يحفظج❤

ٰ


گالتلي عشگنا يموت بالضلمة وبچت يمي

وگالتلي بنات ألناس ليش يغارن من أسمي

••وسام سباهي ••

‏أشتاقُ كالأطفال ألهو ثمّ أشعرُ بالدّوارْ
‏وأظلّ أحلمُ بالذي قد كان يوماً
‏أحمل الذكرى على صَدري شعاعاً
‏كلّما اختنق النّهار !

‏
- فاروق جويدة

ورثت مرة جگارة
بفد مكان
جاني واحد گلي ممنوع الدخان
گتله راح اسحب نفس،،واخفي الدخان
گلي ممنوع الحرارة
------------------------
لاتحتار بالمره
انة جرحي بضميري ماتلوحه ابره
ولايندل عذابه الخيط من بره
-----------------------
إذا تستحي
من اللمة
ومن الكلمة
تعال وياي
اني وياك،،نرگص سوة بالظلمه
-----------------------
گتلي
ليش بس انته وحدك بره
ماتوصل تره
صير مثل الناس كلها،،،والزم الروحك سره
والتهينة اني وياه بالحچي
وحين انتبهنة لروحنة
شفنة نفسنة صرنة كلش ليوره
------------------------
اختبي بنفنوف ضيگ
حتى تتعلم شنو معنى النفاهة

اختبي بلحظة تفهمك
اخر حجاية تفكر بيهة تغتال الكلام

اختبي بچلمة تفهمك
واحتقر كل الكلام
-----------------------
يسمر حنيني الك،،،حن التمر للصيف
كلفنة ساعة وصل،،والوصل مو تكليف
لا ليل ضيف حلم،،،لا نوم ضيف طيف
واني بعطش للفرح،،وأذراعك جناحي
-----------------------
أنزفلك شعر بالليل،،،،،انزف جرح مامشدود
اخلط روحي،،،اضيعها،،،،،بكوام السنبل المحصود
احلم بيد تنمد لي
تعزلني من التبن والعود،،،تبذرني بنهر وخدود
تسگيني حليب الرگبة بچفوفي
وانگط عالخبز خوفي وارد اردود
وأنزفلك شعر بالليل
----------------------

ينحب دارنه اللي جان
مضايف للشمس،،،،تنعب عليه بومه
ذلني الدهر، ذل حضني بدين اجناب
لون يا ديره يأخذني..،قطار البصرة ويردني
لديار النخل والشمس والاحباب
----------------------
وين رايح بالمحبة؟
بروح ما خضر سعفها!
----------------------
والدمعة التريد تطيح
يدفعها الصبر للكلب
وتغير مجاريها
----------------------

لـ طارق ياسين

تم تغيير اسم القناة من ( الخال ) الى[ محطات ]

ستبدأ رحلة محطات من أليوم •

نجول فيها الى عالم ألشعر والشعراء

انتظروا ألمحطة الاولى ... مع شاعر وقصائدة الرائعة

ألمحطة الاولى مع شاعر كبير
تعجز الكلمات عن وصف أبداعه ألشعري
والأدبي ..

يكتبُ بعذوبه شعرية

انه الكبير عامر عاصي

سوف نقف مع مقطوعات من أبداعه الشعري :



مشهد شعري سلس جدا

كــوخ

وســالفة

وفانوس

واحــلام

وحصيرة

وطـــــوس

شفت خدّه
وگطعـــت من الصدر وردة

وغفيـــــــــــــت وما تِعــب زنــــده
مـــو راح الهــــوه،،شـــردّه؟
 
يـَحلمانه
زرعنا الرازقي وندّه
وشفت بالگاع مردانة
جفلتي أنتِي وضحكت آنه
------------------------------------------------------------------

مشهد من مشاهد عامر عاصي المصورة شعرا...
هنا ستجدون ألألم العظيم

عباية
بمگبرة
وجاهل
وسِمه تبچي
وگمر ذابل
وفجر بردان
سعيد هنا ؟
ــ لا يمّه
سعيد هناك ؟
ــ لا يمّه
سعيد الدِفنِته الظلمه
إندفن كلّه
لو بالمگبره،الدفّان يندلّه
چا شنزور ؟
ــ يمّه ندور
بلكت بالمگابر ميّت يگله :
(عبايه بمگبره،وجاهل
وسمه تبچي،وگمر ذابل
ودمعة والده الغبشه
وطفل إسمك عله لسانه)
لو دفان يتمشّه

*والمدفون،،،،،يبقه بعين دفّانه
وتشوفه انته
واشوفه آنه*
------------------------------------------------------------------

(عندما يكتب النص الحسيني,المثقف)

