Упершыню ўпамінаецца Слонім у Іпацьеўскім летапісе 1252 годзе пад назвамі Услонім, Васлонім, хоць і сляды паселішчаў адносяцца яшчэ да 11 стагоддзя. Былая Гандлёвая плошча, цяпер плошча Леніна, набыла авальную форму яшчэ ў сярэднявеччы. У XVI-XVIII стагоддзях Слонім - буйны гандлёвы цэнтр. У 1586 годзе слонімскім старастам быў Леў Сапега, які ўдзяляў надзвычай вялікую ўвагу Слоніму. У кароткі тэрмін са звычайнага правінцыйнага мястэчка ён ператварыўся ў важны палітычны цэнтр княства. Былі пабудаваныя ратуша, гандлёвыя рады, цэхі рамеснікаў, склаўся гістарычны цэнтр горада з брукаванымі вуліцамі, плошчамі і мастамі. Паводле яго хадайніцтва ў 1591 годзе горад атрымаў Магдэбургскае права, быў падараваны герб, на якім намаляваны леў, які трымае двойчы перакрыжаваную залатую стралу з родавага герба Сапегаў. Бронзавы помнік Льву Сапегу вышынёй 4 метры разам з пастаментам усталявалі ў цэнтры Слоніма на плошчы Леніна ў 2019 годзе. І нават з'явілася новая традыцыя ў Слоніме - абавязкова пацерці, альбо дакрануцца да абутку Льва Сапегі, і тады будзе таму багацце.
На плошчы, вакол якой фарміравалася забудова горада, быў пабудаваны дамініканскі кляштар. Плошча з канца XVII стагоддзя называлася “плошчай перад дамініканскім касцёлам”. Там жа пазней з’явілася і Дамініканская вуліца. Фундацыю кляштара і касцёла св. Міхаіла ў 1680 годзе зрабілі Кшыштаф і Дарота Пакаршэўскія — войскія лідскія. У 1747 г. на месцы драўлянага касцёла быў пабудаваны цагляны. Пры кляштары была бібліятэка, якая складалася з 470 тамоў. У 1845 годзе кляштар быў зачынены. Ансамбль дамініканскага кляштара, на жаль, не захаваўся. (знаходзіўся кляштар бліжэй да вул. Ружанская).
Росквіт горада ў другой палове XVIII ст. звязаны з дзейнасцю вялікага гетмана літоўскага Міхала Казіміра Агінскага (1728—1800 гг.). Практычна адначасова с палацам Міхала Казіміра Агінскага будаваліся дамы для прыдворных рамеснікаў (сучасная забудова пл. Леніна, 7, 9, 11). Дамы аднапавярховыя, арыентаваны да плошчы, якую шчыльна акалялі, бакавымі фасадамі. Паколькі плошча мела авальную форму, то дамы рамеснікаў, падтрымліваючы яе канфігурацыю, атрымалі дэфармаваны прамавугольны план. Такая шчыльная і сціплая шэрагавая забудова была характэрна для другой паловы XVIII стагоддзя.

19 ліпеня (1 жніўня па новым стылі) 1914года Германія аб’явіла вайну Расіі. 26 жніўня 1915 года фронт дакаціўся да Слоніма. Чатыры дні працягвалася жорсткая бітва, асабліва пацярпеў цэнтр і Замосце (правабярэжная частка Слоніма). Нешматлікае цывільнае насельніцтва пакінула гэтыя кварталы і ратавалася ў скляпах і ямах; многія загінулі.
Вялкая Айчынная вайна таксама ўнесла свае страшэнныя ўспаміны з гэтым месцам. У музеі экспануецца фотаздымак шыбеніцы, якая была размешчана ў цэнтры плошчы. Фотаздымак быў знойдзены ў час вызвалення Слоніма ў забітага нямецкага салдата. На здымку двое павешаных партызан: Міхаіл Савосік і 17-гадовы Павел Дубовік з вёскі Голі. Яны трапілі ў палон у час бою партызан з гітлераўцамі паміж вёскамі Кастровічы і Голі. Па ўспамінах сведак таго часу, людзі распавядаюць пра жахлівыя катаванні на плошчы партызан і жыхароў за непадпарадкаванне. Выганялі с дамоў жыхароў ад маленькіх да сталых, і прымушалі назіраць на здзекі; і каб ні ў якім разе не адварочваліся, за гэтым старанна сачылі фашысты. За гады нямецка-фашысцкай акупацыі ў горадзе цалкам было знішчана 1180 жылых дамоў, горад быў зруйнаваны на 40%.
Параўнанне сучаснага стана гарадской забудовы з планам 1796 года выяўляе амаль поўную захаванасць гістарычнай планіроўкі.
Сёння гэта помнік горадабудаўніцтва. І менавіта горад Слонім з яго значнай гісторыка-культурнай спадчынай безумоўна прыцягвае ўвагу як даследчыкаў, так і турыстаў.

"КОЖНАЯ ПЯТНІЦА - РОДНАЕ, СВАЁ"🇧🇾 Слонімскі музей знаёміць з беларускімі стравамі #ДзеньРоднагаСвайго

Министерством информации создан видеоролик о правовых
и медицинских последствиях потребления несовершеннолетними
электронных систем курения (вейпов) «Твои легкие – не микроволновка». Ролик доступен по ссылке: https://drive.google.com/file/d/1Qlh6vWNn2LA5e5OAUwjRzG4r7G7fDxbL/view?usp=sharing