ألصبح سويتهم😐

*
بس تعالوا ……
وفرحوا روحي معذبتني تريدكم …
سهري ما مر عالليالي
حالي حال الشمعة حالي
والله لو احجيلكم .. شحچيلكم
من أول حجاية تهلّ دموعكم …
بس تعالوا ……
كل عزيز بعمري أطشنه فده لعيونكم …
حاير أشكي الحال بعدك
وحاير المن أشتكيك …
حسابي خليته علروحي
هيه دلَّتني عليك …
تعذَّبتْ باول شبابي
وهذا مو أول عذابي
بس تعالوا …….
يالبنيت الشوق عاود
انت باقي انت الحبيب ...
تدري بغيابك حبيبي
حتى بين اهلي غريب …
بس تعال وشوف حالي
شعذّبت بگلبي الليالي
بس تعالوا ……
ولو اجيتوا چفوفنا نحنّيها …
وگلوبنا الما تنسى همكم هلبت ننسيها …
هلبت بختنا يجيبكم
ونشم روايح طيبكم
وما أصدگ حتى لو جيتوا وگعدتوا
عيوني احس بيهن غشه وما گولن انتوا
لأن صرتوا مستحيل
لا تجوني لانهار ولا بليل
صرتوا بس ذكرى عزيزه وما تغيب
صرتوا بس جروح بيه وما تطيب
بس تعالوا
ولو اجيتوا
كل عزيز بعمري اطشَّنَّه فدى لعيونكم .…

#للشاعر_سعدون_قاسم

الليل ليس وقتا... الليل مكان
" لن يفهمها الجميع "

| good night

صباحكم راحه

جمعة طيبة ، أحبتي

المحطه بلا سفر تكسر الخاطر

والقطار يضوج اذا قبط فراغ

عبدالحسين الحلفي|●

تريگت باكت صبر وكلاص هم
وتوكلت يارب عليك
وغبشه نعسانه الشوارع
ومدري يا طلقه بفجر دم تشتهيك
تذكرت تاجر اعرفه
گلي من تبيع روحك
مرلي بلكت اشتريك
وتمت الصفقه شتراني
وكام يمليني بشروطه
ماريد وماريد وماريد
ماريد ايدك طويله
كتله اگصرها واجيك
وطيرتها من المتن
ورجعت ابشره
وانذهل ها وين ايديك
كتله عد عينك شلتها
كالي جا شلي بيك
ومن هذاك اليوم والتاجر نسه
وسد القضيه
واني منسي
معلك عالرفوف صبري
وحتى صار تراب بيه
ناس مقهوره اجت تبجي عليه
ناس بطرانه اجت تحجي عليه
شلون غلطه تسرعت كصيت ايديه
هاي ايديه
صار تفتيش بسنه من السنين
وعوضت عن الهويه
وهاي ايديه ياما لعبت
ياما كضت
ياما بصدور الثلج نيارن شبت
هاي ايديه وهيه مكصوصه
شعر للناس كتبت


الكاطع|●