هذا مو تبادل ، قناة صويحبي عبودي جديدة
محتاج نشر

يتامى يا علي باجر يتامى ..

عظم الله أجورنا وأجوركم ، ب أستشهاد قائد الغر المحجلين أمير المؤمنين ابو الحسن والحسنين ، الأمام علي (ع)

وداعا يا علي الحبوك ماحبو مجانينك

زغرنه بعينهم ونكول هلبت نكبر بعينك


وسام سباهي |●

علي جسمك ضريح وعلكـَ ثوبك چان
علي لابس الدنيا وكـَصر بـــردانه

يوسف حسن |●

رجعت الشمس لاسيدي ماكول
ربك لان ماصليت رجعهه
لان جنت بصلاتك تسعد الرحمان
اشتهه نغمة دعائك راد يسمعهه

نهاد الخيكاني |●

السلام على امير الانسانيه ..
علي ابن ابي طالب (عليه السلام)
وعظم الله لكم الاجر .

مخطوطه
#تصميمي

▪
بعيونه اتنام الرسايل على المطر

بعيونه يغفه التعب فوگ الصور

بلكت تمر خمرة بحضن كاس

ونسولفك للعيد والناس

بلكت تمر
▪
ل الرائع عزيز عسكر |●
،
،
#ألصورة_تصميمي🍂

▪
برد الحزن غنه التصاوير

جسنه الليالي بغربتك گمره وعرس

ودينه طولك للسهر صوغة من امس

ألرائع عزيز عسكر |●

▪
و مثل گطرة نده بـ وردك تبديت
و تمنيتك تجي بـ گد مآ تمنيت

#لـ عريآن السيد خلف |●

( ليلة گدِر )

ودّيتلچ وي الگمر ديرة هلا

او رفّة خواچي أو مستحه او ريحة نثايا مهلهله

او ردتچ تجين إبضحكتي أو ما صحلي طارش للنذر

أو ردت أشتري من الله الهوى وأشرب روازين العمر


يمرايتي الليلة گدِر ...

حلّيتلچ ميّة ظفيرة او لا شفت خصلة فجر

أو صلّيتلچ ميّة نهد لمّن غفه إبجفي الخِصر

أو غنيتلچ كلّ القصايد و الرسايل والمواويل أو سوالفنا الشِعر و المو شِعر

يمرايتي الليلة گدِر

او باچر يمر بينه العطش و إنفرفح طويرة عتب ما أظن يكفّينا صبر

و آنه إعله باب حجايتچ بلكت حرف يترس قصايدنا خمر

بلكت تمر نسمة صدگ تفتحلي شباچ الجدايل وأنتظر

يمرايتي الليلة گدِر

و آنه نبي أو متعوب من ليل الوِتر

صلّيني بأحضان الشَفع خل أنتچي

تدرين المرايات تطفى إبلا وجه يمسح تجاعيد البچي

أو تدرين الولايات تغفه ابلايه شاعر يعلگ شموع الحچي


عبد الوهاب الحمداني |●

جلسة شعرية غنائية

صفاء الناشي من الديوانية
احمد ليث من الناصرية
كرار اللامي (الخال ) بغداد

ربعي يمي❤

هاي اني طلبتها صح تكررت

بس وعلي توجع