( ليلة گدِر )

ودّيتلچ وي الگمر ديرة هلا

او رفّة خواچي أو مستحه او ريحة نثايا مهلهله

او ردتچ تجين إبضحكتي أو ما صحلي طارش للنذر

أو ردت أشتري من الله الهوى وأشرب روازين العمر


يمرايتي الليلة گدِر ...

حلّيتلچ ميّة ظفيرة او لا شفت خصلة فجر

أو صلّيتلچ ميّة نهد لمّن غفه إبجفي الخِصر

أو غنيتلچ كلّ القصايد و الرسايل والمواويل أو سوالفنا الشِعر و المو شِعر

يمرايتي الليلة گدِر

او باچر يمر بينه العطش و إنفرفح طويرة عتب ما أظن يكفّينا صبر

و آنه إعله باب حجايتچ بلكت حرف يترس قصايدنا خمر

بلكت تمر نسمة صدگ تفتحلي شباچ الجدايل وأنتظر

يمرايتي الليلة گدِر

و آنه نبي أو متعوب من ليل الوِتر

صلّيني بأحضان الشَفع خل أنتچي

تدرين المرايات تطفى إبلا وجه يمسح تجاعيد البچي

أو تدرين الولايات تغفه ابلايه شاعر يعلگ شموع الحچي


عبد الوهاب الحمداني |●

جلسة شعرية غنائية

صفاء الناشي من الديوانية
احمد ليث من الناصرية
كرار اللامي (الخال ) بغداد

ربعي يمي❤

هاي اني طلبتها صح تكررت

بس وعلي توجع

يشح فيضك وجيس متوني واندلك
تزاعلني وتراضيني وتزاعلني ولاملك
وشرب مستحه عيوني واگول الناس
ماتدرينه حب زغار
وشرد من دفو فراشي
واشبگ كلشي بي تذكار
دليني بأثر جدمك عليه انذور
لاگيني تره الوادم
تنز من تسمع بمهجور
يلميبس ضوه عيوني شوكت نلتم
تره الينعاف بس الموعد احلامه
احبك ياضحك خدران
كل دورة حسن بالعين
دورة حسنك الشامه

لــ محمد الصالحي |●

شته ضنوني بسمار النوگ مامش ..
والگرنفل دم
والدنيه حچي مرايات .. واليشتاگلك يندم
طاحت نجمة زلوفك براگ الگاع واندلوك اهل روحي
وجزيتك ماي ..
واتدنيت بيه وشاورت كل طير عن لونك
ولا منك ..ولا چنك ..
يالتحتار لو گالولك شلونك
افك بابي واسير عالبصيص عيون
وادگ روحي لوجه كل غيمة مابيهه مطر مملوح
يماي اسمر ..
يكضني العطش واتدرفعني الك عزتي.. غوش كل ضوه بروحي
ولگيتك بالتجاعيد التنگط (اوف)
واشتميتك بكل طيف شارد خوف)

الشاعر محمد المسعودي |●

مالي اوي السهر عرفه
ولالي اوي الهوه حجاية التدليني
اعله درب الشال
واتمطرح نده بزلفه
اعاتبمن .؟ اااخ اعاتبمن
مااندل الياخذني علگد نيتي اي
ولا من اختنگ نوبات يزت روحه
هوه لريتي
اورجمن على البيه ااي اورجمن اورجمن
اريد اليسمع اعيوني
بلا مااگول يدري بخاطري بنيه
بلا مااجيب طاري ازلوف يجيس
بظني ترجيـه
يردلي السافرو عني
يدليهم محطاتي
هناك اهواي مني برف المتاناه
عايش منتظر جيه ..

لــ الواقعي ضياء كريم |●

تگودني الضلمه ونعاس وفيض من ذيج الهواجس
واعتني الطيفك يردني عيون شاطي الما مگحلتهه النوارس
الكاع تعثر من يمر بيهه النزيز
وانت ذاك الما عثر جدمه عله نيه وما فگد خطوه عزيز
يا جنوب شمال جدمك وشدهاك
ابمشتهاتي الروح يمك تيهتهه بمشتهاك

لـــ احمد عزيز السماوي |●

عوف السيف
وترك
طاري الحروب
وجه السيف مابيه
بس
أثر دم
اليدك تابوت ما يهتم صدك بيه
اليدك كاروك راح بشكله يهتم

.ل علي رضوان

حين يحني رأسه
على صدره الأسمر
يبحث الليل عن السهول
راغِبًا في الركوع .
.
. ⁧
#لوركا

‏أسقطت حبك من سنين حياتي
‏وصلبته شبحا على الطرقات
‏وجمعت أيام الفضائل كلها
‏فوجدت بُعدي أجمل الحسنات
‏.

#فاروق_جويدة ⁩

‏يمكننا أن نشعر بمن نُحب دون أن نرأهم , ذلك عندما نكون صادقين في مشاعرنا . .

#احمد_شوقي