گبل ما اندفن
حط ايدك اعلى الروح
.
اريد اجنازتي خضرة

البشر من يندفن مهضوم
.
ترة يبقة رطب گبره

#مرتضى_الغرباوي

اعصرني رمان اعله شفتك
ارد اعيش
اني بايع روحي الك بس كلي بيش

#مرتضى_الغرباوي🍃

دفنوني واني عدل
بس ما دروا بيه

(انزرع ما اندفن)

الطين اترسه شعر

والهوه يشبع عطر

چا غير جوريه🌹

#مرتضى_الغرباوي🌿

ليش هيج تلاگي ولفك
ياهو المعلمك على ملگه الفواتح
وانته نورس
ليش گلبك ما يشبهك ليش الگاك بضباب الجام كاتب
مـا احبك
ليش مو اني احبك

#مرتضى_الغرباوي 🌿

💔
ليش بذرتي سماري
بليل غربه ؟؟

ليش ما خليتي من عنده لضهاريچ فياي؟

ليش خليتي السهر كلش يشربه؟

ليش!!!

#مرتضى_الغرباوي 🌿

ليش هيج تلاگي ولفك
ياهو المعلمك على ملگه الفواتح
وانته نورس
ليش گلبك ما يشبهك ليش الگاك بضباب الجام كاتب
مـا احبك
ليش مو اني احبك

#مرتضى_الغرباوي 🌿

من تمرني اتحظر لطعنات اديك

وگلبي يفسحلك مكان جروحـه

انته اذا علمت واحد عـ السـلام

يگـوم بـس تـمـر يحظر روحـه


#مرتضى_الغرباوي 🌿

❤
اي
صيحني بيه مجال التفت

#مرتضى_الغرباوي🌿

لو
يعرفون البگلبي
وشايفينه
وجايسينه بـ أيدهم
ما عايدوني

چان اجوا يمي
استحوا مني وبچوني

اي للمعيدين ما ترهم عيوني

و اااخ
لو يرجع الرايح

انه اجيهم للبيوت يعاتبوني

وحته اذا مو عيد عدهم
انه اگلهم عايّدوني

#مرتضى_الغرباوي🌿

مساجله #نعي
بين الشاعر مرتضى الغرباوي و الشاعر زين كريم
....................................................

#زين_كريم🌿

حته الشمس مومال أهلنه
تندار غفله أبلا محنه
ربعك عشيره وماكو ضنه
وگفتهم أعله الباب حنه
.
.
.
#مرتضى_الغرباوي🌿

دش حجرتك لا تلزم الباب
مو ربع ذوله حرورة صواب
دهرك كضيته امبسط اعتاب
حزنك عتيج البسلك انكاب
.
.
.
#زين_كريم🌿

ياضني دوم ابناسي خايب
تتلگه من ياهو المصايب ؟
جايبلي شيبي وموش شايب
كونك تخلصها گرایب
.
.
.
#مرتضى_الغرباوي🌿

ضنك مسرفن نيه زينه
وما اجت من ربعك حنينه
شراعك انطيته ليا سفينه
تغرك ومحد تبجي عينه
.
.
.
#زين_كريم🌿

تغرگ ابسهرك والتتن گیش
والموحنين اينام ويعيش
اسألهم أنه اعله الوفه أبيش ؟
يگلولي يعني شلون مثليش ؟
.
.
.
#مرتضى_الغرباوي 🌿

جا يالحنين تنام بردان
حدر القميص انترس دخان
سوك الوفه مفتحينه صحبان
تنباع كلك كون حليان
.
.
.
#زين_كريم🌿

تحلف عليهم مايبيعون
وتخبص الدنيا من يگبلون
تگضيها وياهم بماعون
تالي أعله موتانه يشتمون
.
.
.
#مرتضى_الغرباوي🌿

الميتين مو ذوله اليموتون
موتاك البموتك يشمتون
من ما تمرلهم يفرحون
من تذبل هدومك يعرسون
.
.
.
#زين_كريم🌿

ويلاه من صدعات گلبي
عثراتي ربعي بليل دربي
صبي ييمه الزاد صبي
بكيفك بعد وتشوف ربي
.
.
.
#مرتضى_الغرباوي🌿

ضم دمعتك ملكاك مريود
هو الكلب ممرود ممرود
دمعات عينك مال فرهود
كوم اشتري يرادن السود

❤
ابنآدم گلك!!

اعشگني اعله گد حالي

واذا عندك صريفه احچيهه يم روحي

واذا عندك قصر ضمه

ال گبالك بشر ملكيته بس امه

هيج ابنآدم تهضمه؟

#مرتضى_الغرباوي🌿

❤

رحتي والدنيا صفت تشبه عباتچ

عود اذكريني بصلاتچ


#مرتضى_الغرباوي🌿

ليش هيج تلاگي ولفك
ياهو المعلمك على ملگه الفواتح
وانته نورس
ليش گلبك ما يشبهك ليش الگاك بضباب الجام كاتب
مـا احبك
ليش مو اني احبك

#مرتضى_الغرباوي 🌿

❤️
كحله لتخليلهن فدوة لرمشهن
على حطتهن ردتهن
وكافيات وزايدات اعلى العشگهن

كحله لتخلين لا يكثر حلاهن
وانتمرض انه وعيوني ورجفتي
وزلمه اليطيبني منهن

كلشي لتخليلهن
خليهن منعسات
احبهن

#مرتضى_الغرباوي🌿