🍃
مسائكم هيل نستمر معكم والمحطة ألثانية

اليوم نجول في ميسان ألحب والعطاء
ميسان ألشعر والكرم

المدينة التي أنجبت الكثير من الشعراء ولا زالت تنجب

اليوم مع جبل ميساني وهرم كبير
كتب في مختلف ألوان الشعر الشعبي والفصيح ، لهُ الأبداع انحنى والرقي جلس ع قدميه

الكبير عبد الكريم القصاب

لنستمتع سويةً مع مقطوعات مختلفة من قصائدة ..


أنـت مــــــــــو أول كَلب مـدغـوش بيْـه كَلبي آيتورّط
أنت مــــو أول حبيب الدك لي صــــدره وتالي زغلط
يا مـــــــا هبت ريح وآهتز الشـــجر والطار مــــا حط
وهيّه ركضه آعلى الرمل والما يدفعه الشــــوك يفحط
وهو ملعب ، والأصــــيل آشــما عرك بالركض ينشط
وهيّه خورة مـــــــاي دهله ، وبيها حظك محبس وغط

من قصيدة ( من الأول )
-----------------------------------------

المحطه الجنت بيها ألتقيك ،
لسّه مرشوشه عطر .
لسّه من أشتاك آجيها بغير موعد ،
أشم عطرك وآنتظر .

------------------------------------------

        ... من قصيدة خيّال الثريا ...


أنا وفّـــــــــــــــاي مغرم بالمواعيد
...................اذا آكَــــــــــــولن أجي معناها جيّه
وآذا آكَول آنتهت عن رايي مـا حيد
...................لأن كل واحــــــد بصــــدره قضيه
أبد مـــــا آريد أعاشر ناس ، بالعيد
....................يذبحـــــــون الفــرح كَبل الضحيه
مــــــــا دنجــت راس ولا بست اِيد
....................ولا خليــــــت نــــــاس آتمن عليّه
أنا آجفوفي لوجـــــع راسي مخاديد
....................ومن أرتــــــاح آبوس آجفوف آديه

-------------------------------------------

وطني ،
وطنٌ قاحلُ الأديم ،
جنائزيُّ السواقي ،
يابس الشفاه .
اِبيضّتْ عيناهُ من التحديقِ ....
في غيمةٍ عاقر ،
لا تثقبُ ثوبَها قطرةٌ من مطر ...
ولا شعاعٌ من غيب .

-------------------------------------------

عندما يكتب للوطن هكذا يكون أبداع القصاب

.........قصيدة هلاهل للشمس ......

