وبهيده
ومتدري انتَ
لابوسن شامة الرگبه واموت هناك

رياض النعماني

ولااا تكثر عله البيبان عيش طيوف

صير بكل وجه كحله

تره اليندل مجان الاه مو سهله

#اكرم_كريم

خاب شمالها الوادم ولا بيها شبه منك

لـ زيد الهاجري

اطلع بنص ليلي ادور
هلبت الله الكاك
عاثر طايح بموعد قديم

علي البديري

بَعد لتودي طيفك ليلي مابي شوگ ،
أجاني , وباب جفني بوجهه سَديته

أنه من الورد ضَليت أضم الشوف
لأن كلش يشبهك ما أشتميته . .

ألك چنت ألتفت وأدري أنته ما موجود
أذا أبالك حرف مِن أسمي عَديته ،

بَعد ما ألتفت لو سمه بظَهري تطيح
حَسبالك گبل ؟
لا گلبي چويته . .

علي رِشم

لا ليلك يبچّي الروح ولا صبحك يغنيّها
لا بُعدك يذبّلها ولا گربك يسليها
لا صمتك يسكتها ولا صوتك يحچيّها
حتى الذكريات البيك مطفيّه بثلج گلبك
حتى الأغنيات البيك مدفونه بچذب حبك
كلشي بيومك يشبهك
كلشي بوجهك يكرهك
كلشي بناسك الحبوك ما يلتفت ويرغبك
عجيب ولا گمر منهم ذكر حزنك بهلهوله
عجيب ولا وجه منهم ضحك لأسمك بتعلوله
ولا بيرغ صديجك عارك الصوبين لمن بيك گالوله
يبو گلب السبيل اشبيك ماتبخل عله العافك
ويبو دمع الثجيل اشبيك ماتلتفت للشافك
اشبيك مفارگ الشاريك ومچلب بچلمه تخورس اشفافك
اليطفيك لا تسجن ضواك بعتمة ايامه
واليبچيك لا تنثر دفو عيونك عله احلامه
دگ عينك نذر لجروح اليغنيك
وطش گلبك فرح بچفوف اليحنيك
ولا تنطي النشد لو موطنك ناسيك
مايندلك الناسيك

لـ فراس غالب

‏أحيانا أكون مقتنعا تماما،
بأنني غير مؤهّل لأي علاقة بشرية.

‏| كافكا

گودني بواهس حبيبة
وحلي همي بهيل چلمات التعاي
وإهمس بإذني حنين
وصفي نيتك
أبد متشوفه گفاي
آنه ماظل بيه غير وشال روحي
كلشي ذبيته وراي
جيتك وگايدني شوگي
وكلشي بيه يگول أريدك
حتى خوفي ومستحاي
جيتك وﻻ ندى بروحي يعين حالي وانت ماي
جيتك وكل خطوة أدري تگودني لروحي وصباي
وأدري كل خطوة مسافة تيه لكن مالي راي
وأدري نحلم چذب متعافين نرضي گلوبنه
وأدري عالمامش هوينه
والشماته بصوبنه
إحنه من نشتاگ نسهى يبين إمن إسلوبنه

وجدان النقيب

حيره واحلهه شلون ، والحيره كلفه
عيني اعله ولفي وعين ، ولفي اعله ولفه

#علي_عجيل

شــلــون الــوحك

انتــه طــير وشربّــت الغــيمــه سمــارك


عــزت عبــاس

و بيه بيادر فرح مدفونَه حـدر التعب

عدي شاني

• اچمل خوف كل ميّت يصادفني

افض سوالفك عبره

لكل مخنوگ

لكل فاگد

بصدر كلمن يناشدني

مر وكت العطش بالروح

اخاف الماي ياخذني

لمنيتي بحجة الغرگان

ضعت منهدما فرگاك وهسني على البيبان

يا خمره التشد حيلي على النسيان ؟
-
-
-
• حسن الفضلي

تلك الفراغات التي بين اصابعنا
خُلقت لتملؤها اصابع يدٍ اخرى

🍃❤️

الفرق بين اليحن والجاي الفراگ
الهلاهل والنحيب الفرق نبره
يالشلتك نجم بچتاف الايام
مو كلمن علي تصعد تعبره
اذا تحلف النوارس
تحلف بطين
خم گلب المقاتل
تلگه مهره
عشگتك عشگ چان يونس الهور
عشك طابگ سلف لچفوف سمره
اخلص البرد لمن چنت الاكيك
خدودك والليالي تصير حمره
،
لّــ صفّــاء الصــمت ،

شجاني
وماخذت عبره من العيون التباوع من ورى الشباج. ..
وشجاني
وماكمت لميت دمعاتي ذخر للعوز
خاف يمر وكت ليش اطلب من احتاج. .
ولهناكه وبدت تفتر عكس
والروس مدري شغيراها وماتريد التاج..
ولهناكه وكبر خوفي
اليحبوني على حزني خافن يملون
بيه شكد فرح بس الحزن مﻻج...
واستاهل
عشت خصلة شعر تهوى الشمس وتخاف
يكتلها الذنب من يضحكلها الطوك..
مبخوت المطر فوك النهر لو طاح
عمر ثاني انكتبله شعنده عايش فوك..
وانه حضن امهات شمانستني وجوه
ﻻتبرد لهفتي وﻻيخف الشوك. .
غلطان وخذت حجي الجفن والليل
وغفيت وصبحت لن العمر مبيوك..

..حسين الحبتري

چان بين چفوفي حلمك

والصبح دربه طويل وشفته يمك

عاينت غربت چفوفي

تشابگن حسره عله شمك

ليش ما فزيت من زتك نهاري
وشفت همك

عايش بصوغة سفر طوله رساله وما حچتك

بحسي ذبل كل صداك

اي يخايب عيش روحك

شوف طوفانك سفر من

وابقه دور كل نسيم يبشر شراعه عله شمك

الدنيا صحره شما نويت اغفه عله مايك

بيهه ما يرهملي دربك
حتى صدفه

دوارة الليل وگمر يطفى علفگدك ماهو صدفه

شبت الگيعان بيه
وين اتانيك وتجيني

الحيره صحبة تايهين

شمالني عله دوارت الما لاحه طيني

تغربت بعيون ناسي


علي محمد المالكي

عانگت الگمر مرّة بضباب الليل
عانگني گمرنه و غاب
صمّيت الشعاع اصموم
فكّيت الصموم اتراب
لـٓهجّ و ما اظلّ ابگاع
گلب ماينفتح بي باب
علّمني جفاك اهواي
مو كلمن ضحك حبّاب
و اظلّ ابشك و لا اصدّگ
طلع حتى الصدگ چذاب
.
#كاظم_الركابي

واجيك بحسبه احداري
ورد بين الكصب جاري
ويطك بيه العمر مشحوف

عزيز السماوي