جم چرخ تيه قطارة؟
وجبتة للسچة بدية
ومن وصل ذب اعلة وجهي احبال
گلي
اربط ضميرك خل اسحگك

الكاطع

عزف وغناء الحبيب صفاء الناشي

.



ويـن رحـتي
عطشيتيني اعله مايـچ
والـعمر مني يتـفرهد ……
ليـش خليتني وحـدي
ومـا أجيـتي
ونـار بـيه وعـيب تبـرد ……
شـنهي ذنبي اويـاچ
شـنهي الـي جنـيته
وباب گلـبچ عَلي ينسد ……
أنـه ذاك الكحل بعيونچ
بعـدني وچـنت
بچـفـوفـچ الـمرود ……
أنـه ذاك السهر ليله
وما نسيتـچ وانتي
چنـتي بگلـبي معـبد……
هسه عفـتيني بطرگ
ونة دلـيل
ويا حسافه اتغير گليبچ
عليه وصـار اسـود ……

فلاح السيد

وك ياليل
ياحسبات المحبين
شمايصبغ عمهرهم شيب تضل بطيوفهم لمعة
وك ياليل
ياشباج للدمعه
كون انموت گبل الناس
مابينه گلب يتحمل الوجعه
وك ياليل
ياسرداب المتانين
ماتلگة اليفكلك حزنك بشمعه

لـ سعد ألزبيدي

الله

.
.. بكلشي اشوفك..
بلون صفنات الفجر .. بالليل اشوفك
بصورة عالحيطان غطاهه الوكت بتراب اشوفك،
بالسوالف .. بالجرح ... بالسكتة اشوفك،
بالسنين السافرن وي صوتك ..بشهكَاتي اشوفك،
آه وشثكَلّه انتظارك ؟؟ أثكَلّ من اشتاكَلك , بس ما اشوفك ..

#زياد_البصراوي
.

يلجمني اليجيب اسمك
اليشطبك واليرسمك
والما شايف عيونك ويحلف بيك
والما جايس جفوفك ويحلف بيك
يلوموني لان ما صارو عيوني
يا آآآآنه ...يصوتي وصاحبي ومرايتي ومعناي
يل ماعندي غيرك ناس...

#حيدر_النوري

والله لو تدري بعشگنه
و چِنه شنهو ، شحاسبينك ..

منقول

أخذني ولاتردني إلنوب
أخذني لديرة ضلوعك

وسولفني ويه همس شفاك
آريد ألگاني موضوعك


•لـ حسن إلأسمر

دوريتك
وانته بيه مثل جفن العين واگرب
چنت احسنك واشوفك
مالگيتك
طشرت بعيوني صبحك
مالگيتك
دوريتك وانته بيه تعيش سالوفة مسودن
والمسودن لا أبد ماينسه سالفته ويحن
دوريتك
دوريتك
دوريتك
بواهس المحترگ گلبه
وسكتته كلش وسيعة چنها عينك
وانته يلعينك وكاحة روج من تگبل سفن
مالگيتك
وطارش من الله يگلي
ما يجون
شلون گلي مايجون
وانته تدري الصفنه بعيوني نهيبة
اي نهيبة
وهدر دم
ودلال مچفيه
ومضيف بلا رحم
وغيض سمرة
مفرعة بلايا گصيبة
شرد اگلك
شرد اگلك
ياطويرش شرد اگلك
القهر مايعتني الناكر حليبه
القهر مايعتني البطران و العنده حبيبة
وانه بعيني الليل يغفى صياح ناس
مچودرة بعشوش عگلي
وحيل نيتهم غريبة
وبعين كل الناس
يغفى الليل صبحية عرس
وافراحهم طشت هلاهل
والضحك سعره بفلس
وصفى مشابگهم رهز وبلايا حس
ناموا او فاض الدبس
والضحك صاعد ل الله عدهم
وانه متنطر شمس
اي شمس
لو حتى ظلمة وباهته وكلش قديمة
وبيها من حزن الأمس
مالگيتك
مالگيتك
لك مديت الشوارع هلا لجدمك
بلچي اشوفك
بلچي تضحكلي الدرابين الحزينة
المنها ما ظنك تجيني
حتى لو تضحك عليه
قابل بشوفك
يلبشوفك
كل عرج بيه من الفرح ينفض ترابه
وتنمحي اهمومي او ونيني
وتشمر الدنيا مفاتيح الفرج
وتگلي فك بابك
واشوفنك تجيني
ويمتلي بطولك حنيني
ردلي خل تزهر محطاتي
النسيت العمر بيها
واحلى ايامي واسنيني
ردلي
ردلي لاتشمتني ناس بيه بلا ضمير
ردلي لوغربة بوطن
هم راضي اصير
ردلي
ردلي
وانته ماتدري يخايب من تردلي
يرّد كل شوف العموا بجفاك
ويطش الفرح بشفايف الخرسان حس
ردلي يانسمة هوى طولك اليحيي الماتوا من ازمان
والضايع ذچرهم لوگلت بس مره بس
ولا ولا تدري عناگيد العنب يستحن
لو يختاض نهدك
والحچي ماينحچي وخليها سكته
مشابگ السكته همس
يا بعد كرخ ورصافة
يا حضن دجلة الخير
ماردت وياك كلشي
بس سگف يسترنه ومتيرة حصير
مالگيتك
مالگيتك
ودورت روحي انشدتها
هاا يجون ؟
گالت انسه وعاندتها
لا يجون
لا يجون
وبيدي خميت الوجوه وماحظيتك
مالگيتك
بس حزن
كلش احنين جاي منك
صحته واگعدنه وسوالفنه بدت
والقهر متربع بنص الحچي
وگمرة ايامي طفت
والظلمة تنشدني
شوفه ماجايب صبح
وتگربت منه
وسألته
يا حزن
ياااااااحزن
ماشفته وحچالك
عني عن الايام
عن ذيچ الليالي الضيعتهن انتظر ؟
گلي وداني الك
گتله انته !!
گال انه كلي الك
دنگيت
لنه شابگني الحزن
يبچي عليه
وگابليته
وللصبح ضلينه
نتباچى سوية
وفزز بروحي منية
والتوابيت اعتنت
والروح شاطت ل لله بيه وعطبت
بس ما متت
لا مامتت
باقي انتطر


