من أضوج أصمم😏😴

#إسم_الله_عليه😏

مابچيتك
آنه بچتني السفينه
امنين ماطگ الرذاذ اتفك گلبهه
اتريد تبحر
تدري نوبات السفن لو ضاگ خاطرهه
ابجبن سفانهه تسورب وحدهه؟
تدري نوبات المحبه
اتمل طبع محبوبهه
ويغفه على اچتاف السهر؟
ما بچيتك
مدري منهو ابصدري يبجي؟
مدري منهو يشگك ابگلبي كواغد؟
مدري منهو ايريد يرحل؟
مدري منهو يجرني بيدر للمطر؟
مابجيتك.. درت عيني للبحر
ابجي المسافات الهمتهه اوياك
مابجيتك.. مابجيتك
آنه مليت السفينه
وسيستهه اشراع اسبگ الريح
مابجيتك
آنه جايبلك من دموعي بحر.

ألنواب مظفر •

والله لو ما أحب فلا يگدرلي ليل

مهند ألعزاوي •

#ترا_صدگ

صباح الآمل 💜

لا يروحي العشگ خضر وانشتل
لا يروحي الدنيا ماتسوا الزعل

ناظم السماوي •

😍😍

د.شيماء العشق😘😘

😁😀

وانه گتلك
كل رسالة البيني والبينك عفتهة اتعيش شاهد
وكل درابين المدينة
الباگت أحلامي و ونستي هناك حايط بيهة گاعد
ششتكي المن ؟؟!
وانت بس انت اشتكيلك
وانتخي المن ؟
وانه عفت اليطي دنية وگاعد بصورة انتخيلك
ليش
ليش ؟
حزني الماعرفتة يغني بعيون الغرب
وليش ؟
جدمك من بعد ماخلة نيشان بدرب
وليش ؟
من گتلي احبك ماجنت تقصد تحب

احمد خيري •

🍃

ه‍ـذاك انت...
اعلـى كـل صفـنة بريد تـمر عناويـنك

علي الصفار |🍃

خذت چفي عله چفّك بالموادع ذاك
لا ردّيت چفّي
ولا
خذتني وياك

لـ الكبير غانم ألفياض •

مدري ليش الطيب

ايرخصون مايه!

واليبيع ويشتري بالناس

يكبر!!!!

احمد المرشدي •

صديقي ..

ستبقى كما أنت في قلبي💜
في مختلف ألظروف

حبني
گد الموت من يزهگ بـ اهلنه
حبني گد نيشان شوفك
من يطگ سوله بدربنه
حبني خل اشتم هويتي الضايعه
بحجة وطنه
حبني

عباس ألغالبي •

يا عزيز إسوالفي الموسم حنين
والشوارع تمشي بيه
صوتك متانيني وين ؟
شلون ألوحه
بيا محطة شوگ أطيح

هذا چم موسم تَعده
وما گِلتلك آنه أحبّك ، چي شحيح
آخ مني
شگد أحبّك چي شحيح

إي يريح
فك تعب بيبان عمرك وإنزل بصدري إستريح
وإشبگ الظلمه بضوه
إمرافگ الحيطان يخنگ مرني يل كلك هوى

وگودني لدارك بخور
خاطر ءمن إتشمني أطيب
وأزغر بگد ما جبرني الشوگ أشيب

يا شگلك وانت أغلى ءمن الحبيب

ليش أصيرن طيفك وتعگبني ليل ؟
الماي يتلگه گمرته بكل نهر، فارش شليل
وانت ماچنّك نهر ممتد بعيني
لانه باچيتك ولا راكـد حنينـي
مانه گد ماجيت تانيتك تجيني

وما إجيت
وسافر بلوني الربيع ومدري چم ديره مشيت
ساعه أدورك بعد موسم
ساعه أتاني شما بطيت
لاذت بعيني الدروب
ونامت و وحدي صحيت
ثاري حتى إدروبي مثلي، تطفه لو عني جزيت

وسچة التايه منيّة
وثاري كل تابوت مر جدام ، اليه
كون ألم الظال منّك وألبد إبسد الإغنيه
المادري منين إتعَرفني شگد تسولفلي عليه

اليشبر بعينه الدرب محتام جيه
وانا هذا العوز البشوفي قديــم
ءمن أهد ما ردّيت بس إصوَر بديّه

إيما صباح •

صباح ألحب💜

ولا نشد دلّاني بابك خاطر استغفر واصلّي
ولا وطن مكتوب بيه
وتلگه روحك بيه گلي


- علي شميل •

بيش احلف ؟
انه و بيناتنا اللجمات ما مجروح .!

اشتريد تسمّي حچيي الفات .. لتسميه
كل ما في الامر حِرشه ..!
واهو المذبوح يتحارش بدمّه الفاض
ويرفس عمره شهكَـه بخنكَــة الرعشه

لـ محمد السيد •