🍃
من جان الفرح للضيف عزبنه وشبگنه الناس
كل للناس

ومن صار الحزن بالطيف _ مرو بينه خيط انعاس !
من عدها وعرفت الناس

ماتدري الحزن جم ليل؟
ومظفر يلجمه الهيل
سحنته
الحمد والريل بس صارت هويه لـ ياس
ثاري تخضر الصبيان . من يبس وريد الياس
ثاري الشجره . صوت افياي . من تسكت . يغني الفاس

وين ادري الفرح وهواس
حسبالي الفرح ينچاس
.
.
لــ السندباد أبراهيم الرائدي |🍂

سمه مغيمه..
مطر زعلان...
النده خدران..
الليل..ابلا كمر..سهران
ورازونة ضوه..ومحبوبي غنالي...!!!!!
النوارس سولفت
للماي جرف النهر وجه اثكيل
بس مكفاه يحلالي..!!!


لشاعرها

صفصافه 🎶

ياجَرس

يالعِشتْ وحدَك !

ساكت امن ايام ماواحد يسمعَكْ !؟

تعَبْ ؟ ؟ لو مَلٌيتْ

لو رنٌاتك الحلوات

ماعادَنْ بنات التكي والزعرور يلتَمٌن عليها

#جرس_عطلة
النواب 🎶🎶

صفصافه 🎶

(((شلونگم يبعد البروده الخرافيه)))

#عنــدچ
اشفايف تســـاوي
٤ بنــات

اوشامـة
عنــدچ بالوصـــف
#محضورة

#جـــوة
الگــــلادة شفـــت
عندچ
#مضيــــق

جبــل
طارق شفـت #فوكــة
#انسورة

چنــت
سامـع #گبل بالامــورة
#صــوت

#اوهسة صارت يمي صوت #اوصورة

.
.
اردود احس روحی تبدت .
وخضرت بیه قصاید ..!!
اردود ردیت الاغانیي العتیجه ..
وگمت اصوغ اردود لجروحی گلاید !
اردود گمت اشتاگ واید ..
وابچی واید ..
واحچی واید !!
اردود صرت اگراك بأخبار الجراید ..؟
گمت احسن مدری شنهی
ابروحی زاید ..
الگمر یمشی ایتریگ
وآنه اظلن وحدی جاعد ..
اردود گمت اشتاگ واید ..!

مسعود حريزاوي

صفصافه 🎶

.
.
مادام ماجاستك ماريدها جفوفي .

#محسن_الخياط

صفصافه 🎶

انگعلك هله وما جيت شترف من روازيني
و امشي منين ما تشتاگ
فارشلك دفوا سنيني
أي و رباك
گبل لا فزن على جفاك چنت مستانس بطيفي
احني انفاسك بصبحين هيچ اشتمك بكيفي

وهسه بكل مسيه تطيح
ارش دمعي بصهيل الريح
لسه و لا گبر مطبوگ
لسه وبينه لهفه تلوگ
سوله شما شفت شباچ افرفح و اچفي روحي علوگ
مر يل كلشي بيك يلوگ
لا گيني بطفولة ماي ... طش كل التراب فياي
كافي اتسامر ويه النوگ

لـ #زمن_البارودي

صفصافه 🎶

ما #مفضوح
بس هيه
السوالف…… تارسة #عيوني

ال خذوك شمالهم ما حسبولي حساب
ال يبوگ من السلف. بايك عگل ناطور
اكونك من رحت تفگس عيون الدار
المكحل رماد يشوف بس تنور
ذيب وما كلت يوسف شجاك تخاف
أمن وطمأن مابيك كل قصووور
بس وطيبتي وديني وصلاة الليل
من ملچوك شفت (١٤) عاشور
#العگل_يهل_العگل_راح_ويالبنيه
وچيلات العرس ياريتهن بيه
خذاك الاسمه عايز وابن الشويه

كون الوكت مو هاذ ذاك الجنت بي

#صدر_النهر_مخبوط_يصفه_من_احاچي

اللولي لحسرتك كلما يجيني الليل
ومن تطلع شمس بمتوني اسوي فياي
واشلح جلد ما مش هدم ضليت
وجبتها وياك ممشه من العطش للماي
عرفت العشگ ذمه وعمر ست سنين
واكتبلك چنت درس القراءه وياي
وعرفتك موش الي بمنغط غراب البين
ونه تربات ابوي شلون ضاع رباي
#خلصت_حنته_وباچر_يزفونه
وايده بأيد غيري هواي يردونه
اچماله التكتلك غشوا عيونه
عني ويريد يروح مايدري بيه
من ايده فرگاسات صارن بديه