راسك لو رمح ؟ وجهك لو صبح ؟
قبرك لو جنان ؟  صوتك لو أذان ؟
إسمك  لو جرح ؟

يبو السجّاد أجي ويه الماي متعنّي
أشب ذنّي عله ذنّي ، وأغرگ بذنّي
يخيّال الشموس الفوگها مثنّي
أظنّك والعطش يتفطّر بظنّي
واون والشوگ جاهل يعثر بونّي
يلدمعك خِيام
دمعي ويه الظلام
يحچيلك حمام
ويبچيلك جِنِح

الحسين اوّل سؤال ، وآخر حجاية
انكسر بيها الظلم واتثلّمَت آية
حزن يحيى الذبيح اتعمّد بمايه
وجرح فوگ السطوح معلگ براية
الحسين امتد فرات ، ومالگه ولاية
خايف لا تضيع
 من دم الرضيع
گطره من الربيع
 وابچيلك ملح
,,,,,,,,,,,,,,,
يسفّان العطش ، وشراع وجهك نور
على جروف الجرح ، بعده الصراع يدور
وضمير الكون بيه دمعة طفل مكسور
وعلى متون النهر تجري الشباب نذور
تره التاريخ محبس ، واصبعك مبتور
كل دمعة التطيح
تكبر بالضريح
وتخضّر مسيح 
بگلوب الفِلِح

----------------------------


جرح سبايكر،،،الجرح الذي لم يفارق مخيلة هذا الشاعر
فصاغ لنا ابياتا عظيمة(بوزن النعي)
هذا الوزن الذي كتبه عامر عاصي بكل حرفة وجمال

وهكذا خاطب النهر....

يا نهر ذبني عله الجرف ناي
وبهداي جيس الروح بهداي
سولفلي أدري جروحك هواي
ودمهم حرير ويجرح الماي

يا نهر ذبني عله الجرف عين
بعيونهم تقره العناوين
يا نهر حلّفتك بالحسين
من موتهم ، هم استحه الطين ؟

توّه الدمع والموت ، توّه
والعاش گوّه ، يموت گوّه
يا نهر شوف آدم شسوه
يمطر جثث بچفوف حوّا

يا نهر يا گبر النواميس
ابليس راح وخلف ابليس
والروج ظل يكنس عراريس
ونذور وشموع وفوانيس

يا نهر دم ودموع صاير
وچنّك بالولايات حاير
خجلان ؟ شتگل للمناير؟
الشبان بمتونك ضفاير

بس يا نهر لا تغسل الدم
كل روجة من روجاتك بهم
ليشيل من ماي الجرف صم
يقره الأسامي وموت يِشتَم

يا نهر بالعباس احلفك
لاويتهم ؟ لو مال چفّك ؟
أحمر على الشطين زلفك ،
دم ، لو نِشَغ بالطين جرفك ؟

بس يا نهر طينك عماهم
وبرياگهم وذّن ظماهم
أدري النخل يشرب دماهم
وتنوح برحيّة بسماهم

طير اعله متن الريح نَصّه
ورف من لِمَح بالماي گِصّه
صااااح .. .. (النهر شبّان نِصّه
كون الگصب حيّه وتگرصه)

صار النهر حيّه وتمد ناب
تروي الشواطي بدمعة احباب
غِيّاب .. چنهم موش غياب
شو چن أديهم دگّت الباب

نام الولد ، والشوگ ما نام
والريح تعوي ومالها لجام
يا طيف يبن ثمنطعش عام
تبچي الصور وتبلل الجام

مر يا بلم بالليل جنّاز
بتابوت روجك لمهم الماز
معتاز ، ون الليل ، معتاز
والروج شايل ريحة اعزاز

-----------------------------

🍃
مسائكم هيل نستمر معكم والمحطة ألثانية

اليوم نجول في ميسان ألحب والعطاء
ميسان ألشعر والكرم

المدينة التي أنجبت الكثير من الشعراء ولا زالت تنجب

اليوم مع جبل ميساني وهرم كبير
كتب في مختلف ألوان الشعر الشعبي والفصيح ، لهُ الأبداع انحنى والرقي جلس ع قدميه

الكبير عبد الكريم القصاب

لنستمتع سويةً مع مقطوعات مختلفة من قصائدة ..


أنـت مــــــــــو أول كَلب مـدغـوش بيْـه كَلبي آيتورّط
أنت مــــو أول حبيب الدك لي صــــدره وتالي زغلط
يا مـــــــا هبت ريح وآهتز الشـــجر والطار مــــا حط
وهيّه ركضه آعلى الرمل والما يدفعه الشــــوك يفحط
وهو ملعب ، والأصــــيل آشــما عرك بالركض ينشط
وهيّه خورة مـــــــاي دهله ، وبيها حظك محبس وغط

من قصيدة ( من الأول )
-----------------------------------------

المحطه الجنت بيها ألتقيك ،
لسّه مرشوشه عطر .
لسّه من أشتاك آجيها بغير موعد ،
أشم عطرك وآنتظر .

