●
هذا انه املك بالعشگ

كل العشگ

صورّي ورسايل غربتي

وصوت امي وعيون المشو

والحمد لله إعله المشو

باسم الخاقاني |●

•°•°•°•°•°•°•°•°•°•°•°•°•°•°•°•°•°•°•°•°•°•°•°•°

لا تضيعين العرف انه جنسيتي سماري


الگاطع |●

خَلف جدار القَلب ..
مساحهٌ تَعّجُ خُرده بَشرية
يَقطنها اُناسٌ، اركتبوا اثماً وظنوا
أننا لا نحمل الاستغناء عَنهم .

- أين انتم !

#صباح_الخير

كون أشوفن سندبادك

شايل إعله أچتافه جُــــزْرَه

كون أشوفن مريمَك ما بيها لولـه

ومن صِدِگ نلكًاها عَــذرَه

هيــٌه حسره .. وعشره مُـرٌه

والمراره إتزيــد للمايلكًه فـَـيْ

وينتجي إعله الشيب عمـره

ل الگاطع |●

يا عسر الليالي المرن إعله أيوب

غفلة أوحزن روحي البيهن اتجدد

ياباب السكَـم..

خايب ولك دنسـّـد

اذا راح الوفه

او ساموا جرحنه ب آه

أذن مامش دوه .. ايخلي الجرح ينشـد

محمد جواد الدخيلي |●

رجعتلكم حبايب ، بس المتابعين هواي مغادرين شسالفة 😂

ترا كلت أمتحان وراجع ، المهم الذائقة الموجودين راح أستمر وياكم 😉

أحبنكم❤

اليوم في طريق الوداع 💔
مع الأخ والصديق صفاء ، بعدها حان موعد الفراق ، الى لقاء قريب 😞

( سرقوها خميسآآ وانا ع ضفاف الدمع آستنشق عبيرها )

ترااه الماعرف لمرايتي آترجاه
ﻻيدنى ويخرب ليل كذلتها

آمربيها من اهد جان آلكماط ب ناي
وانه لهسه وعلي ماجست شيلتها

آجر الليل غطوه وافرشلها آلبال
واحط حجاية الله بترس حالتها

انه الظافر عمر ماظافرلها فراك
انه الشيعوني كصبه بنهر ليلتها

أفل بسوالف الله وآعكد شكد ناس
وﻻ هديت جفي بظل كصيبتها

انه امفرغ الغروب بشيلة ام الشيب
واشيط الليل ثغبه بثكل دمعتها

أرد محني الهدم حنيت كصب بالصيف
اذا من باب بالي اتمر عراضتها

انوم الطيف غصبآآ من تمرني بليل
خاف الطيف زلمه ويطر شبيتها

شريفه ومن صدك بس عدها حيل أشكال
تغار من الله عني وهاي سولتها

كبرت عرست سموهاا آم فلان
وانه لهسه اعلى اسمها أمبدي حنتها

مرت وانكتل بيه اعتقد جناز
وتوابيت البروحي بكد سلف بتهاا

ل ماجد الزبيدي |●

أعبد الليل اليسولفلي شمع
واعبد الليل اليخاويني دمع
واكفر بدين الوجوه النايمه بطاري ضحكتي .. ومن يمرني الليل ماتندل دمعتي
اكفر بدين السوالف لو جزاهه الماي وتدور خضار
واكفر بدين اليوالف من يعدني متاع ويسولفني نار
وجهي يكفر بالزغار
الطشرتني فياي والعازه شمس
عيني تكفر بالنهار
الما توضه بلون باچر لايسولف عن امس

فراس غالب

لاتكرص بعيني الليل #خلصان

وأنه بنادم حنين منين #ماجان

بس وياي عاشورك #تسابيج

وانه الخلصت عمري وياك #شعبان

شلي بعشاك بس جلمه وتصاوير

بلا شوف العشك

مكتوب #خرسان

عشت شوف #الكواغد

والسهر #نار

صرت سجه تراب وليل #دخان

لهسه العيد عندي ابلا #دكاكين

أنه المبيوك عمره

بحجت #انسان

انه الحيطانه منخل وكت #الغروب

وصرت جني القيامه بصوغ #عريان

سيد عباس الغالبي |●

اشبده مني ؟
يلمگلب أيامي البوم !! شرخص بيه ؟
وبديت تسوم

احمد المرشدي |●

حزني ابعيد ماينلاح
مثل حزن النبوه وفشلة التفاح ..

عبد الوهاب الحمداني |●

هذا انه بعدني انسان

جواز لكل غريب يريد بيه يسافر لروحه

وهذا انه ..شمس وفياي
للما سولف جروحه

ل عزيز عسكر |●

آلعشك سالوفة معيدي
وآنتي منين آنتي منين

وحك كل فزة خضيري
وحك آمشابك البردي
وحك جرغد صريفتنه
وحك شيلة خضار الهور

سويتج نهر بيه
حطيتج سلف بالبال
شميتج جرف خدران

يبت روحي ..
ترى الطاحن عليج بثكل بت شيوخ

ترى ابمكفاج طف آصياح
ترى آبمكفاج مدري آشطاح

تعاليلي بحلم سكران
اريد ازهك سوالف نآي
تعاليلي العطش مغتاض
طاسة ماي

يبت روحي
تعالي وخل آدثرنج
كصيبة طين

ل ماجد الزبيدي |●

ترافة ميسان

حسبالي العرس ضحكة وخلگ بارد

ما أدري العرس بالمگبرة نعايد !!

ولك يهلال ، شو هاي الليالي تزيد !!
ولك يهلال ، چم دمعة بعد للعيد ؟؟

#حسبالي

باسم الخاقاني |●

لــفني بــچفوفك جــريدة !!!
ولا تــبات إبـين نـيات الـكتابة أعلى الـصور
لـفني بـچفوفك جـريدة إمـن الـقهر

رائد التيموري|●

اليحبـك بي بخت مو لان يمشي وياك ..
.. اليحبك بي بخــــت من يخلص بجلدة

عفتني لوحدي وظل حزني يمشي وياي ..
.. مشي الـــــدافن حبيبة وراجع لوحدة

الجنت بيـــــــهن أكَـودك واعبر الشمات ..
.. بيهن كَـمت اكض خاصرتي واتعدة

أخـــــــافن تنسأل هذا الويــــــاك منين ..
.. كَلــــــــــهم هذا واحد كَـــلب ما عدة
عشــــــاكـَ الصـــــدك لو كَعدوا إبستان ..
.. نفسهم ينكَــــــطع من تنكَـــــطع وردة
أنكَطع كل الورد وانسحكـَ وانتة تشوف ..
.. وجبينك بالجـــــــــذب ما عركـَ واتندة

رد وين افتركَـــــنا تشــوف ماي هناك ..
.. إســـــــــألة منين أصــلة افتهم من عندة

هذا الكَــــلب ذاب اتبـــــخر من الضيم ..
.. وصعد بعيـــــوني غيم ويمـــــــك اتبدة

#راضي_الموسوي |●