اني وي نيوتن اتشابه اكيد
وكل فرق ماصار بينه وبيني
اكتشف تفاحه طاحت واني لاااا
اكتشفتك من طحت من عيني
عطاء البديري
#راهبة التأمﻻت...🍀

حسرة العاجر جبيرة

من تشوف ابن


لشريجتهه يشب

هاشم الخزاعي

#توجع هاي
#راهبة التأمﻻت..🍀

طمّو النار ونسو جرح الرماد

يجي يوم تلجمة ريح وينتفض

بهاء الكاظمي
#راهبة التأمﻻت..🍀

_ما تعله بملك طبعك حلو يعليك

الي صاحب نزل من صعدت احواله

مثل عود الشلب ما يعله وشكد ماي

عكس جذع النخل يصعد بلوشاله

سمير صبيح
#راهبة التأمﻻت...🍀

صرت شجرة على درب اليحطبون
نهر متروس ماي وكلبة يابس
يلوموني بغيابك صرت ماشوف
بلا الشذرات مو تعمى المحابس ؟
احمد الذهبي


#راهبة التأمﻻت..🍀

انه شاعر حزن مختص بالهموم
ومن هاي الهموم محصل الصيت
اعجبك من اريد اتناول الموت
اخلي المفرده تنكط توابيت
#مدري لياكلف



#راهبة التأمﻻت..🍂

..
..
لايگ الاسود عليك
ولايگ الكلشي عليك
و شارع شگدة و شكبرة
ما تدوس الة علة گلبي
شلون بيك ؟

عبد الحسين الحلفي

#مشاركة😐

وما اتعبك

مـا  اتعبك

 هــذا طــارش شـوگـــي اجــاك


لملم الشوف اعله طولك


خاف عيني اتعاشر ابنادم وراك

الشاعر

الراحل كاظم الركابي

#مشاركة😐

.
.
.
اگطعني واخذني وياك
ضبة ياس..
مرتچيه اعله شفة كاس
شمني امحالل وموهوب
واشمرني اعله چفة ماي
خل الروچ ياخذني ...
زحمه الياس من ينداس ..
خليني لصباحك بيگ كسر اخمار
اشربني بمزاجك حتى ادگ بالراس..
.
.
.
#مرتضى_الزيدي

#مشاركة

الشاعر رائد الفريجي ،، حبيت غيرك 2016

#طلب_خاص_من_صديقة_القناة

چـنت اظنك
چـنت اظنك...
توگـــــــــف ابوجه الوكت ....
واتنشف الدمعه ابجفها
وا چـنت اظنك ...
بالمحبه الفاجده ,اوحنت لابنهه
ثاري ...
ســــــچـينه خواصر !
گـــطع الدال ,سنه
جاسي واجراحك ينزن ...
لو ردت ...
تنشدني عنهه
مادريت !..
المايهزها الريح ...
تالي يخف وزنها ..!
او مادريت ..!
اگـــلوب ...
بشطوط العشك
تركس لذنهه
حايــــــــــــــــــــــر ...
اعيونك الحلوة...
اعله اليود ...
صدهه اشلهلنهه
وانه ...
كل وني .. اوعذابي
لوعة بچـــلاي منهه
واعدت .. واتاملتهه ...
اوردت ...
اوخانت عهدهه
رگـطه ...
نفضت غيضهه
او طبت حفر ...
وامنت سدهه ...؟
ااااخ ...
يانسمة شبابي ...
الغربت ...
ياهو اليردهه ..؟
اوسمت اجروحي الچـثيره ...
او حاير...
ابيا صورة اشدها ...
عاد.يالچـتف روحي ...
ابسلسله جسرات ...
هدهه
لا تذوبهه ابلهيب اجفاك
من كونك تودهه
اوكافي ...
منبت ضيم صارت ...
عاد ...
خل تنجه بجردهه
عفيه روحي ...!
اشلون ؟...
طول اجفاك . ما فـگـدت رشدهه ؟..
وكحه ..
والوكحه طويلة بال ...
تتحمل وجدهه ...
ااااااااخ ...
ياروحي البعد هينوب . مايعدل غصنهه
ورطتني ...
ابزيد واعبيد ...
اومثل فص ملح . بالماي ظنهه
طاحت اباخر ردك ...
وتبرت الخلان ...
منــــــــهه ..
هاي روحي ...
الماتمل منهم ...
وبعد باتعس عسنه
***************

