.
.
غاد منك

هيچ كون الروح تسكن غاد منك.

للراحل ....ليث النعيمي |🍃

.
.
شكبرها الگاع متّلمّني!..
وتستغّربني الحچايات
بس الصفنة تفّهمّني..

#ادهم_عادل |🍃

على الي قاسمه الله
عرفت الدنيا مو كيفي. .
وعرفت شما تمرني الناس ، ماتبقى !
مثل طيفي. .
صار سنين بس أصحى
أريد اغفه
وشوف الماحضيت بطوله
بالغرفه

#قاسم_الجشعمي

.
.

لو رِدت الكَلب يرتاح تَعـْب العين من تبجي !

ل ريسان لخزعلي |🍃

"
آخر محطه
چانت الدنيا ظلام
ومن زمان بروحي ماطلعت شمس
والحزن تفصال فصل روحه لِيّه
وجلد لابسنّي لبس
وآنه والوهواس والظن ليل ياكل ليل حَد گطع النفس
وباچر التانيته ضحكة
الگيته يعزف بالدمع من حزن أمس
يوسف وياسين قران بحياتي
وما سمعت بروحي هلهولة عرس
تاهن اسنيني اعله مودك
وجيت أدور عالسنين
الگيتهـن خرزات سِبحه اطشرن والدنيا طين
ومن لگيتك شفت روحي
وشفت كل سنين عمري الضاعن اينگطن حنين
وشفت گلبي الماتن اجناحينه
شافك صار اله جناح وصفگ مابين أديك
واشتهيتك واحة اطيرن بيك وادلل عليك
جيتك امفرفح عطش كل ظني اشربك
وأغسل اذنوبي اعله جرفك
يا سراب شما أگرب عني تبعد
وشمتبعــد مدري شنهو بروحي يدفعني عليك
يا بختها الروح بيك
ويا صبرها اشتبعد دروبك عليها تعتنيك
گطعتها بسيف هجرك وبالمنازع تشتهيك
ويا تعبهـا
مستراح أنت بمكانك وانه إلّك روحي حمامة منين ماهدهه تجيّـك
أنتَ وحدك من لگيتك
شگگت شباچ حزني
وشرعتلك باب روحي
وردتك الروحي تشوف
وشلت اديه اينگطن بدم عمري ذاك
وانتظرتك حنه تنزل عالچفوف
أنطيتك شفايف جرح وكحات رادن بوسة منك
بلكي بملاگه الشفايف جرحك بجرحي يطوف
وانه من ميلادي اعرفك
اني من ميلادي اجيتك
أظلم وكلّي كسوف
گوم يا أخر محــطة
وطيحلي بروحي شمس
گوم يا باچر ضحك من خاطر اضحك
غطيّ بصوت الضحك كل حزن أمس
گوم فرحة
وشگگ بروحي چوادر فاتحة كل عمري ذاك
وخلي كل سنين عمري الجايه يصيرن عرس

#لطيف_العامري

ليش ما رديت خايب
وانه گلتلهم يجيني ،

ليش ، وانه بغيبتك ناصب مناحه
وعالدرب بديت عيني ..

،،

أسامه الفيصل -

أصعدلك
نَجم عـ البيت
وأكعدلك فَرح للـ دنيا لو مَريت

لـ علي الشبآني

يكولون باجر تمر ضحكة فجر ع الليل
يكولون باجر تمر شوگ وقصيدة وهيل
يكولون باجر تمر وجهك طفل وازهر
وبوجنتك شمس الضحى وشفافك العنبر
وفزيت من وحشتي
وبشرت كل ديرتي
وطبعت حنه فرح بجفوفي ع الحيطان
واندهت ندهة فرح هلهولة ياجيران
يادرب سبة وكت ماگطعتك رجله
بهيدة ويه مشي الولف لا تحسد الكذله
ياباب لو داعبج بسكوت اندهيني
مالي گلب ع الفرح لو شافته عيني
مر العمر والوصل مامر على سنيني
محبوبي باجر يجي لديرتنه جيه العيد
يادمع رد للجفن وياجرح گلبي هيد
وفزيت من وحشتي
وبشرت كل ديرتي
وطبعت حنه فرح بجفوفي ع الحيطان
واندهت ندهة فرح هلهولة ياجيران
يكولون باجر تمر..

