💃🏻💃🏻 عيون نظرتها مصيبةة

گلب مشدود بگصيبه

الدنيا مو دنية عشگ يبن الحلال
لا تخلينة بمحبتك ننجبر
انت ابن العافية وابن الدلال
واحنه ولد الموت ربانه الفقر
بينه وبينك فرق كلش چبير
وما نگول اسباب كل هذا الفرق
وما نكمل السالفة الحد الاخير
امن الاساس وياك مسدودة الطرق
وياك ما نرهم وما ترهم محال
ويانه ما تگدر تدوم وتستمر
وباهو گلك بالسهل درب الوصال
وانت تدري دروبنة مورثة جمر

منين اجيت وبالعشگ عندك يقين
منين اجيت وياهو سوالك درب
انطيني مهلة وخل اشوفن وضعي زين
وخل اشوف انوب هم اگدر احب
گلبي تيهتا وشرد ما ادري وين
وانه صار اسنين ما عندي گلب
وخالي گلبك وانت بعيونك جمال
كل جمال الكون يمك يعتذر
نبع شفتك يعني كلماتك زلال
والعطش بالروح تاركم جم فطر

منين اجيبنلك خلگ يرهم عليك
وانت اية امن الحسن واحلا الدلع
وانه يا فرحة الاحطه ابين اديك
وانه بچفوفي عمر شلت الوجع
حتى ما عندي ابتسامة امنرد اجيك
وليش تشلع گلبك بگلب انشلع
وليش تطلع خاسر ومشلول حال
وتترك الضحكة وعليمن تنقهر
راجع افكارك بعد عندك مجال
ليش بيه تريد گلبك ينكسر
ادري بيك تحبني ما داعي الكلام
وادري بدموعك صدگ تبچيلي
من تجيني لا تكلمني بغرام
عفية عوف الشوگ لا تحچيلي
انه ليلي بلاية واهس ما انام
اشلون لو صرت انت واهس ليلي
واشلون لو حبيت شكلك والخصال
واشلون لو باچر تروح وتعتذر
هم ترد لمن اگللك تعال
وتنتضر لمن اگلك انتضر
احنه عدنه الحب يعني الحب عذاب
ولازم امن ننحب نذب بالحب فلك
ولازم نحب باب بيتك والتراب
ونحب كلشي العايد وراجع الك
ونحب ناسك كلها شيب اوية الشباب
ولازم نحب كل عمامك وي هلك
ولازم نحبك نحب الخال خال
وكل هذني شوية لتگول اشكثر
احنه ما عدنا العشك صفنة وخيال
احنه من نحب نطگ وننفجر
نخاف من حبك لان حبك جديد
ذهب چنه وياهو اليشوفة انعجب
والمشاعر فقرة معضدها حديد
وانت يم (الفقرة) لا تطلع الذهب
وياك ما نصقل بعد لا ما نعيد
عوفنه ولتگول بينولي السبب
احنه ما عدنه جواب لاي سوال
لان من شفناك تيهنا الفكر
هم شفت فد يوم گالو للدلال
ليش متحملة حضن نار الجمر
الدنية مو دنية عشگ يبن الحلال
لا تخلينة بمحبتك ننجبر
انت ابن العافية وابن الدلال
واحنه ولد الموت ربانه الفقر

جبار رشيد

سَنحِبُ مآ دُمنا نعيشْ
ونعيش مآ دُمنا نحِبُ .. 🌸

سنظلُ نكتبُ فوق أسوآر الحيـآةِ
لنآ إلى أيامنا الخضرآء دربُ ..
ونظلُ نزرعُ في حقولَ اليأسِ أرجُلنآ
لتنبُتَ تحتَ أرجلنآ مسافـآتٌ وعشبُ ..
ونظلُ نرسُم ضحكـة الأطفآل .. حتى يضحَك الأطفآلُ
نستجدي العوآصِم والقرى حتى يصيرُ لكُل عآصمةٍ
مكآن حجـآرةُ الطرقـآتِ .. قلبُ ..