#لعريانها
#راهبة التأمﻻت..🍀

غيرتني غيار عود العنه مجرى الماي ينشف
وانه الك لهفه غريج على الهوى المضنوك والهف
وانته تدري بروحي خامه بوسلين واخف واترف
حملتها لخاطرك وانوب ما بيها تكلف
حملتها شوك وصبر خف الصبر والشوك ما خف
لا نفع بيها العدل ولا فادت الجف وياك عل الجف
لا نست ليل الجفه ولا يوم عل الونه تحسف
وابتعد عنك واكول خلصت لن الشرك ملتف
مختر ودربك وعر يا ريت عن الجدم يزلف
يلحنين استاهلك شوكك ولا المصيوب ما عف
غمك نياب الجفه وزاد الجروح جروح واردف
وانت الك عيون المها وكحل بدويه بغير مرود
يلتخليني احترك وانتشل شامه حسن عل الخد
يا معود.تردس بكلبي ردس واحتمل وانته العيب ترتد
واشتكيلك حالتي وتضحك بطر وتزيدني ازود
كافي من نار البعد وليالي الفركه المالهن حد
وانته لا طبعك شري ولا تكرة ولا كلبك اسود
اريحي وكلك وفه وضحكات عمر المضت تشهد
يل بعد عيناك اضل مثل اليتيم الماله احد
يل يحن لحنتي وروحي عل روحه بشوك نتشد


#لعريان
#راهبة التأمﻻت..🌿

همت من غير راحة بال بس طرواك تبرالي
على جروحي الجروح تنوح حالي يشد عزم حالي
واهيمن ناحر وية الريح
ياريح الجفة شعالي
لمن جل الجدم هينوب منك ماشفت تالي
واضل حاير ولا بالناس
للسر ضل كلب خالي
ولادانك عذابك يوم
عاصف يردم بجالي
ولاترخص شجاهه الروح عدهه شما تذل غالي
اسل سل الشمع واتناك
وانته على اليسل سالي

#عريان
#راهبة التأمﻻت..🍂

.
.
افهمني...
هذاك انه البعدني بروحي ماذليت
من يبرد الليل ينعس الولايه
كوخ وما امل من ريحة الدخان
المضيف الحار چي گعادته حچايه
عشت مختلف صح بس گلبي واحد جان
اختلف ممشه النهر بس واحد بمايه
الشاهدني عشت وجهين عندي اسباب
واقل اسبابي عايش مثل المرايه
.
ل محمد الگريطي

#الخال

منهو أنت 00 منهو انت
اوجا الغريب اعرضت عني اوضيعت كليبي ورجفته
انه من جافاه خله او مانصح وياه وكته
انه زين وشين لاجلك غلست عنه او حملته
كورت حسرات حبيي اوشوكي بين اجلاي جبته
اوجيتك ابتله دليل المايعن واشكثر لمته


#عريان
#راهبة التأمﻻت..🌿

.
.
گالت... وصار من گالت اسنين
وجهك المملي حنين
احلى لوحه
وانتظرتج ترسمين ..
وهذاك يوم وهذا يوم ..
لا اني ابيض لا اني اخضر لا اني احمر
وسألتها شلون ؟
تعذرتلي ما لگيت بلون وجهك اي لون
ل الراحل كاظم الركابي .
.
#الخال

ياغريب اذكر هلك
ياغريب
يا غريب اذكر اهلك - والكَالها
.. ابحجية اتلكّت
هيّج اجروح الكَلب .. والعين ..
كت مهضوم .. كتت
ذكروّها .. واعادة اليذكر يحن ..
والروح .. لاهل الروح حنّت
ونتّ .. اوماظن مثل ونها .. الصخر
.. خنساه ونّت
صبّرتها .. اوكابرت عالظيم .. والكابر
.. يظل بسكوت .. ينهت
طاحت ، اوفوك الفشل .. بمصابها
الشامت .. تشمت
شلون ذلت .... ؟
اخ ياروحي .. الكّبل جانت عزيزة
شلون ذلت .. ؟.
ملت امن اونينها .. او عذّالها
امن اللوم ملّت
واصبحت .. مثل الرشة المتروك
من يشله .. جليبة
اوحنت .. اوعاداة المحبين ..
لو حن المحب .. يطلب حبيبه يالتريدين
الولف .. ولف الجفاج .. امنين اجيبه
كافي غيبه .. كافي .. جلمات العتب
عالناس .. ياروحي الغريبة
يالمثل دلّه استوت بوجاغ ما يخمد لهيبه ..
يالتظنين .. ابعظم بلواج .. ما صارت مصيبه
هذا سهمج .. والسهم لوعات
والخانه الوكت يرضه بنصيبه
او هذا طبع الناس .. بيهم بلاوفه
اوبيهم وفي .. اتجيبه الحليبه
وانتي لا جف الينشف العين .. لا دار
الولف .. يمج جريبه
يالحسرتج . حسرة المجبود .. وادموعج
تبدّت
يالعلى اجروحج .. اعز الناس ..
من شافت ، تشمت
يالتظنين الشمل .. يلتم ..
شمل عزّج .. تشتت
شمل عزّج .. تشتت
شمل عزّج .. تشتت

#لعريان
#راهبة التأمﻻت..🌿