ذكرتك والدفو سولف حضن بيه

وضوگني الضوه خصره

وشميت الهوه بنيه

لـ علي الصفار 🎶

بيبان السوالف ماي
يغسل وحشة الماشين
وعيوني بكايا وجوه
ذبلت والخسارة سنين
اللكه بروحه غصن كافور
اكيد يوالم الميتين
والغافي عله وجه الشوك
مشتول عله طاري الطين

........
فراس غالب

حسرات هوايً وما اعرف
ياهيه اكبرُهن واحچيها '
ااكثر دمعةً تريد اتضمها ٓ
الماتدري شعندگ باچيها '

باهر جنديل

يضحك مطرنا ويشتعل
شامات بخدود الحبايب يندگ
چا ليش نعطش من نحب؟!
چا ليش مو مثل البشر من نعشگ ؟؟

ميثاق الهلالي

الجميع يريد أن ينقذ كوكب الأرض، ولا أحد يريد أن يساعد أمه في غسيل الأطباق!"

#شارلي_شابلن

لا صنم نسيان يلگاني واعبده
ولا صرتلك
شنهي عود تراب يتسمه غطا
ضيعة اليعتگ رسمهه بلايه شوفك
تندل إمتاع الگطه
يادواي مرورة الوادم تذكرني بحلاتك
ودورة الرحا بچلمتك هاضمتني
وچنت اهيسك شمه لليفحط شتالك
لــــيش
خليت الگمر يكره حلالكـــ…………

#عباس_الغالبي 🎶

كلشي بغيابك ذبل..
من درت وجهك صدگ
دارت وجهه الشمس....
وماظل خلگ للنده
واهس الوردة انكسر…
ولاچنّك انتَ الگبل تجرحني وأنزف ضحك
من رحت كلشي أنطفه
بغيبتك حته الگمر ماسيّر عله الورد.....
يالعلمتني الدفو....
حته الدفو البلحچي غيّر لهجته البرد....
يالمدري شنهي چنت!
فراشة، مدري ورد…
حته اترف من الترف
لاتنسه چفي الگبل شد رايته اعله الزلف ..
وفراگك شگد صلف...
خلاّني بعدك جرح
وانت وضميرك بعد
من تضحك اعله النزف

ميثاق الهلالي

بعدك تشتاك من بعيد...
وبعدك لو مر بيك الشوك
ماتدري بكلبك شيريد..

شمتاني الوادم عبرتنه
وفاتنــه شجم عيد بـــ عيد...

حكك مامجويه عيونك
ماداير وجهك لمتونك
يم عشاك وايد بــ ايد...

خلي اكبال الشجره اثنين
فـــــــلاح وفاس بجفين
وخلي تكلك ياهو يفيد..

صدكني الميت مرتاح
وع الصوره العايش تعويد...

محتاج لفيك مشموس
ذابل تخزر بيه الفؤوس
صرت كلاده وشح الجيد...

وصرت عيونك عفت الشوف!!
وصرت المايك سد وجروف
بموت الشمعه الظلمه تزيد...

تارس روحك ليش اعناد
من تضحك جنك بغداد
يانورس وبدجله يصيد...

شتكابر والميت ميتي
وحيطاني وانه ادره بحنتي
شتترجه ام ايتام تهيد...

صيح بـ ليلك كافي فراك
واتعلم خايب تشتاك
ماحبه الشوك من بعيد...

حسين الحبتري

بوَحشـة وذكَـرت إجفـاك وبمغـربيـة

دَم نَـكَـط إعلة الكـاع من فَـرك إدَيـه

منقول

السچچ كثره
الفرح بالسچه البعيده. ؟

كاظم خبط

الينباع بوزه عينه اعله راعيه

حسين الحبتري

سهام الهجر روحي مردنها
ومرة ابعد جروحك مردنها
تهت مافرزن ايدي مردنها
نسيت ارداني بس گصيت اديه

كريم دخيل

ولو كل الكَلوب اسرار ،
ولو كل الدروب اكَصار ،
ولـــو كل شي
ورغم كل شي
حاول تحب كل الناس
بس لا تعتمد عالناس !
اصدور الناس ظلمة غار
ناس اسرار؟
ايجوز ابعد انسان ايصيرلك شريان
ويجوز اقرب صديق ايصيرلك جــزار
ناس اسرار
ناس اسرار
لا تمشي ابدرب مديوس ؟! هاي ادروب تعبانه ، عليها اثار
سويلك درب تنشاف بيه وتشوف ،
درب تشتعل بيْه شمعة فرح للناس ،
بس لا تعتمد عالناس
سويلك درب تلكَه عليْه نفسك .......
سفينه وساريه وبحّار
انت ايجوز تلكَه النار بالجنه،
نعم ، .......
ويجوز تلكَه الجنه وسط النار

المهم انت الذي تختار ؟؟؟ المهم لا تنسى حب الناس ،
بس لا تعتمد عالناس
اعزف على العود بريشه من جمار ،
اكتب عالنجــــــــوم بلـؤلـؤة محـار
اكسر قيدك ابايدك ........
كَبل ما يعتك وترهم على الزنجار ،
.
احفر كَبرك ابايدك .

يمكن باجر امن اتموت .... ما تلكَـــــــه ولا حفّـار! ،
،
،
،
،
#للكبير_عبد_الكريم_القصاب
،
،

#صدك،!؟

ادگ بالباب الف رزه
و افز باليل الف فزه

تعز روحي و اگل للخوف
ظل بالبيت و انه امشي


لـ كاظم اسماعيل الگااطع

غيرك انت شيظل عندي لو عفتني وسافرت
انت متهني بهواك وآنه باحزاني تهت
مو تعاهدنا نظل دوم اثنين
انت رموش وآنه العين

سهلة عندك يا حبيبي من تجافي
وانه يا الغالي حلفت لك
وانه بالحب اقسمت لك
غير شخصك ما أوافي
شغيّر گليبك عليّه
يصير شاطي ينسى ميَّه
مو انه وانت اثنين چنّه
مثل وردة ونبع صافي

أدري تلگالك حبيب وتنسى ودي
وادري تطويني الليالي واظل وحدي
وادري لو عاشرت غيري
وحتى لو عاشرت غيري
تبقى انت الغالي عندي
وابقى ذاك انه واحبك
مساهر وعيني على دربك
لمن تذكرني وتوافي


| رحيم العراقي
بصوت قحطان🍺
#قهر

الراحل ضياء حسين
كلمات حمزة الحلفي

دلّيني بشواطيّك يبو النعناع
يالبيك الگرنفل يعبر الصّوبين
والغبشة ومسية زلوف...

شفتك من خذانه الليل
ضمّيت الگمر مابين صدرك
واستحه النفنوف....

لا تشتاگلي من بعيد
بس حط روحك بروحي
اذا ماجيبلك حتّه الصبح زافوف.....
..
..
ميثاق الهلالي

مافرحوا الضحكتك لاتنثرلهم عرس
شيجيب باجر عشگ
والعشگ ضاع من امس

ابو سرحان