سَنحِبُ مآ دُمنا نعيشْ
ونعيش مآ دُمنا نحِبُ .. ❤️🌿

،
لـ يآسر الأطرش 🌸

علي الصفراني 👆🏻ماعندي بس صفنتي

اضعت في عرض الصحراء قافلتي وجئت ابحث في عينيكِ عن ذاتي

رايدك بس مالي حيل يلملم دروبك ،،،، بعيده

هاظمتني السكته البروحي على فگدك

الماله حس بين الخلگ سالفته بيده

كونك تبيع النشد

چان اشتريته بشهگة وداع لدنيتي

ولو بوجهك الگه باب يريد ملگه

چا خذت لونك هويتي

شرد اخسرك عيشني بگد مشتهاتك

كافي حنظلني جفاك افرش حلاتك
-
-
لـَ حسن الفضلي

ما فادن
اسدود الصبر
فاضن سواجي اونيني ..

#الكاطع

رسالة إلى كلُ المصابين بالسرطان

والمُتعبين

المظلومين

في ألعالم

لاتحزنوا

فــ أنا وأمي نُحبكم جميعاً


#حسين_شاكر_الريس ❤🎻🎶
💓

و'أدور ..
بالجرايد ..
بلچي 'ريحة ' وطن



#إلنــواب

گربتني لضوگك وحلوة رضاك
وتيهتني بممشه مايلحك وراك
عيشتني بكل سلام وكلمن يحب لهله
كلها مو حلوة بعيوني وطيفك الميت حله
دوهنتني الله يدوهن من خذاك

عباس الغالبي

فرصه اخيرة
قبليني سيدتي
فأنا نبي ابحث عن دين يناسبني فوجدتكِ

#حسين_شاكر_الريس

يسألوني اعلئ روحي وگلت ضحكتها


حسنين. جاسم

..
..
..
غريبه الروح
لا طيفك يمر بيها
و لا ديره لـتلفيها
وغدت وي ليل هجرانك
ترد و تروح
و عذبها الجفا و تاهت
حمامة دوح

تحن مثل العطش للماي
تحن و يلفها المكابر .. و يطويها
و انت ولا يجي ببالك .. تمر مرة غرب بيها
ولا طيفك يوعيها
#وأهـيسك_جرح_بجروحي
#يمرمرني_وتحن_روحي
تفز جروح ... محنه تفوح
غريبه الروح
. •
•
#جبار_الغزي

و أنته تالي

آنه أول من رچه أعيونه أعله عينك و أنته تالي
و آنه أول من أخذ جدمه أعله بابك و أنته تالي
و آنه أول من گلت چلمة حبيبي و أنته تالي
تالي غيري يصير الأول وآنه تالي ..
بيا شريعة وشفة العطشان تنخه أتريد گطرة
و آنه يمك .. وأنته تجزر ومدّك لغيري تعبره
و عمري هندس .. و آنته شمعة الماتوج ساعة العثرة
و أشتهي الهجران .. لاچن بالي هوّه أيرضّي بالي
و أرخص آنه وأنت تبقه بگلبي غالي
أمس نشدتني القصايد والمراود عن كحلهه
أمس أيدي أدوّر أيدين التصافحهه شگلهه ..
چذب شوگي ..؟
وأنته أسمك شذر وأجمل چلمة بسطور القصايد
شرد أگول و ياعذر يرحملي حالي ..؟
لو أگول ألماله أول ماله تالي ...

الراحل كاظم الركابي

من تجين ..
أوياچ جيبي أعيونچ
مانه أتيّهچ
و التدليني عليچ أعيونچ
و أهوايه مثلچ
بس تره ماكو أهواي مثل عيونچ
.
الراحل كاظم الركابي

وهذا انه
عيني شباچ الهوى
ونيشاني نجمه
وما ايتيه الگلبه أبيض

عبد الكريم القصاب

شايفه الليل ..
من تنهب أصابيعه المياله ؟
و توگع بجفني الدقايق بسامير
شايفه الليل ..؟
من يوگف وره الشبّاچ راهب وجهه جير
أيجدّي من أعيوني نوم ..
و نومي بين أرموشچ الحلوات أسير
و شايفه ساعات الليالي ..؟
الوحدة ، و الثنتين ، و تلاثة
ولچ تهدمني هدم
و سبحة بيد الليل أصير
شايفه وجهي من أحير ..
تشرد أحروف القصايد
من على شفافي عصافير
و شايفه وجهي من أحير
وجهيّ أبغداد راية ..
و مالگت چف أمير
.
كاظم الركابي