الراحل #طالب_السوداني🌿
في مقطع نادر له يلقي قصيدة للگاطع

هذا اليگول.

يوم الي رحت مني
انخطف لوني !!

طلع دخان من گلبي وعمه عيوني

فـرق بيناتنه ابكل المشاوير
مثل فرق البنادق والعصافير
حمامه ارويحتي وطبعك رصاصات
تحاصرني بـ جحيمك وين ما اطير
لوحه مشرگه الروح بـ خطاياك
شيل ايدك بعد لدگ بسامير 

#طالب_السوداني

قبل ان يتشوه النص ..

من ذاكره
الراحل الكبير ،، #طالب_السوداني ،،

👇🏼

وين اجيك .. اوين اشوفك

وينك انت بيا مكان

خلص گلبي يا حبيبي .. وين وداك الزمان

دارت الدنيا بغيابك ..
شگد بچينا گبال بابك

يبعدوك اي ليش عني .. و بعدك ابقى بلا حنان

الهسه احبك .. ما الي غيرك حبيب
بس شسوي .. والهوه قسمه و نصيب
ادعي بس من الله .. لجروحي تطيب

دارت الدنيا بغيابك ..
شگد بچينا گبال بابك

شگد حلمنا .. احباب نبقى للأخير
و افترگنا و ما بقينه .. ابفد مصير
اليمته ابقى .. انــه في حبك اسير

دارت الدنيا بغيابك ..
شگد بچينا گبال بابك

يبعدوك اي ليش عني .. و بعدك ابقى بلا حنان