يابعيد ..
الفرگة دنيا تبوگ حيل من السنين ..
وانت غااااد
اشما حلمت تجيس وجهك ،
تگعد و ما تلگة ادين ،.


#كاظم_الركابي

لذيذ البَچي أعله أبن آدم
تردلي العافية أمن أبچي ..

،،

عبد الكريم القصاب -

عساها بالگصب يفلان
حوبتنا ومدامعنا وتراچينا
نمد بفيها السواليف ، راحة بال ، وخبزة واستكين چاي تكفينا
وعلى ركبك ، مثل ما چنه واحنه زغار
ننسى ارواحنا ونغفى لهذاك الصوب
ياخذنا السعف لله ويرد بينه
النواب

بس مو جبيره الشنهي مابيج
من تنشد ع رويحتي شبيج ؟
انه ع حطت روحتك ذيج
مشلوع كلبي ع الشبابيج


ضياء المياحي

زعلان منه لخاطره ..
ولخاطره ماسامحت .

مر اعله بالي ودنكت .. لا اشرتله ولاصحت
زعلان منه ومن نمت .. من الشوك ميت صبحت

عيونه ، وأحلامه ، وصفنته ، ولهفته ..
ودن عليه ومارحت .

ووصيت روحي اياج تنطينه وجه لمن يجي ..
الصالحت ولما صالحت

أعصابي سواهن حبل .. ويتمرجح بواهس طفل
وما جنت اخلي بخاطره ..
وماكتله ياما تمرجحت .

اخطاء ابد ماتنغفر .. ومطيحله وماتنمحي
واصفن واعاتب طيبتي ..
ياطيبتي شكد طيحت .

زعلان منه لخاطره ..
ولخاطره ماسامحت .

#جبار_رشيد

تعالي
فهنالك الكثير مَن الموسيقى
يجبُ أن نستمع لها معاً
والكثير
الكثير
مَن القُبل العشوائية
و لحظةِ حُب
لاتنتهي إلا بالعناق الشديد

#حسين_شاكر_الريس

▪

تذكرني چفافيك...واحن لايام عشرتنه
واگوم اتعثر بجدمي
وألمِّلم كل دساكرنه
اهنا چنه وگعدنه..اهنا
تسامرنه وتعاتبنه
اهنا يم شاطيء الگصبات
تذكر من تعاهدنه
وبنينه عشوشنه ويه الطير
وعله البير بچفافي اخلاص طرزنه
يسمر والبيادر هاي
فيهن بيه غطنَّه
وتهلهل بنات اسهيل..اجتنه وعجنت الحنَّه
وآنه اليوم اجيت وحيد
وإتذكرت موگفنه


الكبير الراحل زامل سعيد فتاح

.
شعور يوجع من تشوف شخص تحبه تعبان ومتضايق
بس الي يوجع اكثر من تشوف نفسك عاجز ومتكدر تسوي اي شي لان مابيدك شي حت تسوي وهذا الشي حيل يوجع والله

▪


ناطريتك...
يا حلم ليلي وعذابات النهار
ويا وجه كلما بعد عني غده الگلبي گريب


▪طاهر الحسني

▪

انت العين گتلك من يرِّك الشوف

تفگسها إعله شنهي الچانت أُربيه


▪مشير السعيدي

تعرف ليش احبك راح اكلك ليش
جيه طولك مناره بنص الولايه
وشفتك عالنهر دنكت تشرب ماي
جن شفت النهر دنك شرب مايه
على خدود المرايه تمشط الحلوات
وعلى خدودك شعرها تمشطه المرايه

▪احمد الذهبي

أشلون وبيا لحظه وحدي أتغربيت؟
أشلون باب
أشما لذت بألوانه
يختلطن عليه
أيخيرن البيه عليه
وردت أدي
.. ومادريت!

لـ كاظم غيلان

•

دورِّت كل الحراثي امنين اجيچ

ردت اضم باقي السنين ابّين ادّيچ

ردت اگلچ (آنه احبچ) واستحيت

ودوهنتني عيونچ الماتربي لحَّد

آخ..وليمته العمر يبگه ايتفرهد .
.

لـ كريم راضي العماري ▪

يمته الگاك
يمضيع سنين العمر بفراگك
يمته الگاك
واغنيلك واجمع شوگي بشواگك
ياواحه ورد وتفوح
يا اول عشگ للروح
سالفتي طويله وياك
يمته الگاك

كاظم الرويعي

.
يكلي تغرگ

يا عساني بعشگ اغرك دوم

ولاوحدي اطوف بلايه معنى

وحبلي منكم ينكطع


لّــ مظــفر النــواب

زمزم الوادم جزيته

وطافت الكعبه بـ قنوتك

شَدني عـ الفطره سنابل جايعه ومحد غفرها

وأعتصمني العروه من يلمسها چفك

تَحلف الجنه بـ سترها


لــ وسام سباهي

مُتباركين بولاية أمير الإنسانية علي