لگيناكم
سفر نجمه..
تطيح اشما جفن يعثر..
وحچيناكم
سوالف ماي..
حسبنه گلوبكم عنبر..
يـ الـ موش اعلى گدكم ليش ؟
كدرتو الشمس بالگاع خاف افيايكم تزغر..
واهي الدنيه عطش ليله !!
شراع الـ ماتضوگه الريح مايكبر ..

صفصافه🎶🎶

أنسى طعمك؟
لا وحگ الشوگ
والزعّله .. وعتابك ..
لسّه لسّه . .
ذيجه بيَّه
هالة الضحچه وعطرها
الذوّباني إبين إديّه
•
•
لـ
شاكر_السماوي

صفصافه🎶🎶

گظت روحي ،،
گظت گظية جگارة مورثة بحرگة
شعلــــهة وما شربــــهة احــــد.

الخياط

صفصافه🎶🎶

مـسـتـاحـش
تـمـر بـيـه الـسـجـج سـكـتـه و ارد مـذبـوح
لـن طـولـك بـعـد مـامـش ...

الشباني علي

صفصافه🎶🎶

أركض عله أعچوسي من أفز
ماتدري ؟
أبشرك نعست
كتبولي أسمك بالحرز ،

ملّن عجايز ديرتي من كثر مايقرلي
والساده شكو بالبخت ،
بس أمي تعرف علّتي بچفيتك تنشّر لي

أمن أعصر مخدتي أترس نهر
عايش عله الله و عالصور ..

،،

حسين العجيلي ـ

صفصافه🎶🎶

لاتبـچي ..الدمع مو راي! .
#عزيز_عسكر

صفصافه🎶🎶

وألعب تحت فيّك روح مابياش...
والخبّاز أشدّه حزام
بيدينك وانبّع ماي.. بوساتك وأنبّع شام
نبض بالروح والثوب العلي ورّد
يلسمر مستحه وسيّس عسن لا رد
لعب عيني، بلعب ليلك صدر نهّد
وأﮔلك شوف ورد الماي
واعصر زلفي المريّح واشبعك ماي
يسمر لا توعي الروح... تفضحني وتفيض الماي

علي الشباني

صفصافه🎶🎶

يحدث هگذا
أن أتعب من قدميّ ومن أظافري ،
ومن شعري ، وظلّي!
يحدث هكذا
أن أتعب من گوني إنساناً!

#بابلو_نيرودا

صفصافه🎶🎶

. . .

لوتدري بينه شگد بچينـــاك
يمكن ترد وتجيبنه وياك
كون المشه ويه الروح نلگــاه
ونزيحه خافن توجعه الــ آه
ل#عزيز_عسكر

صفصافه🎶🎶

مَرْ اسمهه ابروحي يركض..،

مالحكَت اول حرف..،

والتهيت ابروحي اركض...

ريسان الخزعلي

صفصافه🎶🎶

ياگمر
لابد لگيت ايام ظلمه
وتعرف الليل ووحشته.."

ياگمر لمن تغيب
نگول خيعونه الكمر راح لنجمته.."

الكاطع

صفصافه

مو حلوه
تغمض بالكوه
ومو حلوه
من العافك ينسه
وتجبر كلبك يعشك كوه...

وشيصير بروحك لو صدفه
وحنيت لواحد محتاجه
وتتلفت تلكاه ماهوه..

فنجان الليل هﻻلين
وجف النجمه يصب الكهوه..

طبع الكنطره خل اطباعك
ياما جدام تغثهه وتسكت
وتعبر اليسوه ومايسوه...

حسين ال حبتري

صفصافه

ليش حزن الناس دمعة
وحزني ناس ؟

ليش حزن الناس يغفى ويه الخريف
وحزني ياس ؟

انتظرت الما يجوني
وحزني لوني

مرتضى الحمد

صفصافه

عمر بديته بالوحشة
وحجي لآخر الليل، لناس مو يمك
عمر يتبع نهر يتبده بالظلمة
عمر جن كاع منتهية حرب بيها
رايات وجثث ما سد جفنها احد
وصورة بجف، عليها الدم يبس وتعثرت عينك.

حيدر النوري

صفصافه

يـا تـعـب جـفـي الـتـعـب بـصـفـات غـزلـك ونـتـه بـيـدك خـلـبـصـيـتـه

فالح الحاج محمد

صفصافه

بمثل ذلك الموقف الذي جاء بهِ الأسلام
في وقت أن الذين يعبدون الأوثان

لغتهم السيف

حز الأعناق

والأغتصاب المباح

وبتلك الصعوبات
التي جائت بها كل الكتب السماوية
على البشرية جمعاء

جئتكِ اليوم ٠٠٠٠ لإحبكِ

أحبكِ فقط ٠

حتّى يُعلن التاريخ

أن جميع الروايات كاذبة
وجميع الشجعان جبناء أمام القضية التي نحملُها والتي نُفيت من خلالها جَمِيع لغات العشق
لننطُق بها نَحْن
نَحْن فَقَط .

فهل تسمحين لهذه الثورة

أن تنتهي بلقاء و قُبلة من النحر ؟


#حسين_شاكر_الريس ❤🎻🎶

يمته گليبك ينبهك
شيثبت الجدم بلگاع
لو مر واحد يشبهك

سعد الزبيدي

صفصافه

غمضت كوه ولكيتك شاري طيف
وصوت خطوه اعله الرمل لاحكهه رأي
وجهك اتلفت علي رايدني اكوم
وحيل ماعندي وعلي ابلع بي الماي

مروان العنزي

صفصافه

🍃




الصيت الحسن يبقى نائما،
والسيئ يركض في الطرقات . .

| مثل روسي

#صدقوا_الروسيون