" لآ يوجدُ نومٌ عمـيقْ لآ أستطيعْ سمآع صوتُـك فيه " .

- صآمويل بيكيت

خذُوا منِّي قميصي
معطفي
لوني
خذُوا الأشياءَ والأجواءَ والسُّحبَ _
خذوا رمشِي ، ومكحلتِـي
فعين البئر لا تحتاج اجفانآ ولا هدبَ _
خذوا الأحلامَ ،إن كانت تناسبُكُـم
فطبع البُّومِ لا تعمى
إِذا مازادَتِ الحُجُـــبَ .
خُـذوا التاريخ َ والأمجاد والكتــبَ
خـذوا الآبار والذَّهبَ
خـذوا 'بابل'
خـذوا الآثارَ
فالتِّمثال في قلبي
وفي الوجدان … قد نُصِبَ _
خذوا مني سماءَ الكـون
والأفلاك والميزان والدُّببَا _
فأرضي هذهِ عجـبًٌ
هنا يُعجنُ رغيفُ الشّمس ِ والأقمار والقطبَا _
هنا التَّنور من ( طينٍ )
إذا ما مات إنـسانً
له في خبزنا ذكرى
ترى التنور مُكتئبَ _
هنا الأخوان قد رقدا
( زلالً ) جاور ( العذبَ )
وقد قُتلاَ وما شربَـا
هنا يرقد أبَ (الماءين) والأحفاد والقِببَ _
هنا نوحٌ أناخ بها
هنا الطوفان في جرحٍ بخارطتي
ندى . في جوفه انسكبَ -
هنا النهرين من خمرٍ
خذوا النهران إن شِئتم
فرقصُ الذّبحِ لا يحتاج إيقاعًا ولا طَّربَ _
كما الأوشَام موتانا ..
سلـو عِزْرِيل عن موتٍ عراقيٍ
فهذا الموت يَعْرفنا بأشكالٍ
بـقت في عينه ندبَا _
فإن متنا ،ومات الجيل أجمعهُ
سيأتي بعدنا جيلٌ
كما الناتج بلا سبب _
فرمل " الكرخ " من عيسى
وطين من "رصافتنا"
كما آدم بلا أبٍ . وصار أبَا

هنا الأحزانَ كـ الرُّسلِ ،
نصدقهم
إذا ماينطق القصبَ _
هنا قابيل هدَّدَنا
فهاجَرنا لتوأمِــهِ ، وأبشعَ منهُ إرتكبَ _
فوااا أسفي على شعبي وخارطتي
تبِعنا موسى نُنشده
فطور الرَّب ضحكات ... وطور النّاس ضل صبا _
أما يَكْفـي ؟
أما للعيدِ أن يأتـي ؟
بلا دمٍ ... بلا همٍ
تَساءَلنا
لقَـادتنا
لسَادتنا
لسَاسَتنا
أجيبونا !
أَجابونا ، جوابًا صاعقًا عجبَ _
فقالوا
الدَّم بالتقويمِ
كـالإفطارِ مرتبطٍ !
فهل للـعِيد أن يأتِـي !
بلا رمضان او رجب !؟


ابراهيم الرائدي |

🍃


نحن نحب #الحياة، لا لأننا تعودنا على الحياة، بل لأننا تعودنا على #الحب


فريدريش #نيتشه |🍹

‏أنا رُبَّما أحببتُ يوماً
‏رُبَّما
‏لكنَّ حُبكِ
‏جاءَ يَختِم قصَّتي
‏ويقولُ: أنتِ حبيبَتي
‏مِسكُ الخِتامْ
‏

‏- عبدالعزيز جويدة

كيف أخبرك بطريقة منمّقة انك بداخلي رغم البُعد وقلة الكلام وازدحام الأمور السيئه
كيف أخبرك أنك ثابت بقلبي ؟

🍃❤️

شلّك بالكحل والرمش فيّ بستان
شلّك بالمشط .. والكَذله تشر اثياب ع الحيطان
شلّك بالمرايه اخيالك ابيض مثل كردستان
جاليش امنكَلك حلو تزعل وآنه المسميك
حلاتك يانهر شو منّك او بيك .