زامل سعيد فتاح

يهل وادم تره المطشر بروحي
صعب يلتم .

يخلك الله اشتهيت التم ..
ماي العين وشلته أريد انوب اوشل الدم

حسن وصفي |🍃

.
چان ابالي بيك اتحزم اعله الاأه
ماحسبالي ابد
لفراگك اتحـزم ..
من بستك بعينك هزني فال فـراگ
درت وجهـك ثـوانـي
وكلشي صار اظلم ...
،
،
،
عقيل العرد

.
مشيتوا ..
وراسي مني آندار
وگلبي ضاع نيشانه
دايخ مدري ..!
وين آنا !
أدوّر عني ..
وين آنا ؟
أسولف ويّ روحي وبيّه ما آصدّك
أكَولن خاف مو آنا
أكظّن روحي وآتلمّس نياشيني
ألكَاها نياشيني
وآكَولن صدك هذا آنا
،
،
،
لـ عبد الكريم القصاب

كون أدير ألعين عَنهم
گلبي ألمولَع شگلة ؟
شلون أقِنعة !!

* مظفر النواب *

.
.
ماكلتلي من البدايه
ألحب ضلاله..
ألشوك لعنه..
حت لاأكفر واحبك..

لـ ميثااق الهـلالــي |🍃

.
.
عرفت الدنيا من
تهتز تطيح ناس
ولا
(يرهم)
بشر تجوة



ڸـ سيد غزوان الغالبي |🍃

.
.
ليش تترك روحي صبخه
امعاشره افراگك نزيز..!!!!

لاهو ذنبي......!!!!
اولاهو ذنبك!!!

نار المفارگ خبيثه
وتعشگ املاگه العزيز...!!!!