------------------------------------------

        ... من قصيدة خيّال الثريا ...


أنا وفّـــــــــــــــاي مغرم بالمواعيد
...................اذا آكَــــــــــــولن أجي معناها جيّه
وآذا آكَول آنتهت عن رايي مـا حيد
...................لأن كل واحــــــد بصــــدره قضيه
أبد مـــــا آريد أعاشر ناس ، بالعيد
....................يذبحـــــــون الفــرح كَبل الضحيه
مــــــــا دنجــت راس ولا بست اِيد
....................ولا خليــــــت نــــــاس آتمن عليّه
أنا آجفوفي لوجـــــع راسي مخاديد
....................ومن أرتــــــاح آبوس آجفوف آديه

-------------------------------------------

وطني ،
وطنٌ قاحلُ الأديم ،
جنائزيُّ السواقي ،
يابس الشفاه .
اِبيضّتْ عيناهُ من التحديقِ ....
في غيمةٍ عاقر ،
لا تثقبُ ثوبَها قطرةٌ من مطر ...
ولا شعاعٌ من غيب .

-------------------------------------------

عندما يكتب للوطن هكذا يكون أبداع القصاب

.........قصيدة هلاهل للشمس ......

تباً للطائفيين على آختلاف مذاهبهم


اِجت ..
ها ذيچ هيه الشمس ، علْو أذراع
تلگوها بهلاهل تفگه نشميه .
بطت..
مستحيه عرگانه ،
نشفوها بشطافيكم .
اِجت شگره الضفاير والمتون الكَاع .
عفيه آزلام ماي العاصيه ....
والدهله والنعناع ،
ندهتوها وجتكم بالذهب كلّه .
اِجتكم بالذهب كلّه تحنّي الگاع ،
يل دمكم رفيفه شراع ،
بعدها بأول المركاض ...
تصهل خيلكم نشطه ،
وندهتوها ذهب عرگان ،
وبعد بيكم وهج غيره اليعلّيها ،
وتوگف عدل فوگ الراس .
دمكم موش حالوب اعلى صفنه وماع .
دمكم مهره حمره تفوج فوگ الفوگ ...
وتجيب الشمس للگاع .
دمكم بالشمس طمّاع .
دمكم حار كلّش ، يشلع الزنجار ،
وبيارغكم بعد شبرين من ألله .
بيارغكم هلاهل تنده الغبشه .
وتطم العار .
يالب الحچي والساس والنوماس ،
مابيكم سبوس الباع روحه بخرده للوصخين .
تعرفون الدرب .. والعثره وين تصير ،
آووين آيوكّر الهدهد ،
ومجان الذيب والخنزير ،
وتْعرفون ....
ياهو من البيارغ ينشره وينباع ،
لذيذه آحرورة البيكم .
آشكثر من ساسكم بيكم !!
جمر غيره وتتن حار ....
وعتابه بطور عگار وغنه آجنوبي .
ونا لياويل ويلي اليشلع الصرّه ،
اليحلّي الگهْوَة المرّه .
اِيخسون الماعليهم لون حنطتكم .
غريب الما آمهفيه بوجهه سعفتكم .
غربه الماتبچّيهم نعاوي آمكم .
المادگت بذنهم رنّة الفنجان .
غريب الما آتسكره بحّة دويخل .
ولاسوده آشلهاني بحنجرة مسعود ،
ولانخل السماوه وشاتل العودين .
يادخانكم ... جرّة كحل للعين .
هايسباع ،
اِيخسون الجاسوا آكْذل من حرايركم .
ايخسون الوذّنوا حيله بمنايركم .
اِيخسون اللطخوا بالدم .....
فراشات ومراجيح وخبز فقره
اِيخسه الباك بأسم الله صرايركم .
اِتخسه ذيج اللحايا الما تعرْف الله ،
وذاك التبّت اِيده الفكَس عين العيد ،
وحمّال الحطب واليضحك آمن آبعيد .
ايخسون آرحامهم نجسه .
هايسباع ، غُطّوهم ظهر الآحمر .
الحراميه تفكَهم ورك صفصافه .
ايحسون آرحاهم نجسه .
التفك من دونكم خرسه .
غطّوهم ظهر الآحمر .
ذوله آكشاش مَدّه وروجكم يصهل .
ها يزلامنا آسم الله آعلى صافيكم .
ها يزلامنا آسم الله آعلى عاليكم .
بعدكم للنجم نيشان .
اسم الله آعلى العراق الخاصره الحره .
اسم الله آعلى النثايه وعفّة الدره .
وعلى اليمّه ودللّول ...
وعلى آطويراتنا الكَمره .
بعد ، وآسم الله عالبرحيّه ....
ذيج الزاجيه النخله وكَصايبها ....
وكصايب كل حبايبها .
يا ولْد الشمس والماي ،
بعدها آخيولكم نشطه ....
وندهتوها ذهب عركان .
اجت ،
ها ، ذيج هيه الشس علْو آذراع .
وبعد تعله وبعد تعله ،
لمن توكَف عدل عالراس .
لمن تصبح سنابلكم ضفاير نور ،
الجراد آيدوخ بيها وما يجد لزمه .
وآعاهدكم الحب يعود ،
أعاهدكم الراح يعود ،
أعاهدكم ....
يرد الله الصدك لمخاوي صفنتنه ....
ومصيبتنه وصريفتنه .
أعاهدكم ، يرد يونس لمحرابه ،
وصليب الهاجر بروحه وشرف سنجار ،
ويرد ميمر الجوبي وفر

