني احس روحي تنزف اريد ابجي اريد اعيط واطلع الي بداخ

لي كله
جابت تماضر العلاج ..
خلتلي مغذي والفلاجين ..
گالت ارتاحي هنا الى يكمل لان نازفه هواي وخاف تصير مضاعفات عندج ..
صاحت الممرضه الي وياها ضربتني ابر ..
وسدت الستارة عليه ..
هي عندها سديتين ..
فوحدة خلتني بيها ويمي تماضر اجت ..
وبقت تمشي بمراجعيها عادي ..

حسيت نفسي نعست او من اثر الدوة ..
غمضت شويه ..
بس صوت المراجعات وشكاويهن خبلتني ولعبت نفسي من الزواج كله ..

كمل المغذي والفلاجين ..
الممرضه سحبتهن ..
وگالت گومي شويه شويه لاتدوخين ..
سندتني تماضر وگمت .
گالتلي شلونج هسا ..
اشرتلها براسي مااگدر حتى احجي ..

الدكتورة نطتني ابر وگالت بقي الكانونة بيدج ..
وعشر ايام وارجعيلي ..
بقلمي_الكاتبة_شمس
____________________
طلعنا تلگانا عذاب ..
-شلونج هسا ..

ماحجين وياها .. تماضر گالتله ان شاء الله تصير احسن بس تلتزم بالعلاج والابر اهم شي ..

عذاب .. خلينا نروح المطعم شي تاكل ..
تماضر .. لا وين متشوفها ماتگدر تمشي .. بس اخذلها كبد مشوي بالبيت تاكله يعوض دمها ..
واخذلها عصير زبيب ..

صعدتني تماضر وهي گعدت يمة ..
كلما اشيل راسي الگيه يباوع بالمرايا وعيونه مبين عليهن الندم ..
درت وجهي للشباك وتنهدت ..

نزل هو يم مطعم .. شويه واجة بيدة دلفري ومقبلات وصمون ..
وصلنا للبيت بعد المغرب ..
خالتي ماهي ..
وماخذة شهد وياها ..
صارت عيني ع الغرفه ..
نضيفه .. يمكن خالتي منضفتها ومعطرتها ..
دخلتني تماضر للغرفه ..
گالت ارتاحي ..
اتصلت ع خالتي وگلتلها رجعنا ..
دقايق واجت خالتي ..
بيدها شهد ميته بجي ..
شافتني شمرت نفسها عليه ..
اميه ونامت بحضني وتشم بيه ..
غطيتها وياي وغفت خطيه تعبانه من البجي عليه ممتعودة ع فراگي ..
خالتي گالت الي يسألجن گولن افلاونزا .
لان سألوني وماگلتلهم شي فشله ..
تماضر .. سولفت الخالتي كلشي ..
وخالتي گامت تلطم ع وجهها ..
طلعن من يمي وگالن ارتاحي ..
خالتي تحجي ع عذاب وتلوم بي ..
عزا العزاك عذاب ..
گادر بس على هذي المسكينه ..
اسمعها تحجي وياه بالصاله وبعدين راح صوتهم يمكن راحوا للاستقبال ..

حضنت بنيتي والمسكن شويه ريحني ..
غفيت ع ريحتها وهي هم غافية بحضني ولازمتني من قميصي خاف اتركها ..

صحيت ع صوت تماضر ..
گالت گومي اكلي كبد حتى يعوضج وتاخذين علاجج ..

فرح .. بيش الساعه هسا ..
تماضر .. ساعه عشرة ..
فرح .. هاي شنو هالگد نمت . وانتي ليش هنا مارحتي للبيت عيب من ابو تمام ..
تماضر .. لا ميگول اصلا من گتله مريضه كلش گال ابقي يمها لاتتركيها والاولاد متعودين ع ابوهم زنين ..

فرح .. شنو گلتيله عليه بتعجب ..
تماضر .. لاتخافين شلون اگول هيج شي عيب ..
گتله فلاونزا قويه وماتگدر تگوم ولاتگعد .
حتى الاهلي هيج گلنا لتخافين ..

فرح .. وماما درت ؟؟
تماضر .. اي امي اتصلت عليها قبل شويه .. ورادت تجي بس اني گالتلها للصبح وتعالي شيجيبج هسا ..

انطتني الاكل ..
گمت اكل بلا خبز لان مااگدر بس تماضر جبرتني عمود العلاج ..
شربت العصير واخذت العلاج ..
رجعت نمت .. گعدت شهد جوعانه ..
سوتلها تماضر ممة ورضعتها ..
وماتقبل تنزل من حضني اول مرة هيج اشوفها ..
طبعها حلو واي احد تروحله وتضحكله بس هسا مااعرف شبيها متمسكة بيه ..

طلعت تماضر موبايلها وشغلت بي طيور الجنه الها ولزمته الها وهي تباوع صافنه ..
الى ان تعبت ونامت ..

تماضر جابت فراش وفرشته يمي ..
اندگت الباب ..
دخل عذاب اشرلها تطلع طلعت ..
اتقرب وگعد ع طرفي السرير ..
منصي راسه ويحجي ..
شلونج هسا ..
-احسن ..
-اعذريني مااعرف شلون صارت بس ثقي اني موهيج ..
كنت مو بوعي .. وتعبان وانتي ضغطتي عليه ..
-اني ردت اساعدك تطلع من الي انت بي .. ردت اوضحلك اني مو منار صح هي اختي .. بس مو معناها اشبهها بكلشي ..
وشنو النتيجة .. كسرتني وحطمت حياتي ..
صار اشهر وياك شنو الغلط الي سويته وياك حتى تعاملني هيج ..
ليش تحملني ذنب ماسويته ..

واني احجي حسيته تضايق منصي راسه ويفرك بإيدة ..
رجع باوعلي .. وگال اني حبيتها تعرفين شنو حبيتها ..

نضراته وهو يحجيها وكلامة احسة طعنة بصدري ..
حسست بغيرة منها رغم هي مموجودة ..

