.
انا موصي الجروح يلبسن ثياب
مو لجل الستر بس خاف امر بيك
اكو حضنه ملاكه وحضنه وداع
ياهو تريد منهن من الاكيك ؟
.
.
.
#شعراء_وذواقين_الشعر_الشعبي
#علي_رشم
#ابو_تراب

.
دمعتك باردة يكولون ما تشتاك
وانا خيالي الحنين يثكل بجدمه
والكاهم فراغ منين ما احط شوك
الاحبهم مو نهار كلوبهم ظلمه
اليضم عندي هوا ما اسولفه لمخنوك
اليجي بوكته دمع بعيوني ما اضمه
واهس ليل جرحي شكد سوالف بي
علية كل ذكرى مرت تنحسب لچمه
هوت روحي وهوت بس ما هوتها الناس
حجي عيوني سهل بس جيب اليفهمه
.
.
.
#شعراء_وذواقين_الشعر_الشعبي
#علي_رشم
#ابو_تراب

.
اليحط عينه بكفاي يشوف الملاكي
مبين شكو بروحي شعافت الحركه
الجنت كبالهم طولي اعلى مد الشوف
صغرت بعينهم من كبرت الفركه
بعيدة ولايتك والصدفه فكت باب
واجيت ومن لكيتك وجهك مسركه
من عدها وعرفت بنشغة المكتول
وشتعوف الرصاصة حرورة بالتفكه
.
.
.
#شعراء_وذاوقين_الشعر_الشعبي
#علي_رشم
#ابو_تراب

بالموادع بروحي يصير تابوت
وبالملاكة هلاهل دمعتي تصير
اكو حضنه ملاكة وحضنه وداع
ياهي تريد منهن من الاكيك
كلت ملحك بجرحي وغزر وياي
واكلت سنين عمري وما مضن بيك
الله انطاك عمري وعشت وياي
وي غير شتضن هم الله ينطيك ؟

.
.
#شعراء_وذاوقين_الشعر_الشعبي
#علي_رشم
#ابو_تراب

.
العلية سألوك هم سألوني واحتاريت
سويتك نبي وكلت انجبر حكه
اناشغ والبجي يوصل لسابع ليل
وفشلتي بدمعة تبدي وتنتهي بصفكه
طش بديرتي حتى التفت والكاك
اختنك صدري ومتت بمدافع السحكه
.
.
#شعراء_وذواقين_الشعر_الشعبي
#علي_رشم
#ابو_تراب

.
فحطت خلگي وبعد زعلك طويل
ودرب الملاگه علية شبعدة صار !
روحي ما بيها عشك خلص عليك
و بسما جروحي حنينك كله طار
فرفحت روحي ونكت جفوفي حيل
من سمعت بواهس يم غيري صار
.
.
#شعراء_وذاوقين_الشعر_الشعبي
#علي_رشم
#ابو_تراب

شخليتي بيه وصدري فارغ طلع
شعاف الندى من اثار فوگ الصخر
دبريلي ملگه بروحي وحشه حضن
شگد ناس صغرت من فراغچ كبر
شجريتي مني ومانجر النفس
ضلت النسمة بروحي تطبع اثر
.
.
#شعراء_وذواقين_الشعر_الشعبي
#علي_رشم
#ابو_تراب

.
تعال اشلع الطين البي عرك ملكاك
بيا صحرة حنينه تمشى قافلته
جبروك وطفيت و واهسك وياي
كفرت بگلشي بعدك والعشك صمته
على برد العطش وتبده وجهك ماي
على كل حال گلبك روحي عاذرته
.
.
#شعراء_وذواقين_الشعر_الشعبي
#علي_رشم
#ابو_تراب

.
مشى بيه انتظارك عكس الاميال
و وكف عقرب دمعتي بجفن الغياب
تجي منطيني ظهرك حتى بالطيف
وعليه غيمة اعذارك تمطر اسباب
على سرعة مشيتك صفنت الخيل
چنك للفراك محسب احساب
اذا ميت حنينك روح معذور
بس بهاي اعذرك مو بالغياب
.
.
#شعراء_وذواقين_الشعر_الشعبي
#علي_رشم
#ابو_تراب

.
رحتي وخيالج لا غفى ولا مشى
ولا عاف عيني ولا بروحي استقر
اربع مواسم ضل خريفج يجي
وطاحت ملامح وجهي مثل الشجر
.
.
#شعراء_وذواقين_الشعر_الشعبي
#علي_رشم
#ابو_تراب