جفافيّه ،
وهلا وميّة هلا وميّه ،
وحمس كَهوه آعلى نايل حار ،
وترد بغداد باكر ، ثوبها آسم الله ،
وتراجيها النجوم وثوبها اللبلاب .
بآصابعها تحنّي الباب ،
وتْمد من عشبها آبساط للغيّاب ،
وحمس كَهوه ومقام آوشار ،
و( هلا ويا نور عيني ويا هليّه ) ،
وترد دجله وفرات العافيه آذراعين ....
شبكَة ملكه فوك الكَاع .
شبكَة ملكَه موش آوداع ،
ويرد الطير والخير وأمان الله ،
والهور ومشاحيفه وغراريفه ....
وزواويفه وسواليفه ،
ويرد البنّي والكَطان والشبوط ،
ويرد شط العرب بوسة ثلاث آشطوط .

وايضاً نجد القصاب في ألوجدان قد أترف

........... خيزرانة ماي .............

طولك خيزرانة ماي ،
واللمسه وضوء آيخدّر آجروحي .
ترف ،.....
من لمسه تغرك بيك آصابيعي .
مايع يا بعد روحي .
من أصفن عليك آتريّع الصفنه ندى ....
........................ويعرك بنفسج شوك .
بَسِمْتك خفكَة آجناحين ،،،
وفضاء العين معراجي لشواطي الله...
....................................وبعد ليفوك .
الهوه يتونّس بطولك ويسْكر بيك ....
وينعّس على آجروفك .
الهوه مرجوحة آزلوفك .
الهوه جرّة مشط والموجه كَذله ماي ،..
تتنعثر آبفي روحي .
يمايع يابعـد روحي ،
الهوه موجة رفيفي مو نسيم الله .
رفيفي ،...
مو نسيم الله اليهفّي آعليك .
كل رفّة كَلب عالماي .....
تتكَاطر ندى بروحي ،
وآحسك موعه بآنفاسي وآموعن بيك .
لذيذه الموعه بآنفاسك .
توجّجني وآكَول آفيش .
مايع يابعد روحي ،
اِشملذّك يا بعد روحي !

عندما يتحدث ألقصاب عن ألوجع 👇

... حليب التين ...

نشف كاس الونس والروح خضره آتريد .
بعد بيها حجي مملوح ،
وجناح المسامر طار ، حط آبعيد .
عطشانه السواجي ولا رفيف آخضر ،
ومامش للفخاتي آعشوش تتسامر .
حزين الليل ، ترجيته كَمر أسود ،
ولا كَطرة ندى آتفزّز صباح آجديد .
طول مأتم البستان ،
والبلبل نسى التغريد .
يا بيض السوالف ، يا حليب التين ،
نصبر عالوجع ، بس كون ما ناسين .

تنتهي محطة اليوم مع الكبير القصاب
والى محطة آخرى وشاعر آخر
لكم أطيب الأوقات ❤

واخيراً يقول :


مدري يمته راح آنام .
الليله ما جاني الحزن .
يا سما الله الليله وحشه .
بطا حزني ومختنك .
هلبت آنجيمه على عيوني تحن ،
وتفك شباج لوجه الله ، يهفيلي حزن .
هلبت آيهزني وجع حزني وأنام .
بغير حزني ما أنام .

احبـّـك مــن گــبل لا يجري بيــه الدم

لــ #عبد_الخالق_المحنه ❤🎶

انه خيالهن فارس للاحلام
والتعشكني مايعجبها ثاني

السمره بعينها تلكالي تصوير
وعين الشكره دور اطلع اني

مو بذات ماخذ طبع الصكور
اهوه العاليه واندل مكاني !!

_ميثم فالح

#روان🍃

🍃

ه‍ـذاك انت...
اعلـى كـل صفـنة بريد تـمر عناويـنك

علي الصفار |🍃