.



عشت وياك ريل يمرجح الدمعه

اودعتك وداع آخر ضوه بشمعه

گلبتك شفت عمري يتوسل بيك

ونته ولاتنيت ولاألك رجعه

الهجر داس اعله روحي .. ووين أودي الروح

أنه اگبال المنيه وضاگت الوسعه

للشاعر الراحل غني محسن


🚬

من ديوانية الشعر ، المحافظة المعطاء التي انجبت الشباني وما زالت تنجب لنا مبدعين .. انتم والجميل

#ضرغام_العراقي .
.

الى سيدة في الأربعين التقيتها صدفة في شوارع اسطنبول الجمال

يا قبلة ترف يا معبد الحلوين..متكبرين

ياطعم الوفه بملوحة السبعين..متكبرين

يا ثامن عجيبه وانتي ماتدرين!؟ بعيوني البشر كبرانه بالحظات

وانتي شماكبرتي بعمرچ اتزغرين..وهم تحلين

يالكلچ براءه من الجدم للراس

ويالطولچ نيافه وهم غـَـنج تمشين

ولا تنسين..حلوه بالفرح وبحزنچ اتخبلين!؟ واحساسي الدليل وحتى تقتنعين :

من ثغرچ ضَـحك مثل اليصيح افراج

ولو دمعچ نزل چن زمزم وتبچين

وازيدچ للعلم تنويه : صار احراج

وانصحچ هم بعد لسّوگ لطبّين

وي بتچ امس شافوچ كل الناس

گالوا هاي اختهه امهه ممصدگين!

واشكال الحچي واحله الغزل واشعار

وتسوين نفسچ انتي متسمعين

وموبس الزلم داخت يحلوه بيچ

نسوان اليمرن موت مغتاضات

بعيون الحسد من انتي تتعدين

وابو الگهوة بعد حط لافتة عالباب

موگلنة گبل عالگهوة لتمرّين؟! مــاتقرين؟

وصفة حتى الرصيف بجيتچ ولهان

وخصوصاً لو وگفتي فوگة تنتظرين؟

وتأشرين : بساط الريح وينه وفوگة اتصعدين

وياخذني القلق والخوف والصفنات

لحد مابالسلامة البيتچ اترجعين .. وشترجعين

يابيت اليلمچ وانتي كلّچ بيت

لازم سور عدنة وكون سور الصين

وشسّـوين : من الله الجمال البيچ شسّـوين

لامكياج ينفع لاعطر لاثوب

انتي بدونهن ياعمي اتموتين

لتخسرين .. وتعبين .. وتخلين : تنحسدين

وابقي ابيتكم يمعودة لطلعين

بس عندي المهم بعيوني بت عشرين

بس عندي المهم بعيوني متكبرين .. ولتكبرين

فقط يبقة سؤال احتار بيه البال

يحبوچ شكثر بس انتي متحبين؟

.
متسودن ضوة لملكاك يلـ رموشك مناوب ليل
برد حيله شوكح طاريك
يندل بالضنون يعيل
انه مغيم سهر و فياي اريد امطرلك جفوني ودفو عيوني بلچي ارهم عتب لشفاك
شفاااك البيهن مدري جم زمزم تبدة وذاب
البيهن يكشخ الممنوع مدة ايد
البيهن شال ياقوت الندة شراعين
البيهن للخمر تاريخ ومزاحم ضحك نعسان
البيهن مالكه النواب يم سجة حمد محراب
يسجدلك بنفسج ريل
مرني بكل جرح يرضيك نجمة ليش ماتلكه بسمه روحي
دَ مُر بيه الجرح مريود للشايل مثل هجرك

#حيدر_الحمداني
.
.

اتبع قلبك دومًا وسوف يأخذك حيث كنت في حاجة للذهاب . ❤️

- #مولانا_جلال_الدين_الرومي

من تجين ..
أوياچ جيبي أعيونچ
مانه أتيّهچ
و التدليني عليچ أعيونچ
و أهوايه مثلچ
بس تره ماكو أهواي مثل عيونچ
.
كاظم الركابي
.

