السچچ كثره
الفرح بالسچه البعيده. ؟

كاظم خبط

الينباع بوزه عينه اعله راعيه

حسين الحبتري

سهام الهجر روحي مردنها
ومرة ابعد جروحك مردنها
تهت مافرزن ايدي مردنها
نسيت ارداني بس گصيت اديه

كريم دخيل

ولو كل الكَلوب اسرار ،
ولو كل الدروب اكَصار ،
ولـــو كل شي
ورغم كل شي
حاول تحب كل الناس
بس لا تعتمد عالناس !
اصدور الناس ظلمة غار
ناس اسرار؟
ايجوز ابعد انسان ايصيرلك شريان
ويجوز اقرب صديق ايصيرلك جــزار
ناس اسرار
ناس اسرار
لا تمشي ابدرب مديوس ؟! هاي ادروب تعبانه ، عليها اثار
سويلك درب تنشاف بيه وتشوف ،
درب تشتعل بيْه شمعة فرح للناس ،
بس لا تعتمد عالناس
سويلك درب تلكَه عليْه نفسك .......
سفينه وساريه وبحّار
انت ايجوز تلكَه النار بالجنه،
نعم ، .......
ويجوز تلكَه الجنه وسط النار

المهم انت الذي تختار ؟؟؟ المهم لا تنسى حب الناس ،
بس لا تعتمد عالناس
اعزف على العود بريشه من جمار ،
اكتب عالنجــــــــوم بلـؤلـؤة محـار
اكسر قيدك ابايدك ........
كَبل ما يعتك وترهم على الزنجار ،
.
احفر كَبرك ابايدك .

يمكن باجر امن اتموت .... ما تلكَـــــــه ولا حفّـار! ،
،
،
،
،
#للكبير_عبد_الكريم_القصاب
،
،

#صدك،!؟

ادگ بالباب الف رزه
و افز باليل الف فزه

تعز روحي و اگل للخوف
ظل بالبيت و انه امشي


لـ كاظم اسماعيل الگااطع

غيرك انت شيظل عندي لو عفتني وسافرت
انت متهني بهواك وآنه باحزاني تهت
مو تعاهدنا نظل دوم اثنين
انت رموش وآنه العين

سهلة عندك يا حبيبي من تجافي
وانه يا الغالي حلفت لك
وانه بالحب اقسمت لك
غير شخصك ما أوافي
شغيّر گليبك عليّه
يصير شاطي ينسى ميَّه
مو انه وانت اثنين چنّه
مثل وردة ونبع صافي

أدري تلگالك حبيب وتنسى ودي
وادري تطويني الليالي واظل وحدي
وادري لو عاشرت غيري
وحتى لو عاشرت غيري
تبقى انت الغالي عندي
وابقى ذاك انه واحبك
مساهر وعيني على دربك
لمن تذكرني وتوافي


| رحيم العراقي
بصوت قحطان🍺
#قهر

الراحل ضياء حسين
كلمات حمزة الحلفي

دلّيني بشواطيّك يبو النعناع
يالبيك الگرنفل يعبر الصّوبين
والغبشة ومسية زلوف...

شفتك من خذانه الليل
ضمّيت الگمر مابين صدرك
واستحه النفنوف....

لا تشتاگلي من بعيد
بس حط روحك بروحي
اذا ماجيبلك حتّه الصبح زافوف.....
..
..
ميثاق الهلالي

مافرحوا الضحكتك لاتنثرلهم عرس
شيجيب باجر عشگ
والعشگ ضاع من امس

ابو سرحان

دگ گلبي وظنيت الباب
شگد ظنيت وظنيتك

رياض النعماني

طبعك طبع سنبله
الريح لو عاندك.. بالحول بيدر ترد
ارتاح لو عاندت بردك بلمسة دفو
و ارتاح لو حولت نار الشماته برد
تعجبني من تنجرح مو دم
نزيفك ورد
.
.
عماد المطاريحي

‏غاضبٌ مني ؟ وهل يغضبُ ورد ُ ؟
‏صُدَّ إن شئت فبعضُ الصدّ ودُّ
‏أنا أغـضبتك عمدا ً كي أرى
‏كيف يغدو أحمر الأزهارِ خدُّ
‏
يحيى السماوي