تباً للطائفيين على آختلاف مذاهبهم


اِجت ..
ها ذيچ هيه الشمس ، علْو أذراع
تلگوها بهلاهل تفگه نشميه .
بطت..
مستحيه عرگانه ،
نشفوها بشطافيكم .
اِجت شگره الضفاير والمتون الكَاع .
عفيه آزلام ماي العاصيه ....
والدهله والنعناع ،
ندهتوها وجتكم بالذهب كلّه .
اِجتكم بالذهب كلّه تحنّي الگاع ،
يل دمكم رفيفه شراع ،
بعدها بأول المركاض ...
تصهل خيلكم نشطه ،
وندهتوها ذهب عرگان ،
وبعد بيكم وهج غيره اليعلّيها ،
وتوگف عدل فوگ الراس .
دمكم موش حالوب اعلى صفنه وماع .
دمكم مهره حمره تفوج فوگ الفوگ ...
وتجيب الشمس للگاع .
دمكم بالشمس طمّاع .
دمكم حار كلّش ، يشلع الزنجار ،
وبيارغكم بعد شبرين من ألله .
بيارغكم هلاهل تنده الغبشه .
وتطم العار .
يالب الحچي والساس والنوماس ،
مابيكم سبوس الباع روحه بخرده للوصخين .
تعرفون الدرب .. والعثره وين تصير ،
آووين آيوكّر الهدهد ،
ومجان الذيب والخنزير ،
وتْعرفون ....
ياهو من البيارغ ينشره وينباع ،
لذيذه آحرورة البيكم .
آشكثر من ساسكم بيكم !!
جمر غيره وتتن حار ....
وعتابه بطور عگار وغنه آجنوبي .
ونا لياويل ويلي اليشلع الصرّه ،
اليحلّي الگهْوَة المرّه .
اِيخسون الماعليهم لون حنطتكم .
غريب الما آمهفيه بوجهه سعفتكم .
غربه الماتبچّيهم نعاوي آمكم .
المادگت بذنهم رنّة الفنجان .
غريب الما آتسكره بحّة دويخل .
ولاسوده آشلهاني بحنجرة مسعود ،
ولانخل السماوه وشاتل العودين .
يادخانكم ... جرّة كحل للعين .
هايسباع ،
اِيخسون الجاسوا آكْذل من حرايركم .
ايخسون الوذّنوا حيله بمنايركم .
اِيخسون اللطخوا بالدم .....
فراشات ومراجيح وخبز فقره
اِيخسه الباك بأسم الله صرايركم .
اِتخسه ذيج اللحايا الما تعرْف الله ،
وذاك التبّت اِيده الفكَس عين العيد ،
وحمّال الحطب واليضحك آمن آبعيد .
ايخسون آرحامهم نجسه .
هايسباع ، غُطّوهم ظهر الآحمر .
الحراميه تفكَهم ورك صفصافه .
ايحسون آرحاهم نجسه .
التفك من دونكم خرسه .
غطّوهم ظهر الآحمر .
ذوله آكشاش مَدّه وروجكم يصهل .
ها يزلامنا آسم الله آعلى صافيكم .
ها يزلامنا آسم الله آعلى عاليكم .
بعدكم للنجم نيشان .
اسم الله آعلى العراق الخاصره الحره .
اسم الله آعلى النثايه وعفّة الدره .
وعلى اليمّه ودللّول ...
وعلى آطويراتنا الكَمره .
بعد ، وآسم الله عالبرحيّه ....
ذيج الزاجيه النخله وكَصايبها ....
وكصايب كل حبايبها .
يا ولْد الشمس والماي ،
بعدها آخيولكم نشطه ....
وندهتوها ذهب عركان .
اجت ،
ها ، ذيج هيه الشس علْو آذراع .
وبعد تعله وبعد تعله ،
لمن توكَف عدل عالراس .
لمن تصبح سنابلكم ضفاير نور ،
الجراد آيدوخ بيها وما يجد لزمه .
وآعاهدكم الحب يعود ،
أعاهدكم الراح يعود ،
أعاهدكم ....
يرد الله الصدك لمخاوي صفنتنه ....
ومصيبتنه وصريفتنه .
أعاهدكم ، يرد يونس لمحرابه ،
وصليب الهاجر بروحه وشرف سنجار ،
ويرد ميمر الجوبي وفر

جفافيّه ،
وهلا وميّة هلا وميّه ،
وحمس كَهوه آعلى نايل حار ،
وترد بغداد باكر ، ثوبها آسم الله ،
وتراجيها النجوم وثوبها اللبلاب .
بآصابعها تحنّي الباب ،
وتْمد من عشبها آبساط للغيّاب ،
وحمس كَهوه ومقام آوشار ،
و( هلا ويا نور عيني ويا هليّه ) ،
وترد دجله وفرات العافيه آذراعين ....
شبكَة ملكه فوك الكَاع .
شبكَة ملكَه موش آوداع ،
ويرد الطير والخير وأمان الله ،
والهور ومشاحيفه وغراريفه ....
وزواويفه وسواليفه ،
ويرد البنّي والكَطان والشبوط ،
ويرد شط العرب بوسة ثلاث آشطوط .

وايضاً نجد القصاب في ألوجدان قد أترف

........... خيزرانة ماي .............

طولك خيزرانة ماي ،
واللمسه وضوء آيخدّر آجروحي .
ترف ،.....
من لمسه تغرك بيك آصابيعي .
مايع يا بعد روحي .
من أصفن عليك آتريّع الصفنه ندى ....
........................ويعرك بنفسج شوك .
بَسِمْتك خفكَة آجناحين ،،،
وفضاء العين معراجي لشواطي الله...
....................................وبعد ليفوك .
الهوه يتونّس بطولك ويسْكر بيك ....
وينعّس على آجروفك .
الهوه مرجوحة آزلوفك .
الهوه جرّة مشط والموجه كَذله ماي ،..
تتنعثر آبفي روحي .
يمايع يابعـد روحي ،
الهوه موجة رفيفي مو نسيم الله .
رفيفي ،...
مو نسيم الله اليهفّي آعليك .
كل رفّة كَلب عالماي .....
تتكَاطر ندى بروحي ،
وآحسك موعه بآنفاسي وآموعن بيك .
لذيذه الموعه بآنفاسك .
توجّجني وآكَول آفيش .
مايع يابعد روحي ،
اِشملذّك يا بعد روحي !

