.
.

ألم كل السمار البيك
والاگيك بوسط روحــي
واندلك ...
يـ مسند راسي لاتغلگ جفن عينك
مشتهيه الصلاه يمك
يـ معبودي
الوزه بجلبابك اتنهد
عطش روحي ربابه وبيك تتعبد
وصوت الشاطي البعيني
خلص
وچفوفك المرسه
بعد بيه الجربتك روح ماتبرد
يــ سمر لاتوهدنــي
غربتي چفوفك واندل
وملامح وجهك التتبدل تبهذل

اصير انسان مابي عافيه من تـ غيب
ادور بلكن امرايه غفــت بعيونك الجوزي
هلبــت بيهه منك صوت. .
واتغزل .....

ياغصن
ياعود
ياقديس
لاترحل

#أنين_الناي

يــا غيمه ومطرهه طيوف حطن خجل فوگ الگاع
يمراية جذر واهس بچفهه الياس
يــراي الساگيه المشرور بيهه هلال
وين النـــاس؟؟
تربات السلف
لو ماي… لو چم فاس!!!
يــسولة نــاي
كشختها الگصب والشاف چف الياس
متبدي ضوه أعله الگاع
ماينجــاس..
بس ينشاف ماينجــاس
خلگهــم وين؟؟
من عاب الفلح خلك الورد ونداس
وين الناس؟؟
مامش نــــاس!!!

#أنين_الناي

وهــي فرحــه
من بعد ماشاب رمشــي
وصوفر الوهواس بيـــه
منين اجيبك يــا سفرهم
العذبتني
الذبلتـني
الگدتني بغير واهس
يــم دفاترهم حزينـه
شگد بطيت ؟؟
وانه اتانيك وچفوفي تعتني عت ...
وما بچيت
وهل اجيت ...
يافرح
ياشمع ليل المحبين العتيگ
هل ذبت
وتيممت .... بتراب حزني
هل اجيت
شمالك وهلگــد بطيت !!
.
#أنين_الناي
.
.

يل أ عتابك شجي
وروحي شحيحة هجر
بالك تصد عني

مليت درب الهجر
خلان انه وصبري

ريتك تحس بلوعتي
ريتك تصاحبني

يابو وجنات السمر
وچفوفك تلالي
بالك يمرني حزن
ويهدلي دلالي

#أنين_الناي
.
.

چم مره گتلك لاتمر
طين وطريجك زلك

وبچفوفي مامش دفو
چانوني يكتل برد

#أنين_الناي
.

اعله گدي الهور
وعيوني الغميجه فيايي
والواهس
مرافگني

بعيده الناس عن روحي وتساومني
ي هلبت عايشه ويانه

وارافگم؟؟
واعوف الباب
والطابگ
وريح العافيه البلگاع
ومرافج چفوف الناي

يهلبت انتم
تردون
ويبات الصدگ يمكم
وتنلم الگلوب ورود
وتتيمم شفايفكم بهور الله
وسماه العاليه
وعيونكم تنطگ
ونرد مثل اول انصفگ
هله ومرحب
هله ومرحب

#أنين_الناي

تراچيچ
عفــه طگن خجل ع الراگ
وخدچ شب. ..

وأَتنــــادس والمچ من حظيظ الگاع
وأتمايل واگول تلوگلي وتنحب

#أنين_الناي

يــ روح عيوني لاتبخل
بــ طرف عينك لذيذ الشوف عاينلي

صوفر وجهي وتبدل
وبعدني انطر
تدگ بابي
وتدللني
وتدليني بـ متاهاتي
وتظل محتار ما تندل

#أنين_الناي