الچان بسجن ما يگعد ويه النسوان
يذكر كلبچة ايده لو شاف ابتوت
.
.
#بكر_مدلل

يـ شمآم !!
اشـ مَلذ ريحة سوآجِيَك !!

زآمل سعيد فتآح

ياگلبي
هوى المجفين ماينجاس
شموازيك تتلمس !

لطيف العامري

ورادوني مااشوفك ابد.. هلي وهلك !!
ضمو تصاويرك علي
واعلنو لازم نفـــترگ
وشالوك حتى من الحلم!!
وحلمك يجيني بلا صور
وبـلا خلـــگ
ولمن افز.. يبجي الحلم..
واثنينه اعله الروس نتگابل ندگ

ورادوني مااشوفك ابد ..
والعين مثل ام الولد.. 
وانته الولد
لمن اجت ..ماشافتك ..الجفن صار الزيج
گامت بيه تشگ

وياحال من بعدك عشت.. غصن وخذوني من الشجر
وذبوني يم نار الهجر..
واليوم باجر احترگ!!

گصرت وحگ عيناك ذيج الطويلة
روحي شمعزها وياك صارت ذليلة

علي مشكور ديوانية|●

عليمن خربت الخوه ..!!

لا متت انته ولا آنه إحتييت
لكن الأيام ماتت
غلطتك يل چنت كلشي وما دريت
غلطتك صلحها بعدك انته كلشي ..

مظفر|●

اشگد چبیره امرایتك من ماتعرفك

اشگد چبیره ابدیرتک ماتلگه حایط

ینتچي تعبك علیه...

سيد سعيد المحمره|●

انه منچ ماردت طيب الزلوف

ولا ردت غفوه بدفو الليل السرح

انه رايد بس جفن بي طيف اطيح

وبس مطر خطوات امس بي تنمسح

رايد هلال الخصر ليلي الطويل

الماكو بي شباچ للضي ينفتح

والغريب بغربته يخاوي الغريب

اثنين خسرانين والملگه ربح ..

معتز سامي |●

أضم چم ليل من روحي

وآسيرلك گمر متعوب

فراس غالب |●

ل الشهيد رحيم المالكي

ل صادق الجهلاوي

ميثاق الهلالي

راضيني واسولفلك
على روحي الغريبة شلون
چانت ضاويه وطفيتها بلچمة…
مثل سنيني يمّك
خلصّن ثلمات
كلما تجزي ليلة تطيحلك ثلمة..
كل عيد اليمر تضحك عيون الناس
تتكحّل بملگه احباب…
وآنه حچايتي وعيني وسماي وليلتي مغيمة...

أكفر بدين الوجوه النايمه بطاري ضحكتي
ومن يمرني الليل ماتندل دمعتي

فراس غالب |●

اوادد كل سحابه تفوت وأشتاگ لشمس عينك

عريان|●

عينك مراية وكت مابيها أحد

مظفر|●

عيونك مكاتيب واغاني


ل مظفر |●

تمنيتج
مثل ما اريد ضني وزاعلت ضني
تمنيتج
هدم بالروح ويحير اليجي يبني
شفتج ياحمامه محجله بجرحين
بالدم ريش متحني

من يسمع غنه الخرسان
ومن يدري بكلبهم شايب يغني
تمنيتج
مثل ضهري جسر محني
ينكطع بيه يذبني فوك الماي
والماي يبتعد عني

واطيح بكاع
لا كاعج ولا كاعي
ولا بيهة اثر منج
ولا بيهة اثر مني

تمنيتج
مغارت كيف بيهة انزع جلد حزني
من بعدج واتوب الروح
جانت كاولية ووين ما يردونها تغني

كاظم الكاطع |●