كمل كلامة .. تعرفين شنو يعني تحبين انسان وتسوين كلشي الاسعادة وتالي يخونج ويفضل غيرج ..
تعرفين شنو يعني الي تحبيه يختار الموت بدل ميختارج ..شلون ترديني انسى واني خيانتها الي ماتروح من بالي.

-والى متى تبقى تعاقب نفسك وتعاقبني بسببها ..
شوكت تصحى من كابوس منار الي محاوطنا ..

رفع حاجبه بأستغراب وماكان متوقع كلامي ..
-انتي الي تگولين هيج ..
ماانتي تكرهيني واتهمتيني بقتلها .. شنو الي غيرج هيج عليها ..

-مااتغيرت ولحد الان ادعيلها واقرألها قرآن .. بس گول فتحت عيوني للحقيقه .. وگدرت اعرفك وافهمك ..
بالفترة الي انت ماحاولت تفهمني وتعرفني ..
واختاريت اتهامي وعقابي ع ذنب مو ذنبي ..

ابتسم بتعجب .. تدرين مااتوقعت بيوم انه تكونين بهذا العقل والرزانه وحدة الكلام ..
كنت اتصورج طفله وماتگدرين تفهمين الي اني بي ..

-يمك

ن فهمك الهذا الشي اجة متأخر .. كسرت كلشي بداخلي بعد الي سويته ..
لاتخاف ماراح اكرهك او الومك لان اني السبب بلي صار حاولت اتقرب منك واطلعك من عالمك الاظلم ..
والنتيجة اذتيني وجرحتني ..
فأذا تريد ابقى بالقوقعة الي حابس نفسك بيها وثق ماراح اتقرب الك او احاول اساعدك لازم بنفسك تقرر شوكت ترمي الوهم والماضي من حياتك ..
الي يهمني بهذا البيت شهد وبس ..
وراح تبقى انت ابن خالتي ومااقصر وياك ان شاء الله..

تعصب وگال ..
اني اجيت حتى اعتذر عن الي صار مو حتى تنطيني نصايح .. ويمكن صحيح ✔ الي گلتيه ..
ابتعدي عني حتى لتتأذين ..
وهاي اخر مرة تحجين وياي بهيج طريقه ..
عذرتج لان مريضه ..

تركني وگام ..
اعرف الي حجيته اثر بي وحس بالذنب لكن كرامته وجبروته ماسمحوله يعترف بخطأ ويحاول يعالجة ..

ااااااه ياعذاب .. يمكن انت عذابي الي راح يرافقني عمري كله .. بسبب گلبي الي مافتح عينه الا عليك !!

دخلت تماضر ..
شحجيتي وياه صار بارود وجكارة ورى جكارة ..

-گلتله الحقيقه الي مايريد يسمعها ..
-وج قزوم طلع كل البله بيج هههههه ..
-شنو قزوم ترى طولي حلو ..

-اي صحيح ✔ همزين اذا وگفتي يم عذاب توصلين الخصرة ..
-لا مو الهاي الدرجة .. ههههههه بقينا نضحك وتسولفلي عن معاناتها وي عيالها ورادت توصل للطلاگ ..
وشلون عالجت الموقف وگدرت تحافظ ع بيتها وزوجها ..

فعلا من يسمع مصايب الناس تهون عليه مصيبته ..
الي يشوفها تضحك ومتصافية هي وزوجها .
يگول هاي حياتها كلها مرتاحة وماشفت ظيم ..

حسيت بألم .. نطتني تماضر مسكن ونمت ..
گعدت الصبح ع صوت ماما ..

ماصدگت من شفتها ..
حضنتها وابجي .. اووووف يوم ليش من اريدج مالگاج يمي محتاجتج ..

ماما .. من گالتلي خالتج الليل كله مانمت وماگدرت اسولف الواحد واشكي ..
اني صوجي الي وافقت وخليتج عندة عبالي يصونج ويحبج واستحيت ارفضله طلب بعد ماكسرته منار ..
شمدريني يطلع قهرة كله بيج ..

فرح .. ماما مشتاقه البابا اريد ازوره واحجي وياه ..
حتى بأحلامي مااشوفه خاف زعلان علينا كلنا .

ماما .. اني احجي وي خالتج بلكي يحن گلبه عليج وياخذة ..
ردت اعاتبه بس گالوا التحق ماهو ..

-همزين ماهو .. خلي يبعد شويه بلكي انساه او يمكن وجودي الدائم وياه هو الي خلانه اميل اله ..
جائز مو حب مجرد اعجاب لااكثر ..( احجي بداخلي)

اجت خالتي وتماضر رجعت البيتها خطيه ..
تريگنا سويه وماما گامت نضفت وسوت غدا .
وخالتي اهتمت بشهد وغسلت ملابسها وملابس عذاب وكوتهم ..
يعني صرت مدللة بين امي وخالتي ..
احساس حلو من تشوف الي يحبوك يهتمون بيك ..
وهاي اول مرة احس بهيج اهتمام ..

للعصر ماما رادت تروح ..
بس خالتي گالتلها ..
-خيه مو مناك مروة وحدها وماتقبل اعوفها .. وخاف يجي عذاب فشله..
خالتي .. مروة مو صغيرة واذا كلش ادز معتز يجيبها وابقن هنا يم فرح خطيه وحدها ..

ماما .. لا اخوانها مايقبلون .. بس خلي اخابرها واگلها تتحملهم شلون ماكان شنسوي ..

اتصلت ماما ع مروة وگالتلها همة يومين اتحملي .. بس مروة ضاجت وتتوسل بماما تاخذها .. اسمعها من الموبايل ..
اشرت الماما تجيبها ..
بس ماقبلت .. گالت مالي خلگ اخوانج يبقون يحجون وين اخذتيها وانتي تعلميها ع الطلعه ..
تخلص شغلها وتگعد بالغرفه اشو حتى التلفزيون خلتيلهيا يمها حتى ماتضوج ..

فرح .. ماما ليش مترجعوها للدراسه .. خطيه اني حطمتوني هي شنو ذنبها ..

