.
.
• بعدني المع ضوة لطاريك لو رسموك
و اكشـخ للسوالف من يسمونك

- بعدني أستاحشك ... كل خطوة
لو مريت من دونك

ل عقيل العرد

ايقتلك البرد ......؟
انا يقتلني نصف الدفئ ؛ونصف الموقف أكثر!!

#مظفر_النواب

.
.
ولا چنك هذاك انته

.
.
كونك تحوك الشمس ثوب وتجيني

لفني يل كلك چراچف

وكوم خل انصيد من بين الشفايف

سالفة وضحكة بحر

للرائع #نديم كفاح الالوسي |🍃

.
.
اني وي عشتار
من سوگ_الشيوخ
نسير لهور الچبايش
عدنه حسبه نفلها بفياي الگصب
امتاعنه
كاس
وقصيده
ولهفة مزتها رطب

#الرائع والكبير نوفل ألصافي |🍃

#مبارك_للعراق_ولأهلنا_في_الجنوب

يــ چتالي ولا عفتك يـ خيعونك
سهرت لشمعدانك . خيط . اطفه . واغفه . بمتونك
:
انه الماموت موت الله
موتني بـ [أمان الله]
:
ورد كعدني بـ شلونك
واذا احچي
واذا ابچي
يلمرخصني ماابيعك ..
تعـال وبـوس دمعـاتي بـأصابيعك

#ابراهيم_الرائدي

.
.

يا اطرى من قداحه ترفه امبلله.



رياض النعماني |🍃

.
.
• زعلان منه
ومن نمت
من الشوگ ميت صبحت
عيونة واحلامه وصفنته ولهفته
ودن علية وما رحت
و وصيت روحي اياج تنطينه وجه لمن يجي
الصالحت و الما صالحت
اعصابي سواهن حبل ويتمرجح بواهس طفل
او ما جنت اخلي بخاطرة
وما كتله ياما اتمرجحت
اخطاء ابد ما تنغفر ومتطيحله وما تنمحي
واصفن واعاين طيبتي
يا طيبتي شكد طيحت
زعلان منه الخاطره والخاطره ما سامحت

ل جبار رشيد |🍃

.
.
غاد منك

هيچ كون الروح تسكن غاد منك.

للراحل ....ليث النعيمي |🍃

.
.
شكبرها الگاع متّلمّني!..
وتستغّربني الحچايات
بس الصفنة تفّهمّني..

#ادهم_عادل |🍃

على الي قاسمه الله
عرفت الدنيا مو كيفي. .
وعرفت شما تمرني الناس ، ماتبقى !
مثل طيفي. .
صار سنين بس أصحى
أريد اغفه
وشوف الماحضيت بطوله
بالغرفه

#قاسم_الجشعمي

.
.

لو رِدت الكَلب يرتاح تَعـْب العين من تبجي !

ل ريسان لخزعلي |🍃

"
آخر محطه
چانت الدنيا ظلام
ومن زمان بروحي ماطلعت شمس
والحزن تفصال فصل روحه لِيّه
وجلد لابسنّي لبس
وآنه والوهواس والظن ليل ياكل ليل حَد گطع النفس
وباچر التانيته ضحكة
الگيته يعزف بالدمع من حزن أمس
يوسف وياسين قران بحياتي
وما سمعت بروحي هلهولة عرس
تاهن اسنيني اعله مودك
وجيت أدور عالسنين
الگيتهـن خرزات سِبحه اطشرن والدنيا طين
ومن لگيتك شفت روحي
وشفت كل سنين عمري الضاعن اينگطن حنين
وشفت گلبي الماتن اجناحينه
شافك صار اله جناح وصفگ مابين أديك
واشتهيتك واحة اطيرن بيك وادلل عليك
جيتك امفرفح عطش كل ظني اشربك
وأغسل اذنوبي اعله جرفك
يا سراب شما أگرب عني تبعد
وشمتبعــد مدري شنهو بروحي يدفعني عليك
يا بختها الروح بيك
ويا صبرها اشتبعد دروبك عليها تعتنيك
گطعتها بسيف هجرك وبالمنازع تشتهيك
ويا تعبهـا
مستراح أنت بمكانك وانه إلّك روحي حمامة منين ماهدهه تجيّـك
أنتَ وحدك من لگيتك
شگگت شباچ حزني
وشرعتلك باب روحي
وردتك الروحي تشوف
وشلت اديه اينگطن بدم عمري ذاك
وانتظرتك حنه تنزل عالچفوف
أنطيتك شفايف جرح وكحات رادن بوسة منك
بلكي بملاگه الشفايف جرحك بجرحي يطوف
وانه من ميلادي اعرفك
اني من ميلادي اجيتك
أظلم وكلّي كسوف
گوم يا أخر محــطة
وطيحلي بروحي شمس
گوم يا باچر ضحك من خاطر اضحك
غطيّ بصوت الضحك كل حزن أمس
گوم فرحة
وشگگ بروحي چوادر فاتحة كل عمري ذاك
وخلي كل سنين عمري الجايه يصيرن عرس

#لطيف_العامري

ليش ما رديت خايب
وانه گلتلهم يجيني ،

ليش ، وانه بغيبتك ناصب مناحه
وعالدرب بديت عيني ..

،،

أسامه الفيصل -

أصعدلك
نَجم عـ البيت
وأكعدلك فَرح للـ دنيا لو مَريت

لـ علي الشبآني

يكولون باجر تمر ضحكة فجر ع الليل
يكولون باجر تمر شوگ وقصيدة وهيل
يكولون باجر تمر وجهك طفل وازهر
وبوجنتك شمس الضحى وشفافك العنبر
وفزيت من وحشتي
وبشرت كل ديرتي
وطبعت حنه فرح بجفوفي ع الحيطان
واندهت ندهة فرح هلهولة ياجيران
يادرب سبة وكت ماگطعتك رجله
بهيدة ويه مشي الولف لا تحسد الكذله
ياباب لو داعبج بسكوت اندهيني
مالي گلب ع الفرح لو شافته عيني
مر العمر والوصل مامر على سنيني
محبوبي باجر يجي لديرتنه جيه العيد
يادمع رد للجفن وياجرح گلبي هيد
وفزيت من وحشتي
وبشرت كل ديرتي
وطبعت حنه فرح بجفوفي ع الحيطان
واندهت ندهة فرح هلهولة ياجيران
يكولون باجر تمر..

زامل سعيد فتاح

يهل وادم تره المطشر بروحي
صعب يلتم .

يخلك الله اشتهيت التم ..
ماي العين وشلته أريد انوب اوشل الدم

حسن وصفي |🍃

.
چان ابالي بيك اتحزم اعله الاأه
ماحسبالي ابد
لفراگك اتحـزم ..
من بستك بعينك هزني فال فـراگ
درت وجهـك ثـوانـي
وكلشي صار اظلم ...
،
،
،
عقيل العرد