لساتك حلاوه تفطّر الشفه
سنين وما شفت لسوالفك صرفه
بعدهن ذكرياتك بالحفظ والصون
لا جاسن ندم لا ضاگن الوسفه
.
.
ياسر فليح

🍃


ليله
ليله... گلت تعود الي وتانيت
حنيّت بيباني..وزرعت اللوز بالعتبه
وشعلت شموع وتوضيت
گلت اصلي لك فرض..
لوجيت!

الكبير جمعة الحلفي

🍃

آخ لو تدري
شگد ضام لعيونك..حچي

الكبير جمعة الحلفي

صبح  كلك صبح .
ورموشك مرايات.
ونكوط وربيع بطولك معلك.
للمك والتم اني وياك.
والتف بيك واطبك.
والتف لف جكارة عليك.
وأشبك.

لــ #محسن_الخياط .

" دليني عليك وتيـه ، تيهنيّ عله گـد مآ توسعْ عيونك "

. ❤🍃

اللهُم نسئلك بهذهِ الجُمعة ان تُرزقنا اليقين بِك وبأقدارك ، حتى نطمئن ونثق ان الفرج آتٍ لآ محآلة ،،

جُمعة مبآركة ع الجميع يآرب ❤️ استغفروا .. 🌿

،
،
نذرت الروح لو داروا عذابه ولا امل منه
اتلذذ بچوياته جحيل اللسع اهيسنه
خل ضلوعي من بعيد يبرن له ويفينله
خل عيوني سكتاوي بفرح وبخير يدعنله
ولا ملن ...ولا ابطل
ولا وياه عشرتي تفل
واظل للموت ما انساه وعيني بطيفه تتكحل
ياللايم شلي بدنياي لو شح بيها المدلل
مو حكي من اشك الزيج
مو حكي من اتهدل .. !! ،
،

#زامل_سعيد_فتاح
🍃❤️

الحب ياولدي التقاء روحين، والأرواح لا عمر لها

,
- بهاء طاهر

🍃❤️

.
فراشة متروسه عشگ محبوتي الخمرية
هنيالي حسدوني شكثر چي احب بغداديه.
من تعبر بصف الورد يتخوصر من يندي
كون الله يجمعنا بعرس واحچيلهه شگد عندي.
گدما رقيقة من الغزل تخجل بلون البردي
فد مرة طولنه الزعل صار المعاتب وردي
لملگاهه ماعندي صبر والشوگ ياهو يضمه
كونچ اترسيني ضوه بروحي سوالف ضلمة
لفرشلچ بساط الگصب واسگيچ ماي الگرمة
وتتشابگ ال(چا)وال(لعد)وال(يوم)تصبح(يمه.)
ومن گاعنه يلوحچ ملح وانطيچ من عثوگي
ضميتلچ بيه شكثر بسكوت الچ ياشوگي

محمد فوزي

أنته وين؟

وراسك أبيا وحشة نايم؟
بآخر بيت
ونته أهناك
ماخذ كلبي وأهمومي وغناي
أوياك
يلوياك من غير المحبة
كلشي ماسويت
يلتسوة الشعر
والنجم من ايلالي تالي الليل
يلهليت
كمرة..اشوسع ضيك
هاكثر هليت
مليت أشكر من روحي
بس منك.. فلا مليت….

كاظم غيلان

اي يافيض
ادليك بشحيح الروح هلبت
للمعاتب باب
هلبت للضوه بوجهك صلاة اشموع
التفك رازونة للسرداب
اخذني لـ وين تندل ناس
اغني لـ غربتك ياريل واتسامر
بليلك كاس
اي ياليل المداراه وديني على ديرتهم
الترستلهم شليلي ادموع شوگ
لـ عيني ماعدهم
طحت وي المطـر ضحكة التبلل
مستحاهم ماي
يـ كون اندل صحاري بشوگهم
يبست وابللهم
والملم كل نجم مامارله بديره واگله
برگبة احبابي دفو اولايه ..
والم روحي ضحك بت بيت من تلم
شعرها اگبال المرايه ..

الشاعر ضياء كريم

.
.
شلون أمرّ لجفنك بنص الليالي
ودربك من سنين عاثر..
شلون احبك،. وآنه ماضي انباع لسنين الجزوني
وشفتك المخمورة باچر..،
شلون
وآنه الخنگة كلها،
و صدرك ولاية هوى،.
واليمي بس ديرة مگابر..!
عطشتني لمآيك وما درّ عليّه،
ولسة اناطر،
و علمتني بديرة النعناع يرتاح النفس
ويصير للضحكات جرفين وگناطر،!
عيش لي
و تلگاني بوسة بخدك الخمري اليسولف مستحاك،
وافتح الدنيا اعله شباچي الغريب يشم هوآك..!
شلون ما اغمّض عيوني،
يمرني شيطاني ويوديني ورآك..
شلون،.. دبّر حيرتني منين اعتنيلك
والمسافة بگد عشگنة
..
اشبگني.. صار هواي
محد تارس چتافي بحضن

زياد البصراوي

يـخيعونـه
و يـهنيـالـه "

الدره ليـا عله مفتاح الدمع يـرهـم ،

ذياب كزار

.
ويفك روحه السجن بيه
اطب والگه مواعيدك
وشميت القفل
ولگيت عطر ايدك
لا تزعل
اذا ما ميزت وجهك

عند الغارگة عيونه
تفاصيل الضوه ميته

مرتضى الحمد

في حديث الليل
ضاع الحادث الثاني وضاعت زهرة الصبار
لا تسل عني لماذا جنتي في النار
جنتي في النار
والهوى اسرار
والذي بغضي على جمر الغضا اسرار
يا الذي تطفي الهوى بالصبر لا بالله
كيف النار تطفي النار؟
ياغريب الدار
انها اقدار
كل ما في الكون مقدار وايام له
إلا الهوى
مايومه يوم ...ولا مقداره مقدار
لم نجد فيما قطار العمر يدنو
من بقايا الدرب
من ضوء على شيء
وقد ضج الاسى اسراب
والهوى اسراب

مظفر النواب

يا معزهم
احبابي كل خطوة بسلامة ودعتهم
وانشد اخبار البريد الجاي منهم
ليلهم نجمة ..
وانه العاشگ گمرهم
يا معزهم .. يامعزهم
وي بساتين الورد يكبر وردهم .
.
شوفهم دجله وفرات من يمر بحقول اهلنه
طيبهم طيب الصبح لو سلم وصافح فلحنه
بالي كل شوگ اليمر بيهم يمرنه
خضرت بيهم محبتنه حنين
باجر يبينون بينه الغايبين
وعيني يا عيني شمعزهم
وي بساتين الورد يكبر وردهم .
.
شوگنه مابي هجر مابي عتاب
شوگنه دنيا جديده ويه الاحباب
نكبر ويكبر ويانه حتى بسنين الغياب
شوگنه نسمات دجله مگذله
شوگنه درب الوطن يا وي هله
وعيني ياعيني شمعزهم
وي بساتين الوطن يكبر وردهم .

. ل ناظم نافع

الشاعر وسام سباهي | مو كتلي عفتك

2⃣0⃣1⃣2⃣ 🎶