ماما .. يا غير تقوم القيامة عليه .. انتي ماتعرفيهم .
فرح .. يوم الى متى تخافين منهم اذا يشوفوج هيج يزيدون ..
ماما .. تدرين بصحتي وعلى اقل شي يرتفع ضغطي اذا متت منو الها ..
والله بعدني مامدفونة ويشيلوها وينطوها العمامج ..
هسا اني الي واگفه بوجههم ..
فرح .. يعني تعترفين اخواني ظلام .. ظلموني وظلموا مروة وحتى منار ..
همة السبب بهروبها وموتها ..
ماما .. كافي فرح سدي الموضوع ولاتذكريني ..

كنت فرحانه بوجود ماما يمي ..
فرشتلها يمي وبقينا نسولف ونضحك نسينا نفسنا ..
وخالتي هم مافارگتنا كل شويه تجي ..
ومرة منهن سمعتها تحجي وي عذاب وتگله زينه هسا وخالتك يمها لاتخاف ..

سويت نفسي ممهتمة بس داخلي انتعش وطول اليوم الابتسامة مافارگت وجهي ..

بعد يومين .. اتصلت رنا ع امي ..
وامي تعيط وتحجي .
اريد افهم شي مافهمت ..
كملت اتصال .. لبست جواريبها وگالت خليني اروح ..
مو گتلج مااگدر اتركها يمهم ..

فرح .. شكو يوم شبيها مروة ..
ماما .. جلال متعارك وياها وضاربها بوكس على خشمها وكاسرة وتگول رنا بس ينزف ..

ضربت ع صدري .. يمة اسم الله .. الله ينتقم منه وين يرحون من ربهم ..
ماما .. لاتدعين يمة اعرفهم ظلام بس انتو ولدي ومااتمنى اشوف واحد منكم بمحنه لو صايرله شي ..
هسا انتي شهد مو بنتج وشوفي شلون تخافين عليها ..

فرح .. لا ماما شهد بنتي صارت بحضني وهي لحمة حمرة تعبت وسهرت وربيت وصارت جزء مني ..
مااقبل واحد يگلي مو بنتج ..
ليش اني عليمن متحمله ظلم الدنيا والناس عليه ..
غير عمودها ..
الام الي تربي مو الي تولد ..

تخبلت من گالت

ماما هيج.. هذي بنتي الي .. كلمة امه منها تسوه الدنيا ومابيها ..

راحت ماما خطيه اجة معتز اخذها..
سلم عليه بالباب وتحمد السلامتي بس كان متضايق وماباوع بوجهي ابد ..
حسيت بي شي ..
سديت الباب ..
قفلتها بالمفتاح ..
ورجعت نمت ..

سمعت الباب تكسرت .. اريد اگوم بعد مااگدر ..
خفت عبالي صار شي ع مروة ..
بعد رجلي ماتحملني من الخوف والالم ..

فتحت الباب صار بوجهي عذاب ..
-منو هنا ..؟؟
-ماكو احد بس اني وشهد ..
-وليش صار ساعه ادگ ماتفتحيها ..
-كنا نايمين ..
-نزع حذاءة وخلة جنطته بالگاع ..
-مو گالت امي خالتي هنا وينها ..
-راحت للبيت قبل ساعة .. مو عساس باجر نزولك ..
-ليش ماترديني اجي .. اكو شي ..
-لا شعليه مجرد سؤال ..
-هاااا .. وين شهد اريد اشوفها ..
دخل وعينه تدور بالبيت ..
حتى لو مايگول بس عيونه فاضحته ..
صار عندة مرض الشك بعد مايگدر يثق بأحد ..

دخل گعد شهودة ويبوس بيها .. گال جوعان اكو شي اكله ..
گتله غدانا تشريب دجاج احمي الك ..
-لاخاف ماتگدرين اني هسا ابدل واحميه ..

بقيت صافنه بوجهة منين اجة هالاهتمام ؟؟
كل ساعه بشكل ..

-لا قابل راح اطبخ بس احميه ..
هو دخل يسبح .. واني حميت التشريب ..
وطلعت صدر دجاج گليته ..
ودااسوي زلاطة ..
حسيت بجسمه لصق بجسمي ..
اخذ خيارة اكلها ويسولف .. جيبيها اني اثرمها عنج ..
هو اطول مني واضخم ..
احس روحي ضعت بي ..
التفتت بس ردت اخلص من التوتر ..
احس وجهي دخل بصدرة ..
وهو سابح وباقي بالفانيلا ..
موقف لايحسد عليه ..
رفعت راسي اله ..
وبقت بس عيونه تسولف ..
خليت ايدي ع صدرة بس اريد ابعدة ..
گتله خلي اشوف الدجاجة لتحترگ ..
وخر عني من الارتباك ردت اعثر لزمني بإيدة من بطني ..
الله الله خو ماتأذيتي ..

ها لا .. اريد ابتعد ايدة محاوطتني ..
وحسيت انفاسه اقتربت مني وكأنه متعمد هيج يسوي حتى يقترب الي ..
بس بعد الي صار گمت اخاف منه ..
وخفت من التناقضات الي عايش بيها ..
ابتعدت عنه بهدوء ..
ورحت كملت الغدا ..
باوعتله متكي ع الكاونتر وصافن ..
گتله جهز الاكل ..
اخذة مني واتعمد يلمس ايدي ..
خلاه ع الطاوله وگال تعالي اگعدي وياي اكلي ..
-لاشبعانه ..
-حتى اذا بس گابليني مو تدرين مااعرف اكل وحدي ..
جبت اللبن والمي وگعدت ..

