ولميتلك كل الاشعار العندي حتى احچيلك

الراحل زهير الدجيلي •

محطتنا اليوم مليئة بالأبداع والحزن معاً
لأن شاعرنا رحل بعيداً عن الوطن ، توفى غريباً بسبب النظام الدكتاتور الأرعن الهمجي ..

الذي بسببه فقدنا الفنانين ليتركوا أرضهم المقدسة ، للمنفى بين دول العالم .

كاظم الرويعي

قمة شامخة من قمم الشعر والغناء .. وطاقة شعرية ابداعية هائلة مكنته من التعامل مع المفردة الشعرية بحس مرهف وشفاف .. ومن خلال هذا جعلته ان يتربع على عرش الاغنية العراقية .. لقد بذل الرويعي الكثير من الجهد المضني من اجل ان تقف الاغنية العراقية ... رافعة الرأس .. بين اغاني الامم واستطاع ان يضيف للقصيدة .. الصورة المعبرة النابضة بالحب .

الحديث طويل عن هذا الصرح ..

لكنه سوف نستذكر البعض أبداعهُ الشعري .

الچ بگليبي بيدر شوگ ...
 وجروح او عتب وايمان
احبچ من گلب والسان
احب ارياضچ الخضرة ... احب الغيد والخلان
اولو هب هوه ( ربيانه ) يروي كل چبد عطشان
ايكحل كل جفن نعسان
اومن يتمايل الريحان ..
من خمر العشگ نشوان

الصرح الكبير الراحل كاظم الرويعي •

فكان الرويعي واحدا من اولئك الشعراء الذين واكبو هذا التغير كما جاء في قصيدته ( حلم العرايس )


چنت اگلهه : سولفيلي
ولو نجمه من النجوم
ولو موجه من البحر
التهتي بي ... الماخذچ فوگ العشگ
فوك الچراچف ... من تلم نبض العرايس
اوصل شفتهه الكلام او سولفت :
گالت احله من العسل
حنظل الطيب
واضوه من مشي الحبيبة او يه الحبيب
من تصير الدنيه ..غزلان ومرابع
وما يظل ابفيهه ذيب

وَشَّلنه  كل إدموعنه
ودمعه الوصل ... دمعه الهجر
والعشگ حدر اضلوعنه
امخضر على مد العمر
او لو طفت كل اشموعنه
من يا كتر نشري صبر
ودّونه ابشارة فرح وي طيفكم
ما تنتهي شبگة جرحنه السيفكم
ردّو الجواب اويه اليسافر لينه
الكم حنين الطيرللعش بينه
يحبابنه البعيدين
يحبابنه البعيدين
ناسين لو ما ناسين

كاظم الرويعي - ١٩٧٧

والكل يعرف .. ان الرويعي من اللذين وهبوا العمر من اجل الاغنية الحقه .. بدأ كتابة الاغنية في الستينات واصبح له رصيد غنائي يقارب اكثر من اربعمائة اغنية  اذكر منها  :على شط الفرات و صبر اشموع  و كلايد  وعادوا الغياب و ضوه خدك و ليلة ويوم  و سلامات  وايكولون  و تواعدنه ، واغنيته الشهيرة والرائعة التي ما زالت تعيش في قلوب واحاسيس الناس رغم التعتيم عليها من  جلاوزة نظام البعث الفاشست .. والتي تعبر بروعتها .. بصدقها .. بكفاحها انها طائر جميل .. يكره الاقفاص يعشق التنقل بين الخمائل .. فوق الاجواء ليبارك سواعد العمال ومطارقهم ومناجل الفلاحين الذين يبنون العراق الجديد التي اداها الفنان والمناضل فؤاد سالم الذي قارع الدكتاتورية البغيظه بأغانيه الوطنية الرائعة وهو في منفاه بعيدا عن الوطن الحبيب يا عشگنه:


يا عشگنه .... يا عشكنه .. يا عشكنه
فرحة الطير...اليرد لعشوشه عصاري
من سوابيط العنب ونحوشه عصاري
كاعنه فضه وذهب وأحنه شذرها
ياحلاة العمر لو ضاع ابعمرها
ياعشكنه....يا عشكنه

خذني للمرواح عود
خذني سن المنجلك
ومن يشع ضي الخدود
شمعه وبديرة هلك
اضوي ليام الحصاد الجايه
والبيادر كالجبال العاليه
ماينه....أشطوط وسعد
وأنسامنه...اطيور وورد
كاعنه فضه وذهب واحنه شذرها
ياحلاة العمر لو ضاع ابعمرها
ياعشكنه....ياعشكنه

ايدي وايدك عالمساحي
الدنيه تموز وشمس
وليلي اضوه من صباحي
والوكت زفة عرس
اتطوف اغانينه ابشلبنه وهورنه
ولوسعينه الخير خير ايزورنه
آمالنه... اتطك بالشجر
وجبالنه...ابعلو الكمر
كاعنه فضه وذهب واحنه شذرها
واشحلاة العمر لو ضاع ابعمرها
ياعشكنه.........ياعشكنه

