راح يجي بالليل .
باوعلي عذاب وگال فرح ..
فزيت من مكاني . معقوله وياي ..
طلعي لحم ودجاج مسحوب جبت ..
خلي اقطههن واتبلهن من هسا ..

فرح . لااني اقطعهن اذا تريد ..
عذاب .. لا هذا اختصاصي المشاوي انتي بس نطيني بهارات ..
فرح .. مااعرف اذا اكو بالبيت بس راح ادور ..

تماضر تباوع تضحك .. اشرتلها شكو دارت وجهها ..
وعيت ع روحي ..
فعلا هذي اول محاورة بينا بدون عياط وتفاهم ..
اكيد هذا الشخص بي انفصام .. كل شويه بحاله ..
خالتي .. لايمة ماكو هنا لان المرحومة ماعندها واهس بهيج شغلات ..

عذاب من سمع كلام خالتي ضاج ..
اني طالع بالسيارة اجيب واجي .. بعد اي نوع بهارات تردون ..
طفرت من مكاني بلا وعي ..
كركم كاري بهارات برياني وگص وتشريب وبهارات جدر

صفن بوجهي .. گال راح تفتحين محل بيهن ..
سكتت ..
گالت خالتي .. فدوة للنادرات ولك يمة انت شعرفك بالبيت ذني البهارات المفروض بكل بيت موجودات ..
بقلمي_الكاتبة_شمس
___________________
زين تماضر دزيهن الي برساله بين اطلع السيارة ..
كتبتهن تماضر ودزتهن ..

گمنا اني وتماضر رتبنا البيت وفرشناه كله والصاله مابيها اثاث هواي ..
فارغة .. خلينا مدات داير مدايرها .. وجبنا بوفية وتحفيات من الاستقبال خلينا بيها ..
گالت بقى بس التلفزيون ..
من يجي عذاب اگله ينصبه الج بالصاله حتى تتفرجين عليه ..
كملنا كلشي بين مااجة عذاب ..
قطع اللحم وتبلى .
واجة زوج تماضر ..
وطلعوا المنقله وبدأ يشوون ..
اني گمت اسوي مقبلات وهذي هوايتي من كنت عند اهلي .. تفننت بيهم ..

كملنا وفرشنا السفرة بالصالة ..
عذاب ماكان يقبل اگعد يم واحد .. بس هنا مامانع يمكن لان يعتبر بيته وعيب مااگعد او شي ثاني مااعرف .
بس لامنعني ولاخزر ..
زوج تماضر ياكل ومتعجب .. يگلي هي مقبلات شنو هالنفس الي بيهن ..
بعد شتريد استاذ عذاب ..
ويضحكون .. الا الوجه العابس ماكلف نفسة ويجامل شويه ..

تماضر .. عذاب البيت فارغ مابي اثاث لو تشتري كم حاجة اله حتى يترتب ..
عذاب .. اي هو هيج . اني ردت اغير الديكور لهذا بعتهم كلهم .. بس افرغ اشتري قنفات للصاله والاستقبال واغير الالوان ..
تماضر .. خلي فرح تطلع وياك ع ذوقها ..
عذاب… لا اني اشتري ماكو داعي .. حجاها بنتر ..
عرفت متضايق لان الاثاث السابق من اختيار منار كان ..

خالتي راحت لان عمو اجة وگالت يضوج اذا ميشوفني بالبيت واخذت وياها شهودة گالت خاف تضايفج ومتخليج تاكلين ..

بعد العشا اخذتني تماضر وگعدنا بالغرفة ..
تماضر .. باعي فروحة .. الفرق بيني وبينج هواي وعندي تجارب اكثر منج .. واحسبيني اختج ولو احنه اخوات ان شاء الله..
فرح .. الله شاهد انتي اكثر من اخت الي ..
تماضر .. حبيبتي وانتي هم .. بس اريد اگلج شي وسبق وان گتلح ..
عذاب مثل الاسد الجريح… كل الي يشوفه گدامة يهاجمة ومايبطل الى ان يشفى ..
فرح .. والله الي اشوفه مايهاجم بس فرح .. تگول يطلبني ثار ..
ضحكت وگالت .. ماانتي لبوة هالاسد وبيدج تشفيه وترجعيه احسن من قبل ..