عندما يتحدث ألقصاب عن ألوجع 👇

... حليب التين ...

نشف كاس الونس والروح خضره آتريد .
بعد بيها حجي مملوح ،
وجناح المسامر طار ، حط آبعيد .
عطشانه السواجي ولا رفيف آخضر ،
ومامش للفخاتي آعشوش تتسامر .
حزين الليل ، ترجيته كَمر أسود ،
ولا كَطرة ندى آتفزّز صباح آجديد .
طول مأتم البستان ،
والبلبل نسى التغريد .
يا بيض السوالف ، يا حليب التين ،
نصبر عالوجع ، بس كون ما ناسين .

تنتهي محطة اليوم مع الكبير القصاب
والى محطة آخرى وشاعر آخر
لكم أطيب الأوقات ❤

واخيراً يقول :


مدري يمته راح آنام .
الليله ما جاني الحزن .
يا سما الله الليله وحشه .
بطا حزني ومختنك .
هلبت آنجيمه على عيوني تحن ،
وتفك شباج لوجه الله ، يهفيلي حزن .
هلبت آيهزني وجع حزني وأنام .
بغير حزني ما أنام .

احبـّـك مــن گــبل لا يجري بيــه الدم

لــ #عبد_الخالق_المحنه ❤🎶

انه خيالهن فارس للاحلام
والتعشكني مايعجبها ثاني

السمره بعينها تلكالي تصوير
وعين الشكره دور اطلع اني

مو بذات ماخذ طبع الصكور
اهوه العاليه واندل مكاني !!

_ميثم فالح

#روان🍃

🍃

ه‍ـذاك انت...
اعلـى كـل صفـنة بريد تـمر عناويـنك

علي الصفار |🍃

🍃

يا بريد الضَيّعك مني رسالة وما قـريتك

ليـش درب الطـين ما حافظ مشـيتك


حسـن ألـفضلي |🍃

🍃

وعسه لا دارت الأيام يفــٓلانه

ولا صرنه كتـب والناس تشمرنه اعله كل خانه

ولا صرنه سفن بلماي مامش بيهه سفانه

ولو ندري العشك مذموم...جا كلمن عرف شانه

حسـن وصـفـي |🍃

🍃

اهنا يالعطّشت روحـٓي!
وانه شما غمّضت عيني
اغيّم وامطر (اشتاگيت)
يالباگوك
تتراوالي
صم حنطة
وارسمك بدلة بيضه وبيت

مـيـثاق ألهـلالـي |🍃

🍃

ألفـرس مابـيه ذنب خيالك ارخـه ألرسـن 


عمـاد ألجـبـوري |🍃

أليوم وصلنا ألمحطة الثالثة | ٣

في مسيرة الادب الشعبي العراقي برزت ثمة اسماء اعلام ينبغي ان تدون مآثرهم باحرف من نور ويقف في طليعة هؤلاء الشاعر ناظم السماوي (1941 - السماوة ) هو علم شعري مازال يخفق في سماء ادبنا الشعبي ، فهو من الاسماء الناضجة المهمة التي حددت ملامح القصيدة الحديثة والمبدعة في العراق


بجيتك ..
ياقصيدة ليل ..
يهنياله البجه ابعينه ..
يعكدة شوك ماتنفل 
بجيتك ياشبج صايود ..
حلو خيطك 
يفاله وابد ماتبخل 
بجيتك والدهر طشنه ..
مثل طش الغريب ..مابعد يندل 

،
،

كما تجلى هذا في اغانيه المبدعة كما قكتبتها انامله في "موبدينه ":
  انتــــم احبابي وهـــواكم دوم يكــبر 
وانتم الدنيه الوسيعه وعشگ اخضر
يلى طعم المستحه على عيونكــــم 
ويلى شوگي يذوب بين ارموشــــكم 
وليلكم گمره وهوانا  مســـهرينه
مــــو بــــديــــنــــه 
نــــودع عــــيون الحبايـــب 
مــــو بــــديــــنــــه
،
،

و (عشك اخضر –لاتسافر – وياحريمة الذي جاء فيها :
ياحريمة 
انباكت الجلمات 
من فوك الشفايف 
وياحريمة اسنينك العشرين 
مامرهه العشك ..
والعشك خايف 
لا..ولك لاله عله بختك 
ماني سالوفه صرت 
بين الطوايف 
ياحريمة 
،
،
وكذلك الاغنية الجميلة التي مازالت راسخة في قلوب الناس من محبين وعشاق " دوريتك  "نقتطف منها :
 دوريتك...
بين نجمات الثريا ومالگيتك
يا وسافه تبيعني برخص الامس..
يا المادريتك!
روحي وحشه وطيفك النايم عطرهه
وليلي چلمه عشگ عذبهه صبرهه
ولك لو تسوه العتب..چـا عاتبيتك
،
،
أحاسيس السماوي تدور في صدره ف يترجمها شعراً