.
.
الحنين البيه الك مناااا لمد الشوف
وشكبره اشتياقي بكد الشكبره
شلت لاجلك خلك ما منه بس عد نوح
وعبيت الجبال لخاطرك ببره
انه ادريك شوج وكل عطر مابيك
واكول ااااالله يخبل واشتم بعطره
وانه ادريك هندس غمسوك بالليل
واغش اعيوني اكلهم كوكب الزهره
سمه تموز اشوفك كل مطر مابيك
واكل للروح غيم بي الف مطره
كطرة ماي شفتك سالت اعله الكاع
سميتك محيط وما كلت كطره
.
. #حيدر_الحمداني

.
.
بس هوه دوم البي نقص

يتهم الناس بعيبه

#احمد_عاشور

#دمعه مهجوره

لظل تاكل بروحك على الراح
لانك من تغص تشرب بالجروح
يجوز الراح ما يتوالم وياك
ومنكم فرد واحد يبقى مسموح
اذن خي يروح لا تعتبرة باقي
اذا تعتبرة باقي انت لتروح

الف رحمة على روحك عبد الحسين الحلفي

واصليلك يمعبودي
يجرحي العشگتك روحي
اصليلك
صلاة المالگه اذنوبه اعله ياهو يموت
صلاة التيه ادروبه اعله ياهو يفوت
صلاة المادره جروحه بحلگ ياحوت
وابچيلك
إتغير دموعي الك مهره شمس خيالها أموزم
يخي عونه ويهنياله
الدره اليا عله . مفتاح الدمع يرهم
ياسر الدمع والدم
اموت ابيض على امتونك
واردلك سيل يدفع سيل
ويسبگني ضميري بصوت
يغافي اعله الثلج والنوح اجيتك هذا انه ابنادم
يرف گلبي عله ابنادم

ذياب كزار

عشـگتك حـلم
بالـوحشـة البعيـده اتسامـر اجفـوني
وعشـگتك
مـن ونين النـايحة الحـره
التـلم مجـرى الـدمع
من عينهـا اعيـوني

لــ عــريان

-راح العمر وانگـظة
-ريشه اعلة جاري الماي
-ياخذها مد وجزر
-مابين رايح جاي

#للكبير_ذياب_كزار

#دمعه-مهجوره

حلم الطيش نسمة صيف
وحلم الفرگة غفلاوي
ونمت وتوسديت الطيف
وطبع الصبر سكتاوي

لـ الشاعر ذياب گزار

مرير على الروح ان تُجبر
على خُذلان نفسك بنفسك
على الهروب منك
الى شخص لاتعرفهُ
تتحول الى سيء معتوه
تبحث عن اذى الأخرين
لا يهُم
المهم تُرضي العالم
الذي بخلاف هذا
يُفقدك الحياة
بركلك الى الجحيم !! .
.
.
#حسين_شاكر_الريس

.


على النية ..
انزوينة بخاطر الطيبات
غنينة دفو حچايات
متوسدة جدايل طين
ما ينشاف بيها الخوف

واحنه وجوهنه مرايات
تعكس من ضواها گلوب
تتوچة رفيف الشوف

صدگنه النده إمن يطيح
يحمل شوگ للوردة

وصدگنه الشراع الخان دربه
وگلنه خير يروف

وجبنالك على النية نذر يربي
ي ماضيك
ارثاية
بگايا إزلوف

...الخ
#وجدان_النقيب

ما أجر النفس خليني مخنوك

خاف الهوه شويه وما يكفيچ

#ياسر_فليح

"إنني أضعف بكثير من أن أواجه كل هذا الخراب، أريد أن ينتهي العالم و أنا على صدرك".
- 🌿💚

االله لاينطي الخذاااج

منين يعرف للكطن

منين يدري العافيه بنص الحضن

#مرتجى #سعدون

خذاني الشوگ حد تعبي
وثگل روحي
وتخايلي الدرب تابوت
،.'
اجيتك والشوارع فايضه بسكته
بطرگ صوت اليندهك تاخذ بچفي
وتردني وياك من الموت
،.'
انه ليمته اعيشن رب افزز بالضمير المات ؟
،.'
انه چم دوب متوهس بعمري وعايش على الفات ؟

حسن الفضلي

كـلـسـاع اطـيـحـن
و أهـجـس الـذلـه
وأشـبـن صـاحـي ..

نـوابـي

كل حچاية مكتوبة
تجي بعيني
افز بيها
يتراوالي قريت اسمك

وارد اقراها واعرفها ولا يمك

شجاني وكل حچي الوادم
يذكرني

شجاني و من يمر ذكراك
يرفض جفني يسترني

شجاني وأيست مني

مرتضى الحمد