فرح .. يالبوة سواني بزونه كل شويه ويدمغ بيه ..
تماضر .. هههههه والله عندج سوالف ..
بس وراكم مشوار طويل ولازم تتحملين .راح يشك ويقفل عليج وهذا الشي حسيته من اجيت .
ومايخليج تطلعين ..
وكل ضنه انه اذا سوة هيج راح يحمي نفسة وكرامته .
بس مدام هذا الشي يريحة اصبري واتحملي .
واكيد من يشوف طيبتج وادبج راح يراجع حساباته واني وياج ومااتركج .
وراح احجي وياه هم .. بس المهم لاتضعفين گدامة وخليج قويه ..
اختنگتي .. ادخلي للغرفه وابجي وفرغي همج ..
خلي سجادتج وصلي واستغفري وادعي الله يعدي محنتج وصدگي من تشكين الله ترتاحين .. لأن الشكوى الغيرة مذلة ..
ويمكن ماتصدگين اذا اگلج عذاب مو هيج عذاب صار انسان ثاني بعد مااتزوج منار ..
ولو ميجوز الحجي ع الميت ..
بس منار كانت تخليه يتعصب ويضوج بتصرفاتها ..
ماگدرت تحبه ولاتتأقلم وياه او هي ماحاولت تحبه .
لان هو كان يحبها وتعرفين شگد حارب عمودها ..
ولو هذي اسرار بيوت وميجوز اطلعها ..
بس انتي اختها ..ولازم تعرفين .
كان يجي من بيته معصب ومحترك ..
يفرغ عصبيته علينا . ويعيط ع امي ويگلها روحي احجي وياها وعقليها ..
وكم مرة اني حجيت وياها .. بس كانت ماتسمع لو تتذمر وهواي سوالف مو وكتها ..

الرجال لو وحش مثل ماتگول هي جانت ..
المرة بيدها تروضه وتخليه يحبها ويعشقها بعد..
مااگلج حياتي مابيها مشاكل ..
بس كان شعاري الوحيد الكتمان .. لليوم مااتعاركنا ورحت گلت الاهله او اهلي ..
عرگنا ومشاكلنا تبقى داخل بيتنا .
وهذا الي كبرني بعين زوجي ..
لليوم ماحجيت مشاكل اهلي وخصوصياته الزوجي ..
ولحد الان مايعرف شي عن شغله منار والي صار ..
ماعدا انها ماتت بحادث وتزوجج عمود بنته ..
هذا الشي الي ماسوته منار وكانت طايشه واذا صارت اقل شغله بينهم احسبي اهلي واهلج عرفوا وكبرت السالفه ..

ولو دوخت راسج بس اكيد راح تحتاجين هالامور للمستقبل .
-فعلا كلامها فادني وگمت اشوف الامور من غير منضور وراجعت كلام منار وكل مر

ة تجي تشكي وتبجي بيها ..
مايوم ذكرت محاسن عذاب او شنو سوالها وسنو اشترالها ..
الا وقت ماتتباهى گدام رنا وبنات عمي ..
اوووف الله يرحمج ويريح بالي من التفكير لان بعد مااعرف منو الظالم ومنو المظلوم ..

مرت الايام واني احاول اتأقلم وي الوضع والبيت ..
صار واهسي بي ..اشغل روحي بالشغل والتنضيف لو اغير الديكورات كل فترة شكل ..
وخاصه بعد ماعذاب وصى ع قنفات وتحفيات ..
بديت اهتم واعتني اكثر ..
وخالتي من تدخل تنبهر بالترتيب والنضافه ..
من عذاب يداوم ..
يخليني يم اهله ..
ومن يرجع ياخذنا للبيت ..
شهودة يوم عن يوم تكبر وتحلى اكثر بشكلها وسوالفها .
حتى ابوها غيرته وصار يتقربلها ..
لان كانت تناغي وتسولف وياها وتضحك وهو يلاعبها
بس فترة انشغالي عنها ..
من يشوفني اجيت يغير ملامحه ويگلي هاج سكتيها او اخذيها ..
كأنه يحاول يگلي مامهتم او يكابر ..
بس اني اعرف لهفته عليها من اروح المطبخ اطبخ او اشتغل ..
وهو يستغل هالشي ويروح يشوفها ..
او بحجة خليها يمي وخلصي شغلج ..
واني اختلس النضر واباوعلهم ..
فعلا ينگلب انسان ثاني وياها ..
وساعه يبقى صافن عليها وتدمع عيونه او يححي وياها وكأنه يحجي وي نفسه ..