ريسان الخزعلي

ٰ

سد الخوف گالتلي واخذني لديرة أظنونك

گبل لا يشتهون ألصوت اليسولفني بعيونك

•• لـ وسام سباهي ••

الله 😍

يحفظج❤

ٰ


گالتلي عشگنا يموت بالضلمة وبچت يمي

وگالتلي بنات ألناس ليش يغارن من أسمي

••وسام سباهي ••

‏أشتاقُ كالأطفال ألهو ثمّ أشعرُ بالدّوارْ
‏وأظلّ أحلمُ بالذي قد كان يوماً
‏أحمل الذكرى على صَدري شعاعاً
‏كلّما اختنق النّهار !

‏
- فاروق جويدة

ورثت مرة جگارة
بفد مكان
جاني واحد گلي ممنوع الدخان
گتله راح اسحب نفس،،واخفي الدخان
گلي ممنوع الحرارة
------------------------
لاتحتار بالمره
انة جرحي بضميري ماتلوحه ابره
ولايندل عذابه الخيط من بره
-----------------------
إذا تستحي
من اللمة
ومن الكلمة
تعال وياي
اني وياك،،نرگص سوة بالظلمه
-----------------------
گتلي
ليش بس انته وحدك بره
ماتوصل تره
صير مثل الناس كلها،،،والزم الروحك سره
والتهينة اني وياه بالحچي
وحين انتبهنة لروحنة
شفنة نفسنة صرنة كلش ليوره
------------------------
اختبي بنفنوف ضيگ
حتى تتعلم شنو معنى النفاهة

اختبي بلحظة تفهمك
اخر حجاية تفكر بيهة تغتال الكلام

اختبي بچلمة تفهمك
واحتقر كل الكلام
-----------------------
يسمر حنيني الك،،،حن التمر للصيف
كلفنة ساعة وصل،،والوصل مو تكليف
لا ليل ضيف حلم،،،لا نوم ضيف طيف
واني بعطش للفرح،،وأذراعك جناحي
-----------------------
أنزفلك شعر بالليل،،،،،انزف جرح مامشدود
اخلط روحي،،،اضيعها،،،،،بكوام السنبل المحصود
احلم بيد تنمد لي
تعزلني من التبن والعود،،،تبذرني بنهر وخدود
تسگيني حليب الرگبة بچفوفي
وانگط عالخبز خوفي وارد اردود
وأنزفلك شعر بالليل
----------------------

ينحب دارنه اللي جان
مضايف للشمس،،،،تنعب عليه بومه
ذلني الدهر، ذل حضني بدين اجناب
لون يا ديره يأخذني..،قطار البصرة ويردني
لديار النخل والشمس والاحباب
----------------------
وين رايح بالمحبة؟
بروح ما خضر سعفها!
----------------------
والدمعة التريد تطيح
يدفعها الصبر للكلب
وتغير مجاريها
----------------------

لـ طارق ياسين

تم تغيير اسم القناة من ( الخال ) الى[ محطات ]

ستبدأ رحلة محطات من أليوم •

نجول فيها الى عالم ألشعر والشعراء

انتظروا ألمحطة الاولى ... مع شاعر وقصائدة الرائعة

ألمحطة الاولى مع شاعر كبير
تعجز الكلمات عن وصف أبداعه ألشعري
والأدبي ..

يكتبُ بعذوبه شعرية

انه الكبير عامر عاصي

سوف نقف مع مقطوعات من أبداعه الشعري :



مشهد شعري سلس جدا

كــوخ

وســالفة

وفانوس

واحــلام

وحصيرة

وطـــــوس

شفت خدّه
وگطعـــت من الصدر وردة

وغفيـــــــــــــت وما تِعــب زنــــده
مـــو راح الهــــوه،،شـــردّه؟
 
يـَحلمانه
زرعنا الرازقي وندّه
وشفت بالگاع مردانة
جفلتي أنتِي وضحكت آنه
------------------------------------------------------------------

مشهد من مشاهد عامر عاصي المصورة شعرا...
هنا ستجدون ألألم العظيم

عباية
بمگبرة
وجاهل
وسِمه تبچي
وگمر ذابل
وفجر بردان
سعيد هنا ؟
ــ لا يمّه
سعيد هناك ؟
ــ لا يمّه
سعيد الدِفنِته الظلمه
إندفن كلّه
لو بالمگبره،الدفّان يندلّه
چا شنزور ؟
ــ يمّه ندور
بلكت بالمگابر ميّت يگله :
(عبايه بمگبره،وجاهل
وسمه تبچي،وگمر ذابل
ودمعة والده الغبشه
وطفل إسمك عله لسانه)
لو دفان يتمشّه

