ما أگدر أطلعك مني وأرتاح
شيطلع ألوطن من راس الأسرى

علي ألشمري |

اجيب الشمس و اوكفلك يالاسمر فيّ

علي الشباني |

وكـــون تدري

بعيني سفرة شارع مگابل مشيتك

لــيش مـاتحسبني عثره…!

عباس الغالبي |

لگيناكم
سفر نجمه
تطيح اشما جفن يعثر

وحچيناكم
سوالف ماي
حسبنه گلوبكم عنبر

يل موش اعلى گدگم ليش ؟
گدرتو الشمس بالگاع خاف افيايكم تزغر

واهي الدنيه عطش ليله !!
شراع الما تضوكه الريح ما يكبر

كاظم ألركابي |

هاك ألطيف ألبعيني
وخذ كل باب ماغنه بتصاويرك

عيش وموت باچر مايظل غيرك

عزيز عسكر |

گالولي تجي وحطت عصافير المحله

امتانيه الخطار

واغصان الشجر

نفضن ورك حنه وصواني ازغار

وعودان البخور اشتهن طعم النار

وحرگ روحه الشمع

من سمع بيك وذاب

وانه الخاطرك

رشيت ماي الورد عالعتبه

وغشيت برفيف الكلب شباجي 

كلت يمكن يجيك تراب

وبلهفه عطش تانيت

تانيتك تجي لكلبي

تجي لعيني

مثل جية حلم من غير دگة باب

وبلهفة عطش تانيت

واستعجل نبض گلبي عليك

او وكفت الساعه

ومدري شلون
غبت اويا الشمس

وتجرح اللبلاب

عبد ألكريم ألقصاب |

غناء كوكب حمزه

لـ زهير ألدجيلي |

صاحب ألضويري 💜

يمته اتموت ويطيبن نياشينك
يمته .. تزاعل دموعك !!
بعد ليله وتفك حزن الكمر عينك

غريبه عيونك من تنام !!
لا ظنك يوهسها ولا چفي الغفه ابسدها ..
يشايل خوفك بگلبي !!
تراهي الدنيه حسبة طيف مانعرف نواعدها

اضحك خل يرف طولك لون جاسك هوه الخاطر
واضحك من تريد تموت
اليطش دمه اعلى حلم الناس يخضر كنطره الباجر

كاظم ألركابي |

الظرف
يحمي الرساله ... ويحفظ بدمه الحروف
والعشگ
اعظم رساله... بس تضيعهه الظروف

هاشم ألكرعاوي |

حزن دنيا
وحلم ابيض يزف روحه بظفايرها

تبدت وانشرب لوني
وركض بيه السمار وباس خاطرها

يا اخر نثايه الياس
ويا اول مدينه تبات سكرانه بمنايرها

كاظم ألركابي |

سكتت أمرايه اعله وجهي ألكاتلتني

تثلم بطين الدوه

ولو ظنك ما تسوكلي بحر
والسفينه معامل شراع وضوه

اي فكدتك
حاسبه أحساب الشبابيج المشيناها سوه

عباس ألغالبي |

ْ

يادواي مرورة الوادم تذكرني بحلاتك

عباس ألغالبي |

ْ
ياغريب ومن يعرفك
يودعك ، يستقبلك بس ألمؤجر
من تحط ومن تشيل

وانته وحدك تنسج ألگمره بقميصك
ليل ومخيط بليل

كاظم إسماعيل ألگاطع |

ألشاعر زين كريم |

عزيز عسكر |

أبعد يل ردت تنساني روح أبعد
تجمعنه ألدروب وتتعب ونگعد

أبعد من يصحلك گلب بي ترتاح
مودع أگلك لو ردت تبعد

معروفه ألطيور شما تطير بعيد
يوازيها ألظلام وبالعشوش ترد

أنه ب أول أعده من أعد أعزاز
انت بيا مچان تحطني من تعد

يل أنشد عليك شما گصيت وياي
وك چا هلبت عليه بالچذب تنشد

يل منطيك روحي وذاتي كلها وياك
ومو سلعه ألموده وخاطر تفرهد

ومو گوه ألموده وگوه ما تنراد
ياطبع ألنفوس بكيفها امن ترد

انه ثوبك صديجي وساتر شما بيك
وانه ادري بجزاي تذبني بس ارگد

عبد ألرضا ألزاملي |