رسالة إلى كلُ المصابين بالسرطان

والمُتعبين

المظلومين

في ألعالم

لاتحزنوا

فــ أنا وأمي نُحبكم جميعاً


#حسين_شاكر_الريس ❤🎻🎶
💓

و'أدور ..
بالجرايد ..
بلچي 'ريحة ' وطن



#إلنــواب

گربتني لضوگك وحلوة رضاك
وتيهتني بممشه مايلحك وراك
عيشتني بكل سلام وكلمن يحب لهله
كلها مو حلوة بعيوني وطيفك الميت حله
دوهنتني الله يدوهن من خذاك

عباس الغالبي

فرصه اخيرة
قبليني سيدتي
فأنا نبي ابحث عن دين يناسبني فوجدتكِ

#حسين_شاكر_الريس

يسألوني اعلئ روحي وگلت ضحكتها


حسنين. جاسم

..
..
..
غريبه الروح
لا طيفك يمر بيها
و لا ديره لـتلفيها
وغدت وي ليل هجرانك
ترد و تروح
و عذبها الجفا و تاهت
حمامة دوح

تحن مثل العطش للماي
تحن و يلفها المكابر .. و يطويها
و انت ولا يجي ببالك .. تمر مرة غرب بيها
ولا طيفك يوعيها
#وأهـيسك_جرح_بجروحي
#يمرمرني_وتحن_روحي
تفز جروح ... محنه تفوح
غريبه الروح
. •
•
#جبار_الغزي

و أنته تالي

آنه أول من رچه أعيونه أعله عينك و أنته تالي
و آنه أول من أخذ جدمه أعله بابك و أنته تالي
و آنه أول من گلت چلمة حبيبي و أنته تالي
تالي غيري يصير الأول وآنه تالي ..
بيا شريعة وشفة العطشان تنخه أتريد گطرة
و آنه يمك .. وأنته تجزر ومدّك لغيري تعبره
و عمري هندس .. و آنته شمعة الماتوج ساعة العثرة
و أشتهي الهجران .. لاچن بالي هوّه أيرضّي بالي
و أرخص آنه وأنت تبقه بگلبي غالي
أمس نشدتني القصايد والمراود عن كحلهه
أمس أيدي أدوّر أيدين التصافحهه شگلهه ..
چذب شوگي ..؟
وأنته أسمك شذر وأجمل چلمة بسطور القصايد
شرد أگول و ياعذر يرحملي حالي ..؟
لو أگول ألماله أول ماله تالي ...

الراحل كاظم الركابي

من تجين ..
أوياچ جيبي أعيونچ
مانه أتيّهچ
و التدليني عليچ أعيونچ
و أهوايه مثلچ
بس تره ماكو أهواي مثل عيونچ
.
الراحل كاظم الركابي

وهذا انه
عيني شباچ الهوى
ونيشاني نجمه
وما ايتيه الگلبه أبيض

عبد الكريم القصاب

شايفه الليل ..
من تنهب أصابيعه المياله ؟
و توگع بجفني الدقايق بسامير
شايفه الليل ..؟
من يوگف وره الشبّاچ راهب وجهه جير
أيجدّي من أعيوني نوم ..
و نومي بين أرموشچ الحلوات أسير
و شايفه ساعات الليالي ..؟
الوحدة ، و الثنتين ، و تلاثة
ولچ تهدمني هدم
و سبحة بيد الليل أصير
شايفه وجهي من أحير ..
تشرد أحروف القصايد
من على شفافي عصافير
و شايفه وجهي من أحير
وجهيّ أبغداد راية ..
و مالگت چف أمير
.
كاظم الركابي

خذها. ولا تتردد. حتى وأن كان المسير لجهنم
ف برفقة من تحب ستكون اجملُ من الجنان وخمرها

#حسين_شاكر_الريس

.
.

تسجيل خروج ..... الى شعار آخر

في أمان الله 🖐🏼✋🏽

الحب جحيم يُطاق، والحياة بدون حب نعيم لا يطُاق.

كامل الشناوي

🍃❤️

في تاريخ لا يُنسى

قالت لي

نهارك .. سعيد

لكنها لم تكُن تعلم

أن الراء ..

سيجلس يبتسم بدلاً مَن الدال في غيابِها


#حسين_شاكر_الريس ❤
🚬

يون گلبي ويصيح بصوت...حامل
ويعينه الله شگثر لچمات...حامل
دجيبوا هواي واقبل كون... حامل
وعلي لو توم اداريهم بأديه

منقول

روحي وردة
و انتِ تدري
ابعشَرة نيسان الورد
ينضح عبيره
فتّحت طول النهار
و نعّست من اجه الليل
و فرش ع الدنية
حصيرة
چنت ذيچ الليلة
كلش غافيه
و چان النده
يهدهد ورق روحي
ابسريره
خطت من يمي
و تخطتني الأميرة السومرية
لارسا الحلوة
الفراتية الزغيرة
لارسا بخفة فراشة
جنح نسمة
امنسّم
ابطليّع نخلة
و جنح اترف
بعده ملتف ابحريره
خطت من يمي
و تخطتني الأميرة
فززت گلبي بعطرها
و ضوّگت شفتي
طعم عنبر ابطيره
غيّرتني و گمت اغير
و چنت اظن بين الورد
ما تشتعل
نيران غيرة

.

كاظم الركابي

ماادري شخذني عليـك
احس هذا الهوه بريتك
من تزفر نفس يتعنه يم ريتي
ويسولف عطرك براسي
يفزز ضحكتك ياشوگ
تطگ جنحاني جن فختيه
توهه تحوم اطيرن فوگ
وادورك وين ماصحلي ضوه وغبشه
واگلك هذا عمري اگدار بسنينك نذر طشه
يتارس عين المرايات
حن واترس شليل الشوف
واقنعني العطش مرات هم ينراد
للفاگد حنان اجفوف ...

لـ ضياء كريم

يمغير سماري ونظرتي وممشاي
تمنيتك وجه واقراك
عزيز انته
واليضيع مثل لونك
يظل ينتظر جلمة ((ذاك ))
تمنيت الحجي ايدليك
وتمنيت السوالف طين لاخلقلك صدك واطيك
واحجيلك بكد الهوه ابكد ماتعبت اسنيني
واعاتب بيك
جا يمته الضوه يمر بروازيني
يالمدوهني بس شكبرك بعيني

حسين الثويني

-شباوعلج ؟
-سكر شيطان بعيوني
-خصرج والذنب ..
-ما يحضن بتوبه ..

لـ عباس الغالبي

و اصـبـحـت مـثـل الـيـهـد اوحـيـد
جـدام الـزلـم
و بـعـازة اخـوه
يـنـولي او خـالـي الـظـهـر
مـهـضـوم بـدمـوعـه ايـتـجـوه
ذكـرت روحـي بـتـعـبـهـه الـضـاع
جـالـهـويـه ابـشـبـج و الـراح فـدوه
ونت
او ونة توالي الليل .. للمالوم سلوه ..

عريان السيد خلف