#حسين_شاكر_الريس 💕🎻🎶



قصيده☝☝ بيها مليار حظ اقروها بهداوه❤🎶🎶

. .

وانا هواي غير الشوك ...
الك عندي يبعد الماي
الك وهواي الك وياي
غير الراح غير الجاي
الك عندي نعاوي الماي
الك عندي بواجي الناي
الك عندي شملح بالطين
بس منين كلي منين اجيب سنين
وخضرت روحي اعلى روحي
بكل حرف مية ربابة الرتلتني ..
بطبكة جروح النشامه
غنوة وشموع وعلامة
وجلماتي روجات الشط
ساعة تمر مر الكطه اليتناغم بضحك البط
وساعة تفوج اعلى السما
جنحان طاير ما حط
لاجن الشوك النساكم
جابني جناحه  الضواكم
عمر يكبر بالممات
ندم يزحف بالصلاة
كلب يسهرني رفيفه
الدك على ضلوعي عتابه
يلعفتني كعبة مهجورة الصلاة
شلي بعشك ..
لا غيره بيه لا مستحه لا زعلات .

#شاكر_السماوي

افتح للضحك بيبان والگه اشفافي تطرد كل ضحك ملبوس
وحلمت ارتاح بس الطيف يندل كل جفن مخنوگ .
.

لـ #محمد_الارتل

سوف نبكي غداً

حينما نلتقي

تمسحين تراب ثلاثين عاما

من الطرقات

وضعْف عيوني بمن قد رأيت

وقد تسأليني

من الأمس والعشق ماذا بقي؟

أجيبك صمتين

حتى أوارى

وتنعب أوجاع قبري بالمطلق،،،الــكــبــيــر


لــ #مظفر_النواب💕🎻🎶

مدلي جفگ خل اضوگ شويه ليلّ
وطشلي گمره بخدي سجه ودمعي ريلّ
وغفي صوتي الماينام اله عله عرفگ
•
•
•
•
•
•
• ،
لــ جبــار رشيد •

🎶🎶🎶

تصميمي 😎

المن ترد.. .
ظل غاد عايش مبتعد
المن ترد
للجوع للحر للبرد. ديرتنه مو ديرة كبل
ظلت حديقه بلا ورد. و"وادمنه مو وادم كبل.
جوه بضمايرها الحقد.
والناس ماخذها الوهم. بيهم يرتل القارعه.
وبيهم يرتل الحمد... المن ترد..

صالح السعيدي

الغيم يبچي
وينسمع ون الكمر
وين أشر جروحي والدنيا مطر

غني محسن