اما علاقته وياي ماتغيرت ابد وع اقل غلطة يعيط من غير تركي وحدي وقفل الباب عليه بالساعات ..
الى ان احس راح اطگ واموت من القهر ..
فأدگ الحايط ع خالتي تجي يمي .
عندها نسخة من المفتاح خاف يصير شي بغيابه نخلي نسخة عندها ..
دايما تواسيني وتگلي شبيدي عليج وهذا راسه يابس ومايسمع كلام ..
وساعة تتعذر مني وتگلي اني السبب بحبستج هاي .عبالي انقذج من اخوانج .
بس طلع ابني مايرحم اكثر منهم ..
من اشوفها تلوم نفسها هيج انقهر عليها واگلها لاخاله هذا مقسوم عليه وقدري ولازم اتحمل ..

بيومها .. انتضرت عذاب وسويت عشا ..وهو للعشرة وماجاي ..
رحت للغرفه تمددت واخذت غفة .. فزيت عبالي اجة ..
باوعت ساعة وحدة بالليل ..
ياربي وين راح مو عوايدة يتأخر ..
اول مرة اخاف عليه هيج واقلق ..
وماعندي وسيله غير الحايط ..
دگيته حيل ع خالتي ..
واسمع صوت عمو يعيط.
يمكن نايم وفززتهم ..

شويه واجت خالتي للبيت وياها معتز ..
خايفه ومرعوبه .. هايمة شبيج شسوالج عذاب .

-خاله عذاب لسا مااجة ومو عوايدة كل مرة اذا اتأخر للتسعه ويرجع ..
معتز .. ماگالج وين راح ..
فرح .. هو طلع المغرب ومارجع وتدرون بي لايخبرني وين رايح ولا منين اجه مااعرف اي شي ..

معتز .. گومي جيبي شهد وغراضها وتعالن البيتنا واني راح اخابر عليه او جماعته واشوفه وين ..
بسرعة لبست واخذت شهد وغراضها وخالتي قفلت الباب ورحت البيتهم ..
طبعا اخذت المقسوم من زوج خالتي . واتهمني بغيابه
وگال ..
فگر ضيعتن الولد مني . اكيد طلباتج الماتخلص هي الي طلعته وخلته مايرجع .الله اليعلم شو شصارله والله ماارحمج اذا مارجع ابني ..
كنت اني المتهم الوحيد بغيابه ..
وعبالك عذاب طفل وطلعته وضاع ..
وعساس هو يسمع كلامي اذا منعته من الطلعه ..
خالتي ومعتز سكتوه وگالوله مو وكت هالحجي والبنيه شبيدها ماتعرف عذاب وراسه اليابس ..

معتز .. هو ماخذ سلاحة ..
فرح .. اي هو متعود دايما ياخذة بعد مااعرف ..

الكل قلق ويتصل .. وخالتي تبجي ..
واني ادعي يرجع ع الاقل الخاطر بنته خطيه تتيتم من الاب والام وهي صغير ..
اوووف اسم الله عليه .. شبيه گمت اولف للولد ..
معتز اتصل ع عمامة وولد عمة وانگلب البيت كله بنص الليل ..
حتى تماضر وزوجها اجو..
والكل يتصل وماكو ..
الولد سووها وجبات وطلعور يدورون عليه وعمو واخوانه راح للمركز يبلغون ..
واحنه بقينا وحدنا بالبيت وحدة تواسي الثانيه ..
شهد من الهوسة بس تبجي ..
اخذتها ودخلت للغرفه ..
اتباوعتلها . ودعيت الله . خاف فد يوم دعيت عليه بگلبي او دموعي دعت عليه .
ياربي لاتستجيب الدعواتي الخاطر بنته .
صغيرة وتتبهذل بهذي الدنيا ..
بقينا للصبح گاعدين وماكو خبر ..

