#مشاركه

طبعا موقف صار الي بالجامعة وكلش محرج اريد اشتري لفة بركر فرحت لابو الوصولات أخذت وصل وكتلة تفضل عيني اني كلت عيني تورطت على نفسي وضل هذا الولد يصيح عيني وكلة عيني الكافتريا صار عبارة عن كلمة عيني وخجلت كلش بيهة 😂😂😂😂


#رد
يااي😂..يله ميخالف هاي ارحم من كلمة عمو
صديقتي صاحت لفد واحد عمو....عود هو باوعلنا صفح يكول تره بعدني صغير ماصرت عمو😂💔 ..وهو شكله عود بكد جدي🤦‍♀

#مشاركه
شوفي الموقف المحرج طبعا اني بجامعتج نفسه ادرس
اول منطب بلباب شايفه هاي الدرجات
واني دامشي واتمزلكت 😂😂😂 وكعت كمت التفت الحمدلله محد شافني حته مااحس اذا عندي الام لو لا اهم شي محد شافني 😂😂


#رد
هي هاي اهم شي انو محد شافج😂..والاهم همزين مجانت الكاع بيها ماي وطين..جان انلاصت😂😑

#مشاركه
بصراحه حبي اكثر موقف محرج صار ويايه بجامعه هي لمن وكعت من درج .. جان بيومه مسوين مهرجان وطلاب المشاركين كومه وهوسه واني جنت تعبانه فنزلت من الدرج عباله خلصن درجات مشفت الاخيره فوكعت الحمد لله جانت صديقتي خطيه جريت ايده حيل الفشله مو هنا .. صح جانت هوسه ومحد نتبهه الا ولد واحد 😂 كام يصيح الله .. الله خلاهم ينتبهون صار وجهي الوان اني من الفشله 😂😂 بعدين بسرعه طلعت من جامعه كوله 😁


#رد
اني لو مكانج جان اكله للولد..لو ساكت مو احسلك😹👊..لمييت عيون الوادم علينا

طبعا اكثر مواقف صاير بالبنات الوكعات لو تتمزلك
بيها مجال رجل اشويه تنعوج..بس اذا الكعب انعوج وانكسر..اشون تكضين باقي دوامج بالجامعه😂💔

#مشاركه
صار بيه موقف بيومها رحت ازور عمتي وجانو يحجون عن الولادة والحمل وشلون تعب وضيم اني بوكتها عمري 14 جان اطفر بالنص واكوللهم شالقضية تره مابيهن تعب عادي طبعا جان قصدي التربيه اصعب منهن بس ماعرفت اوصللهم الفكرة وجان عمتي تكولي احم احم كلش دتزوجي بالاول وبعدين اذا كلتي مابيهن تعب اكصص اديه يبوو ما انساه هاذ الموقف😂😂😂


#رد
ياا🤣...يله همزين بس نسوان كاعدات

هاي لو كاعد وياكم.. من ولد العم او ولد الخال..جان لزموها عليج وشيخلصج من لسانهم😂😣

#مشاركه
هاي مرة طالب وياي بالكلية هو من محافضتي يعني اني كليتي بغير محافضة يعني صارت صداقة بس سطحية كلش بحيث بس من احتاج شي اروحلة وهو همين وتدرين بغير محافضة مو مثل يم اهلج المهم مرة غاب الولد ماشفتة تقريبا اسبوعين هج او اكثر جنت مرحلة اولى عود دااريد اعرف شنو السالفة رحتلة بالتلي كلتلة اكولك ليش ماتداوم حريمة تروح عليك المواد وهيج شي جان كال اني مداوم بس بغير كروب مو بنفس كروبج 😂😭ثاني يوم رحت اجا وكف كدامي كال ها شفتيني 👀اكثر موقف صدك خجلت بي ومن يومها لحد هسة اني مرحلة رحت رابعة كل مااشوف الولد اختل ورة صديقتي 😹نصيحة لبنات المرحلة الاولى ابد لاتجفصون بالحجي وتتفشلون والله عمركم ماتنسونها


#رد
يافشلتاه😂..
يبووي خليها سكتة ..جفصات الاولى كومه ..
اصلن من اقارن هسه بالاولى احس جنا زعاطيط وهسه كبرنا 😑💔😂..لان فرق وتغيير جبير بكلشي

#مشاركه
مره صار وياي موقف بالجامعه اني وصديقتي دهلنه متاخرات للمختبر فباب المختبر بيها عتبه عاليه يوميه اكول راح اعثر بيها جان بهاذه اليوم الي دخلنه متأخرات عثرت بيها بس شنو من عثره جنت لابسه ترانشوز ورج المختبر رج اني زين ما جتت زرك بالكاع ربكم ستر صديقتي تمشي كدامي واستندت عليها لو ماكدامي جان اجقلبت بالكاع همزين تمشي كدامي الطلتب كلهم يضحكون يضحكون عله الاستاذ بالمختبر نز من الصوت العثره الي بلباب رج المختبر ومن العثره التخبل 🤣😂😂😂ابدد ما انسه هاذه اليوم كلهم سكتو بس اني بقيت اضحك عله نفسي