اكل لگمتين وگال .. بعدج ضايجة مني ..
رفعت عيوني اله ..
بعدني ماحجيت ..
دخلت خالتي ..
-يا هاي عذيب هنا .. شو ماگلت راح اجي ..
واني اجيت اشوف فرح خاف محتاجات شي ..
امج وين ؟؟
فرح .. راحت الظهر خابرت رنا وگلتلها جلال ضارب مروة وكاسر خشمها وراحت تشوفها خطيه واني بالي يمها ..
خالتي .. كسر ايدة ان شاء الله يستقوي ع البنيه ..
فرح .. شنسوي خاله مكتوب علينا نتحمل ضريبة اخطاء غيرنا .. وتعمدت باوعتله ..
حسيته راد يغص باللگمة وخزرني وانطبگت حواجبه من الغضب ..
درت وجهي عنة بسرعة ..
خالتي .. خلي اخابرها واشوف شبيها البنيه خطيه ..
فرح .. ياليت وتطمنيني عنها ..
خابرت خالتي .. گالتلها ماما بالمستشفى احنه ..
من سمع عذاب ..
گال يله گومي البسي خلي نروح نشوفها ..
ماصدگت رغم ألمي والي بيه فرحت من گال هيج ..
بدلت وردت اطلع ..
دخل هو صرت بينه وبين الباب ..
اتقرب حيل الي وگال ..
ديري بالج تختبريني بكلامج وبساميرج عليه ..
تدرين بيه عذاب والي يعاندني اعذبه ..
مشى اصابعه ع خدودي واتلمسهن ..
يله كملي بسرعة لااغير رأي وغمزلي وطلع ..
بقيت صافنه ومتعجبه .. لااكيد مريض مو صاحي ..
ماعرفت غازلني لو رزلني بكلامة وتصرفاته ..

يتبع .…………

قۣۗـۙصۣۗـۙصٍ 📖ۆبۣۗـۙسۣۗ 💯

//// البارت الرابع عشر ////

من_سيدفع_الثمن ؟؟
بقلم_الكاتبة_شمس

كل ما نحتـاج إليـه هو رفيق واحد نتخطـى معه بشاعـة هذا العالم .. لا أن نرافق من يزيده علينـا بأساً ..!!

بدلنا اني وشهودة وطلعنا ..
شفته متكي ع الدرج ويتصفح بالموبايل ..
شال راسة وصفن علينا ..

سويت نفسي ممنتبهة اله .. بس حسيت بنضرته مختلفه
عذاب .. شهد تروح ويانا ؟؟
فرح .. اي لعد وين اخليها ؟؟
عذاب .. مو خاف تتمرض .
فرح .. والحل شنو ؟؟
عذاب .. ادخلوا انتي وامي للمستشفى واني اخليها يمي برة ماندخل جوة ..
فرح .. براحتك ..
طلعنا اخذنا خالتي ورحنا ..

وصلنا للمستشفى ..
دخلنا اني وخالتي وعذاب بقى برة هو وشهودة ..
دورنا ع ماما ماكو ..
اتصلت عليها خاله گالتلها احنه بقسم الاشعه ..
رحنا لهناك ..
شفت بلال وياهم ..
حضنت مروة وتبجي من الالم ووجهها مورم وازرگ ..
كان بلال بعد مسافه عنا ..
جاب الاشعه واجة ..
سلم عادي علينا ..
ولاعبالك اخته ومشايفها من اشهر ..
رجعنا للطبيب ..
كان مغرب واطباء الخفر موجودين .
فسولها علاج طبيعي وگالوا لازم تراجع طبيب اخصائي لان عندها كسر وانحراف ..
نطوها ابرة مسكن وكبسول مسكنه ..
وطلعنا ..

اول مشافنا عذاب اتقرب النا ..
گال هاي بشروا ..
سولفتلة ع حالتها ..
باوع البلال وگاله ..
ليش هيج شنو ذنبها هالطفله تسون بيها هيج ..
بلال ضاج وماعجبه كلامة ..
گاله السانها طويل وماتسكت ..

امي .. ولك يمة خافوا الله شو ليل ونهار صايرة خدامة الكم وساكته وياليت راضين ..
بلال .. يمة منا عالم مو وكت هالحجي .. يله امشونا وباجر نشوف دكتور وناخذها ..

راد عذاب يوصلهم .. ماقبل بلال واجروا تكسي وراحوا ..
رجعت ضايجة حيل على مروة ..
بعدهي صغيرة وشوهوا وجهها ..
ليش هذا حظنا من دون البنات .. شفنا المر والقهر واحنه صغار ..

انتبهت ع صوت عذاب ..
باوعتله ..
-وين صافنه مو احجي وياج ..
-مامنتبهة ..
حسيته ضاج عباله متعمدة .. گال شناخذ عشا ..
گتله بكيفيك ماادري ..

سبقتني خالتي وگالتله ..
دوديني للبيت ..
واخذ فروحة وبنيتك واطلعوا الجو حلو هسا ..
فرح .. لا خالة اخاف على شهودة ..
خالتي .. يمة البنيه انتلفت بالبيت حتى عضامها ماتقوى بلا شمس ولاطلعة ..
عذاب .. خلص يمة هسا نوصلح ونرجع الاي مكان نتعشا بي ..

توترت حيل هاي اول مرة راح نطلع سوة ووحدنا .
وصل خالتي وگال تعالي هنا اگعدي .

فرح .. لا هنا مرتاحة ..
عذاب .. سايقج اني وگاعدة ورة الي يشوفج شيگول ..
تعاي هنا ولاتجادلين ..
نزلت بسرعة وفتحت الباب ..
نطيته شهد وصعدت ..
اخذتها منه وحضنتها من التوتر ..
الجو حلو بالليل واحس الدنيا موت حر .
باوعلي وسحب كلينكس ونطاني ..
-ماادري الدنيا هيج حارة ..ويضحك عليه

درت وجهي ع الشباك وبقت عيني ع الشوارع ..
غمضت عيني واشم هوا بغداد ..
اووووف احس روحي من اصحاب الكهف وطلعت للدنيا هسا ..
بغداد حلوة بالليل ..

گال وين تحبين نروح ..
-بكيفك ..
-تدرين اتخبل من كلمة بكيفك .. مااحب احد يحيرني ..
-واني مايفرق عندي اي مكان بعد ماشميت الهوا ..

ضاج اكثر ..
نزلنا يم مطعم گال هذا جديد مفتح ..
كان مرتب وراقي ..
اجة النادل جاب المنيو ..
گال اختاري ..
طلبت صاج لان احبه وصار فترة طويله مماكلته ..
وهو طلب شاورما ..

كنت خجلانه اكل ووحدنا .. رغم ميته جوع ..
اكلت سويه فنگر ومقبلات وقطعة صاج ..

