الشاعر عمار العبادي 🆕

سوي إعادة توجيه لليحب يسمع 🍃

الله 🎶🎶

الشاعر عباس الغالبي 🆕

سوي إعادة توجيه لليحب يسمع 🍃

" حگهمْ من يلوموني ،
مـا عرفوا وطن مثلك ،
يغني ويترس عيـوني " .

ناجح الجبوري

🍃❤️

هنااا يلشفتك وركة غصن ياس
ويبو شعر اليناوش ظلمه لليل

من اللبسنك شمس هم تخفت وياك
من اللبسنك عبايه تنكلب هيل

خصرك جنه روجه تﻻعب الماي
وسابك بالحﻻه كل جيلك بجيل

اخاف من ارد اضوكك لذه مابيك
حلو وبشفافي كبلك ضايك الويل

على رموشك تحط طيور وتطير
وينراد لخزرتك بشر بي حيل

وحمار خدودك الماينوصف دوم
بهت يمه الضوه ونزف المجاتيل

ومن كد مااتاني ابابك الناس
وي عتبة بابكم صارو معاميل

العليك يذب حجي من تفوت معذور
عليك تذب حجي حتى التماثيل

عيونك من تغمض اوصل الموت
احس بيهن ظرف جنهن مراسيل

من ازرع حجيك يخضرلي ديوان
واذا حن الغريب يشتم الريل

وانه ﻻكاتل وﻻبايك بيوم
دخيلك من بياضك جيتك ادخيل

اشكد مثلو يوسف باﻻدوار
ووصلو يمك وبطلو تمثيل

ووكتي الكوه يمشي خلص وياي
شماله من ارد اشوفك يركض الميل

من بعيد اليحبونك يعرفون
مو ياهو اليجي ويركبهن الخيل

واعيل بروحي بيدي من اتانيك
الشايل كلبك انت يعرف يعيل

وﻻجنك تمر باجر ع العيون
من تجزيني احسك رايح تشيل

على كيفك وي كلبي شمالك وياه
من تمشي بهداوه بطل تميل..

#حسين_الحبتري

جانوا من يذكرونك
افك شباج صدري
وافتح ضلوعي وأشم اطاريك
اثاريني غشيم
تبيعني واشريك ..
..
..
#عبدالأئمه_الموالي

لا بد للمراة حضور في الشعر الشعبي
استمعوا لهذه المجموعة من الشاعرات :


.

هلي بكد ما عشكهم واكف بعيني
طحت بيدك
ياهو الكال ماريدك؟
يفلاح الضوه وعطر الهوه
من اتفوت…
اطش صوغه العناكيدك.

#صابرين_الكعبي .
.
يے سر سكتت اعيوني وگلبت المحبس
خضاري بملگه حرفک شهگ. واتنفس

#ام_كيان_الكعبي .
.

چي نشتاگ
تاخذنه الدروب
لضحكة
نظرة عين
يوازينه النهر
نتذكر الناسين
يرسم موجة تكتب روح كل فراگ

#وجدان_النقيب .
اريدن درب يندلني...
يتبع خطوه اجدامي..!!
يفهم گنطره خوفي... ويعبر ايامي جدامي
هلي من اچهب عليكم تيه ...دلوني على احلامي .

#ايما_صباح
.
.

واريد اكرب .. واكابر احضن الايد
واريد اتصالح انه ..بحجة العيد
واريدن اعتذرلك.. واني ماريد
#سهير_الموسوي .

خذاني الليل يم عمري
....و سألته اشضل بعد مني ؟
ليش شمعنه بس انه
ال ولا مرة ضحك سني.....؟
#سماح_فرقد
.
.

تبعدني آنه انطفي تدنيني بيك احترك
ميزانك استصعبه
جف ينترس بالهوى وجف يندعيلي بخنك

#ركزان_الشباني
.
.

مـدري لـ ياگلايد زتــتوني أرگاب
واخــذو ..كل ..دفو البـيـــه.. ومـدري لـ يا عطـش .. گـادونـي
زفــة ماي… وانطشيت ترچيه.. #آيه_طارق
.
.

وچنت اگلك.،
ماي وجهي.. وديرتي ..وهيبة صباي..
ودرت وجهك ..!
وانچفيت.. ولسه ماكو بوجهي ماي.." #سمر_الخالصي
.
.

والكصيبه
الفرعت مرعوبه ؟يم جف الضريح،
تعاين الوادم ،عليها منين ..ماتجهبها ريح.. #فرح_المالكي
.
.

