شــلــون الــوحك

انتــه طــير وشربّــت الغــيمــه سمــارك


عــزت عبــاس

و بيه بيادر فرح مدفونَه حـدر التعب

عدي شاني

• اچمل خوف كل ميّت يصادفني

افض سوالفك عبره

لكل مخنوگ

لكل فاگد

بصدر كلمن يناشدني

مر وكت العطش بالروح

اخاف الماي ياخذني

لمنيتي بحجة الغرگان

ضعت منهدما فرگاك وهسني على البيبان

يا خمره التشد حيلي على النسيان ؟
-
-
-
• حسن الفضلي

تلك الفراغات التي بين اصابعنا
خُلقت لتملؤها اصابع يدٍ اخرى

🍃❤️

الفرق بين اليحن والجاي الفراگ
الهلاهل والنحيب الفرق نبره
يالشلتك نجم بچتاف الايام
مو كلمن علي تصعد تعبره
اذا تحلف النوارس
تحلف بطين
خم گلب المقاتل
تلگه مهره
عشگتك عشگ چان يونس الهور
عشك طابگ سلف لچفوف سمره
اخلص البرد لمن چنت الاكيك
خدودك والليالي تصير حمره
،
لّــ صفّــاء الصــمت ،

شجاني
وماخذت عبره من العيون التباوع من ورى الشباج. ..
وشجاني
وماكمت لميت دمعاتي ذخر للعوز
خاف يمر وكت ليش اطلب من احتاج. .
ولهناكه وبدت تفتر عكس
والروس مدري شغيراها وماتريد التاج..
ولهناكه وكبر خوفي
اليحبوني على حزني خافن يملون
بيه شكد فرح بس الحزن مﻻج...
واستاهل
عشت خصلة شعر تهوى الشمس وتخاف
يكتلها الذنب من يضحكلها الطوك..
مبخوت المطر فوك النهر لو طاح
عمر ثاني انكتبله شعنده عايش فوك..
وانه حضن امهات شمانستني وجوه
ﻻتبرد لهفتي وﻻيخف الشوك. .
غلطان وخذت حجي الجفن والليل
وغفيت وصبحت لن العمر مبيوك..

..حسين الحبتري

چان بين چفوفي حلمك

والصبح دربه طويل وشفته يمك

عاينت غربت چفوفي

تشابگن حسره عله شمك

ليش ما فزيت من زتك نهاري
وشفت همك

عايش بصوغة سفر طوله رساله وما حچتك

بحسي ذبل كل صداك

اي يخايب عيش روحك

شوف طوفانك سفر من

وابقه دور كل نسيم يبشر شراعه عله شمك

الدنيا صحره شما نويت اغفه عله مايك

بيهه ما يرهملي دربك
حتى صدفه

دوارة الليل وگمر يطفى علفگدك ماهو صدفه

شبت الگيعان بيه
وين اتانيك وتجيني

الحيره صحبة تايهين

شمالني عله دوارت الما لاحه طيني

تغربت بعيون ناسي


علي محمد المالكي

عانگت الگمر مرّة بضباب الليل
عانگني گمرنه و غاب
صمّيت الشعاع اصموم
فكّيت الصموم اتراب
لـٓهجّ و ما اظلّ ابگاع
گلب ماينفتح بي باب
علّمني جفاك اهواي
مو كلمن ضحك حبّاب
و اظلّ ابشك و لا اصدّگ
طلع حتى الصدگ چذاب
.
#كاظم_الركابي

واجيك بحسبه احداري
ورد بين الكصب جاري
ويطك بيه العمر مشحوف

عزيز السماوي

ذني العجاف الكال يوسف عليهن ..
يتفرزن الكواك والدوني بيهن ..

الراحل ثائر شريف

لو دره البلبل بواچيه غنه
يبلع لسانه ويموت

علي الشباني

رايدك بس مالي حيل يلملم دروبك ،،،، بعيده

هاظمتني السكته البروحي على فگدك

الماله حس بين الخلگ سالفته بيده

كونك تبيع النشد

چان اشتريته بشهگة وداع لدنيتي

ولو بوجهك الگه باب يريد ملگه

چا خذت لونك هويتي

شرد اخسرك عيشني بگد مشتهاتك

كافي حنظلني جفاك افرش حلاتك
-
-
حسن الفضلي

شايف
من يغص جدمك
بتالي الليل ؟
من ماتدري وين تروح ؟

من تفگد صوّرَك
والمرايه تصيح ذاك انت ؟
نهر مجروح

من تشبر الدنيا
بعينك وتكضي !
من تعبر النااس وماتحط ايدك !

من تكسر بروحك غصن وده يعيش

من تخسر مواعيدك ؟

احمد المرشدي

أثاري
العشگ من يكبر
فضيحة يصير عند الناس !!

#باسم_الخاقاني

انگطـَعن مكاتيبك و لا اسئلنه شعجب •
ضاعن مواعيدك و لا جيـنه بـعتب •

و انته العزيز اتغيـرت

#طاهر_سلمان

( عدم )
لا ليلك يبچّي الروح ولا صبحك يغنيّها
لا بُعدك يذبّلها ولا گربك يسليها
لا صمتك يسكتها ولا صوتك يحچيّها
حتى الذكريات البيك مطفيّه بثلج گلبك
حتى الأغنيات البيك مدفونه بچذب حبك
كلشي بيومك يشبهك
كلشي بوجهك يكرهك
كلشي بناسك الحبوك ما يلتفت ويرغبك
عجيب ولا گمر منهم ذكر حزنك بهلهوله
عجيب ولا وجه منهم ضحك لأسمك بتعلوله
ولا بيرغ صديجك عارك الصوبين لمن بيك گالوله
يبو گلب السبيل اشبيك ماتبخل عله العافك
ويبو دمع الثجيل اشبيك ماتلتفت للشافك
اشبيك مفارگ الشاريك ومچلب بچلمه تخورس اشفافك
اليطفيك لا تسجن ضواك بعتمة ايامه
واليبچيك لا تنثر دفو عيونك عله احلامه
دگ عينك نذر لجروح اليغنيك
وطش گلبك فرح بچفوف اليحنيك
ولا تنطي النشد لو موطنك ناسيك
مايندلك الناسيك

فراس غالب

ماضل عتب بل حجي
يل ماردتني ظهر
وجدني شو تيهت
بين الملح والجرح 
وماضل وكت ع الوكت
من جنه نشبر درب
والجفنه عاجر دمع
ما يفتهم كل شرح 
اطوطح اعله الصور
مو من خمر من عتب 
لكل فركه لازم سبب
بس فركتك مو سبب 
شفتك فاضت ضحك
يم سمعتي المن دمع 
كضيتها بعشرتك
مسلم واحب ام لهب 
الشته يعطش دفو
وشكد شريتك حضن 
وريح المناشغ تهب
وعيوني تمطر صدك 
عايفي ليش بوكت
بي سعر الابره رمح 
وانته احسب شكد صعب
كلفه خياطة فتك
الغبشه مغرب لجن
يطلع وراها نهار 
واستقبله بلا هلا
وباحساسي يزرع فطر 
ويادوب بيه نفس
شيب الحواجب كثر 
جاملني بس لحضه مر
واحسبها جيت عمر 
الشتم امي امس
راضيته الك من شفت بيناتكم معرفه
مي وجهي الك مو دفه 
الدمعه غلطت عمر بلنسبه الك تنوصف 
بس انه احسها رزق جي سالت من الوفه 
اخجل اشوف الضوه جي جاري اعمه نظر 
وحبيتلي اعمه كلب ما يحلها بس الجفن..

 مروان العنزي