*والمدفون،،،،،يبقه بعين دفّانه
وتشوفه انته
واشوفه آنه*
------------------------------------------------------------------

(عندما يكتب النص الحسيني,المثقف)

راسك لو رمح ؟ وجهك لو صبح ؟
قبرك لو جنان ؟  صوتك لو أذان ؟
إسمك  لو جرح ؟

يبو السجّاد أجي ويه الماي متعنّي
أشب ذنّي عله ذنّي ، وأغرگ بذنّي
يخيّال الشموس الفوگها مثنّي
أظنّك والعطش يتفطّر بظنّي
واون والشوگ جاهل يعثر بونّي
يلدمعك خِيام
دمعي ويه الظلام
يحچيلك حمام
ويبچيلك جِنِح

الحسين اوّل سؤال ، وآخر حجاية
انكسر بيها الظلم واتثلّمَت آية
حزن يحيى الذبيح اتعمّد بمايه
وجرح فوگ السطوح معلگ براية
الحسين امتد فرات ، ومالگه ولاية
خايف لا تضيع
 من دم الرضيع
گطره من الربيع
 وابچيلك ملح
,,,,,,,,,,,,,,,
يسفّان العطش ، وشراع وجهك نور
على جروف الجرح ، بعده الصراع يدور
وضمير الكون بيه دمعة طفل مكسور
وعلى متون النهر تجري الشباب نذور
تره التاريخ محبس ، واصبعك مبتور
كل دمعة التطيح
تكبر بالضريح
وتخضّر مسيح 
بگلوب الفِلِح

----------------------------


جرح سبايكر،،،الجرح الذي لم يفارق مخيلة هذا الشاعر
فصاغ لنا ابياتا عظيمة(بوزن النعي)
هذا الوزن الذي كتبه عامر عاصي بكل حرفة وجمال

وهكذا خاطب النهر....

يا نهر ذبني عله الجرف ناي
وبهداي جيس الروح بهداي
سولفلي أدري جروحك هواي
ودمهم حرير ويجرح الماي

يا نهر ذبني عله الجرف عين
بعيونهم تقره العناوين
يا نهر حلّفتك بالحسين
من موتهم ، هم استحه الطين ؟

توّه الدمع والموت ، توّه
والعاش گوّه ، يموت گوّه
يا نهر شوف آدم شسوه
يمطر جثث بچفوف حوّا

يا نهر يا گبر النواميس
ابليس راح وخلف ابليس
والروج ظل يكنس عراريس
ونذور وشموع وفوانيس

يا نهر دم ودموع صاير
وچنّك بالولايات حاير
خجلان ؟ شتگل للمناير؟
الشبان بمتونك ضفاير

بس يا نهر لا تغسل الدم
كل روجة من روجاتك بهم
ليشيل من ماي الجرف صم
يقره الأسامي وموت يِشتَم

يا نهر بالعباس احلفك
لاويتهم ؟ لو مال چفّك ؟
أحمر على الشطين زلفك ،
دم ، لو نِشَغ بالطين جرفك ؟

بس يا نهر طينك عماهم
وبرياگهم وذّن ظماهم
أدري النخل يشرب دماهم
وتنوح برحيّة بسماهم

طير اعله متن الريح نَصّه
ورف من لِمَح بالماي گِصّه
صااااح .. .. (النهر شبّان نِصّه
كون الگصب حيّه وتگرصه)

صار النهر حيّه وتمد ناب
تروي الشواطي بدمعة احباب
غِيّاب .. چنهم موش غياب
شو چن أديهم دگّت الباب

نام الولد ، والشوگ ما نام
والريح تعوي ومالها لجام
يا طيف يبن ثمنطعش عام
تبچي الصور وتبلل الجام

مر يا بلم بالليل جنّاز
بتابوت روجك لمهم الماز
معتاز ، ون الليل ، معتاز
والروج شايل ريحة اعزاز

-----------------------------