خاف بالبوس اشتعل واكشف اسرارك
خاف مانطفه بخدر من تنطبج ناري على نارك

#عبدالكريم_القصاب

ليلة سعيدة ❤🍃
تصبحون ع حب 😌

: من #زمااان
بيوم #شفتك عزف بيه #السيسبان
وللعشك سواني ريل "
وهيل شميت #بضحكتك . .
.
.
لـ #يوسف_الدراجي

وتزل انتـه
واهز ايــدي
وترد تغلط
واهز ايــدي
ويتمناني چم كاروك !
هــذا انـــة
غشيم بكل مواعـيـدي

علي شاكر الاسدي

اذا هجرتَ فمـن لـي ومـن يجمّل كـلّي
ومـن لروحي وراحي يا أكثـري وأقـلّي
أَحَبَّـكَ البعض مـنـّي فقد ذهبت بكـلّي
يا كـلّ كـلّي فكـنْ لي إنْ لم تكن لي فمن لي

لـ الحلاج

كبل عيونك وكل شوف
كل ظني الهوه ينذم
كل ظني النفس مكروه
لون يتكسر ويلتم
ما ظني البخت وياك
بركع طوله وتلثم
مستمري بنشغ مكفاك
وبريحة عرك جيدك
مستاحش خذاني الريع
للخمري ومواعيدك
حبيت الفطر معكوب
للمطره ايتشبه بيك
والبردي الغرو المنسوم
متسرسح يدلي عليك
وبفي الهوه المصيوب منك
كاعد اتنطر
كالو يشحط القداح
لو شمك يرد يزغر
مطرت وآنه هايم بيك
بللني الحلم وانغر...
غصيت بحضن صحوه..
ماترهم تنين الماي
لا تعشك حلال الغير
مامقسوملك كوه ..


#ركزان_الشباني

مكاتيبي
وسفر عمري
وصباح الخير
وعيوني
صدك مامرن ابالك

سيف وليد

الحب الحقيقي لا يلتقي بك في افضل حالاتك
بل يلتقيك في فوضاك

j.s park

🍃❤️

شسويله الدمع
غيم ابشاطي الشوف
لا ينزع اعيوني او لا يكت ويروح !!

عبد السادة العلي

كلبك جان يغريني ...
بعد ما عاد يغريني
ولا اسمك اذا ذكروه يعنيني
من بعت الغصن للريح
واتدنيت يم كلوب
لا عرفت طعم طينك ولا طيني
ومن دليت جيش الليل بالغربة
عله جروحي
ذبح حلمي ... وبقى بعيني
جنت موكد خضار واشتعل بركان
واتعناك
بس هسه البرودة البيك تجويني

غانم الفياض

روحي شگادها لچف ليل، لو مَرّ الصبح يشهگ ؟
مو ثوبي
شندهني لثوب بالنيّات يتلثگ ؟
شٓريت و أدري بالغشمه فِشل و دنان تتسوگ .

لـ رغد قاسم

لو ردت الگلب يرتاح
تعب العين من تبجي

ريسان الخزعلي

‏انظر بقلبك..وستعرف أن كل ذرات الكون في رقصة عشق أبدية , ستعرف أنها تتلمس العاشقين فتعرفهم !

- #مولانا_جلال_الدين_الرومي

مر بيه ركض صبيان ..
فزز واهسي من سنين ..
لو دگـة چـذب ع الباب ..
تگشط جلــد المتانيـن ..

#كاظم_الركابي

يحنطاوي...
الدرب لو خطته جدامك
يتل حيلي ويضل ضاوي
شحلات الطول والمشيه
وطعم الشفاف خستاوي
الغنج من هور العماره
وسواد العين بصراوي
.
محمد عبد الاله النقيب

تذكرني چفافيك...واحن لايام عشرتنه
واگوم اتعثر بجدمي
وألمِّلم كل دساكرنه
اهنا چنه وگعدنه..اهنا
تسامرنه وتعاتبنه
اهنا يم شاطيء الگصبات
تذكر من تعاهدنه
وبنينه عشوشنه ويه الطير
وعله البير بچفافي اخلاص طرزنه
يسمر والبيادر هاي
فيهن بيه غطنَّه
وتهلهل بنات اسهيل..اجتنه وعجنت الحنَّه
وآنه اليوم اجيت وحيد
وإتذكرت موگفنه
وتلگتني الطيور تصيح خلك وين ناشدنه
گلتلهن سگم ورفيف چلاي سيلنه
گالتلي يزامل هاي واحة وفه واحتنه
وكل خل الوفه الخلَّه يهننَّه ويزفنَّه
گلتلهن وَفي لاچن
وفاي بتبِن باعنَّه

زامــــل سعيد فتاح

بعيوني سمارك طاح
واول طيحته البرحي يشهي الريج
يل طبعك عسل .. ومرورة اللكاح
يل شاتل كفاك عناد .. احب مناطر الفﻻح
خليني ..
خليني الم صورك من ابعيد
وشوف اشبع .. بكد ما طين تشبع عودت السباح
خليني ..
خليني ادلل واهسي بطرواك
تدري بواهسي امنتروح ؟
حبله متانيه وبثوب ابنهه تحوك
هيج احسب خلك .. ياواهس الكاروك
خليني ..
خليني احسك مرة لو موجود
شيضرك اذا تانيت ؟
سوباط العشك متروك .. مامش سالفة عنكود
خليني اعله بالك عود
دندن عالدفو بروحي ..
بروحي .. جا هيه الجفوف اشتحجي من اتكود
خليني ..
خليني اخم مرايتي ارد الكاك
ياخد اليقنعك جان وتهم بيه ؟
بيمن عينك تحط شوف وتحول
بيا شامه صفنتك جانت اتطول ؟
وره اشفافي اضن حسيت ..
صوت الضحكة من يختل ؟
كلي بيا رمش تﻻح ..
يل حتى بهواك منافس القداح
يل شاتل كفاك عناد .. احب مناطر الفﻻح

وفاء الخفاجي