لاترجع بعد بلكي من انام انساك
بلكي يغطي وجهك چرچف الشراي
شفته الماخذك وتمعنت بي زيين
لا صاحب طويله ولا وجه جناي
شرى مني الشعير ال بالقحط غالي
وحس هوسه وعراضه وچادر ابالي
مو وجه الحسن صوته ايتراوالي
اتكمكش بفركاك درب الرمل ذاب
بلكت اثر موجود لجدام الاحباب

كاعد والهوى يشمر بذاني حروف
يبو ولف البعيد الحيل رايد حيل
وانه بطرگ العيون ال مالهن نيبان
عليمن من اجه استفحل ضواج الليل
#تره_چوية_ابنادم_ع_بنادم_دين
شلونك_بالعرس_كالو_عليك_زوين
گالو دمعتك خربت كحل العين

يالخربطت بحساب نجم الليالي
بالك ترى يگولون حومه بخيالي

حسين العميدي

صفصافه 🎶

يا ذيچ الرسَاله ..

شّما بطت تَغلّه ..!!

#ذوالفقار_الزلزلي

ألمك ليش
وانت مطشر بروحي
نده و ضويات

لطيف العامري

صفصافه 🎶

كلامك ع الگلب دوسة حوافر خيل
تلكـتهن لكت والحـافر يغـرز
ظميت السوالف غصبن على الروح
لان ادري الصدك من ينحچي يبزز
وشربت الحزن من دمي انه اسنين
وشربته دمـع من گـال لي معوز
اگمز ع العنب ما الوحه ايديه اگصار
خلصت العـمر ع المامش تگـمز
درخيلي الحبل ما عندي جنح ايطير
دم رجلي انحصر واحبالك اتحزز
لا تلوم الزرع من يفسد من الريح
البراد على الـدفو لو سـير يفزز
وگلبك مو گلب صخرة وعليها اضلوع
وانا حالي نسيم بصخرتك شيهز

سميرصبيح

صفصافه 🎶

.
.
اتفقنه الموت بس مابينه يصير..
وكتبناهه حرز والدمعه نيشان..
.
.
عيب تشم هوا وحچايتك ذيج..
تنكرهه وتگلهم چنت غلطان..
.
.
انه ظهرك حفظته بيوم المشيت..
مو ما شايفه...لا...بي اثر چان..
.
.
عصفوري واعرفك لاگط منين..؟
الريحة البيك چنهه لغير بستان..
.

#محمد_فوزي
صفصافه 🎶

العافيه:
گالولي وصف لتحبها
وخل انشوف شبيها شعدها ؟
لخلتك فرحان وتضحك
من شافت عينك مشيتها
گلتلهم من وين ابديها
يمعودين منين ابديها
وهية تعادل جنة بخدها
گالولي تشبها بجنة
گلت الجنة ونسوان الدنيا وكل ما مر
فدوة يروحون الضحكتها

#حسين_شاكر_الريس

صفافه 🎶

وعرفت ظلمة العمر
وياك يلما تمر

"أنت لست فقط محاسباً على ما تقول ، أنت أيضاً محاسب على ما لم تقل حين كان لا بد أن تقوله" 🌿

- مارتن لوثر كينغ

صفصافه 🎶

مالي حيل .
استاحش وانت ع بالي
ومالي حيل .
ارسومك تموت بخيالي
ما أريد .. وكلشي أريد
بس أريد الليل ياخذني عليك

#لـ عباس _ الغالـبي

اليعثر عافيه ينتجي عالتابوت
واليشوف الخشب يتلمس اضلوعه
المهم ينترس ماي شهامه الناعور
صفكناله... گلنه اوياك للوعه
خلصنه عمرنه نسولف من بعيد
ندري بسالفتنه الضهر مبيوعه
نشفت كاعنه ومانشف طاري الموت
البير يموت لمن تنشف ادموعه
يمسلم علمتني القصر فضله كاع
او صار تراب لمن هلهلت طوعه
الامان ابديرتي اخرس يدور صوت
ابوكت مابيه محنه وناس مدفوعه

#مصطفى_العيساوي