حس بيه خجلانه ..
طلب من النادل يلفه الي دلفري ويضيف وياه فنگر بعد ومقبلات ..
كملنا ..
گال شنو رأيج نروح للمول نشتري ملابس الشهد ماعندها واني مااعرف قياسها ..

گتله بكيفك .. ملامحة تغيرت .. اوووف نسيت يكره كلمة بكيفك ..

اختارينا ملابس الها يخبلن وحبيبتي مدنفشة يلوگلها ..
اخذتلها احذيه وقراصات ناعمة .
كملنا ..
مر ع الملايس النسائية .. گال ادخلي اختاري ..
ماقبلت ..
لحد الان ممتعودة عليه لدرجة اطلب منه ملابس ..
اني اصلا حتى ملابس داخليه ماعندي كانت ..
لان اخجل اطلب وحتى خالتي مااگلها استحي ..

بقيت افتر كلشي حلو بس من الخجل ماعرفت اختار ..
شافني مابيه فايدة ..
اختار الي كم قطعة وطلعنا ..

رجعنا للبيت ميته تعب عبالك كنت بسفر .. لان من زمان ماطالعه ..
بسرعة بدلت الشهد ونومتها لان هي بالسيارة تنحست وگامت تبجي ع النومة ..
بدلت واخذت فراش العذاب فرشته بالاستقبال ورجعت للغرفه ..

من فرة المول جعت واني اصلا مااگلت ..
طلعت اخذت الصاج الي جبناه من المطعم ورجعت للغرفه طلع عذاب صار بوجهي استحيت ..
ماراد يخجلني ..
گال تدرين شگد اكلت واحس نفسي بعدي جوعان ..

اشرتلها ع الاكل .. تاكل ..
عذاب .. لا هذا الج اروح اسوي اي شي ..
-لا هذا هواي قابل راح اكله كله ..
-زين لعد روحي جيبي وياه قوطتين كولا وتعاي واخذ السفري مني ..

اووووه شلون سالفه .. اني اصلا اخذته حتى اكل براحتي وهسا راح يگابلني شلون راح اكل ..

رجعت للاستقبال .. شفته مطلع الاكل ومرتبه ع الطاوله الصغيرة ..
گعدت مقابيله بالگاع ..
وكالعادة ماگدرت اكل بس انقش

..
وهو الظاهر هم مو جوعان بس يجاملني ..
شرب بس كولا ..
گلت الحمد لله .. دااگوم ..
گال .. ابقي شويه ..
استغربت من كلامة ..
-ها لا نام انت تعبان اليوم اجيت وماارتاحيت وخاف شهد تبجي ..

ماصدگت گمت منه .. كانت نضراته بيها كلام .. بس ماگدر يحجيه والدليل . گام يشرب جگارة ورى جگارة وهذا طبعه من يضوج لو بباله سالفه ..

رحت للمطبخ كملت اكل وغسلت ورجعت للغرفه ..
گعدت شهد تبجي ..
بقيت وياها ل 3 الفجر يله نامت ..
خليت راسي ع المخدة وغفيت بعد ماادري بالدنيا شبيها
بقلمي_الكاتبة_شمس
______________________
ثاني يوم…
گعدت سمعت حركة واكو ريحة بالبيت غريبه..
رتبت شعري وعدلت نفسي وطلعت ..
شفت عذاب دا يسقي بالحديقه ومخلي جاي ع النار وناسيه والقوري شايط گد مافاير الجاي بي ..

ضحكت وركضت طفيت القوري ..
وفرغته بالزيل وغسلته ورجعت خدرت من جديد..

اجة هو ..
-هاي شنو الريحة ..
-القوري شايط والجاي محترگ .. وابتسمت ..
-اهوووو شلون نسيته ..
عود خليته بين ماتگعدين . ورحت اسقي بالحديقه الجو حلو ..
خلي نطلع شهد ..

-اي بس شلون نگعدها الا انت تخليها يمك ماعندها حجله -اي والله ذكريني اجيبلها حجله وعربانه خاف نطلع نمشي ..

اباوعله وممصدگة هذا عذاب لو غيرة سبحان المغير الاحوال ..
اندگت الباب ..
راح يفتحها ..
دخلت خالتي تبجي ..

-شكو يمة شبيج ..
-ولك يمة ماتحجي وي اخوك ..
-معتز شبي ؟؟
-مدري منو مقشمرة وبايع سيارته ويريد يطلع تهريب وي جماعته ..
-هذا مخبل شبي ؟؟ ميشوف الوضع والناس الراحت من ورى هاي السالفه .. ليش قرر هيج . اكو شي صاير . ابوي مضوجة ..
-لا والله يمة ماكو احد .. بس هو صارله فترة مقهور وضايج حتى بالبيت مايتواجد هواي ..
-هينة يمة لاتنقهرين . هسا اتريگ واجي احجي وياه
-ماهو طلع گاب لازم اكمل شغلاتي .. وابوك شگد حجى وياه مافاد ..
-هسا اخابرة واشوفه وين ..

راحت خالتي خطيه ضايجة وعيونها مانشفت ..
خليت الريوگ وعذاب ضايج ومقهور ..
گعدت شهد رحت جبتها واجيت ..
لگيتة دا يتصل بمعتز ..
شهد خبصتني من شافت الاكل. صايرة تريد تاكل ..
گمت سوتيلها بسكت وحليب واسمعه يگلة تعال غداك هنا يمنا تعال ..
الظاهر معتز ماقابل بس هو الح عليه ..
من سمعتة حيجي ضجت فعلا ..

گال عذاب .. تلحگين تسوين غدا لو اجيب من برة ..
فرح .. لا الحگ مايرادلها شي . بس ببالك شي اسوي ..
عذاب .. لا بكيفج شتسوين سوي ..
فرح .. ها مو تگول مااحب احد يگلي بكيفك ويحيرني اشو هسا انت حيرتني ..

ضحك وگال .. لا مااحيرج بس الاسهل عليج سويه ..
فرح .. امممم اني عندي دولمة جاهزة بالمجمدة اطلعها اطبخها واشوي سمك وياها ..

عذاب .. خوش حجي ولو هيج راح تحيرينا بالاكلتين اثنينهن طيبات ..

