وصيتك تباري الحال
وانته الگد الحجايه
شمالك
من غفه الفانوس ليلك بجه المرايه
لاتبخل دمع عينك يكونك للحزن يعگوب

ناس الحلموا بشمسك
عمرهم خلص كل اغروب

تدري بنادم المشتاگ كل اسوالفه بناسه

موعود الرشيدي

🍂متذوقين شعرشعبي
للـ تواصل ومشاركه مع ادارة القناه @rezaa2018

نرتقي لكي نـكون الأفـضل
حضوركمـ يزيد من ابداعنا

@sh3r_sh3bei
https://telegram.me/sh3r_sh3bei

تعدلهه وترچـدهه وترد تنكز
عطشانه وخطيه العطش بيهه ايحز
چن شجرة وسبع تزلام بيهه اتهز
ها بس تنحني الحطابه تسحلهه

محسن الخياط

هجرك رفسني وعاف بيه الوجع سيح
جن رفسة المسحاه برجل الفلاليح

ساجد المحنه

ها يليل
شنهو رايك بالوحيد

شنهو رايك
من امر طيف بجفن ما يشتهيني

شنهو رايك
من يجيني الباعني يرد يشتريني

شرد اسولفلك يليل
وانا كل خطوة جدم تحتار عيني

مرتضى الحمد

ـ اخطأت هي !
ـ فَ حزن هو !
ـ سألوه هل سَ تتركهآ ؟!
ـ قال : الحزن لحظه ، والحب عمر *

😍🍃

عايش المن
لا حضن يتلگه تعبي
ولا اذن تسمع غناي

البايع الدنيه لأجلهم
بايعيني

خايف من خيوط باچر
ما تلحگ تشتريني

خايف افتح عيني
بس ما تنفتح
ثگل التراب يسدلي عيني

خايف يطربون ويفرحون
وادري بروحي
لجل عيونهم ما افض ونيني

شكبر خوفي
واااااخ لو بيدي
واعرف بيا كتر انثر سنيني

مرتضى الحمد

شجـاك وطاحن من ايـدك
تصاويري ؟
شبدر من طيفي من لاگـاك ..!
خاطـر تحلم بغيـري .

#عمار_التميمي …

#دمعه مهجوره

ولا انتي ..
يحاصودة بچر حبي وتوالية،
ولامكتوب چذابي ،، ولا گلتي ،،
وشلعني الهوة بسباحي وشتلني بيا كتر مدري.
يمن دورچ گشر ذبني
وتحسف رد يحف گشري.

محسن الخياط

انا بلياچ ليل فراك
لا رية گمر تلهث علی الشباچ
ولامطرب الحي ييغني ونسمعه
وارخص وانشرى وانباع
مدري بيا رصيف
تصير شذرات العمر سلعه ..

الگاطع

ماچنت أحس بيكم نفس ،،
وهواي مامحتاجكم !

ماادري عايش ، مختنگ
حسيت روحي أتنفست لمن عثرت أبابكم ..

ليهسه صايمكم حچي ،،
وتفوخ روحي وتنترس فرحة من أشوف الشافكم ..

ليلية أكلبكم صور
وأطفه من أعاتبكم دمع
تحترگ روحي بناركم ,

كلفه من أسلهم وأنتظر بالطيف أعرف أخباركم !

حبيتكم مو من صدگ _ لا من گلب حبيتكم ..

چنت أسمع بطاري الفرح ..
ماچنت أعرفنه وثبت عيد الله من ﻻگيتكم ..

شﻻگيتكم ،،!!
ﻻگيتكم وجه وگفه ..
ماصارت وماسلمت ،،
بس بالگلب حاچيتكم .؛!

كرم السراي

تهذب بالترافه وعوف ملگاك
عمر خلصته كون الگاك ملگاك
اجيتك كون اريدك حار ملگاك
مثل ملگه جهنم لآل اميه

لــ #كرم_السراي ❤🎶

“ أرسلكِ الله لي كي أُكفر بكِ عن ذنوبيِ الهائلة "

― من رسائل دوستويفسكي وأقصرها لزوجته آَنا .

تصبحون ع حب ❤️🍃

حدر التراچي برد والگنطره بعيده
وأمشي واگول اوصلت والگنطره بعيده
نگضني مشي الدرب
والشوگ هز الگلب
والگنطره بعيده
حلمانه برد الصبح رجّف خلاخيلي
يا دفو..چَمّل دفو ويا گمر ضويلي
ويا ذهب خيط الشمس ..طوگين سويلي
لايگلي طوگ الذهب والدغش ماريده
وامشي واگول اوصلت والگنطره بعيده
لا..لا يا برد الصبح ما تِحْمل چفوفي
صغَيره وچواني العشگ واَتوَسد زلوفي
هَيمه وجِحيل الوكت ما لمني نفنوفي
لوذي اعله بعد البعد يا روحي حدر ايده
وامشي واگول اوصلت والگنطره بعيده

الشاعر : ذياب گزار

تونسو بيها
اجتني اهداء 🎶

شمس حلمج فضح لوني

وعمى عيوني

وسمارج في

دلالج يشبه ايامي الجزن غفله بتجاعيدي

ومواعيدي

الما جاسن زلوف الحي

وتطيح الدنيا بجفوفج مثل ما طيح بهدومج وارد اصبي

النجوم سنين المغربين والتوهم يشبهونج

وابنادم كمر
وانهار هاي الكاع دمع الله الغسل كل ميت وكل حي

وتدرين الكمر لو طاح وجهه اعله النهر ينشاف بس طاري

طاري من السما بلا ضي

سفر .. والبحر من يخلص

كلمن يلبس شراعه

وبلمنا المنتچي اعله الماي

باجر ينتچي اعله الطين .. بس ماندري يا ساعه؟

حمل والما يعين الناس باجر ينچوي ذراعه

شعر والما يداوي الاه باچر تنسي اوجاعه

غصن محني بصلاة الماي

ساجد والحزن جاري

اسبح بالشعب وابچي .. واستغفر من افكاري

ابيض الروح بالدنيا

ومن اختنگ بالسرداب

ضميري اليتفتح زراري

واگل لله… گلت للناس !

بس ما فهموا اشعاري

باجر كلنا جوى الگاع

وفوگ من العمر… طاري

ياواحة .. الجزيرة تعطش اليغتاض من عينج

يا واحة .. الحزن حنة وتوالم وي حياطينج

يا مهرة صهيلج يعبر التاريخ

الشعر كلكامش وسفرة مطر تمشي بشرايينج

بعد جم موت ما يبقى ولا ساتر

وبعد جم يوم ما يبقى ولا شاعر

بس الصاغ جرح الناس مثل كلادة بالركبة

يبنيتي العمر خامة

المنايا بكيفها تفصله

يبنيتي العمر غيمة

اليوشل سنينه للحنطة يطيح بكيف رزق الله

سجن واصفادي ملچ العوز

وعيونج روازيني

وگضى عمره الگصب عالمامش يناحر

وهوانه يشرع البيبان ..

بس القفل بالخاطر

العشك والناس والدنيا حلم عابر

يبنيتي العلگ من ينعگد مفتاح للباچر

وابنادم كمر
وانهار هاي الكاع دمع الله الغسل كل ميت وكل حي

وفوك من العمر طاري

طاري من السما بلا ضي
…… .
عقيل العرد