لتمن براسي انعم الله اعلى الصهيل
شوك ملگه فراك دمعات و سهر
زارع بروحي قلق سويته ليل
وضوة زارع بيك ما خضر كمر ؟!
الهوا بظهر حجايتي من تمر عليك
غيمت سالفتي ما لاحك مطر ؟
حافي يمشي السيف بجروحي وبقيت
لا رحت مني ولا راح الاثر
.
.
#شعراء_وذواقين_الشعر_الشعبي
#علي_رشم
#ابو_تراب

.
فحطت خلگي وبعد زعلك طويل
ودرب الملاگه علية شبعدة صار !
روحي ما بيها عشك خلص عليك
و بسما جروحي حنينك كله طار
فرفحت روحي ونكت جفوفي حيل
من سمعت بواهس يم غيري صار
.
.
#شعراء_وذواقين_الشعر_الشعبي
#علي_رشم
#ابو_تراب

.
اليحبك من صدك لو سهم يتلكاك
شيلمه الكاع تزغر لمن اتودعه
اليصير مرايتك يندل حسرتك وين
ويعرف وين بيك امجودره الوجعه
اليضفر حيرتك بجفوفه تلكه اعذار
الحنينك بي اطشر يكدر ايجمعه
اليطفه اكبال وجهي انطي عذر ينشاف
ما خليت نسمه بخاطر الشمعه
.
.
#شعراء_وذواقين_الشعر_الشعبي
#علي_رشم
#ابو_تراب

.
من اموت برودتك خليها على التابوت
وبيدك كون نعش جنازتي تطبكه
وخليلي دمعتك على الكبر نيشان
خاف بجفن كبري دموع ما تلكه
وخاف يمر وكت وتزورني من بعيد
تدليك بمكاني حرورة الشهكه
.
.
#شعراء_وذواقين_الشعر_الشعبي
#علي_رشم
#ابو_تراب

.
تبرت كلها مني و وحدي ضليت
بس موادعك ضل لازم الباب
ركض طيفك بعيني وفحط الليل
شمعة ونفس منك ليلي ما جاب
حسرتي وياك چوت خد الغيوم
هواك اختنك بيها ونزلت شهاب
نشف واهس عيوني بكل الوجوه
ذبل عمري واحلامي انطشن تراب
خريفك هوا يمرني ويخنك الشوك
وعليه يمر خضارك لابس ثياب
الك مو عيب لازم دمعتي تطيح
مثل ما عيب سيف ينام ب كراب
.
.
#شعراء_وذواقين_الشعر_الشعبي
#علي_رشم
#ابو_تراب

زعلانه كالوا لا تمرها بحلم
وگلولي دمعج ع الجفن ما عثر
اشتموا فراكج بية من سولفت
مريتي سيف وصار خلگي نحر
يضفرون وجهي وثنثر عزتي
وبعيوني تطفى وجوه كل البشر
شخليتي بية وصدري فارغ طلع
شعاف الندى من اثار فوك الصخر
دبريلي ملگة بروحي وحشة حضن
شكد ناس صغرت من فراغج كبر
.
.
#شعراء_وذواقين_الشعر_الشعبي
#علي_رشم
#ابو_تراب

.
لو تجين ! جا لكيتيني ملح بي حوبه امي
وجا لكيتيني خضار
شويه تاني مروت العاشك نهار
باردة عيوني عليج وگلبي حار
منين اجيب الحيل والحك
وانتي تمشين بجدم مطلوب ثار
حتى لا يشوف الموادع
كون من يوصل محطة
يغمض عيونه القطار
.
.
#شعراء_وذواقين_الشعر_الشعبي
#علي_رشم
#ابو_تراب

.
عليك مخلي بالي وخاف فد يوم
تبرد بية حاسب بيش اغطيك
انا موصي الجروح يلبسن ثياب
مو لجل الستر بس خاف امر بيك
اكو حضنه ملاگه وحضنه وداع
ياهي تريد منهن من الاكيك

.
.
#شعراء_وذواقين_الشعر_الشعبي
#علي_رشم
#ابو_تراب

اكو حضنة ملاكه وحضنة وداع
ياهو تريد منهن من الاكيك
ارسمك ملتفتلي وتطلع اوهام
ملامح وجهي مافهمت معانيك
بثكل جرحك كبل خطواتك وياي
شنو شو عالزعل خفيت رجليك
.
.
#شعراء_وذواقين_الشعر_الشعبي
#علي_رشم
#ابو_تراب

كون المفارك حبيبة يرد علية
ونبص گلبة يسولف شصار بجفاه
وكلمن يحب من طرف ولفة يجية
بوجه يترس حيرته وتمطر سماه
حضنه العشاك ما بيها حرام
اليحب من محبوبته يفصل غطاه
.
.
#شعراء_وذواقين_الشعر_الشعبي
#علي_رشم
#ابو_تراب