#جابر_الاعاجيبي |🍃

حتى لو
بس ظرف
ومشگگ يجيني٠٠
هم اگولن ريحتك وصلت وانام



#غني_محسن

الأهوار العظيمة تنتصر

أتصل بي اليوم شاعر أماراتي
وبعد حديث طويل عن الشعر والوطن والنَّاس والدم
وعن دعوة قريبة لحضور أمسية (لا تهمني )
قال قبل أن يذهب
(وداعاً يا ابن أعظم شعوب الارض)
اغلقت الهاتف وأنا انظر الى الأفق
هل نحن فعلا بهذه العظمة؟
يقول جبران (نحن أبناء المسرّات)
ونحن أبناء القبور والخنادق والحروب والسجون ومناديل الوداع وثلاجات الجثث..
منذ أن أعدم العبوسي العائلة المالكة في قصر الرحاب..
ألى أن أعدم صدام حسين بحبل لا اعرف طوله
الى هذه اللحظة التي أعبر بها جسر يسمى جسر الشهداء الذي انشد عليه الجواهري يرثي أخاه
(أتعلم أم انت لا تعلم
بان جراح الضحايا فم)
وهي عين اللحظة التي جُلبت بها جثة شهيد( الذي ما زال الى الان لم يتقن
سياقة الدارجة الهوائية)
لعتبة باب بيته الذي يسمونه تجاوز..
أقول منذ طلقة العبوسي والى الان الى صوت النوارس وانا أعبر الجسر
ونحن نُقتل ونُغتصب ونُسبى ونُختطف ونُفقد وننتهي..
من منا لم يذهب لثلاجة مدينة الطب؟
من منا لم يحمل نعش لا يعرفه على كتفه؟
من منا لم يعبر جثة مجهولة الهوية ليصل الى عمله؟
من منا لم يودع زميله أمام باب الجامعة
ليعود بعد عدة ساعات ويجده
قطعة سوداء معلقة بمسمار..
ولكن ما زلنا نبتسم
ما زلنا نركض
ما زلنا نرسم على الجدران أطفالاً وأنهاراً واكواخاً تضحك للسماء..
ما زالت جارتي تشد شعرها بشريط أحمر وهي تلعب التوكي
ما زالت أمي تجس عينيها بالمرود
ما زلنا نملئ الزير بماء الورد
وما زلنا نقول (تفضل أغاتي البيت بيتك)
انا ابن الماء والهور والجبل والصريفة وبابل وسومر وأكد وآشور وحمورابي ونرام سين
انا ابن عمتي الضريرة
وجدي المعوق
وجدتي المشلولة
لا اخجل ولا اتجمل
انا أبن الشيلة والعقال والحنة والخلخال
انا ابن مظفر النواب الذي أرق الحكومات العربية أكثر من أسرائيل..
أنا أبن السياب الذي قال عنه الماغوط
(حزني طويل كشجرة الحور لأَنِّي لست ممدداً الى جوارك)
أنا أبن كاظم الگاطع الذي قال عنه سميح القاسم في مهرجان جرش الدولي
(ماذا أقول ولقد قطّعني القاطع)
أنا ابن محمد القبانجي وسليمة مراد وزهور حسين وعباس جميل ويوسف عمر وصالح الكويتي وطالب القرغولي وكوكب حمزة وسامي كمال وكمال السيد وناظم الغزالي وسعدون جابر وقحطان العطار وداخل حسن
أنا ابن المقام العراقي
وبحة المحمداوي
وطور الشطيط
وهلهولة المعدان
أنا ابن كل هؤلاء الذي قال عنهم محمد عبد الوهاب
(كل الغناء العربي يدور في فلك الاغنية المصرية الا العراقي)
فعندما قال محمود درويش(كن عراقياً لتكن شاعرا)
كنت هناك ..
وحينما مات جواد سليم (بالجلطة)
من اجل الحرية وهو ينحت نصب ساحة التحرير فأكمله اسماعيل فتاح الترك كنت هناك..
عندما نحت محمد غني حكمت أبواب اكبر الكنائس في روما كنت هناك..
وعندما فُقد اجدادي في الجولان وحيفا كنت هناك..
وعندما ضحك النخيل بوجه المدافع
وانتصرت الحضارة لصانعيها كنت هناك..
انا ذلك الجنوبي التي تسلق قصبة الهور التي قال عنها عريان(نزور حزها ولو سفاها بعينة)
تسلق القصبة ليرسل تحية لجبل كورك في الشمال
جبل كورك الذي نبت على سفحه كأشجار السنديان
عبد الله گوران ،شيركو بكاس،ملا جزيري،فقي طيران،
كمال مظهر أحمد..
أنا الهيتاوي الجميل الذي ما زال الى الان يكره شبكات المياه المتطورة من اجل عيون النواعير
أنا الصحراء والبادية والخيم ووالخيل والليل والبيداء تعرفني
كما يقول الواسطي العظيم (المتنبي)
أنا جسر الأئمة وحمام الأضرحة ..
انا سدارة علي الوردي ونظارة هادي العلوي وسماعة خالد ناجي وأبتسامة علي جواد الطاهر وضفيرة نازك الملائكة
أنا المزوبيتومي والرافديني والأبدي
سليل أول مسّلة للحب والسلام..
وحفيد أول من قتل ظلماً في السجون..
المعمد بماء الجنائن المعلقة
الملفوف بخرق فدعة الازيرجاوية..
هذه ليست شوفينية مريضة
زكمت بها لأَنِّي نمت بلا غطاء
هذه حقيقة متجذرة كالصفاف بداخلي
افتخر أني عراقي
افتخر اني شاعر عراقي
اكتب بشعبيتي ودرابيني وطيني ومشحايف الهور التي بحنجرتي..

#ادهم_عادل