يهل وادم خطيه الماي من يطيح

بشي مايگدر يجلب

وخطيه اليعشك الخطار

ويطيح بديره تكره طاري المعزب

مرتضى حرب |▪

ليش تتوازه

اعله #بيبان القطار

وانته تدري بشمسك محليه الرطب

علي حسن علوان |●

يا حزن
وحياة حزنك ما عرفتك
چنك مغير مشيتك؟

النواب |●

يـ گلبي الناس مالت طيف من مر الصدگ بالعين ظنو شوفهم يحلم
يل موش اعله گدهم ليش؟
گدرت الشمس بالگاع خاف افيايهم ينذم

كاظم الركابي |▪

ابن هور ومدن

أرفس الگآع تجيب

واطرب للحرب لا ملن ولا چل

آنه عگالي شرگ ما لبس راسي ألخيط

أذا دخنت غيض أعگالي ما يهزل

كاظم الحمداني |●

#بيها_الف_حظ_هاي_القصيدة

اذا اصيحن علي بوكت ألحرب مرات

أشوف ارگابهم حدر الچتف تنزل

كاظم الحمداني |●

بده لوني يتغير هذا شي يكفي

بده صوتي يتعثر وارتجف چفي

أحبك مآ گدرت أخفي

غني محسن |●

إنتي حركتي البحرْ منْ بـَعَد سـكته

وإنتي

حـَلـٌيتي السؤالء الماعرفـته

وإنتي خـَلـٌيتي النجم 

بعيوني يلتم

والنجم مو هينـَـه لمتـَـه

إنتي رجـٌعتي النِفـَسْ 

لِسنيــنْ ميتــَـه

وإنتي خـَلٌيتي الغصنْ 

بالروح يثمرْ

كَــبلْ وكتــــه

وإنتي رجـٌعتي الحنينْ

البالصغر عند أمي شفتــه

إنتي ربحي وعَوٌضتْ كلما خسرتـه

ياجميـله بكل غصن 

وجهج رِسمتـــــه


وجه ورده

والنـِده إيغازلها جبتـــه

جـِيتْ أشوفج والكَمـر 

ويــاي جبتـــــــه

ويوم شافج أحله منــٌه

كَـاليٌ خـَلـٌيها سكتــــه


ل الگاطع |●

أحاول للسؤال ألگه

جواب بدفتر الفرگةة

ل الگاطع |▪

#أنتباه⚠

أليوم صار ألشعر مهزلةة

من بعض الشعراء اللي يشخبطون


واللي ع أساس ذائقة مسوي قناة وينشر بيها شعر متروس سمايلات وبدون حقوق #خاب_صدك_چذب

والتكتلك_القناة_بيها_متابعين


المهم #شلونكم😐
واعذروني النشر قليل لأن مشغول وعلي

الشاعر سجاد خيري

.
.
أمي مملوحة سوالف

وأدري الله يحب حجيها

عبد الخالق المحنه |●

اشتهيتك تغسل اجروحي اعله عرفك
وانته تندل.

اشتهيتك تنفخ تراب الكناتير الشلتها

اوتكوي قمصان الونين الطبگتهه ابصوت (داخل) !!

نوفل الصافي |●

على أوتار الصبر غنيت معزوفي

أخيط الجرح كـًـــوه

أوتنفتــك جرحين

أروف أجروح گلبي او مانفع روفي

إنزعت ثوب الصبر..!!!

بس ألبسـت ثوبين..!!

ثوب اسمه الضمير

او ثوب معروفي

محمد جواد الدخيلي |●

ليت كل شيء ، ك ألبدايات ....


تصبحون ع وطن ✋

كون أشوفن سندبادك

شايل إعله أچتافه جُــــزْرَه

كون أشوفن مريمَك ما بيها لولـه

ومن صِدِك نلكًاها عَــذرَه !!

هيــٌه حسره .. وعشره مُـرٌه

والمراره إتزيــد للمايلكًه فـَـيْ

وينتجي إعله الشيب عمـره

#الگاطع |●