.
.
يبحر المايريد ايموت
هذا آنه مضيف الجاع
هذا آنه درب للضاع
هذا آنه الأطش الروح
ملح للسعفات للصفصاف ، للياس الذبل مهضوم
تراني الكل طفل محروم صوغة عيد
لصوغن من بيابي العين للفانوس
شيشه اتلملم انواره
.
.
شاكـر السـماوي |

#محطات

يـدولاب العـمر دنـي الثـلاثين
تـراني اعله الشبـاب الحين زعلان

باريـته لما رديـت عـشرين
وجـزت خمسـه بواچي وليل أحزان


صاحب الضـويـري |

وآنه الما عـرض للنـاس وجهين
ولا ذاك الترجه الچان ما چـان

لون بيـه تشِـب النار صُـوبين
أمـوتن ما أصيح المـاي يفلان


صاحـب الضـويـري |

ماذا سيحدث لو
تقبليني كل مساء كـ صدقة جارية ؟

صباح العافيه 💜

حرگنه گلوبنه وما جابك الدخان
شلّنه بغيمتك .. ؟
من بعد ما متنه

وك بسّك شيخضرنه .. ؟!

حزنالك عُمر يفلان ..
چذاب الحزن ما رجعك يمنه

أمجد صالح |

•طافيه عيون المدينه ، ومشتعل حزني لمحبتك
غافيْ بدمي ( صليب )، ومنسّي بيه
وفاضحه عيوني معزتك !

يا حبيّب ..
كل عشب خضّر بعيني على عرفكْ !

غربـتنْي ..
وفاض وجهَك نذر غيمه على عيونيْ
وچملتني عتاب .. منك

بكل جريده شايله اخبار الوطنْ ، دورت عنَك !

أمجد صالح |

حته الليل بعدك مات
حته النوم بعدك مات
طفت مهرت ضواك بعين المرايات

عماد المطاريحي |

حنينك دخّن بهالروح ، وبچينـه معاتبك سكته

تعبنه أنته .. و تعبنه نگول مو أنته

أمجد صالح |

ماچنت أفتهم معنى
أليطيح بضيچ
ضكتها
( ويا حرورة طيحة ألعالي)
طحت مثل ألبيوت ألعالية
من طيح
وشفتهم من مشو( غالي بظهر غالي)
أنة مافزعت لكن دمعتي تصيح
ماهديتها بس
(ظلت تلالي)

- احمد عاشور |

يبت الماي عطشانه الليالي ابلاية ترجيتج
و ذبلانه الدروب الما توديني إعله تاليتج

عبد الوهاب الحمداني |

مستاحش
تمر بيَّ السچچ سكته..وأرد مذبوح
لن طولك بعد ما مش

ولك عمري عطش
عمري مهر مجنون
ولك عمري تعنالك
يهلبت چلمه بيك تهون

آني الطحت بدروبك مذلّه..وهَم
أفر گلبي بسواليفك واطيحن دم

وانتَ امسيّس بكل السواجي اورود
وانتَ امسيّس بكل الگلوب اورود
وبروحي تمر جدحة نجم للگاع

علي الشباني |
#محطات

جمعه طيبه💜

.
.
 ولد سنة 1958 وكان منفياً لعقود طويلة, وعاد إلى وطنه بعد سقوط النظام البعثي المجرم ، هو يعد من أهم الأسماء الشعرية في البصرة أنضم الى إتحاد الأدباء الشعبيين عام 1985 . الحقيقة ان ظاهرة انتحار هذا الشاعر يكتنفها الغموض, وجاءت في وقتٍ عصيب, ولا ادري ماهو الأمر الذي جعله يقدم على الانتحار, هل هو تعبير عن البكاء الرمزي؟ أم هو شعور باليأس, والانعزال, والاكتئاب
.
.
#وتتضح هنا اوجاع الشاعر وما يعانيه من وحدة يحتاج فيها إلى اناس ينسجمون مع شخصيته, فهو يغدر به حتى القريب, واثر هذا يعاني معاناة شديدة, ولا يثق بأي شخص ذلك انه سئم من الخيانة, وتفصح بهذا قصائده الحزينة:

