أعـاند روحي ما أشتاگ وآني الشوگ كاتلني

#عريان

تعاشرنا ووصلنا لـ حال مُــو زين
مُــرضه ثنينا وبَـس نلتقي نطيب ..

گتلها

نسيت وگالت تچذب

انتَ أول ابنادم يعرگ من يحب

والـ مثلك يتيه بـ عالم النسيان

مثل ذاك الضَوه الـ يختنگ بـ المغرب

گتلها بَعد للسفر ماكو شراع

خايف نغرگ وما نگدر نچلب

وگتلها بَعد حيلي أنچفه وما فيد

گالتلي السيوف الـ باشطه تحدب

وگتلها فقير شعاجبچ بـ العوز

گالتلي الفقير بـ كلهن معزب

وبچت وأسمعها گالت لو إلك لو اموت

گلتلها الحچي الـ ما يَنحچي يتعب

مو صاحب طويله وگلبي عايش خوف

وتفززه القطره الـ تَنزل من الحِب

وگالتلي صبر يعقوب وايوبين

متانيتك بعدني وعـ الهلال أحسب

وهاك أخذ القلم وأكتب وهنه اثنين

لو ورقه وفاتي لو عقد تكتب

وما فاد الحچي ورديت لـ أول بيت

وگتلها نسيت وگالت تجذب

#نائل_الأسمر

اريد ارجع لاول طلعه بالباب
الجنت بيها كبل ما اعرف احد ..

ومن اجيت
ياعسنك ما بطيت
بللت ريح السواجي
الماتت ابروحي عطش

وشتلت بعيوني سن
ابلون رصعات البنفسج
للأمانه كلشي بيه استوحشك !

#احمد_العامري

يذڪرونڪك وأصيح أفيش
أمية و باردة أنصبت...❤️

بعدني اندار اذآ مره اسمعت اسمچ
واني ادريچ مو أنتي ..

ما خانت ولا شكت
و اتحجج اعليها

و اغلط بحقها و تجي
تراضيني ، وين الوفه
غير اني اراضيها ؟

و الله ما استحي
من چنت ابچيها

و الله دمعها الطُفر
مثل العطر من ترش
طخني و رجع ليهَا

و آخ شثگُلها مشت
و گالتلي روح ابتعد
و من يصفى بالك تجي
گلتلها اي .. و صفى
و ما راجع اعليها

و مرتين خاين تره
من بچت .. ما دمعِت
و من مشت عني و جزت
ما چلبت بيها

من عرفت استهضُمَت
و بطول حسها بچت
شاعر و خان شبقت ؟
نزعت تراچيها !!

و "يحرم عليه العشگ"
گالتلي و اندارت
و تمنيت مو بس انا
حتى امي ما صارت

ضل بگلبها حچي
استحت ما سولفت
فركت ايديها و مشت
حسيتها احتارت

گلتلها كلشي انتهى
كلمن يروح لـ حُضن
افترت عليه بغضب
معيوفه ، بس غارت

و من عدها و اتأكدت
كل البشر ما وفووا
من عندي و احچيها

و اغلط بحقها و تجي
تراضيني وين الوفه ؟
غير اني اراضيها ؟ 💔

يالمرخصني وانتَ تشوف
عزة نفسي چَن سلعة !
السن اليوجعك بالليل قرارك يسبق الدكتور
بيدك لازم تشلعه ..
فقدان الشغف لو صار
بيمن تگدر ترجعه
حدك ما لزمته وياي
رغم وياك چنت أنسان
تنزل دمعته من يشوفك تودعه .

ودالي وي طارش وصيّة
يگول الكحل زايد شويّة
گتله اشعليك و رَد عليّه
مادام رمشچ عال بيّه

وبعناده زوّدت الكحل خط
وعلمته خشمه اويامن انحط
باولها وياي ايتشرّط
بآخرها چا شيسوي بيّه

ومريت يمه وعطري مر طوخ
وفاحت بخدي اسوالف الخوخ
الليلة گلبي يبات مفشوخ
وهذا العناد ايعم عليّه

شو لا خزرني ولا تحلّف ؟
بس شوّح بعينه وتچتف
الليلة اظن گلبي ايتحسف
واعذاري ما تلحگ عليّه

گلوله خل يرضى واتبوشه
وارضى انسجن بلبل بحوشه
وياي من يگطع اطروشه
چن الهوى المگطوع بيّه . ♥️

- ايما صباح

نطرنه دروبنه ومامش جدم منكم
وفتحنا أبوابنه بلهفه
ولن الدگها مو چفكم!
وصغينه للميسوه ولاخبر عنكم!
مشتاگيلكم تدرون ماتدرون
ماندري شنگللكم!

بوگَت النوم گبرت عندي عادة
لو آيد امي لو ايدك وسادة
صح ماذكره بس تدري شفت بيك
الامأن العشته بـ ايام الولادة ...!

- محمد الشمري

هوايّ حَبوني
لَچن گلبي يرفلَك
حتى منِ أحزن أحِبك .

الطلقة وكت الحرب تكتل شخصين
الجندي والگاعد بگلب الجندي ..

درت وجهـي وأجـو زفـوج
منعـدها وكرهـت حچـايـة الـ شبسـاع !