ابكد نخل العراق  .. واهله وياه 
ابكد حلمي وحلمكم ..من رسمناه
ابكد اوجوه ..اهلنه !!  وصفنة الليل 
احبكم مثل شاعر دمعه بجاه
احبكم ..موكلب مسجون بظلوع 
احبكم ..كلب يمشي ونبضه وياه 

 حيث الحب والعشق والوصف الجميل يقول السماوي :

 اوكف ..من اشوفج ..
ونكلب تمثال 
واعرك ..واخجل بطولي !! 
وبعيوني الخجل لازال 
وترسمني المحبه ..ابعمرج اتلاثين 
ومن يفتح ابخدج ورد اذار ..!!
اظل اجني الورد ..موبالعدد بسلال 
يم اشفاف مامرهه قلم مكياج ..
حدايق والحزن من يمهه خله وشال 
،
،
نلاحظ في هذه السطور المشحونة بالوفاء والصدق والعاطفة والمحبة وطبيبته التي لاحدود لها :
 
 ﺍﻧﻪ .. ﻓﺼﻮﻝ ﺍﺭﺑﻌﺔ ..
 ﻭﻋﻤﺮﻱ ﺳﺠﻞ ﻟﻠﺰﻣﻦ..
ﻭﺃﻳﺎﻣﻲ ﺟﺪﻭﻝ ﺿﺮﺏ 
ﻭﺗﻈﻞ ﺣﻴﺎﺗﻲ ﻧﺨﻞ ..
 ﻣﺮﻫﻮﻧﺔ ﻟﻬﻞ ﺍﻟﺼﺪك..
ﻣﻮﺯﻫﺪﻱ .. ﺗﻤﺮﺓ ﺭﻃﺐ  
ﻭﺧﻴﺎﻁ .. ﺍﻓﺼﻞ العشك ..
 ﻗﻤﺼﺎﻥ ﺭﺵ ﺍﻟﻤﻄﺮ..
ﻭﺑﻼ ﺛﻤﻦ  ﺗﻨﺤﺴﺐ  
ﺟﺮﺏ ﺷﻮﻑ ﺍﻟﻄﺒﻊ .. ﻣﻮﺑﺲ !..
ﺣﭼﻲ ﻋﺎﻟﻮﺭﻕ  ﻭﻻ ﺑﺎﻟﻘﻠﻢ ﻳﻨكتب  
ﻭﻳﺪﻭﺭ.. ﺑﻲ .. ﺍﻟﺨﻠﮕ.. 
ﺩﺍﻳﺮ ﻣﺪﺍﻳﺮ ﺳﻬﺮ..
ﻭﻳﻤﻜﻦ ﺍﺗﺒﺪﻝ ﺟﺬﺏ!!

،
،

في ختام محطتنا

نتمنى له العمر الطويل من اجل العطاء المستمر في مسيرة ادبنا الشعبي العراقي .

لكم خالص مودتي ❤


في محطة آخرى وشاعر آخر 🍃

🍃

يفزني الطيف وعيوني اتراوالي
منجيسج تختل الدنيا
ورى رموشي واطشلج كل كمر غالي..
قروني ومسحو حروفي
وكتبتيني على جفوفي
رسايل تشبه الحنّه
اليحبج تزغر بعينه الصلاة التشتري الجنه

وسـام سـباهي |🍃

هـمزين عـندك دمع من تخلـص اعذارك..

غني محسن |🍃

صباح الحب ❤

اليوم ألمحطة الرابعة واني محتار بين هواي شعراء يا شاعر تحبون يكون بهاي المحطة طبعاً بعد ما واصل للشباب .. حالياً جيل السبعيني ارائكم 👇
🍃

@karrar_95

🍃


ولك ماني الرمش للعين والحاجب 
ولك ماني الصرت مطلوب والطالب 
ولك وانت الالي مطلوب 
سهر الليل !!
حجي الناس والصاحب 
ولك انه طلعت مغلوب !!
وانت بلعبتك غالب


شـكر حاجـم ألصالحي |🍃

*شاعر واديب وكاتب وصحفي من بابل من شعراء الستينات .