تكلي اضحك ؟ تريد اضحك ؟

         اطني شوي فرح واكطع نفس جرحك

         حتى انسه الحزن واضحك

         سن الماضحك بالعيد .. جا يوم الطبك يضحك


كاظم إسماعـيل الگاطـع •

حبيبين

      جانوا ابكلبي حبيبين

      واحد بهالعين اضمه ...وواحد بهالعين

      وجانت الغيرة توج مابين الاثنين


كاظم الركابي •

     لا... بوجه السلطان اصيحن لا ...

        واكتب خوف الولايات

        ضيعنه مفاتيح الصدك

        واغركنه بالنيات


علي الشباني •

زرع بيه العشگ خوف ...

وك انه مثلك ماشفت بين البشر 
تبيع وتشاري بهواك ابكل فخر 
حسبالي عندك طيب يغمرني ابمطر 
حسبالي حبك ينمو  ونضوك الثمر 
حسبالي تجلي ابشوكك ادموع الكدر 
مسموح لوكتلك تبت ..
مسموح لوعنك ملت 
مسموح لو كلبي اليحن 
بالحب كفر 
بالحب كفر

علي عبود الشمري •

يا صغيرتي أبتسامتكِ وعيناكِ الضاحكةُ هي إشراقة الشمس من جهة أخرى •

#كرار

والحشد مشغول كلش كلش

اعذروني انتو هم كلش كلش

واحبنكم كلش كلش 😐

نحن لا نعيش أبداً .. نحن دائماً على أمل أن نعيش..

#فولتير

مرعبٌ ليل المدينه !
لآ يرى سالكُهُ عند المفارقْ
غيرَ حرّاسٍ لئامٍ وحرابٍ وبنادقْ!
وكأنّ الظُلُماتْ
كَفَنٌ أسودُ قد حاكتْهُ من ظلِّ المشانقْ
أنملٌ تقطر حقداً وضغينه!
أين بغدادُ التي تزخر نوراً وحياةْ؟
أين سُمّارُ الليالي؟
أين سحرُ الأمسياتْ؟!
أتُرى تذكرُها ؟
أم أنها اليوم وقد باتت رهينه
في يَدَيْ جلادِها
تُجْفلُ حتى من حديث الذكرياتْ ؟!

رشيد ياسين / بغداد ١٩٨٩

ٰ

ليش اشوفك حته من ماريد اشوف

ومدري ليش سوالفك تبرالي

حسن كتاب •

شكبان ليلك غضب
بالك تفـر باليل

دافن بصيص الأمل
سهـر نجوم إسهيل

والريل فات إوجزه .. مالك شغل بالريل

حط إلنه
موگد جمر .. زود سعير الويل

ذوب شموع الوصل فرهد حبابي الهيل

بس لا يبوگ العمر .. طيفك العمر ملسوع

خطار عدنه الفرح أعلگ صواني إشموع ..


عزيز السماوي •

غبش حلم الملاگه إو لا بعد نلتم ..

عزيز السماوي •

ناغيـني

تـراهـا ألـروح من تعشـگ تـرد لـلـطيـش

ناغيـني

محمد مواش •

مابيه حيل معاتبك ياشدهة البال

ليلي اعله نيته وفاگدك من الگمر شال

چم دوب اگولن عاذرك
خلصت عمري مناطرك

مابيه بس لخاطرك متعني الثگال


لـ عباس الغالبي •

عود الگمر هم يِهّم ضواه عدمنْ ؟؟
وعود الگاع هم تهّمْ لوّن چدام المتيهيين
تنشد عثرتك يا شوف سحگتمنْ ؟
وعود الاااخ هم تهم لوّنها تلاگت بأفيييش يم وادم شربها الظن ؟

عباس الغالبي •

🍂
أمس غنيت ..
كل سكته بدفو عيونك
أمس حنيت بدموعي نده جفونك
وجزه بعيني السهر مهره
ولا صح طيفك الخيال
ولك چم آخ تشربني وافز غروب منها
ولله سالفتي ،،
وازهگ للسما نجمه هلبت ليل يقراني
عتب يشبه ضحك روحي
ندم يتشلبه لجروحي
وينوش المامش بعمري
ليمته السچچ ماتندل واظل تايه غنه بدربك !
آنه شوغة تراب بدفتر الذكرى
آنه چلمة الظلمه بيا ضوه تقره؟
مدري بيا نهر نعشي واموتن روجه بجروفك
يا ظن اليوالف خاطري ويه الريح
ادگه شراع للصدفه
بعدها امدده بدمي گناطر خوف للمتعني بخياله
هذا انه ..
اشتعل بالخوف
واطفه بدورة عيونك
ولمحت السفر بعيونك سفر غرگان بظنونه
اثاري شما رخص تابوت
يثگل من يشيعونه
.
الاگي الوادم بيا عين وآنه مغمس بطولك !
انه متانيّك تلگاني
بس دور على جروحي واهن يبرن
واگلك من يفيض الخوف
لاگيني تعب ينلاح بأخر ليل
واچفيني ضحك ينلاح بأخر كاس
يشارُّب مستحه عيوني ..
شربني الظن قصيده ولاحني الوهواس
يما تدري شكثر بيه الك للناس
الي رازونه مهظومة بچت من حرگة الوهواس
والي ضحكه نستها الناس
وانه ادري شما عتگ لوني
ارد گمره بشواطيّك
شما گولن حزن ارتاح طفه حزني بسواجيّك
ضميت الصلاه نجمه بحضن ليلك
وشريت الذنب نيشان ،،
السهر مو قبلة متيهين السهر شباچ للياريت
غفن چم ريل من ذبلن مواعيدك
وانت ولا فجر صاحي !
الملم يا صدى وحيطانك تغني حزنهه تراب
تيهت النشد من رجفن چفوفي مطر ع الباب
بلچن غيمه بيها اسمك ..!
تعبت امشي سما اعله الگاع
عناوينك غريبة ماي
والنهران بيهن ضاع
چم نوبه اعله نوبه شموعك تبدت
مناير على دموع الشيب
والشباچ ما والم حرز حزني
خذتني لكل محطه مرافگه الدخان
ما ضاگت سفر مجفين
ما ردتك سفر مبيوگ والدنيا جدم محتار
انه تاله شربها الفيض
ولا ظل بخت للجمار
على رفوف الجفن عتگن رسايلنه دمع تذكار
بعد بينه نهر ما ضاگ طعم الليل
وبرد طيف الفجر ع الماي
ولمينه السهر موعد شمع مهظوم
من صحّت شمسنه فياي
،
،
،
لـ محمد مواش