'
كون الله عل كد كلبي واحضننه

واگله النار عشناها بعد نطلبكم الجنة

كون الله عل گد روحي واشمنه
واگله بفوح دم هابيل شعلينا
واگله نريد بس فيروز رجع كل نبي ودينا
خلقت النار بس للشوف تحرك ناس ما جنك

يرب وانت الحلم والعين
تعذبلك شوية طين
ماظنك

اذا رايد نموت نموت گلنه

ليش بكل فگد محبوب تكتلنه

ليش أوليدنا ميتم ما شاف التلوليله
ليش ابن الجنوب يموت والشاعر يغنيله
يشاعر لا تغنيله

يشاعر منته ما تدري بأمه وطيحة الشيلة
ولا تدري عل فگدة تذوب جبدة ذيج الكحيلة

ولا تدري الصديج المات يموت وياه كل جيله
انا اعرف الوطن ينراد
بس عيونهم اغلى
انا اعرف الشهيد يعيش
بس عريسهم احلى

يدين الما الك اي دين
شعلينه ونموت هواي
النهر ينباگ كون يثور
ذاك الگال حصتي الماي

كافي نموت ومكيفين

كافي انحني بالشبان قصايد تنقرأ بفلسين

كل طلقة رصاص تثور سببها الشاعر الجاهل...
.
.
موسى الحمام |•

،
الفقد أن ...
أن تُفكر بصمت
وتبكي بصمت
وتصرخ من أعماق قلبك..
تُنادي شخصاً أخبرك
انهُ سيعود ذاتَ لحظةٍ
وضاع العمر ولم يعد !

#فهد_العودة

أبراهيم هذا الوطن

والنار صارت برد


ل سمير صبيح |•

يحيا الموت ..
لإن ليل اليمر كابوس
بي كلشي الأشوفه مغلف بتابوت
زفه تمر ، اشوف الزفه بالتابوت
عيد يمر ، اشوف العيد بالتابوت
الگمر والگاع والنجمات
تمر بعيني كلها مغلفه بتابوت ..

الشاعر لطيف العامري |•

،

( عرب جيفه العرب يا ذلة التاريخ )

#الشهيد_رحيم_المالكي

نعم قالها منذ سنوات ، ولحد الآن العرب موقفهم مخزي ومخجل ..
اليوم كل دول العالم الغرب وغيرهم لهم وقفة أستنكار
من أجل شهداء العراق ..
أما حثالة التاريخ العرب لهذه اللحظه تحرض ع قتلنا
ونحن في الأمس مراجعنا الصامتة تدعو بمظاهره من أجل #البحرين ، واخرى وقفة من أجل #القدس ..!!

الآن العرب الحثالة #مزبلة التاريخ ما هو موقفهم ، ومتى يقفون عن قتل الشعب العراقي ..

السعودية_الصهيونية
قطرائيل العميلة
وغيرهم من العرب الأنجاس ، يا حكومة العراق وزراة الخارجية متى تحركون ساكنّ ..

لماذا دمائنا رخيصة ..؟

لا حول ولا قوة الآ بالله .

هنا الأنسانية

مساء الخير

اذا كان لابد من ان تشكروا احدا لتضامنه مع العراق فأشكروا الفوتوشوب


💔🌑

مشاركة من صديقة القناة

السلام عليكم وصلت اخبار بخصوص الانفجار الي صار بالكراده !! والانفجار مؤامرة مشتركه بيها الحكومه
الحكومة بايعة المجمع لداعش يعني متفقين اكو غرفة باحد العمارات الي قريبه عله المجمع من خلال هاي الغرفه جانو يرمون ع الماده وحاطين ماده (C4) بالمجمع هاي الماده بس يرمون عليها تنفجر وبخصوص السياره المفخخه مفخخيهه تفخيخ صوتي حتى يخوفون الناس وميخلوهم يطلعون من المجمع الناس خافت صارت هوسة ذولة العدهم الاسلحة كشفوهم اكثر من 200 شخص وهذوول الــ 200 شخص ممفقودين مخطوفين علمود ميعترفون عليهم وضلوا يرمون ع ماده C4 ونفجرت هاي الماده والمجمع احترك حرك
وهذة الي كال السبب محل العطور جذب والله هاي اشاعات من الحكومة حتى الشعب يصدك
الانتحاري ميسوي هيج ميحرك طابقين
افتهموا الحكومة باعتنه انطتنه بايد داعش وهاي السيارات المفخخه توخر الشبهه عن الماده سي فور
فهموا يا ناس اكو سسياره تحرك سايدين حرك ومجمع طابقين وعمارات
فهمو يا عالم السالفه من حكومتنه وداعش وحكومتنه باعت العراق العراق مبيوع


اتمنى من كل الي عندهم قنوات ينشروها حته تبين حكومتنه حسبي الله👌

مشاركة

أنفجار ..
أنذهل عزراييل بمرسال الأله ..
صفگ بيده .. نكث راسه .. عدل روحه
ودنت نفسه ينطي صگ أسمه الحياة
لطلفة مرسومة أعله حايط لوحة من دم الحسين
والله لو شفتو وجها أشگد حنين
دهشه مليانه عتاب ..
والرضيع البيد أمه أنترست المميه والرية دخان وحليب
وظل ملامح بسمة للعيد الجديد
وأمنية بخرخاشة وگماط الأنيق
وأمه بشفاف الكلتها النار
تنشغ أدخيل ولدچ فدوة يا أم البنين ..

