▫


أرد أشتري من أهل الهموم
شوية فرح صبر اليوم

محد يبيع كلها تون
مو راح أموت من الحزن


لـ سعدون قاسم

♦غناء خالد الحلي | اغنية يمسافرين

أشاعة وداعتك والله أشاعة

الراحل رياض أحمد

لهسه وماعشكت اعليك
ونته الطوك والمحبس
ياطير الماي يانورس
اغنيلك..اغنيلك .. شغنيلك
اغني شلون وانه اخرس ......

محسن الخياط ..

🍃❤️

ياعــقيــق
كل محابس شوفي غنت ياعقيق وتحلم ابالي لبس
بين اجيسك بين اعوفك ..بين. !!
دنيا مابيها وداع..دنيا تغمرني أنس
اني جــف
جــف أنگطلك اصابع وامطر بگاعك لمس

ياعقيق وبيك اشوغن لونك وبيدي تناغم واندماج ..وهــاي هيه.
ذني امام الله عرس
ياعقيق اليوم خلص
غرب بروحي عله مايك والبس الظلمة درس
الشابع بروحه ضوه الله
منين ماجيته شمس

لــ #صالح_العتابي ❤🎶

كمر وبكل ماي اطيح

مو عطش بس طبعي احن

ومن طحت بيك اعله نيتي

ما ادري بذيبك فطن

وانتهينا وما طويناها اعله خير

وخفت لا تنساني عينك
لملمت وجهي وبجيت

تالي وجهي اسود لكيته .. وذنبك بلون الكطن

سافرت بيك اعله نيتي

جنت اظنن كَلبك بكبر الدرب

وخفت منك...

لو نشف جنحك تسافر للعب

وتعوف كلشي

والحزن سكتاوي يلبد بالكَلب

عشرتك عبرِة ضباب

لاعشك روحي انتهى وسديت بابي

ولا نسيانك بدى

انه عش كبرن طيوره

وجحَل بحضنه الندى

روحي ساعة بيت مهجور وتدك .. ماتدري المن ؟

وانت باب بلايه نثيه ترش عتبتك ... مدري المن ؟

وجهي مشروب بعوافي المايعرفون العوافي

حزني زخ مثل المطر والشعر مثلك

راد روحيتي بقوافي

بس بجيت بكيف روحي

عقيل العرد

▪


وتنطرت ها تجي وها عَ البعـد خليك

لا انت فرح وابتسم ولا انت دمع وابجيك

ولا انت حبيب ونحب ولا انت عدو نعاديك


◽لـ عريان ألسيد خلف

▪


كل سجة غرام احنه مشيناها
وصبرنه وحملنا الروحه والجيه
تعذبنه وتلوعنه ياخذنه هوى الحلوين ويردنه
وعلى شاطي الهوى وكَفت مراكبنه
وبفي بيدر الحلوين هودرنه
تعبنه.. وصبرنه .. ولا جزنه

◽لـ زامل سعيد فتاح

و على الرملة ..
بضوة الگمرة
يناشدني وانشدنة

اگلة تروح..؟ وگليبي 
بعد بيمن اهيدنه

بچة ودموعي لاگنة
بعد وعضاي زتنة
و يوميلي بطرف چفيتة
من بعيد اشوفنة

و صاح الريل ..وانة وياه
يعت بية .. واعتنة
يجرني بحيلة ويصوفر

وانة معرد واجرنة
ذمة برگبتك خلني

ولك مشوار اشوفنة
ولك يا ريل لا تبعد
ولك ولفي واريدنة

وجزاني يجر فراگينة 
ومامش حيل اردنة ..

#زامل_سعيد_فتاح

.

نده عمرك ولا يقنع
يفضها بوردة سنيني
كل حسرة سببها اسمك
تجر الليل من عيني

#مرتضى_الحمد

انا احبكَ لاني اجد عندكَ طمأنينتي الهاربة

🍃❤️

أكبر تحت عينك عام
وأزغر تحت فيّك عام
وألعب تحت فيّك روح مابياش.
والخبّاز أشدّه حزام
بيدينك وانبّع ماي.. بوساتك وأنبّع شام
نبض بالروح والثوب العلي ورّد
يلسمر مستحه وسيّس عسن لا رد
لعب عيني، بلعب ليلك صدر نهّد
وأﮔلك شوف ورد الماي
واعصر زلفي المريّح واشبعك ماي
يسمر لا توعي الروح... تفضحني وتفيض الماي
خلها ولا تجزيها الزغر وياي
.
.
.

علي الشباني ...

منذ حبك والهواء يصلح لأن يكون جدارًا أدق عليه المسامير وأعلق صورتك في كل الأمكنة
ووحدي أراك

كل بشر يوصل محطة
ويشبگ اهله
وانا اشوبح من شبابيچ الفراگين الحزينة
انطر احد ... مايجيني

انطر انطر ....
وارجع ردود لمچاني
وينزل بگلبي الصگيع
السچچ خلصت... ماوصلت...

ومشيت وحدي بلايه سچه ..
ايه ياعشگ الماله سچه


ياوطن
يا بيك
وبلياك اضيع ...

- النّواب

يا الله أنـهُ َ من أشيائي الجميلة

التي لا أرُيد فُقـدانـها

سـِ أتركـه أمـانـة لديكَ



تصبحون على وجه تحبوا

‏وكـ نوع من الصراحه صباح الخير للشخص اللي يخليني التفت دائماً للجانب الحلوُ من الحياه ومبعدني عن مُرها انتّ جداً عظيم وحظي فيك أعظم

🕊❤️

▪

يومية باچر ياحبيبي

گضه عمري وباجراتك ما گضن

ويگول :

شيب البگلبي دفنته
الفضحني الشوارب والزلوف الشيبن


لـ كاظم رحيمه

*فقط وحصرياً بقناة الخال ، كاظم رحيمه شاعر من جيل كاظم الگاطع الوسط الشعري يعرفه لكن الجمهور لم يعرفه
حالياً مريض وتعبان جداً ..

رتبت موعد لقاء بهذا الشاعر الكبير
واذا الله وفقني وبجهود اصدقائي
نجمع قصايدة بديوان طبع ونشر
لأن محد سامعهن ، بسبب جان ماعنده امكانيه يسجل القصايد ..

والتوفيق من الله ☝❤

وي...!يطكني العطش و انه بجالي المي
وي.....!
انه بكوسر مضيفي وما اوجد في
وي....!
تمر بيّ السنين وحالي يا حال ؟
جاهاي الربع مابيها الي خي
وصرت مثل الغريب وبين هالناس
احير بليلي وين اكضيه لو لي
ونه اشما اوجد ابجدمي اعله الرمال
غميجه وما تكيّش دوس رجلي

عادل العضاض

ألحب القدس
❤
سلام الله عليهم