كملنا ريوگ بدلت الشهد واخذها عذاب وطلعوا بالحديقه يشمسها ..

واني بين مارتبت المطبخ وطبخت وسويت زلايط وطرشي وحلاوة محلبي ..

طلعت شفت الابو وبنته كاتلتهم الشمس وصايرين طماطة ضحكني ..
گالوا شمسوها بس مو احمسوها ..
صار ساعتين الشمس تدگ بيها مو هيج لاتتمرض ..
هي شافتني بجت واتأشرلي اخذيني ..

عذاب .. تعاي اخذيها هاي مايغزر بيها صار ساعه مصموط وياها بالحر واول ماشافتج بجت وعافتني ..

ضحكت واخذتها مني صار ايدي ع ايده .. حسيت بأحساس حلو ..
رغم اذيته الي ومعاملته وقساوته الا انه ماگدرت اكرهة او اشيل بگلبي عليه ..
حبي اله انزرع بين الحزن والالم ..
صحيح هو اتغير خلال اسبوع لكن احس بعد اكو حاجز بينا يمنعنا من الاقتراب البعضنا ..
اني الخوف من الخذلان ..
وهو الماضي الي مسيطر عليه ..

دخلنا للبيت خليت شهودة بفراشها وشغلت الها طيور الجنه ..
بقت تباوع ..
سمعت صوت عذاب يصيح عليه ..
فرح اجة معتز تعاي ..

خليت شالي ع راسي وطلعت ..
لگيته گاعد بالصاله ومنصي راسه ..
سلمت رد عادي ورجع ع نفس وضعيته..

رحت للمطبخ اجهز الغدا ..
وعذاب يحجي وي معتز ويحاول يقنعة مايروح ويريد يعرف السبب ..
لفت انتباهي سؤاله ..
-لك خاف وحدة تركتك وتريد تترك العراق بسببها .. سواها بضحك ..
-معتز ضاج وگله .. شنو هالحجي بس اني اريد استقر واشوف مستقبلي ليش هو بالعراق اكو استقرار وحياة

اجة عذاب ..
گال كمل الغدا ..
-اي بس افرش السفرة ..

فرشها وگمت انطيه وهو ياخذ يصفط بالسفرة .. لان مايحب بنيه تدنگ وتخلي الاكل واكو ولد گاعد يگول مو لايقه تندگ گبال الزلم ..

نطيته صينيه الدولمة .. شمها وگال اويلي شنو هالنفس العندج بالاكل ..

خلينا الاكل كله ونطيته اللبن والگلاصات ..
ردت ادخل للغرفه ..
صاح عذاب .. وين فرح تعاي تغدي ..
باوعتله وگتله لا اخذوا راحتكم اني راح اشوف شهد ..
معتز مدنگ ومايحجي ..
عذاب .. يمعودة تعاي يمكن هذا اخر غدا النا وي الهاارب تعاي يمي هنا واشر بايدة ..

گتله بس اشوف شهد..
رحت شفتها نايمة غطيتها وطلعت ..
اجيت گعدت يم عذاب ومقابيل معتز ..
من الخجل مااعرف اكل او احجي ..
منا معتز الي كانت نضراتة وتليمحاته تقلقني ومنا عذاب الي كان يتهمني بأغوائي الاخوه وشنو ال

ي غيرة هيج ..

گمت اخاف من اي تصرف واحسب اله الف حساب ..
اكلوا وكملوا وعذاب خلصها توصيات المعتز الي مكمل كلشي من غير محد يدري ولما تحدد موعد سفرته يله خبرنا ....
گال عذاب .. سويلنا جاي من تگومين ..
رفع راسة معتز وگال .. عاشت ايدج خيتي الاكل طيب كلش وحرت شأكل الصراحة ..
فرح .. الف عافيه ..
معتز .. عذاب الظاهر الله عوضك بجوهرة حافظ عليها ..
باوعلي عذاب وابتسم ..
بقلمي_الكاتبة_شمس
________________
گمت بسرعه للمطبخ ..
سويت الجاي وحضرت الاستكانات ..
وعذاب ومعتز يشيلون بالمواعين ..
دخلت خالتي عيونها وارمة ..
گالت معتز هنا ..
-اي خاله وهسا كملوا غدا ..
-اي شنو هامة يتغدا وياكل وامة من قهرها لسا لگمة ممخليه بحلگها ..

اجو من سمعوا صوتها .. شافتهم بجت
حضنونها اثنينهم ويبوسون براسها ..
ومعتز قرفص گدامها ويبوس بإيدها ويحاول يرضيها ويقنعها انه كل يوم يتصل عليها فيديو ..
وهي خطيه خايفه عليه من البحر لايغرگ ..
وبعد كلام وعتاب بالگوة اقتنعت ..
اشرلي عذاب ..
گال سوي صينيه غدا الامي خلي اليوم نأكلها بيدنا ..
واخذوها للصاله ..

ابتسمت ودمعت عيوني المنظرهم .. شلون يدللوها ويعاملوها ..
اويلي عليج ماما ماشافت من اخواني بس القهر ..
مع العلم بابا كان وردة ومثقف ومايوم جرح احد بعكس زوج خالتي الي مخلصها عياط وتجريح ..

سويت الخالتي غدا ..
خطيه اكلت شويه وصبينا جاي ..
شويه تغيرت حالتها وگامت تضحك ..
وعذاب هم كان مرتاح والضحكة مافارگت وجهة ..
لدرجة اخذتني الصفنه عليه ونسيت نفسي ..
انتبه عليه ..
اشرلي براسة وغمزلي ..
معناها شكو…

استحيت ع حالي درت وجهي بسرعه ..
هو ابتسم وعظ شفته ..
ياربي شگد عيب هسا شيگول عليه ..

اخذ معتز خالتي وراحوا للبيت ..
بعد ماسلم عليه وگال ابريلي الذمة خاف ضوجتج بيوم ..
عذاب .. دروح الي يشوفك يگول باجر طالع ..
عود من تسافر نجي نودعك ونطش وراك مي ويضحك ..

