حبني بهدومي العتيگه..
احلى من العشگ وين الگالي ثوب
حبني غصبا ع الحروب
حبني ما دام البلابل لسه تضحك.
خل نكثر بالذنوب..
حبني لتفكر تتوب..

لـَ سمر الخالصي

ربما ماتت خجلاً
تلك القطارات التي أضاعت طريقها ؟

#نيرودا

هنيالك ءمن الليل ما ماخذ لون
ناصع ابنيتك والبياض يباريك

بعيوني اسولفلك عشگ من تغتاض
واشعل الطيف بروحي لو ماحاچيك

خاطر تردلي وصوغة الرايح ليل
من تلتفت بيباني كلها تلاگيك

ضمّيتك إگلاده برگبتي وعنوان
شمّيتني وصوت الانفاس ايدليك

استاهلك والهويه رزق الشمعـات
وجروحي تطفه منين ما هب طاريك

واحتاملك وادّثر بموعد فات
والساعه تلزم باب عيني إتانيك

تتعطل وتنزل سما تلم الحيل
واتهدّل وچف الونين يلم بيك

وتردلي واتلگاك اسولف بالماي
عن لا يجيسك شوگ عيني ويچويك

طيح إعله حزني وشيلني ءمن النسيان
وإبچيني لو طاري العزيز إيبچّيك .

إيما صباح

ولــو شوگي
جــزه عروگي
وفاض بكل كتر منسي
بس شيجيبني لعينك
عيب اعــثر
وارد اعــثر
وعيب انــسى
وارد اذكــر
خليني عــلگد شوگي
اضــل مخنوگ واتحسر
خليني عــلگد ناري
بهواك اشتعل وابقى رمــاد
وبطرواكم اتــدثــر

لــ #علي_رشم💕🎶

أحلم بقبر ضيق وسحيق ،
حيث تتعانق أذرعنا كما لو كانتا مقيدتين إلى بعضهما ،
وأدفن وجهي بحضنكِ و تدفنين وجهكِ بحضني
و لا يرانا أيا كان بعد ذلك . .

،،

— فرانز كافكا

🍃


تغزوك الأيام بذكريات لا تشبهك

| محمود درويش

يلحنيّن بخت لامك،
عرس خضّر بليل ازغار
وصي أمك بعد لتغار
ولك مامش ﮔلب غيري عليك يغار
يلمسومر وحـﮓ عتبة هذيـﭻ الدار
وحـﮓ سـﭽـة رسم جدمك عليها أزهار
عت بيَّ السعف، ريّان عمري.. وياملذ جمّار
تَرس روح الزغيره من النخل وهواس
وحـﮓ ورد الليالي، ﮔـلاده.. ومخدّه.. وروايح راس
ما شفتك ترس روحي ولك لمن نسيت الناس
وأنسه الناس.
'
'
'
#علي_ألشباني

خزانة

الذكريات

مُقفلة

والناسُ مفاتيح هموم


#حسين_شاكر_الريس

صحراوي هذا العطش يحلم بالنهر جفين
يرف لون الخصر كبل اللمس جنحين
خطف.. ياخذ حنين الروح
عليج من العطش نهرين
إصابيعج أغاني الناي
تتلون غنج واسرار


#عزيز_السماوي

ترا والله ضجت

المشاهدات كلش قليلة

شنو السبب ..؟

الشاعر عريان السيد خلف

قصيدة خليني 🍃

احب الله اليحب الناس كل الناس
موش الله التعرفونه
موش الله اليرد سائل بماعونه
موش الله الصلب عدكم تحسونه
موش الله اليضد ملحد ومرتدين ولا همه اليضدونه

#حسين_شاكر_الريس

الراحل صباح سهل

اغنية بلاية وداع

يل عينك ولاية عشك
والمانصف ذم بحطبها
شحامض يصيح عنبها
فدوه لعيونك تروح الروح
والديره وعربها

#ركزان_الشباني

حيل اصيحن حيل .....لا بهداي
حيل وياي
تيهت الشريعة وعانديت الماي
حيل وياي
جي فرجة صرت للرايح وللجاي
لان مافكريت وتيهيت الراي
عاشرت وادم
حجمهم فوك حجمي ومستواي
كبل ماعرفك اغني
ومن عرفتك بطليت اغناي
وكبل ماعرفك
فلا مرة بجيت وجربت مبجاي
حيل وياي
علة لمعك سراب الماي بيدي وطشريت الماي
غراني هواك وخادعاني هواي
لا شفت الثريا الفوك
لا شفتالثرة الجواي
حسبالي صدك هاي الحياة
وانت اعز متواي
عمت عيني غشيم تيهيت الراي
يا اهات .........ياويلات...
ياسهر بليالي شتاي
والشوغات واللوعات
والنار التشب يحشاي
....حيل وياي.............
يااصبع ندم...يالوم ...ياممشاي....
حيل وياي ....حيل وياي......حيل وياي

#كامل_سواري

.. ﻉ ﺍﻟﺤﻮﺍﺟﺐ ﻳﻠﻌﺐ ﺍﻟﺸﻌﺮ ﺍﻟﺤﺮﻳﺮ .....
ﻭﺍﻧﺎ ﺑﻴﻦ ﺍﻟﻌﻴﻦ ﻭﺍﻟﺤﺎﺟﺐ ﺃﺳﻴﺮ
ﻳﺎ ﻗﻤﺮ ﺿﻴﻔﻨﺎ ﻳﻤﻚ ﻟﻴﻠﺔ ....... ﺭﻭﺣﻲ ﻣﻠﺖ ﻣﻦ ﺑﻌﺪ ﺗﻮﻣﻴﻼ
ﻭﺍﻧﺎ ﻃﻴﺮﺓ ﺷﻮﻕ ﺭﻭﺣﻲ ﻭﻣﺎ ﺍﻟﻲ ﺟﻨﺎﺣﺎﺕ ﺃﻃﻴﺮ

ﻋﺎﺷﺮﺕ ﻛﻞ ﻧﺴﻤﺔ ﻋﺬﻳﺒﻲ ﺗﻬﺐ
ﺣﻤﻠﺘﻬﺎ ﻟﺪﺍﺭﻫﻢ ﺷﻮﻕ ﻭﻋﺘﺎﺏ
ﺣﻤﻠﺖ ﻛﻞ ﻃﺎﺭﺵ ﺍﻟﺒﻴﻬﻢ ﻳﻤﺮ
ﻟﺴﺎ ﻻ ﺣﻨﻮﺍ ﻭﻻ ﺭﺩﻭﺍ ﺟﻮﺍﺏ
ﺑﺸﻮﻗﻲ ﺍﺣﻀﻨﻬﻢ ﺗﺮﺍﻓﻪ ﻭﻳﺎﺳﻤﻴﻦ
ﻟﻮ ﻳﺠﻮﻥ ﻫﻼﻝ ﻋﻴﺪ ﻭﻛﺤﻞ ﻋﻴﻦ
ﺧﻠﻨﻲ ﺍﺭﺳﻤﻬﻢ ﻫﻼﻫﻞ ﻭﺍﻧﺜﺮ ﻟﺤﺒﻬﻢ ﻋﺒﻴﺮ ..
..
..
.

#جبار_الغزي