عاشرت بلبل ربه ولكَيته ذيب
وهسة اشك حتى بعوادين الاقفاص

مو عجيبة انخنت بس هو العجيب
تبقى للخاين وفي وكلك اخلاص

ليش يا كَلبي لظلمهم نستجيب
ويا بريء ال يقبل بحكم القصاص
.
.
#الحياة أرهقت فاضل كثيراً :

من وعيت وانه ضايع
ماكو عنوان اعتنيله
ولاكو واحد دكَلي صدره
وكَلي ذب حملك واشيله
بيّه حزن الناس كلها
وعيني بالدمعه بخيله
احتركَ وانطفي بكته مثل ريكات الرميله
.
.
#هو لا يجد غير الورق يسكب عليه آلام واوجاع الحياة عسى ان يشفي ظمؤه, ويطفي غلته:

راح يوم.. واجه يوم
وانه ذاك وذاك ليلي
للصبح ما يغفه جفني
وللصبح كَعده اعله حيلي
للورق اشتكي اهمومي
وخافي حسراتي بدليلي
ردت واحد يجلي ضيمي
اشتكيله ويشتكيلي
لمت كَلبي كَتله عاشر خل تشم الناس هيلي
كَضت ثلث سنين عمري
وانه ما اعرف خليلي
.
.
#نجد ان معظم ما كتبه فاضل عبد السادة هو شكوى من آلام الحياة:

اني عاشكَ ضيم واطرب للنحيب
هم شفت شجرة بحياتك تهوى فاس

وانه مكوّر حزن بس مليان طيب
حتى بلما حاس بيّه بضيمه حاس

كالمسيح اصبحت وهمومي صليب
والهموم شلون من عدها الخلاص
.
.
#فاضل عانى الكثير من الأوجاع:

هو مو كلمن ينجرح جرحه يطيب
لا ولا كل بيت ضعفه من الاساس

لا ولا كلمن هجر كاعه غريب
كلشي بالدنيا الة احدود وقياس

اكو ناس كلوبهة من الهم تشيب
واكو ما مهموم ومشيب الراس

الناس بيهة اجروح تحتاج لطبيب
وآنة بية اجروح تحتاجلها ناس
.
.
ﻭﺍﻧﻪ ﺻﺎﺣﺐ ﺍﻟﺼﺎﺣﺐ ﻣﺎ ﺑﻌﺖ ﻳﻮﻡ
ﺧﺴــﺮﺕ ﺑﻜﻞ ﺣﻼ‌ﻟﻲ ﻭﻣﺎﻝ ﺩﻧــــﻴﺎﻱ

ﺷﻠــــﻚ ﺑﺎﻟﻨـــﻔﺎﻕ ﻭﻣـــﻨﻪ ﺷﺘـــﺮﻳﺪ 
ﻳـــﻄﻮﻝ ﺷﺎﺭﺑﻚ ﺑﺴﻮﺍﻳـــــــﺘﻚ ﻫﺎﻱ
.
.
ﺍﻧﻪ ﺍﻟﺠﻔﻴـــﺖ ﻳﺎﻫﻮ ﺍﻟﻜﺎﻝ ﺟﻔﻴﺖ
ﺍﺟﻒ ﻛﻮﻥ ﺍﻟﻔﺮﺍﺕ ﻳﻀﻞ ﺑﻼ‌ ﻣﺎﻱ .
.
تتضح شخصية الشاعر من هذه الأبيات, وتظهر جميع ملامحها العاطفية, وقسماتها الوجدانية وهي شخصية شاعر مجروح يئن دائما من الوحدة ،
وان اوجاعه لا تكاد تنتهي ابدا, فهو يعترف بهذا, ويقول
.
(والسوالف كلها تكَضي, وتبقه سالفتي طويله!)
.
.
#محطات
#فاضل_عبد_الساده

عظم الله لنا ولكم الأجر ، بذكرى إستشهاد الإمام علي الهادي أفضل الصلاة والسلام عليه

"واليوم، لا أعرف مجداً أعظم من العيش
وحيداً مُتجاهلاً كل شئ."

| ألبير كامو

وازتـني المـحبه وأشـتهيتك مـوت
يهـنياله اليـمـوت وبيـك يتعلـعل

جبار شدود |

يبنيه الدمع تاريخ
وانتي بكل حلاة أسمج ضحكتيلي

ضحكتيلي وشفت بخدودج أمرايه


عبد الوهاب الحمداني |