بعد يومين .. خابرت امي الخالتي .. واجت خالتي تركض بالموبايل خطيه ..
گالت امج ع الخط ..
سلمت عليها وسالتها عن مروة گالت حددلها الدكتور ثلاث اسابيع بعد ويسويلها عمليه يعدل العضم ويسويلها تجميل .. لان وجهها هسا مورم فد مرة وخشمها معوج وازرگ ماگدر يسويلها شي ..
بقت ع العلاج ..
كملنا اتصال وگلتلها بوسيلي مروة ..

عذاب من شاف ماما تخابر ع خالتي ومرات ماتحصلني .
گال فرح لاتفهميني خطأ ..
عندي موبايل عادي مو لمس .. عادي انطيه الج بس مااريد اي رقم بس امج ..
ومحد يعرفه بس امج ..
اذا شفت لو عرفت احد يخابر عليه حتى لو صديقتج مااقبل .
گتله بكيفك .. اني شعندي غير امي .. بس اذا هذا الشي يزعجك لاتنطيه الي عادي ..

عذاب .. مااخفي عليج ثقتي مهزوزة بالكل وصحيح ماشفت شي منج لسا بس مو بيدي اعذريني ..
واذا فهمتيني ومشيتي ع مرامي مانختلف ان شاء الله

گتله ان شاء الله..
للعصر راح جاب سيم كارت جديد .. وسجل بي رقمة ورقم خالتي وامه بس ..
گال ذولي الارقام بس راح يبقون بجهازج ..
اني وامي وامج ..
خاف تردين شي اتصلي عليه باي وقت ..

فرح .. شكرا ..
اول مااتصلت بماما ونطيتها الرقم فرحت وگالت ع الاقل اتواصل وياج وگلبي مرتاح ..
گلتلها ماما بس مااريد احد يعرف عندي رقم .. مااريد يصير مشاكل ..
ماما .. لا يمة مااگول الاحد ماصدگت الله هدى عذاب الج وصار زين وياج ..

ثاني يوم موعدي وي الدكتورة وسفر معتز بنفس اليوم
الصبح اجتمعنا عند بيت خالتي كلنا وجهزنا غراضه وودعناه واجت تماضر وعمامة كلهم موجودين ..
خالتي خطيه ماتت وراه ..
للعصر اخذنا عذاب اني وتماضر ورحنا للدكتورة وگالت وضعج زين رغم اني ابد ماگعدت واتحرك واشتغل ..
بس كنت ملازمة ع الابر وماتركتها ابد ..
نطتني كبسول بعد وغسول ودهن .. وگالت لتخليه يتقرب هالفترة الى ان يمر اسبوع بعد ..
بس گليله تگول الدكتورة ..
خلي يحاول يكون رجال بتعامله وياج موووو ..
تماضر ضاجت ورادت تتعارك وياها ..
واخذتني وطلعت ..
عذاب حس بيها ضايجة ..
سألها گالتله ماكو شي خلينا نروح امي مريضه خطيه ..
باوعلي عذاب همستله ماكو شي ..
لو يعرف الدكتورة هيج حاجيه كان دخل موتها ..

باجر عذاب يلتحق .. فرجعت للبيت حضرت جنطته وغراضه ..
هو بقى عند اهله ..
اجة تقريبا ساعة 10 لان خالتي ارتفع ضغطها وماخذيها للمستشفى ..

فرح .. شلونها خالتي ..
عذاب .. زينه احسن عفتها نايمة وتماضر باتت يمهم ماراحت ..
-كملتي غراضي ..؟؟
فرح .. اي كلشي جاهز بس اتأكد خاف اكو شي ناقص

باوعلي وابتسم .. مدام انتي الي محضرتها اكيد ماكو نقص .. تدرين قبل من جانت… وسكت ..
عرفته يقصد منار ..
كمل كلامة .. كنت ارتبها وحدي ماكانت تهتم بهيج امور .

انقهرت عليه .. ومااعرف شلون طلعت لااراديا ..
ومعقوله كنت تحبها رغم عدم اهتمامها الك ..

عصب وطبگ حواجبه ..
اني رايح انام فرشتيلي ..

طلع من غير مايرد عليه او يقنعني شنو سبب حبه الكبير الها .. مو انانيه بس فعلا اغار منها ع هيج حب رغم تغيرة معاي بس احسه بعد الماضي بعيونه ونضراته ..
بنفس

الوقت ضجت لان ضوجته بكلامي ..

بقيت افتر بالغرفه ..
شهد نايمة والتلفزيون بس اگلب وماثبتت ع قناة من التوتر ..

طلعت ردت اشوفه اذا محتاج شي ..
شفته يباوع بموبايله ..
گتله راح انام تحتاج شي بعد ..

عذاب .. نعسانه ؟؟
اتعحبت من سؤاله . گتله لا شويه اباوع ع التلفزيون بين ماانام ..
عذاب .. زين ماتجين تگعدين يمي نباوع شي بالموبايل ..
فرح .. يعني شلون ..
عذاب .. نطلع فلم ع اليوتيوب ونتفرج مامليتي من التلفزيون ..
ماعرفت شنو اگله بس حسيته مو خالي ..
گال .. شبيج خايفه تعالي ..

اتقربت منه ..
هو گاعد ع القنفه ..
گعدت يمة ..
طلع اليوتيوب ..
گال فلم اجنبي لو عربي ..
گتله ها ماادري ..
گال راح اطلع اجنبي احلى ..

كان يبحث ع الفلن واني عايشه بتوتر ..
صعبه فجاة وبدون مقدمات يصير انجذاب بينك وبين شخص ماكنت متوقع منه القرب الك بهذي السرعه ..
وخاصه اذا كان الهذا الشخص ماضي ..
ومايگدر ينساه بسهوله ..

