تريگت باكت صبر وكلاص هم
وتوكلت يارب عليك
وغبشه نعسانه الشوارع
ومدري يا طلقه بفجر دم تشتهيك
تذكرت تاجر اعرفه
گلي من تبيع روحك
مرلي بلكت اشتريك
وتمت الصفقه شتراني
وكام يمليني بشروطه
ماريد وماريد وماريد
ماريد ايدك طويله
كتله اگصرها واجيك
وطيرتها من المتن
ورجعت ابشره
وانذهل ها وين ايديك
كتله عد عينك شلتها
كالي جا شلي بيك
ومن هذاك اليوم والتاجر نسه
وسد القضيه
واني منسي
معلك عالرفوف صبري
وحتى صار تراب بيه
ناس مقهوره اجت تبجي عليه
ناس بطرانه اجت تحجي عليه
شلون غلطه تسرعت كصيت ايديه
هاي ايديه
صار تفتيش بسنه من السنين
وعوضت عن الهويه
وهاي ايديه ياما لعبت
ياما كضت
ياما بصدور الثلج نيارن شبت
هاي ايديه وهيه مكصوصه
شعر للناس كتبت


الكاطع|●

شو بطيت
بيه للحطاب موسم ما تمرني
حايل بروحي الخضار وخاف
تكبر روحي بيه وانشبك
شبكه حطب
مر عليه الماي مشط
رأسه بيوم مر اعله الكصب


عدي شاني |●

شـ يگضّيها،؟
ابتليت وگلت ناسيها.
بچيت گبالهم،..معذور.،
حتى ويه الدموع اشمر معانيها،
المآ رهمت عليّ،. بأول حچاية عين،؟
شـ أترجى بتواليها؟
المآ صارت اغنيتي ، وراحتي ، وخمري..
المآ شهگتني ( آه ) ويه الهوى العذري..
بعد ماريد طاريها..


#زياد البصراوي|●

باجر والثغيب آآشباك
طين ب طين

باجر والحلم ينبآك
شبكة تين

ﻻتبجين ..
دمعج مو فحط توى
يبت ألناي ..
هيسي الشابكج يسوى

باجر لله نرجع ناس
سالوفه ونسيرر آحساس
فوك شفايف الهندس ..
ونمش سنطه بدرابين الفهوآآ ب آلياس

وشميني بتوالي الشيب
مو بالي انترس بالعيب

احضنيني هدم فحطان
نآكع جم حضن وثغيب ..

بآجر ﻻتفرشيلي ..
آفرشلج ندى وصم ليل
واسولفلج حلك بي هيل

يبت ألناي ..
لميني بكفاج دخيل


المتألق ماجد الزبيدي |●

مافزّعت خوّان مر ابلع الريج
اليعرفني بالحلوات يعرفني بالضيج
.
.
باسم البديري|●

يا لذيذي المستحه يرغبني بيك
شگد اهندم بالحچي من اعتنيك
وشحلات من انسه يمك سالفه وارجع عليك
.

#محمد_الجراح |●

ل نديم الالوسي

( إحتجاج )

أحتج عالوطن من ياكل أولاده

واحتج عالعمامة و سلطة السادة

واحتج عالنهر من يعبد الجرفين ، يكفر بالعطاشى و يعلن إلحاده

واحتج عالشهيد اليلبس جناحين ، و ايخلّي الدمع للعاشگة اوسادة

واحتج عالقصيدة التنكتب للناس و لجدام السياسي تصير سجّادة

أشگگها القصيدة التنكتب للناس و لجدام السياسي تصير سجّادة

عبد الوهاب الحمداني |●

تصبحون ع وطن ✋

ادعولي باجر أول امتحان 😢

✋في أمان الله وحفظه

يل بيك كل خطوه ملح

صيح انت نازل وين ما يصحلك جرح


ل يوسف الدراجي |●

وادري ماعندك مجال

بس بخور ومي ورد جيب وتعال


ل يوسف الدراجي |●

ليش رحتي؟
آنه گتلچ انتي روحي
و ما گلتلچ انتي روحي !

سيد حكيم الشبري |●

ماني لایگ الروحي هلیام

ل حسن عاشور |●

جآآآ
جا وترابكم
والطيف
وألحلفان ..
آشم وأتبلل آليمته
وآنده ليللكم فشﻻن آلكه شكد
نوارس ع الجرف ميته
وآعكد بالصدك وأيطيح
علك شباجكم سكته ..

جآآ يمته ... جآآ يمته
أودي لصوبكم جم حيل ..
وآنكل شيب آلبالي
بلجي يخضر وي آلطين سالفته ..

مامش دبجة آمعرسين
مامش ضحكة آمتيهين
ماااامش
مامش والوجع ضكته ..

آلميت هم سنه وينزار
وآنتوا وﻻسنه بسنته ..

آطش بدروبكم جم رآي
وآحن وآكعد وآتاني آفياي
وفشله وغيمكم ليهسه ماشفته ..

جآآ يمته
وشل كل نهر بيه
وسواجي آعتابكم تندهني يوميه
وافز وألكه ألثغيب آلروح شاربته ..

آشتهت بيبان خلكي جفوف
غلط لو حت وي ألطيف
آحس بجفوفكم دكته ..

جآآآ يمته
الهوه اعلى الريه هم خطار
جا خطاركم يمته


ل ملح العماره الشاعر ماجد ألزبيدي |●

اللهم صل على محمد وآل محمد

تقبل الله صيامكم وجعله في ميزان حسناتكم ❤

زعلان منه لخاطره ولخاطره ماسامحت
 
مر على بالي ودنكت لا اشرتله ولا صحت 

زعلان منه ومن نمت من #الشوك ميت صبحت

ل جبار الترافه رشيد |●