#رد
هاي غير شوز اللي سويتلهم هزة ارضية 😹بالمختبر

الله ستر ماتشقلبتي..جان استلموج اكس مربع🤣وبعد ادرى بولد الجامعه😒👊يكصون الواحد كص

#مشاركه
مرة جانت الدنيا ماطرة..وغمست بالطين😭

#رد
اووف..موقف يضوج🤦‍♀😣..يله ميخالف تكبرين وتنسيها😂

طبعا فرعنا جان قبل مامزفتي..فمن تمطر يصير عبارة عن نوتيلا🤣
ومن جنت بوكتها ارجع من المدرسه..فد معاناة كلش...من امشي بالطين ..اله اشويه احس حذائي رياضي ابو قيطان رح ينفتح وينلطش بالطين😹💔

#مشاركه
المواقف المحرجه دومها وياي تصير..مرة جنت بالجامعه وداحجي اني وصديقتي ودنكص بالناس

واحد من اللي كصيناهم چان ورانا وسمع كلشي حجينا عليه ومن انتبهنا علينا..جان يكللنا كملن بعد ليش سكتن😂..كلت بوكتها يكاع انشكي وبلعيني ..
صرنا كد طماطه كباله😂😂

#رد
يبوو من لساننا اذا انفتح شيسده😂💔...
سالفه تچر بسالفه لمن نجفص بالاخير يله عود نكعد راحه😓😹😹

ومنا ارشادات..قبل ماتستعملين ديرمابن او ديرمارول🌚👆🏻🌺

#ملوكه

#مشاركه
طبعا اني اكره كرايبنا كلهم فمرة رحنا على عزيمة جبيرة كل كرايبنا هناك فإني وبنات خالاتي جنا بالمطبخ هه حلوة الكعدة هناك ..وجنت اني احجي ع واحد من ولد عمامي واحجي واشتم وكل صوتي عالي ومااحس إلا وهو لازم اذني ويكولي كملتي فأني ردت اضوجة فكتله لا مكملت جان يعبر ايدي قوي 😂 وكمت ابجي 😂 وكتلة والله توبة ومن بعدها كمت ماباوع بوجهه ولا اسلم علية من اشوفة كبل عيوني دمع🌝😹😹


#رد
هج موقف يشبه القصص اللي انشرهن😂
ابن عم اذا سمع حجاية عليه..يطلع بطوليته😹🌚بس زين ماقصرتي بالحجي عليه..هههه

#مشاركه

كملنه محاضره رحت اني وصديقاتي لحماماتكم الفيزياء جانت الكهرباء طافيه فلبخت ع الضلمه 😂😂وطلعنه للحديقه واشوف الرايح والجاي يباوعلي وصديقاتي مننتبهاتلي من طلعت من الحمام كتلهن شكو شو كلها دتباوع وجهي بي شي🤔باوعلي خربن ضحك كالن يافشلت الفشله وجهج عبالك بورك بناء لابخته مجلح😂😂🤦‍♀ويخرع بعد مااكدر ارجع للقسم وحده من صديقاتي لابسه عبايه كعدت ع المصطبه غطتني بعباتها وخففت البورك😂😂😂



#رد
ياعزةة😂💔
لو باقية بحمامكم مو احسن.😂🤦‍♀ولو هم ظلمة اهناك من تنكطع كهربا

بهج حالات حته لايتكرر هالموقف قبل لاتطلعين من الحمام🙃..اسالي صديقتج كلليها هاهي زين!!..واطلعي
اني وصديقاتي دائما نسويها. .مكملين كلشي ومعدلين..بس لازم هالاسئله..حجابي عدل لو لا..😹😹حمرتي طوخ لو اخففها ..ينرادلي كحلة لو ميحتاج..وكومه اسئلة😂

#مشاركه
هاي مره اني بالجامعة مرحله اولى جنت اريد اروح اشتري كيكه وعصير وجن اكو ولد كاعد عبالي هو الي يبيع كالته صباح الخير هاي بشكد جان يكول نعم رجعت كتله بشكد هاي جان الولد يصفن عليه كلي العفو اني طالب بالجامعه واني من ساعته كل مااشوفه اطفر 🙊

مواقف كومه بالكليه وكل موقف ماعرف ليش يصير وي هذا الولد نفسه😂
هسه اني رابعه ومن اتذكر سوالف الأولى بس اظل اضحك


#رد
زين كبل كلج طالب قبل لاتجفصين بعد😂
اووف من جفصاتنا..هاي احنا البنات اذا نجفص..ندوس زايد 😹😹
صح اكو مواقف تفشل..بس بالنهاية ذكرى ومتنسي🌚

#مشاركه
طبعا هسه ذكرت الموقف متت من ضحك جان اكو بالممر حاجز خشب مال غرفه كبال غرفة رئيس القسم جان اني امشي ويه الحاجز وضلت نهاية الممر واكو ولد اجه من الممر الثاني بس ماواحد يكدر يشوف الثاني وفجاه طلع بوجهي وتصادمنه شلون فشله باب الغرفه مفتوح شافنه دكتور علي عبد الامير وجهي صار دم معرفت شحجي وهو عاط الله الله 😂😂😂😂فشلتاه


#رد
ياا😂💔هي هنا المشكلة..بهج مواقف من اصير بيها اتمنى اللي يشوفني شخص مايعرفني ومجهول

بس احنا مواقفنا لازم تصير بكدام شخصيات يعروفنا😂 ونضل يوم كامل نفكر بالموقف😑