يتبع ..…

حبي اذا تريدني معايده 👇🏻🌚

•كل عام وأنت قمري🌙
•كل عام وأنت أول أفكاري😎
•كل عام وأنت مصدر سعادتي😻
•كل عام وانت روحي🙈
•كل عام وأنت بألف بألف خير حبيبي..🥰
ان شاء الله تحقيق الأماني وان شاء الله ننجمع وتصير قسمتنا بالحلال😇🤲🏻❤️



وهذيني صفحات اللي اعرفهم👇🏻 يرسمون
واللي تعرف ترسم او تعرف بتصميم فراسلو هالبنوتة عل يوزرها🙃

#ملوكه

🔮😍من الضروري ان تحرصي على تقديم العناية المثالية لبشرتك لتتخلصي من الشوائب وتعود بشرتك لجمالها ومن طرق العنايه بالبشره يوميا.

💞1- احرصي على تنظيف البشرة مرتين في اليوم عبر استخدام المنتج الافضل للبشرة مثل الغسولات

💞2- احرصي على التخلص من شعر الوجه لتضمني نظافة البشرة اضافة ال مظهرها الجميل

💞3- احرصي على الحفاظ على نضارة البشرة وترطيبها خصوصاً إذا كانت من النوع الجاف عبر استخدام كريم لطيف يحافظ على بشرة مشرقة.

💞4- احرصي على الاهتمام بالمناطق الحساسة في الوجه خصوصاً منطقة حول العينين وحول الشفاه وهي تحتاج الى عناية خاصة.

💞5- احرصي على تقشير البشرة مرة او مرتين في الاسبوع وهو امر لا غنى عنه للعناية بالبشرة واحرصي على اختيار منتج يحافظ على صحة بشرتك وهو مثالي لتنعيمها.

💞6- ومن طرق العنايه بالبشره يوميا، استخدمي الكريم وقاية من اشعة الشمس بشكل يومي حتى لو كان الجو بارداً، فأشعة الشمس يمكن ان تتسبب في تلف البشرة.

💞7- تناولي كميات كافية من الماء خلال يومك .


#اعـاده_توجيـــہ_لتنسون
#ملوكه
@stylegrils

تسريحة لطيفة🙊💓 ..


#اعـاده_توجيـــہ_لصديقتج
#ملوكه
@stylegrils

🎀لازالة وعلاج الهالات السوداء تحت العين اختاري الطريقة التي تعجبك
واستمري عليها يومياِ🌚💜


🌟أولاً: شرائح الخيار ☁️
قومي بتقطيع الخيار إلى شرائح، وضعيها في الثلاجة حتى تبرد قليلاً، ثم قومي بوضع شريحتين على عينيك لمدة 10 دقائق يومياً.

🌟ثانيا: الملاعق الباردة🌾
قومي بوضع ملعقتي طعام في الثلاجة حتى تبردا ثم ضعيهما على عينيك لمدة من 10: 15 دقيقة يومياً.

🌟 ثالثاً: شرائح البطاطس🌝
ضعي قطعتين من شرائح البطاطس على عينيك لمدة 15 دقيقة.

🌟رابعاً:أكياس الشاي🌱
قومي بوضع أكياس الشاي في الثلاجة، ثم أخرجيها بعد أن تبرد وضعيها على عينيك لمدة تتراوح من 10: 15 دقيقة.

🌟 خامساً: النعناع🍃
قومي بتقطيع بعض أوراق النعناع الطازجة، وضعيها على عينيك لمدة 10 دقائق، ثم قومي بإزالتها بقطعة قماش نظيفة.

🌟سادسا: القطن وماء الورد 🌸
قومي بوضع القليل من ماء الورد على قطنة، ثم قومي بتمريرها بشكل دائري حول عينيك لمدة 10 دقائق ..💜



#اعـاده_توجيـــہ_لتنسون
#ملوكه
@stylegrils

حبي هي السنفرة..نفسها مقشر😅
يعني تكدرين تسووين بالبيت..مقشرات مثل شكر وزيت زيتون..او ليمون وشكر او قهوة وزيت وشكر
او تكدرين هم تشترين مقشرات ..

اكو اشكال منهن واسعاره تقريبا 5_8الاف حسب حجم العلبة ومدام بشرتج دهنية فبالاسبوع مرتين قشري☺️🌸

#ملوكه

1_☹️💔عادي عيوني..صح تضوجين وتختنكين بس اعتبري هالشي كتحفيز الج او كدافع قوة..حته تصير الج عبرة

2_ههههه..حبي بما انو عدكم امتحانات واغلبيه حايرين بالكورس الاول فداراعيكم بالقصة حته لاتلتهون😂🌚

#ملوكه