طلع الفلم ..
وفتح ايدة گال تقربي اكثر ..
خلى ايدة ع كتفي ..
كنت اباوع بس ممنتبهة ولاعرفت شنو بي الفلم ..
بس عرفت بطوله كاثرين زيتا ..
وكانت بي لقطات فاضحة…
حسيت بتوتر ..
وحسيت بضغطت عذاب ع كتفي ويحاول يقربني الي ..
وهو اني اصلا ضايعة بحضنه ..
صعد ايده ع شعري وسحب القراصه ..
من شفته راح يتمادى ..
ذكرت الي سواه بيه ووحشيته .. وكلام الدكتورة
خفت وگمت بسرعة من مكاني ..
من شافني گمت ..
لزم ايدي وعصرها ..
وين رايحة ..
-ها .. اروح انام ..
-خفتي مني ..
-لا بس ..
-اطلب منج طلب ..
سكتت مارديت عليه ..من توتري ..
-اريد تنامين يمي الليله واوعدج مااذيج ولااتقرب الج بس نامي بحضني ..
-لا اروح بفراشي احسن ..
-زين اني اجي يمج ..
-عذاب عفية ..
-لاتخليني اتوسل .. گتلج مااذيج ليش تعاندين ..
عيونه وكلامة وهو يحجي جذبني ..
نفسي ماتتقب تنام يمة ..
بس گلبي يدگ ويضغط عليه حتى اوافق. .
گتله بس ماتسوي شي ..
عذاب ..وعد؟؟
فرح .. اروح اجيب فراش واجي ..
عذاب .. لا خلينا ع فراش واحد ..
فرح .. زين بس اجيب شهد يمنا خاف تبجي ومااسمعها
عذاب .. خاف تجيبيها وتگعد ..
خليها بسريرها واتركي باب الغرفه والاستقبال مفتوح حتى نسمعها ..

ماخلالي فرصه للرفض ..
اتقربت يمة سحب ايدي ونزل نام بفراشة وفتح ايدة ..
اتقربت اكثر ونمت يمة ..
كنت بوضع لااحسد عليه ..
اول مرة بحياتي احس بهيج شعور ..
من نمت بحضنه سحبني الصدرة وحوطني بأيده ..
شعور ممزوج بالفرح والعذاب ..
فرحي بقربه الي وعذابي ليكون الماضي مازال موجود ويفرقنا ..
اجت ببالي منار ..
هذا الحضن بيوم كانت تنام عليه ..
وهسا اني ..
رفعت راسي وباوعت الوجهة مغمض ..
حجيت بداخلي ..
ياترى احساسك وياي نفس احساسك بيها لو يختلف ..
گال حلو اني مو ؟؟ وضحك ..
يبوووو استحيت ..
رجعت ع وضعيتي ..
كانت اديها تتلمس شعري بطريقه حلوة الى ان غفينا اثنينه ..
بالليل ردت اعدل وضعيتي ع الجهة الثانيه..
دار وجهة وهو نايم وحضني صار صدرة ع ظهري ..
ودنگ وجهة برگبتي اخذ نفس وگال اشتاقيت الحضنج منورة حبيبتي ..
بين نايمة وبين گاعدة ..
بين لحضاتي الجميله وياه واحلامي الي بينتها بهذي الساعات ..
لاول مرة مااختنگ وماتجيني الكوابيس ..
بس عذاب بكلامة خنگني وهدم احلامي كلها بلحظة ..
ردت اتنفس مااگدر ..
سحبت نفسي منه بهدوء وگمت ..
ركضت للغرفه وسديت الباب ..
كتمت صوتي بالمخدة وگمت اعيط وابجي ..
ااااه يمنار .. شوكت ارتاح منج ..
شوكت تخلص كوابيسج ..
شوكت ينتهي ثمني الاخطائج ..
اني مو بقصدي اخذ شي يخصج ..
انتي الي تركتيه وانتي الي دخلتيني العالمج ..
فوگ كل هذا ومستخسرة عليه لحظة حلوة اعيشها ..
بلحظة حسيت نفسي اغار مت منار ..
وحسيتها منافس الي ..
ولازم اهزمها واحاول اخليه ينساها ..
انانية هو حب مااعرف شنو تفسيرها ..
بس بعد مادگ گلبي اله ..
گمت مااميز بين الصواب والخطأ الي يهمني افوز بگلبه وبس ..
نمت ودموعي ع خدي ..
فزيت ع همسات عذاب الفجر ..
باوعتله مبدل ومكمل ..
گال .. ليش تركتيني وانهزمتي .. باوعلي گال ..
شبيهن عيونج ..
گمت عدلت شعري ..
ماكو شي بس اختنگت بالليل وماردت اگعدك ..
وذكرت بابا وبجيت .
گعد يمي وگال ..
ان شاء الله من اجي اخذج تزوريه ..
ضحكت .. صدگ تحجي ..ااااه لو تعرف شگد مشتاقتله صار سبع اشهر مزايرته ..
عذاب .. ان شاء الله نروح واشبعي منه ..
يله اني راح اروح ..
تعاي اقفلي الباب وراي ..
گمت وراه ..
طلع من باب المطبخ .. گال البارحة نمت مرتاح . ابتسمتله ..
-يله مع السلامة ..
-الله وياك ..
گال لا مو هيج .. واتقرب عليه واخذ شفافي بشفافه من الصدمة ماحسيت بشي ولاحسيت بشفافي الي گطعهن بوحشيته ..
كمل .. گال يخبل طعمهن غمزلي وطلع ..
اقفلي الباب بالمفتاح وطلع ..
كل هذا واني بعدني بصدمة وممصدگة الي صار ..
قفلت الباب ودخلت ..
واني مو بوعي والي صار عبالك حلم ..
معقوله باسني .. لو مثل الليل اتخيل منار بيه ..
بس لا هسا واعي ع روحة يعني ممعقوله ميشوفني ..
#يتبع.....

وهاي 4بارتات طوال..لخاطر الحلوين😍❤️

#ملوكه

عيوني..اشون تعرفين واحد يحبج؛:🙃

من اهتمامه ودوم يسال عليج ويسولفلج عن اللي صار بيومه
واذا حجيتي وي شخص غريب يضوج ويغار..يعني بين قوسين اللي كرايب ويحب فمفضوح😂💔يبين عل وجهه

#ملوكه

حبي يوميا بليل قبل لاتنامين اشربي حليب وعسل..
ويوميا اكلي جوز ..ودبس وراشي ونشويات من تمن وخبز..هذيني كله يسمن الجسم🌚🌺

#ملوكه