لا تحتار ..
الحيره مـرض والماي من ايحير
تبهت زراگه
ويتناوشه الزنجار


عـريان السـيد خـلف •

#حصراً
#قناة_محطات

ٰ
والمراجيح
التغني أبعـيدنا ، صارت مشـانق
والحبل مـحد يگطـعه

والمزابل .. حولها النه مگـابر
يمه يوميه الفجر توصلها دفعـه

وذني حلوات السلف
باگو كحلهن والرمد طش
وترس كل عـين وسـعه

العظيم كاظم إسماعيل الگاطع
*من قصيدة رسالة ام /١٩٦٧

ناشدت كل روجه عنك
كل جرف كحـلت عينه

واسألت كل الشواطي
بلكت تجـيبك سفينه

ولا سفـينه ولا قطـار
خلصـت عمـري انـتظـار


كاظـم إسماعـيل الگـاطع •

يوردة روحي
هاي ألناس ما أظن تعرف أشمك

حسين ألمرياني |

وأنه وحدي
لا جفوف التشتريني
ولا عيون التشتهيني
ولا شفاف الغنت اسمي
وحدي وحدي. ..
بابي سكته
وعيني ع الحيطان سكته
اوحشة الحيطان تكتل
وليل المتانين يتناكث برد

قاسم بخيت |

غـصن تـانيـت جيـتك ، وأنت حطـاب

خلينه نتسامر نامت الناس
ونسولف سوالف بالتفاصيل

انه المملي عشگ من جدمي للراس
مو انه الأبيعن حب مثاقيل

گلب عندي حنون وذبته حساس
ما باع الهوى ولا غش مقابيل

اللبس يخرب لون ماجه اعله لباس
ألعشگ هيج لون صار بتواسيل

مشاعر والبشر من عدها تنقاس
اذا تخله ألبشر صارت تماثيل

دبطل والسوالف تفدي الاحساس
خل ننسه المضه وللفايته نزيل

احبك لا ملاذه ولا انه دساس
ويظل حبك حلم وعيوني متشيل

انه البچفاك چنت مصاحب ألكاس
ولغير الدمع مامش معاميل





عبد ألرضا ألزاملي |
*أحد أعمدة واسط ألشعرية

الدنيا تنزف من عثگها مامش رويحة رطب

عباس ألغالبي |

شود ألماي فوگ ألماي ما ينعاش
واددت ألورد بس هاجره ألفراش

يوردة روحي هاي ألناس ما أظن تعرف أشمك

حسين ألمرياني |

‎ثـلاث سـنين
‎سـباحـج يطـش بالـگـلب وانـه احـلم
‎ثـلاث سـنـين
‎مـشـنوق بـرمش عـينـج ولا مـهـتم
‎ثـلاث سـنـين
‎وانـتي بـكلـبي بـيه الـجرح يـنزف دم
‎حـسافـة ياثـلاث سـنـين
,,
-عبد الرضا الزاملي
؛
الادمن الجديد @zaidoon_zezo

تحن مثل العطش للماي
تحن ويلفها المكابر
ويطويها

وانت ولا يجي ببالك
تمر مرة غرب بيها

واهيسك جرح بجروحي
يمرمرني وتحن روحي

جبار ألغزي |

أنه ابهجرك شحيح الماي يا فيض
وحرام اگضي العمر وياك بالغيض

جربت الليالي السود والبيض
وصبّرت الصبر بالشته وبالگيض

جبار ألغزي |

تعال نطش زعلنه وي الأرياح
ونمشي اثنينه راحه اشبگك راح

ضگنه الحزن خلنه نضوگ الافراح
ونبشر عيونه ليل الدمع راح

أعذب_ما_كتبه_جبار_ألغزي |

ماتسوة الآسف دنيانه والحيف
على غفله ويناهي ولنه ماشين

خلينه نتصالح گبل الوداع
وگبل دگة قطعنه على الحياطين

عبد ألرضا ألزاملي |

،
جـنت أظـنك
تـوكف بوجـه الـوكت وتـسكت الـدمـعة بـجـفـنهـة
وجـنت أظـنك
بـالمـحنة الـفاجـدة وحـنت لأبـنـهة
وجـنت أظـن
بـيك الشـفاگـة وخـوتك صـافي لـبنهة
ثـاري سـجـينه خـواصر
كـطع الـدلال سـنهة
جـاسـي وجـروحك يـنزن لـو ردت تـنشـدنـي عـنهة
،
#عريان ،،
@zaidoon_zezo

الشاعر كاظم الركابي |

وين الگاك !!

يصفصافة نهر والناس ما تقنع تشيل اعثوگ. .
وانه امنين مالبسك رهاوة ثوب بس طوله اعلا طولي ايلوگ. .

ﻣﺮ ﺑﻴﻪ ﺭﻛﺾ ﺻﺒﻴﺎﻥ ...
ﻓﺰﺯ ﻭﺍﻫﺴﻲ ﺍﻣﻦ ﺍﺳﻨﻴﻦ ...
ﻟﻮﺩﻛﺔ ﺟﺬﺏ ﻋﺎﻟﺒﺎﺏ ﺗﻜﺸﻂ ﺟﻠﺪ ﺍﻟﻤﺘﺎﻧﻴﻦ ...
ﻭﺍﻣﺘﺎﻧﻴﻦ ....
ﻭﺍﻣﺘﺎﻧﻴﻦ

امتانين فزعة ماي ..
صوفر جم وجه عطشان وانت براسي تفتر غيم ..

يل بروحك خجل عرسان !
وين اتصح وكاحة ليل ...

يل شايل ترافة طير ماتغفه اعلا جنحك ايد ..
وين اتريد ..

اجيت ملهوف ارد أسافر
سدوا ابوجهي المحطه وشگگوا كل التذاكر

گالوا ابقه ..ابقه باجر !!
ردت اگلهم ليش

گالوا عطل عدنا بمعرفة من يستحق ياهو اليسافر

ابقه باجر
اليوم خلصه بأي طريقه لهي نفسك بالجكاير

وخلصت أوراق الجكاير

والمعامل عزلت خلصت جكاير
واني أعيش اليوم نفسه

وماكو باجر

الكبير عبد الحسين الحلفي |

الغاثك غيري لچن ودي آعتذرلك
وآنه لو ردت آعتذرلك هم شگلك

كلشي يرضيك ويضحكك ودي آگلك
ولو عگدة حاجبك بالزعل حلوه آزعل
شويه علينه موش كلك

زين كريم |

بديك اجرح جروحك لو ردت تجرح
بديك ولا بأدين الغير
جرح الغير ماينصح

عريان السيد خلف |

وانه اچم مره متلگيك
بس فارغ لگيته الباب

اثاري انت الهوه الجذاب

دخذني وياك
خليني على ارفوفك مچان تراب

فواز رشم |