مسافر كضيت العـمر ورقه على جـتف الريـح
وكل شهكه صارت جنح يم عمري خاف اطيح
يا روحي وحشه الدرب وبخطوتج سمي
انتي عليج الجرح واني علي همي
شفت الونين ابرمح يعبر نهر دمي
وما ادري عيني البجت لو غيمه اجت يمي
كلما اكول عبرت يتعبني حدى الصوت
حسبالي من ابتعد كل ذكرياتي تموت
ياروحي ضل بس درب خل بعمامه نفوت
لو هيه خطوه امل لو بالحظن تابوت
وكل الليالي انكظت بس ليلك اشكبره
ومو ماي اعبره بلم بس ليل شيعبره
مسافر وخذني لتعب ولغربة صارت طبع
يا وحشتك من تمر سفرت ونين بضلع
مرات احسك عطش من روحي خاف انشلع

غني محسن البهادلي

لا تحتاج جناحين لتطير
تكفيك ضحكة احدهم

🍃❤️

سامع بخيط الصبح
وشفت انه خيط الصبح
بس والله يا حاجبك
شوفني خيط الليل
والعين غزوة احد
ما ادري غزوة بدر
والرمش جيش الكفر
واسلامك مجاتيل
وخدك سوالف كبل
يايابه وشكد ترف
لكنه كد ما صلف
شك شفة التقبيل
لدور وجهك كفر
زعلك عذاب الكبر
ولمن تلح بالزعل
معناها يوم الحشر
فالويل ثم الويل
الحجايه منك عمر
اتجملي عمري زمن
وضحكتك جنة عدن
والشفه كوثر عسل
تنقذني من اتسيل
والركبه مدري شني
والخصر مدري شني
وما بينهن ارتبك
غصبن علي انحني
غير انته بيه اتعيل
جا ليش بيه تعيل
جا حبنه حرب الفيل
ما دام حرب الفيل
مجبور بيك التقي
لن كلبي طير ابسمه
وكلبك حجر سجيل
ليل انه وانت الصبح
بس شنهي معنى الصبح
لولا وجود الليل
ليل انه وانت الشمع
المفروض من يلتقن
الشمع دمعه يسيل
هابيل كلش حلو
والذابحه مو حلو
الذابحه قابيل
شو هسه صارت عكس
غير انته كلش حلو
وذابحني حبك ذبح
ارحمني يا هابيل


#عبد_الحسين_الحلفي

شمالك وماكتلي روحك
من الك . روحي انحجت ؟
ومرود ازلوفك
ترك چفي ونساه ..
وكل اصابيعي انعمت
مد اصابيعك مشط غبشه اعله رمشي
واغسل الناس العله اعيوني انجفت
الليله كمره
ومدري يانجمه انتظرها ...
وغَمضَت !!
مدري ياشباج گلي
وسد فراغه بصفنة اعيوني وحزنها
مدري ياتنور گلالي انت مامش
والخبز فاهي وبهت
مدري يا كمره اشترتك . وانت تهوه الجذبت ..
مدري المرايه التشبهك
من شفت خمرك عليها ارويحتك هم نسمت
شمالك شما كالو اسمي
اتعوذت من كل غصن
شمالك شما سولفت عيني اعله نايك
تنكت اكليلك حزن
تمسح الجامه التسولفني بنده الله وجف شجن
شمالك اتخرخش مفاتيحك
حجل
يم السجن
شماله شرجيك كتل شرقيتي بيك
شمالك شما شملت ماتستچن

توه كلولي اعله گلبك لونه ابيض
وعرفت (شنهي الچفن)
توه حزن مظفر بروحي افتهمته
شما يَصّيح مو حزن ..
شما تبجيني الليالي الما الك بيهن علاقه
تبلل
احروفك
تجاعيد الردن

ابراهيم الرائدي

ظلــــي يــــمي ..
انــــي اريدچ ظلــــي يــــمي
وجــــهچ يذكرنــــي بأهلــــي
وجــــهچ ينــــسيني هــــمي

صوتــــچ بليل مــــن اســــمعه
چـن بــــچت عد راسي امــــي

خل اشوفــچ ما شبعت من امــي شوف
روحي يمــــهة ابيـــتهة ظــــلت تطــــوف

فارگتــــها .. وما شفتــــها
وهي غــــربه .. وليله صعــــبه
وجيـــت المــشــــتاگ خـــوف ..

#كاظم_اسماعيل_الگاطع