من ألم نوفل الصافي

#

احبتي متابعيني ، عذراً عن توقفي لنشر الشعر ..

لكن الآن لا يوجد أهم من العراق وأخبارة .

( العيد مفصل لبغداد )

المدينة الميتة يحييها طفل يتمرجح بحلمه

السمه شما يبجي بيها الغيم تضحك من تفز نجمة

الحزن سلعة رخص تنباع اذا شح الفرح بالسوگ

العيد مفصل لبغداد قاط وبس عليها يلوگ

اذا ما نضحك عل الموت راح يكيف بدمنا

اذا ما نبتسم للخوف راح الخوف يعدمنا

صح كلنا انولدنه گبور

وخيرنا نذر منذور

لجن فرحة ولو يومين بلكي ايامنا تحبنا

بلكي الراح ينسانه وبلكي الجاي يفهمنه

بلكي الله يگل للنار اسكتي وللشمع حدج

حرگتي العابديني اسنين ولا اذيت ال يعبدج

الجزع ما رجع الميتين بلكي يفيدهم صبري

بلكي يفهم البارود بيته بعيد عن صدري

اذا سألوك عن لون الصور ذبلان

جاوب ذوله عشاگه

واذا نشدوك عن الصوت والتفجير

گلهم هذا دگ گلوب خفاگة

اذا مات النهر يرتاح بس الفاجعة براگه

الميت ما يشوف الموت احنه انشوفه بفراگه

الموت ما يعني الانكسار ، بغداد ياما انفجعت باهلها ورجعت ابتسمت من جديد ، احزن بس لا تيأس ، كل الأشياء لما توصل لذروتها ترجع لنقطة البداية والارهاب وصل لنهايته ، اذا انت مؤمن فأحبابك بمكان افضل حاليا واذا انت ملحد فاحبابك خلصوا من حياتنا الصعبة وارتاحوا ، اعرف ان التفاؤل بهيج وضع نوع من الهبل ، بس حتى ما نشعر الارهاب بلذة انتصاره علينا ، لذلك خاتمة الاحزان وعيدكم مبارك واحبكم جدا…

موسى الحمام

.
.

من شفت الحكومة تدوس دم الناس
والعمامة أعله حطتها
ردت أطلع
بس كضتني جنسيتي

ومن شفت الله
راضي الناس تتكتل بشهر الله
أعله گد نيتي گلت كلشي يرد لأصله
يمكن الله رايد طين
وهالحصّل
طين هواي رد لله

من شفت اليحب يموت
ومن شفت الشباب التسوه جنه تموت
خفت لاموت موت الله
گمت أكشخ بنية واحد معرس أذا طالع

كلشي ولا أموت وحيد
شحلاته الموت ويه الناس بالشارع .
.

#زيد_الهاجري |💠

،
أخي حسام ..

في كل صباح مثل هذا اليوم كنتَ في قربنا ..
لكن إرادة الله أن تسكن وادي السلام بدلاً من بيتنا

لم تشعر ب الغربة لأن الشباب في الأمس كلها بقربك..
أن الشوق لـ لقائك أحرق صدري ..
لماذا لم تأتي حتى في منامي ، بعد غد سأكون أنا ضيفك وبقربك .

#الرحمة_والنور_ل_امواتنا_وشهدائنا
#أخي_ربي_يرحمك
#فراقك_شي_لايوصف

١٢:٢٨ص
٦/٧/٢٠١٦

السلام عليكم ورحمه الله وبركاته..
بعيدا عن جميع الصراعات والحزن الي ديصير حاليا بعراقنه وبناسنه..
حبيت اتساعدوني بهذا العمل الصالح الي يفرح قلؤبهم الشهداء لمن نختم القران الهم وندعي ان يشافه كل مصاب وجريح..

أتمنى من كل شخص يهدي جزء من القران ع ارؤأح شهداء العراق والكرادة.. وهي بعمل #ختمه_قرانيه اتمنى الكل تشارك وهو جزء واحد تقرة نتفق انت الجزء الاول اني الجزء الثاني انتي الجزء الثالث #وهكذا ؟؟
هذا أقل شي نقدمه #كهديه_للشهداء_عيديه_الهم_راجين_الله_تعالى_يفرجها_علعراق_وشعبه💔..
المنشور قابل للنسخ والنشر

. اليحب يشارك بالختمه ويفرح قلب شهيد ومصاب يشاركنه واستقبل مشاركاتكم حتى نباشر بقراءه القران كل شخص يقره جزء واحد ويهدي للشهداء ويكتب تم ويا جزء اول مثلا تم .. جزء ثاني تم ويرسلها الي
#انتظركم
screaming_femal2