الله

اگلك هاك اخذ 
والگاك فوگ الهاك انته تبوگ
#مظفر_النواب

ولك موگدكم شماله يحب يشرب رسايلنه ..

،،

كاظم الرويعي -

هاكَد لوّنت قمصان وامتانيك..،
هلبت مستحاك ابلون منهن ينكسر وايميل...

ريسان الخزعلي

باسم الخاقاني

و تعذبني ،

وأغنيلك !!
ويجي غيرك يدللني ،
وأرد إردود
أصليلك !!
يعايفني بخور بگبر مو گبري
غريبة ولاية الموتى .
وهناك ..
اليسليني قهر روحي
ويخنگني ضحك ليلك
وتجافيني
وانا اغفرلك
وأگول العشگ عالنية
وعگبك بالوجوه عيوني ملتهيات
وعطر غيرك چوه الريه
واصبر ، وادري الصبر ما يدري
مرات السنين تعاند عيوني
و ينزل وي دمعتي الضال من عمري
و مرات التتن يشتاگ , يقره النار البصدري
هلبت بيك ضلت للدفو حجايه
وترد بيه ويرد عمري ،

اسكتت من شفت طولك بالحلم
سكتت العصفور المتيه درب جوه المطر
وزخت بروحي حلاتك
واستحى بيه الحچي
وضليت حاير
شنهي وجهك هذا
لو ضحكة گمر
ونسم بريتي هوى من حسنك
وفرفح حسبتي
وگتلك اگرب
بيه واهس فلح من تحوي ثمر
بيه واهس راشي لو جاس التمر
گتلك اگرب
وافرشتلك چم سنة للنوم
عطشان
وترى العطشان يحضن
اعطش من اليعطش امية نهر
وانته من ترفع اشراعك
كل غميج البيك يصيح انا البحر
كل غميچ يگلي ابحر
كل غميج يگلي اطبگ روج فوگ الروج
وبحر
لاتخاف
ولو يهج روج الله ألبد بالحدر

وبحرت بيك

وطويت اشراعك

ونمنه دهر

حسين شاكر الريس

إنـتَ إنـهـيـر مـذعـور الـنـبـع والـسـيـل

عزيز السماوي

خِذني يَشْگرْ لا تردْني
صفگة إجناحين خذْني
هناكْ.. لو جاكْ الغوه، وشوْگ اللعِبْ
من جَرفْ نَجْمه بِعيده أرضه تِذبني
خذني گتلك.. تِشْتِهي الدنْيه وَكتها تِردْ لأمسْ
روحي بستانْ العصرْ، وَحشه ومشتْ عنه الشَمسْ

علي الشباني

فوگ شفتك
لمعة من چوية رضابك
وأشتهي أتدنه وأبوسك
وما أبوسك
أشتهي اتشفه بعذابك
عذبتني

•لـ باسم الخاقاني

ويظل طرواك نسمة بر
لا يرخص شرفها ولا هي تتعثر

شعر ... عريان السيد خلف

أشتهي أن أنام نوما كـٍ غيبوبة، وأن أرحل عن كل شي، ولأ أريد أن أشكي، ولأ أريد أن أضحك أو أبكي، أريد فقط ان اغيب

#دمعه مهجوره

كلامك ع الگلب دوسة حوافر خيل
تلكـتهن لكت والحـافر يغـرز
ظميت السوالف غصبن على الروح
لان ادري الصدك من ينحچي يبزز
وشربت الحزن من دمي انه اسنين
وشربته دمـع من گـال لي معوز
اگمز ع العنب ما الوحه ايديه اگصار
خلصت العـمر ع المامش تگـمز
درخيلي الحبل ما عندي جنح ايطير
دم رجلي انحصر واحبالك اتحزز
لا تلوم الزرع من يفسد من الريح
البراد على الـدفو لو سـير يفزز
وگلبك مو گلب صخرة وعليها اضلوع
وانا حالي نسيم بصخرتك شيهز

سميرصبيح

على الي قاسمه الله
عرفت الدنيا مو كيفي. .
وعرفت شما تمرني الناس ، ماتبقى !
مثل طيفي. .
صار سنين بس أصحى
أريد اغفه
وشوف الماحضيت بطوله
بالغرفه
#قاسم_الجشعمي

شد عيني
وبعتبة صبح وجهك ضحك
ضويات بديني
لوليلي علگد لونك دللو ياورد جوري
وسيرلي على جيد الليل گمره
بـ عگدك الـ لولي
بسمارك سالفة فقره
اوي عطرك مستحه مالاگ
اله بوجنت الـ سمره
يندهني عليك المامحسبلهن
هوه وجلمة
وتاخذني لهذاك الصوب
صوب العيد البوجهك مراجيح
وعتب مشتاگ وي النوم من
يتوسل بحلمه
يـ هلبت سالفة اتجيبك
يـ كون الملح غزر بيك
جاء زل جدمك بدربي علعتبة
بابنه ايحيدك
كون اعيونه اتصيــدك ..

لـــ #ضياء_كريم

..
..
.. كودني بعينك واخذني .. وضوكني اشما بيه لون
الظلمة تكبر من تجيسك يا سمار اليستحون

الكاع تبرد من تكود الغيمه ريح
النجمه تشرب مستحاها وتزغر بعين الشمس حد ما تطيح
وانت ذاااااك
اشما جزيت بروحي ليله .. !
الصفنه تاخذني اعله رسمك واستريح

تبوكني ظنوني واضمك .. !
تخضر الجلمه اعله طولي وتكتل السكته بحزنها
وتطفه دنيه اكبال غيرك
وانت تدري
انت تدري العين من يثكل دمعها اتسد جفنها

ياااابعيد .. يابعيد الفركه دنيه تبوك حيل من السنين
وانت غااااد
اشما حلمت اتضوك وجهك تكعد وما تلكه ادين

#كاظم_الركابي

..
.. شمالكم دستو اعله متني
بهيده ياخيط الشمس ضوي الدربهم
هاي وادم مشتهين فراك چتلي
بعينهم مامش ولا گطرة محنه
وانه افرفح لو شفتهم
ومن بعيد
بأيدي اشمر عيني شوف
.. حيدر جليل .

..
..
صفنة السنبل صلاة
ادروبها اخيوط الشمس
راويه من نعمة الله
دافيه وما اِلها حس
وسنبلة روحي بعدها
بلا ندى اليفتح جفنها ،
لا عطـر ليفك حـــزنها ،
وصافنه من كَبل آمس .
هيج صفنه ، كون تكسر خاطر الله .
والله خنكَه !!
شنهي يا رازونة الله ،
مامش آبروده التهفّي آعله النفس ؟

#عبد_الكريم_القصاب

..
.. اعرفك جف ضوة
مابي اصابع ليل…… وتخدر بيّه
نجمه
وانجفي اعله سماي
اشتمك كصيبه…….. ابنية اهل الطين
وتتمشالي نسمه
ابنية الحفاي ... لـ علي الصفار

شكثر بينه سافروا
ما بينه صوت يصيحهم
وترابنه شما باگ من ملحه الهوه
نستحي نعاتب ريحهم
.
.
عقيل_العرد