ان كثير من العثرات وضعت في طريق الشاعر الرويعي وامثاله .. لمنعهم من مواصلة العطاء .. بدافع الحسد والمنافسة الغير مشروعه , من اللذين تسللوا بشتى الوسائل الى عرش الاغنية العراقية .. بدافع من جلاوزة ابن رئيس النظام اللاثقافي ( #عدي_الارعن ) رغم انتقاد الصحافة والوسط الفني عموما لا ستمرارهم في تشويه معالم الاغنية  بالسذاجه  والذوق المتخلف والزعيق المقزز فأخذ يتأثر لذبول الورد   ويحزنه دجى الليل القاتم .. حتى اخذ يكتب :


ما هي ذيچ الناس .. ناسي
اولا هو ذاك الكاس ... كاسي
كلشي مغشوش ابسلفنه
المرحبه .. او طعم الوفه .. او محضر الخير
كلشي مغشوش ابسلفنه
يا زغير اصعد على اچتاف الچبير
انه احس الغربه تسري بظفري  او توصل الراسي

فبعد ان فقد الكثيرمن المثقفين والشعراء التقدمين الحاسه التي تشعرنا بطعم الحرية هجس الشاعر الرويعي بأن الدمار والخراب   والحصار  والاضطهاد  والرقيب الذي كان يرافقنا طيلة 35 عاما  تحت ظل اقسى الانظمة الدكتاتورية في العالم على من يكتب من قصة ورواية وقصيدة واغنية وما يرسم وينحت  حتى غيب الكثير من المفكرين والادباء امثال.. الشهيد  صفاء الحافظ والمفكر عزيز السيد جاسم والروائي حسن مطلك والصحفي ضرغام هاشم .. وغيرهم الكثير الكثير فلم يرى امام الرويعي سوى اللجوء التراجيدي للمنافي .. ليتبع زملائه من قبله امثال الشعراء.. سعد الشريفي و زهير الدجيلي ورياض النعماني وكريم عبد دحام والقائمة تطول ..

لن ينسى الفرات ودجلة والعراق رغم وحشة الغربة القاتلة وجرحه الذي لا يندمل فأخذت قصائده تفيض بالعذوبه والعفوية والصدق :


وحگ ماي الفرات الما يرده السد

وحگ كل شمع يضوي .. او كل غصن ورد

وحگ حسن العراق الحومر ابكل خد

لو ينطوني كل دنيه البشر ... بآمالها او بالمال

لو ينطوني كل كاع البشر بسهولها او بجبال

ما انطي نفس من تربة ابلادي
ولا بيعن شبر من تربة ابلادي

بسبب المضايقة من الحزب الارعن الدكتاتور غادر العراق لكنه بقي متمسكا بمدينته .. وترابها وللاحبه .. والعشاق ..


او سرح بيه الخيال .. اولني وياكم
اشم تراب الولايه...
وابوس ارموش عيناكم
انا اوياكم

اخذ الرويعي يتغزل بالأحبه والوطن من هناك

وصلتني الرسالة امن امس
او دزيت الجواب اويه امس
گولو : لليحب الشمس
دزوا اويه اليحب الشمس 
بوسه لخد حبيبي
او بوسه لبلادي

💔😞

واخيرا اخذه #الموت خلسه فغادرنا مثل صمت المساء غريبا عن الاهل والاصدقاء والاحبة ومريدوه دون وصية سوى الاغاني .. والقصائد التي ضمتها دواوينه ( ليل بلا قمر ) مخطوط لم يطبع لحد الان .. والبيرغ .. والفجر وعيون اهلنه .. تاركا ورائه الاغنية تأن ليل نهار من الجرح الذي تركه الرويعي في جسدها ولم يندمل ..الذكرى الطيب لكاظم الرويعي .. الشاعر الذي غنى للوطن  وللناس والاحبة.

💔😞

احبتي
تنتهي محطة اليوم بـ ألم كبير لفقدان هذا الأرث الكبير

الشعر والقصيدة والأغنية بقيت حزينة حين تركها 💔

نأمل ان تكونوا قد استمتعوا في محطة اليوم ..

شكر موصول لـ قلم كاظم السيد علي على جمع المعلومات

الى محطات أخرى وشاعر آخر في أمان الله والشعر عليكم 💜

تبوكني اظنوني واضمك
اتخضر السكته اويه طولي وتكتل الجلمه بحزنها
وتطفه دنيه اكبال غيرك
وانت تدري !!
انت تدري العين من يثكل دمعها اتسد جفنها

كاظم الركابي •

اشلون يالشوگك جبل بالروح يا چلمه التزيحه

كاظم إسماعيل الگاطع •

ٰ

قفل بابه الفرح مده ..
ولگيتج انتي مفتاحه

يخيعون النسيم اليشبگ ازلوفچ

يبيرين الشواطي ونبعه فواحه

لگيتج طير شايل فرحه أيامي ع اجناحه

كاظم إسماعيل الگاطع •

*من قصيدة سواجي الروح

بغيابكم شمس الله طلعت
لكن اظلم بابكم

لا فراشه تحط عليه
ولا بلابل تشتهيه

غناء #جمال_كريم
كلمات لشاعرها

صباح الحب 💜

أجرحني .. يمن عتبه ﺇلك .. جرح المُحب فرحه

الراحل كاظم الركابي •