شســوي بطيــف ما جــابك صــدڪ يــمـي
شســوي بـ‌بــال يـرسـملي حـظن وهــمي
يڪلــهم وانـي تــوني ادريــت اثـاري الشـوگ هــم يعـمي
واظـل انڪــرهة جـنسيـتك لـما تـتڪـحـل بــأسمي
#فرحہ_حسن
.
.

مااحب
دين المناجل•••
والهلاهل •••
والصدى القلد حچينه•••
دافنه احچاياتنا بسِد الگصايب••
والمشط حط خوفه بينه••

#آيات_الموسوي
.
.

ليش
محد مدلي چفه
ومسح كل دمعه اعله خدي؟
وليش هالوادم تهومش من اكلهم انه وحدي؟؟

#نور_رعد
.
.
سالفتي
يلووو
سولفهه عد يهود چا حنو
انه الربعي !
على التابوت طگو اصبع وغنو !!

#نور_السامرائي
.
.

نذرت زلوفي لخدودك...
كبل لو فتحو الميدان ..اكلك حدرك كحيله
واكلك زامط بزودك...

#زهراء_السعيدي
.
.

يمن مدري شنو بوجهك ..يوالمني
يمن عمدا اذب روحي ..اريدك انت التلمني .. ..

#غفران_طالب
.
.

فدوة تاني ومدلي ايدك
خل اصوغ
اچفوفي لچفوفك محابس ..
وهاك اخذني
لديره اشوفن.
گاعهه تخضر عرايس .

#اريج_الكناني

وشحلات السـﭼـه لو تاليهه خلّ

آيات الموسوي

حبني بهدومي العتيگه..
احلى من العشگ وين الگالي ثوب
حبني غصبا ع الحروب
حبني ما دام البلابل لسه تضحك.
خل نكثر بالذنوب..
حبني لتفكر تتوب..

لـَ سمر الخالصي

ربما ماتت خجلاً
تلك القطارات التي أضاعت طريقها ؟

#نيرودا

هنيالك ءمن الليل ما ماخذ لون
ناصع ابنيتك والبياض يباريك

بعيوني اسولفلك عشگ من تغتاض
واشعل الطيف بروحي لو ماحاچيك

خاطر تردلي وصوغة الرايح ليل
من تلتفت بيباني كلها تلاگيك

ضمّيتك إگلاده برگبتي وعنوان
شمّيتني وصوت الانفاس ايدليك

استاهلك والهويه رزق الشمعـات
وجروحي تطفه منين ما هب طاريك

واحتاملك وادّثر بموعد فات
والساعه تلزم باب عيني إتانيك

تتعطل وتنزل سما تلم الحيل
واتهدّل وچف الونين يلم بيك

وتردلي واتلگاك اسولف بالماي
عن لا يجيسك شوگ عيني ويچويك

طيح إعله حزني وشيلني ءمن النسيان
وإبچيني لو طاري العزيز إيبچّيك .

إيما صباح

ولــو شوگي
جــزه عروگي
وفاض بكل كتر منسي
بس شيجيبني لعينك
عيب اعــثر
وارد اعــثر
وعيب انــسى
وارد اذكــر
خليني عــلگد شوگي
اضــل مخنوگ واتحسر
خليني عــلگد ناري
بهواك اشتعل وابقى رمــاد
وبطرواكم اتــدثــر

لــ #علي_رشم💕🎶

أحلم بقبر ضيق وسحيق ،
حيث تتعانق أذرعنا كما لو كانتا مقيدتين إلى بعضهما ،
وأدفن وجهي بحضنكِ و تدفنين وجهكِ بحضني
و لا يرانا أيا كان بعد ذلك . .

،،

— فرانز كافكا

🍃


تغزوك الأيام بذكريات لا تشبهك

| محمود درويش

يلحنيّن بخت لامك،
عرس خضّر بليل ازغار
وصي أمك بعد لتغار
ولك مامش ﮔلب غيري عليك يغار
يلمسومر وحـﮓ عتبة هذيـﭻ الدار
وحـﮓ سـﭽـة رسم جدمك عليها أزهار
عت بيَّ السعف، ريّان عمري.. وياملذ جمّار
تَرس روح الزغيره من النخل وهواس
وحـﮓ ورد الليالي، ﮔـلاده.. ومخدّه.. وروايح راس
ما شفتك ترس روحي ولك لمن نسيت الناس
وأنسه الناس.
'
'
'
#علي_ألشباني

خزانة

الذكريات

مُقفلة

والناسُ مفاتيح هموم


#حسين_شاكر_الريس

صحراوي هذا العطش يحلم بالنهر جفين
يرف لون الخصر كبل اللمس جنحين
خطف.. ياخذ حنين الروح
عليج من العطش نهرين
إصابيعج أغاني الناي
تتلون غنج واسرار


#عزيز_السماوي