مرات الضلوع تريد موگد للشته المضموم
هذاك المحني موش هلال
ولك ذاك كمر ملجوم

#محمد_الگرعاوي

شمدريني الرماد
زلوف شابت والنده چتال
شمدريني المحبه حروز
لازم كون ماتنگال


#محمد_الگرعاوي

ضل مغتاض .. لحد ما يحله الك عذري

ل حيدر ألكناني

مورخيص الشوگ وتلاگيني صدفة
اطيني موعد
ينكت تراب الرفوف الترس گلبي
اعمى كلمن عندة عين
ومايعرف يشوف ولفة
وموذليل امن ادگ بابك
بس الچفوف التحب بدگة البيبان تدفة

احمد الحلفي

سافر اشويه يكلبي لغير طين
ليش متعود تضل دومك حزين
انه كتلك من الاول
للرمل لو تجفي مايك
مايخضرلك حنين

عباس الحمداني

أزِف روحي إعلى نجمـاتـك

وأهـدّر عـرسـي بـزيـاگـك ،

وأغـطـيـك بضـوه ويَ الگمـرة

ما مـاشي ..



مجتبى_المعن .

طوّلّي بالك لا يطـول الزعل
منٌ فدوه اروح الهاي المبـلّله


جمال الصافي

يتراولي
اشوفك تضحك گبالي

وأتيه سوالفي
ولوني
وهلي
والباب

واتعنه لـ ضحكتك
والسراب ايطش

وأرد
متكسره الدنيا بـ سما عيوني

تطفه بوجهي المرايات


امجد الحلفي

اوداعتك كلّش نسيتك
اِلّا بلبل ظال من صوتك بروحي
من أسمعنّه بصفنتي
كل شي بيّه آيكَول آجيتك

#القصاب

وخـل كـذلتك يـمدلل مـنعثرة
باجر لـون فـر ألـهوة بـالعكس.!

#صاحب_الضويري

مـدري ياهو يگود بيـه
چني روجـه بـ تالي دربي
كلشـي ما الـگه ويرجعنــي الجرف
وابقـه وحدي الليل كله مگابله عيوني السگف
بـ گلبي ادور عن حبيب وما يصح
امنيتي احب واشتاگ وازعل وانجرح

#محسن_الموسـوي

وناسيك بس اعترف
وجهي اختلف من فتت

لون الكطن يختلف كلما شبك جرحه

#عقيل_العرد

يطويني الحزن طوي الغزل للصوف
وابعد عن طريجه ويظل بذيالي

انا بياهي ابتدي واسنيني كلهن سود
بأولهن بديت ومالهن تالي ...

عطا السعيدي

❤
ردت ضحكتي وطگ بالصفار الوان
وبده يمر الورد بشفايفي الزرگه

خير من الله قلت نسبة الدخان
وبدت نسمة نظيفة تمر علی الشهگه

لو يطلع نبي وشايل بديه قرآن
اول ما يحرم كثرة الفرگه

#رائد_ابو_فتيان 🌿

#صباحكم_فيروزي😍

جرب اعصرني عصر

اطلعلك انته

ميثم فالح

انتي حوريتي الاميرة
والشعر كدام وجهج ينثني
وكل الجمال الكون شفته
يغني يمج موطني

محمد الجابري