ٰ

ليش اشوفك حته من ماريد اشوف

ومدري ليش سوالفك تبرالي

حسن كتاب •

شكبان ليلك غضب
بالك تفـر باليل

دافن بصيص الأمل
سهـر نجوم إسهيل

والريل فات إوجزه .. مالك شغل بالريل

حط إلنه
موگد جمر .. زود سعير الويل

ذوب شموع الوصل فرهد حبابي الهيل

بس لا يبوگ العمر .. طيفك العمر ملسوع

خطار عدنه الفرح أعلگ صواني إشموع ..


عزيز السماوي •

غبش حلم الملاگه إو لا بعد نلتم ..

عزيز السماوي •

ناغيـني

تـراهـا ألـروح من تعشـگ تـرد لـلـطيـش

ناغيـني

محمد مواش •

مابيه حيل معاتبك ياشدهة البال

ليلي اعله نيته وفاگدك من الگمر شال

چم دوب اگولن عاذرك
خلصت عمري مناطرك

مابيه بس لخاطرك متعني الثگال


لـ عباس الغالبي •

عود الگمر هم يِهّم ضواه عدمنْ ؟؟
وعود الگاع هم تهّمْ لوّن چدام المتيهيين
تنشد عثرتك يا شوف سحگتمنْ ؟
وعود الاااخ هم تهم لوّنها تلاگت بأفيييش يم وادم شربها الظن ؟

عباس الغالبي •

🍂
أمس غنيت ..
كل سكته بدفو عيونك
أمس حنيت بدموعي نده جفونك
وجزه بعيني السهر مهره
ولا صح طيفك الخيال
ولك چم آخ تشربني وافز غروب منها
ولله سالفتي ،،
وازهگ للسما نجمه هلبت ليل يقراني
عتب يشبه ضحك روحي
ندم يتشلبه لجروحي
وينوش المامش بعمري
ليمته السچچ ماتندل واظل تايه غنه بدربك !
آنه شوغة تراب بدفتر الذكرى
آنه چلمة الظلمه بيا ضوه تقره؟
مدري بيا نهر نعشي واموتن روجه بجروفك
يا ظن اليوالف خاطري ويه الريح
ادگه شراع للصدفه
بعدها امدده بدمي گناطر خوف للمتعني بخياله
هذا انه ..
اشتعل بالخوف
واطفه بدورة عيونك
ولمحت السفر بعيونك سفر غرگان بظنونه
اثاري شما رخص تابوت
يثگل من يشيعونه
.
الاگي الوادم بيا عين وآنه مغمس بطولك !
انه متانيّك تلگاني
بس دور على جروحي واهن يبرن
واگلك من يفيض الخوف
لاگيني تعب ينلاح بأخر ليل
واچفيني ضحك ينلاح بأخر كاس
يشارُّب مستحه عيوني ..
شربني الظن قصيده ولاحني الوهواس
يما تدري شكثر بيه الك للناس
الي رازونه مهظومة بچت من حرگة الوهواس
والي ضحكه نستها الناس
وانه ادري شما عتگ لوني
ارد گمره بشواطيّك
شما گولن حزن ارتاح طفه حزني بسواجيّك
ضميت الصلاه نجمه بحضن ليلك
وشريت الذنب نيشان ،،
السهر مو قبلة متيهين السهر شباچ للياريت
غفن چم ريل من ذبلن مواعيدك
وانت ولا فجر صاحي !
الملم يا صدى وحيطانك تغني حزنهه تراب
تيهت النشد من رجفن چفوفي مطر ع الباب
بلچن غيمه بيها اسمك ..!
تعبت امشي سما اعله الگاع
عناوينك غريبة ماي
والنهران بيهن ضاع
چم نوبه اعله نوبه شموعك تبدت
مناير على دموع الشيب
والشباچ ما والم حرز حزني
خذتني لكل محطه مرافگه الدخان
ما ضاگت سفر مجفين
ما ردتك سفر مبيوگ والدنيا جدم محتار
انه تاله شربها الفيض
ولا ظل بخت للجمار
على رفوف الجفن عتگن رسايلنه دمع تذكار
بعد بينه نهر ما ضاگ طعم الليل
وبرد طيف الفجر ع الماي
ولمينه السهر موعد شمع مهظوم
من صحّت شمسنه فياي
،
،
،
لـ محمد مواش

آخر تصاميمي •

صباح الشعر 💖

ٰ

تعلمنا الوكت يندار ..
السجج تندار ..
الزلم تندار..
تعلمناك من تسكت ..
تراتيلك تظل بينه ..
طفل من جاس شمس الله ..
لكه بجفه الشمس طينه

شاكر السماوي •

ٰ

ابنادم دادا بهيده اعلى بختك لالاتعت بيها
الروح انحلت والشوك يبنادم مابيها
لاجنها ذيج الروح يبنادم
ولاجنها كلها جروح يبنادم
والشوك والشوك ماذيها
اشمالك تعت بيها ..

ذياب گزار •

ٰ

مراويحك گبل جانن يذرن خير

شيذرن بعد گصيت اصابعهن

الاحبه كلش احمد الذهبي •

اذا ليلك كواغد والصبح نار
واذا وكتك عنب وجفوفك اكصار

مايسوه الفرح وشينفع العيد
معقوله الكزازه اتكسر الحجار

وبجت كان بدمع والفاعل ايصيح
تعالي انتي وخواتج شوفن الصار

الحزن خيم علينه ابظيم مجرور
ومنصوبه الفواتح والوكت جار

دنيا اشما افرهه بجفي مرتاح
الكاهه بعكس ماردته تندار

تكوم اهلا وسهلا تطرد الضيف
وعرض اجتافكم تتلكه خطار

وتيهنه الاذان وكمنه لغروب
نترجه بلال اذيع الأخبار

ومشينه بدرب ضايع ماله عنوان
ساكت والرصيف امحمل اسرار

وننشد بالسواتر والتوابيت
المدافع للحرب لو كبل الافطار

جذب ماي الكصص مانده الوجوه
وجذب بحر الشرف مايغسل العار

وشفت شاعر يغني وشاعر اينوح
ببيوت القصائد كاعد ايجار

وشفت جندي ابغرفته يحمي الحدود
وشفت فوك السواتر واكف فرار

تكلي شظل بعد ماسولفت بيه
اذكر قنعتك بالبرد حار

الحمامه اذكر كلتلك ضمهه للضيج
ربك مو بعيد يرزقك ابغار


الشاعر عبد الرحمن السراي •

*تلبية لطلب احد متابعي محطات |🍃

ٰ

ارد اعوف الدار لو واحد بعد منكم لفاهه

عريان الشعر •

وارد اغني وعادة الروح اليسلها الشوگ
تتسله بغناهه

عرياان •